Punu: Mbembu Nzambi o Ipunu (New Testament+)

©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Mbembu Nzambi o Ipunu

<div class="version vid3939 iso6393puu" data-vid="3939" data-iso6393="puu">
 <div class="book bkLUK">
 <div class="chapter ch7" data-usfm="LUK.7">
 <div class="label">7</div><div class="s1">Djesu ebelusi musalitsi wu yivunde yi baghore</div><div class="r"> Mat 8.5-13</div><div class="p"> 1Ave Djesu amamani wuvosile motsu mane ombu mughungi, akekote o musyengi Kapernawume. 2Vane, vamabe yivunde yi baghore ayimabe na musatsi andi awu amarondaange pwele. Amabe na ubele wuneni beli nofu. 3Anowulu beranguni Djesu, yivunde yeni akesindighe mwa dikabu di bivunde bi baSwife uy&#233;mulende mu uyibeluse musatsi andi. 4BaSwife beni banotole ombu Djesu, bakemutatile yiri: &#171;Diwelimine wukemuvayile adi djandi evondi. 5Ngenze erondi mukute etu, mumbari djandi amarunge ndaghu etu dusambu.&#187; 6Djesu amawende na batu beni. Banobe bebeli na ndaghu, yivunde yeni akesindighe bambatsi bandi mu uy&#233;mutsingule rye: &#171;Fumu, wuyaketsoyise mu utole, mumbari nga nyiwelimine yiri wukekote o ndaghu ami. 7Ladibandu, ngaruyile mebeni ombu waghu. Tumbe tubule yike yighume yimosi na musatsi ami obelughe. 8Mewandi, nyidji otsi durumu du bivunde byami, na mewandi nyirumi baghore abendedili. Payi nyurume wumosi: &#8220;Wende!&#8221; Akewende. Payi nyunengile wune: &#8220;Rughe!&#8221; Akerughe. Payi nyurume musatsi ami, yiri &#8220;Vaghe yeyi!&#8221; Akeyivaghe.&#187;</div><div class="p"> 9Ave Djesu amawululu ame yivunde yi baghore amavose, akemusingisile, akeghelughe ombu yinombu ayimayenemudukaange. Akevose rye: &#171;Nyidutsinguli: ne o bulongu bu Yisrayele, nyikalabaange yitu yineni nane.&#187; 10Bambatsi ba yivunde yeni, ave bamaghabuyile ombu wandi, bakerasune musatsi eni amabelughe.</div><div class="s1">Djesu erambusi mwane dibaale o musyengi wu Nayine</div><div class="r"> Luk 8.49-56; San 11.11-12</div><div class="p"> 11Yilumbu ayimaduke, Djesu akewende o musyengi wu Nayine. Badukitsi bandi na yinombu yineni bakenewendaange nandi. 12Banotole va dikotulu di musyengi eni, bakebengunu na batu bamawendaange oyetswighe mvumbi, mwane divingu wu mukwili. Yinombu yineni yi musyengi eni yimabe nandi. 13Fumu, anolabe mukwili eni, akebase na yingebe novose rye: &#171;Wuyalile.&#187; 14Anobambene, akebembe yighare. Abamabe bayitsyete, bakesikeme. Akevose: &#171;Mwane dibaale nyiwurumi, releme!&#187; 15Mwane awumabe wufu, akereleme, aketsane nobande uvose. Djesu akemughabusile ngudji andi. 16Botsu bamaghangu na keri. Bakeyitsaange Nzambi novose rye: &#171;Ka mune mubiyitsi wuneni wukuvu va ghari etu! Nzambi amayilingule mukute andi.&#187; 17Didume di Djesu dikenyave mu Sud&#233; djotsu kwange na mu mighule.</div><div class="s1">Badukitsi abe San-Batise amasindighe</div><div class="r"> Mat 11.2-11</div><div class="p"> 18San-Batise anowulu motsu ame badukitsi bandi bamavose, akenengile babedji va ghari owu. 19Akebasindighe ombu Fumu mu yemuwivule rye: &#171;Ndedju la Yisolu yi Nzambi etutindili vo tukelise mususu?&#187; 20Na betoli ombu Djesu, bakevose: &#171;San-Batise atsitutinde ombu awu mu uwivule rye: &#8220;Ndedju awu Nzambi etutindili vo tukelise mutu ususu?&#8221;&#187; 21Banotole, bakerasune Djesu ebelusi pwele bibedu, bibomfi na abamabe na binyuni bibi na utyemuse bidunge. 22Akebawaghule bwena, wendanu, y&#233;tsingulanu San amedumalabe, amedumawulu: &#171;Bidunge bimalabe, bitsyoku bimasungeme mwendu, bango ny&#225;mbi bamalyomusu, abamabe madibe bamawulu, abamabe bafu bamarambughe na musamu wuboti wumasamunu ombu bidjaghe. 23Ubwedji ombu djandi awu aghotsyemuse yitu yandi na aghodile tonu djuberuyile dibandu menu.&#187;</div><div class="s1">Djesu evayi bumbedji mu San</div><div class="p"> 24Abamatindu na San banoghabughe, Djesu akevose na yinombu ayimabe vane mu dyambu di San rye: &#171;Yi dumelabe o dukange? Dundubi dwipupusu na mupunge? 