<div class="version vid4632 iso6393sbm" data-vid="4632" data-iso6393="sbm">
   <div class="book bkMAT">
      <div class="chapter chINTRO1" data-usfm="MAT.INTRO1">
         <div class="imt"><span class="content">Wulongolo</span></div><div class="iot"><span class="content">Ndongwa tsotsili mu chitabu chino</span></div><div class="ip"><span class="content">Ndongwa nofu kota hila fyo tsandikwe na Matayo, cho chitabu chimwe mu fitabu fitayi fya lilagano lya sambi fyo fin'dadambula ndongwa tsa wumi wa Yesu Chilisito. Chila chimwe chinchemwa, Chitabu Ndongwa Nofu. Chinya kutijila Ndongwa Nofu tsa Mulungu. Fitabu fino fya Matayo na Maliko na Lukasi hamwe na Yohana fyandikwe hala Yesu hoavaga mwanga afweye. Vanu vasomi sivantsela chitabu chino cho chandikwe na Matayo kuta chandikwe hanili. Lechelelo yikuva nachene kuta chandikwe mwaka gwa 60 kuhuma kuleleka kwa Yesu Chilisito. Chinu chinji cho sivan'tsela sivahatsele hono hala ho akandichilye, lechelelo vanu vanji vantijila kuta akandichilye ku inyi ya Palesitina na awu ku muji gwa Yelusalemu. Mwandisi va chitabu chino yo Matayo, yo avaga mukongotsa kodi hala ho avaga ang'acha kuva mudahitswa va Yesu. Litawa linji lya Matayo achemwaga Lavi. Matayo avaga yumwe va vala vatumi kumi na vavili va Yesu, ndongwa tsa chitabu chino avandichilye vasomi va Chiyawudi. Lulongwa luno lunlajila kuta muna ndongwa 60 na kulutila tsotsihumye mu Mandiko ga Lilagano lya Katali. Matayo aganaga kulajila kuta Yesu yo Masiya na Mukulusi yo ahagulwe na Mulungu, na kuta valoli va Mulungu vavaga valontsile ndongwa tsake. Kaha Matayo andiche ndongwa ntsolofu tsa Wuntsajila wa Mulungu. Vayawudi vihuvilaga kuta Masiya ave muntsajila va wutavala wa mu inyi. Lechelelo Matayo eletselaga ndongwa itso tebe na hila fyo vahotsaga, kwa kuweletsela Wuntsajila wa chi Muhe wa Mulungu.</span></div><div class="ip"><span class="content">Ndongwa Nofu kota hila fyo tsandikwe na Matayo, cho chitabu cho chimfwaya chive chilongola mu fitabu fya lilagano lya sambi, kwasawuli china ndongwa ntsolofu tsotsili mu fitabu fya lilagano lya katali. Ichino cho chitabu cho chinkong'asa malagano gavili. Vanu wo vasomile vanlonga kuta nambe Matayo avaga an'jela kwiga kwandika kota fyo yandikwe mu fila fitabu fihanu fya Musa, fyo filongola mu lilagano lya katali. Mbikulo tsa Yesu hala hoavaga ku chidunda, mu Matayo wuwoneko wa 5-7 wihwana na hila Mulungu fyo amupelye Musa malajitso mu chitabu cha Lilagano lya Katali.</span></div><div class="iot"><span class="content">Ndongwa mu chitabu chino</span></div><div class="io"><span class="content">1. Matayo ankwantsa mu chitabu chino kwa kutsidadambula ndongwa tsa kuleleka kwa Yesu Chilisito na hila fyo antsitse kukola katsi. Mu Matayo wuwoneko wa 1-4.</span></div><div class="io"><span class="content">2. Kaha an'dadambula ndongwa tso adisile Yesu na madahitso gake molofu. Mu Matayo wuwoneko wa 5-25.</span></div><div class="io"><span class="content">3. Hono ha wudugo wa Ndongwa Nofu kota hila fyo tsandikwe na Matayo hanlajila lulongwa lukomi ndalahela lwa kufwa na kutsilipuka kwa Yesu. Mu Matayo wuwoneko wa 26-28.</span></div>
      </div>
   </div>
</div>

Wulongolo
Ndongwa tsotsili mu chitabu chino
Ndongwa nofu kota hila fyo tsandikwe na Matayo, cho chitabu chimwe mu fitabu fitayi fya lilagano lya sambi fyo fin'dadambula ndongwa tsa wumi wa Yesu Chilisito. Chila chimwe chinchemwa, Chitabu Ndongwa Nofu. Chinya kutijila Ndongwa Nofu tsa Mulungu. Fitabu fino fya Matayo na Maliko na Lukasi hamwe na Yohana fyandikwe hala Yesu hoavaga mwanga afweye. Vanu vasomi sivantsela chitabu chino cho chandikwe na Matayo kuta chandikwe hanili. Lechelelo yikuva nachene kuta chandikwe mwaka gwa 60 kuhuma kuleleka kwa Yesu Chilisito. Chinu chinji cho sivan'tsela sivahatsele hono hala ho akandichilye, lechelelo vanu vanji vantijila kuta akandichilye ku inyi ya Palesitina na awu ku muji gwa Yelusalemu. Mwandisi va chitabu chino yo Matayo, yo avaga mukongotsa kodi hala ho avaga ang'acha kuva mudahitswa va Yesu. Litawa linji lya Matayo achemwaga Lavi. Matayo avaga yumwe va vala vatumi kumi na vavili va Yesu, ndongwa tsa chitabu chino avandichilye vasomi va Chiyawudi. Lulongwa luno lunlajila kuta muna ndongwa 60 na kulutila tsotsihumye mu Mandiko ga Lilagano lya Katali. Matayo aganaga