25Yi dumayelabe? Mutu adware bikutu bi bandumbe? Nesi! Mumbari batu abedwari bikutu bi bandumbe na abavu na maboti mapwele, djowu betsani mu mandaghu ma bakaghe. 26Yike yi, dumayelabe? Mubiyitsi? Nine nyidutsinguli avyoghulile ne mubiyitsi! 27Dingenze, Bisonu bi Nzambi bivosi mu dyambu di San rye:</div><div class="q1">&#8220;Lanu, nyutinde yilumbi yami va wusu aghu,</div><div class="q1">mu uwutsonziyile nzile#Mal 3.1.&#8221;&#187;</div><div class="p"> 28Mbana Djesu akemw&#233;bwele ubatsingule: &#171;Bw&#233; dingenze nyidutsinguli, vasekaburu mutu awuvyoghulile San. Tumbe, awu agheyi mu Bukaghe bu Nzambi, amuvyoghe buneni. 29Batu botsu, ne babolitsi ba lepu abamamuwulu, bamasingisile Nzambi yiri asungeme na Fumu erondi ubaghobule na bakesinge ubatusu na San. 30Tumbe baFarisi na milonzi mi mighaghe bakebuse durondu du Nzambi mu djowu na bakebuse ubatusu na San.&#187;</div><div class="p"> 31Djesu akebw&#233;vose: &#171;Na anyi nyurungule ubaghusunu batu ba temu adjidji? Nane yi bavu? 32Ba baghunu na baane abaghukume va mulebi, betsingusini rye: &#8220;Tumadusiyile milombu, dusamayine. Tumaduwimbilile nimbu tsi manyoni, dusamalile.&#8221; 33Ave San-Batise amaruyile, asamadjangaange bighudji nonu malamu, dumavose rye: &#8220;Ane Yinyuni yibive.&#8221; 34Mwane Mutu amarughe, edji nenu na dwivosi yiri Kamune mulitsi na munwitsi wu, djandi mbatsi babolitsi ba lepu na bavayitsi ba mabi. 35Tumbe botsu abegharu dyele di Nzambi, besingi yiri djandi evayi diboti.&#187;</div><div class="s1">Mughetu wu mabi etandu</div><div class="r"> Mat 26.6-13; Mrk 14.3-9; San 12.1-8</div><div class="p"> 36Mufarisi wumosi amalende Djesu mu uy&#233;dji nandi. Djesu amakote o ndaghu andi na amavyoghe va metse. 37Vane, vakerughe mughetu yimbembu. Anodjabe yiri Djesu amayedji o ndaghu muFarisi, akebarasune na muyombu wubase mu yirure yi dighe. 38Mughetu eni anokote, akereleme o nzime Djesu nolile. Anobotse matambi mandi na matsange, akematsindulaange na nange tsyandi. Akemafife nowitile muyombu. 39Mufarisi eni awu amamunengile, anolabe nane, akengungurunaange o murime: &#171;Mbeyi dibaale dyeni didi adji mubiyitsi awungenze, mb&#233; atsidjabe munongu mughetu awutsimubembe nane avu.&#187; 40Djesu akenangule dyufi nomunengile: &#171;Simu, nyine mwa dyambu dyughutsingule.&#187; Simu kamuwaghule rye: &#171;Mulonzi, vose.&#187; 41Na Djesu akevose rye: &#171;Babaale babedji bamanwanaange mutu mbongu. Wumosi amanwanaange kame-yiranu tsi badoli, awune maghumi-maranu (50)#7.41 Wumosi amanwanaange kame-yiranu tsi badoli, awune maghumi-maranu: Mu temu eni djine, awuteghe amadile fute dji maghumi mabedji ma miweli. Awu mubedji, fute dji miweli mibedji. . 42Anolabe bw&#233; baghorungule wumuvanine, akebasile mughanu wotsu na akebatande. Anyi omuronde pwele mu mubedji ewune?&#187; 43Simu akewaghule rye: &#171;Nyitasi, djandi awu amabe na mughanu wuneni amatandu.&#187; Djesu akemutsingule rye: &#171;Wune ndunge.&#187;</div><div class="p"> 44Djesu anoghelughe ombu mughetu, akevose na Simu rye: &#171;Wilabi mughetu ewuwu? Ave nyitsikotile o ndaghu aghu, wughapeghe mambe mosuse matambi. Tumbe djandi, amamabotse na matsange mandi, mbanane, amamatsindule na nange tsyandi. 45Ndedju wughambumbe. Tumbe djandi nyikotilaange, aghedundi ufife matambi mami. 46Ndedju wughakwitile matsi va djulu muru ami. Tumbe djandi atsikobise nowitile muyombu mu matambi mami. 47Ladibandu, nyighutsinguli bwena ne mabi mandi motsu mamamutandu, mumbari yirondu yandi yineni. Tumbe awubetandi mwa pesu, yirondu yandi yidji pesu.&#187;</div><div class="p"> 48Mbanane Djesu amavose na mughetu eni: &#171;Mabi maghu mamatandu.&#187; 49Abamadjangaange va mosi nandi, bamavosaange va ghari owu: &#171;Awuwu ni oyitandi ne mabi?&#187; 50Tumbe Djesu akevose na mughetu: &#171;Yitu yaghu yimaghughobule, wendange mu duvotsu.&#187;</div>
 </div>
 </div>
</div>

Ave Djesu amamani wuvosile motsu mane ombu mughungi, akekote o musyengi Kapernawume. Vane, vamabe yivunde yi baghore ayimabe na musatsi andi awu amarondaange pwele. Amabe na ubele wuneni beli nofu. Anowulu beranguni Djesu, yivunde yeni akesindighe mwa dikabu di bivunde bi baSwife uyémulende mu uyibeluse musatsi andi. BaSwife beni banotole ombu Djesu, bakemutatile yiri: «Diwelimine wukemuvayile adi djandi evondi. Ngenze erondi mukute etu, mumbari djandi amarunge ndaghu etu dusambu.» Djesu amawende na batu beni. Banobe bebeli na ndaghu, yivunde yeni akesindighe bambatsi bandi mu uyémutsingule rye: «Fumu, wuyaketsoyise mu utole, mumbari nga nyiwelimine yiri wukekote o ndaghu ami. Ladibandu, ngaruyile mebeni ombu waghu. Tumbe tubule yike yighume yimosi na musatsi ami obelughe. Mewandi, nyidji otsi durumu du bivunde byami, na mewandi nyirumi baghore abendedili. Payi nyurume wumosi: “Wende!” Akewende. Payi nyunengile wune: “Rughe!” Akerughe. Payi nyurume musatsi ami, yiri “Vaghe yeyi!” Akeyivaghe.»
Ave Djesu amawululu ame yivunde yi baghore amavose, akemusingisile, akeghelughe ombu yinombu ayimayenemudukaange. Akevose rye: «Nyidutsinguli: ne o bulongu bu Yisrayele, nyikalabaange yitu yineni nane.» Bambatsi ba yivunde yeni, ave bamaghabuyile ombu wandi, bakerasune musatsi eni amabelughe.


Yilumbu ayimaduke, Djesu akewende o musyengi wu Nayine. Badukitsi bandi na yinombu yineni bakenewendaange nandi. Banotole va dikotulu di musyengi eni, bakebengunu na batu bamawendaange oyetswighe mvumbi, mwane divingu wu mukwili. Yinombu yineni yi musyengi eni yimabe nandi. Fumu, anolabe mukwili eni, akebase na yingebe novose rye: «Wuyalile.» Anobambene, akebembe yighare. Abamabe bayitsyete, bakesikeme. Akevose: «Mwane dibaale nyiwurumi, releme!» Mwane awumabe wufu, akereleme, aketsane nobande uvose. Djesu akemughabusile ngudji andi. Botsu bamaghangu na keri. Bakeyitsaange Nzambi novose rye: «Ka mune mubiyitsi wuneni wukuvu va ghari etu! Nzambi amayilingule mukute andi.» Didume di Djesu dikenyave mu Sudé djotsu kwange na mu mighule.


San-Batise anowulu motsu ame badukitsi bandi bamavose, akenengile babedji va ghari owu. Akebasindighe ombu Fumu mu yemuwivule rye: «Ndedju la Yisolu yi Nzambi etutindili vo tukelise mususu?» Na betoli ombu Djesu, bakevose: «San-Batise atsitutinde ombu awu mu uwivule rye: “Ndedju awu Nzambi etutindili vo tukelise mutu ususu?”» Banotole, bakerasune Djesu ebelusi pwele bibedu, bibomfi na abamabe na binyuni bibi na utyemuse bidunge. Akebawaghule bwena, wendanu, yétsingulanu San amedumalabe, amedumawulu: «Bidunge bimalabe, bitsyoku bimasungeme mwendu, bango nyámbi bamalyomusu, abamabe madibe bamawulu, abamabe bafu bamarambughe na musamu wuboti wumasamunu ombu bidjaghe. Ubwedji ombu djandi awu aghotsyemuse yitu yandi na aghodile tonu djuberuyile dibandu menu.»

Abamatindu na San banoghabughe, Djesu akevose na yinombu ayimabe vane mu dyambu di San rye: «Yi dumelabe o dukange? Dundubi dwipupusu na mupunge? Yi dumayelabe? Mutu adware bikutu bi bandumbe? Nesi! Mumbari batu abedwari bikutu bi bandumbe na abavu na maboti mapwele, djowu betsani mu mandaghu ma bakaghe. Yike yi, dumayelabe? Mubiyitsi? Nine nyidutsinguli avyoghulile ne mubiyitsi! Dingenze, Bisonu bi Nzambi bivosi mu dyambu di San rye:
“Lanu, nyutinde yilumbi yami va wusu aghu,
mu uwutsonziyile nzile.”»
Mbana Djesu akemwébwele ubatsingule: «Bwé dingenze nyidutsinguli, vasekaburu mutu awuvyoghulile San. Tumbe, awu agheyi mu Bukaghe bu Nzambi, amuvyoghe buneni. Batu botsu, ne babolitsi ba lepu abamamuwulu, bamasingisile Nzambi yiri asungeme na Fumu erondi ubaghobule na bakesinge ubatusu na San. Tumbe baFarisi na milonzi mi mighaghe bakebuse durondu du Nzambi mu djowu na bakebuse ubatusu na San.»
Djesu akebwévose: «Na anyi nyurungule ubaghusunu batu ba temu adjidji? Nane yi bavu? Ba baghunu na baane abaghukume va mulebi, betsingusini rye: “Tumadusiyile milombu, dusamayine. Tumaduwimbilile nimbu tsi manyoni, dusamalile.” Ave San-Batise amaruyile, asamadjangaange bighudji nonu malamu, dumavose rye: “Ane Yinyuni yibive.” Mwane Mutu amarughe, edji nenu na dwivosi yiri Kamune mulitsi na munwitsi wu, djandi mbatsi babolitsi ba lepu na bavayitsi ba mabi. Tumbe botsu abegharu dyele di Nzambi, besingi yiri djandi evayi diboti.»


Mufarisi wumosi amalende Djesu mu uyédji nandi. Djesu amakote o ndaghu andi na amavyoghe va metse. Vane, vakerughe mughetu yimbembu. Anodjabe yiri Djesu amayedji o ndaghu muFarisi, akebarasune na muyombu wubase mu yirure yi dighe. Mughetu eni anokote, akereleme o nzime Djesu nolile. Anobotse matambi mandi na matsange, akematsindulaange na nange tsyandi. Akemafife nowitile muyombu. Mufarisi eni awu amamunengile, anolabe nane, akengungurunaange o murime: «Mbeyi dibaale dyeni didi adji mubiyitsi awungenze, mbé atsidjabe munongu mughetu awutsimubembe nane avu.» Djesu akenangule dyufi nomunengile: «Simu, nyine mwa dyambu dyughutsingule.» Simu kamuwaghule rye: «Mulonzi, vose.» Na Djesu akevose rye: «Babaale babedji bamanwanaange mutu mbongu. Wumosi amanwanaange kame-yiranu tsi badoli, awune maghumi-maranu (50). Anolabe bwé baghorungule wumuvanine, akebasile mughanu wotsu na akebatande. Anyi omuronde pwele mu mubedji ewune?» Simu akewaghule rye: «Nyitasi, djandi awu amabe na mughanu wuneni amatandu.» Djesu akemutsingule rye: «Wune ndunge.»
Djesu anoghelughe ombu mughetu, akevose na Simu rye: «Wilabi mughetu ewuwu? Ave nyitsikotile o ndaghu aghu, wughapeghe mambe mosuse matambi. Tumbe djandi, amamabotse na matsange mandi, mbanane, amamatsindule na nange tsyandi. Ndedju wughambumbe. Tumbe djandi nyikotilaange, aghedundi ufife matambi mami. Ndedju wughakwitile matsi va djulu muru ami. Tumbe djandi atsikobise nowitile muyombu mu matambi mami. Ladibandu, nyighutsinguli bwena ne mabi mandi motsu mamamutandu, mumbari yirondu yandi yineni. Tumbe awubetandi mwa pesu, yirondu yandi yidji pesu.»
Mbanane Djesu amavose na mughetu eni: «Mabi maghu mamatandu.» Abamadjangaange va mosi nandi, bamavosaange va ghari owu: «Awuwu ni oyitandi ne mabi?» Tumbe Djesu akevose na mughetu: «Yitu yaghu yimaghughobule, wendange mu duvotsu.»

सुनें - Luke 7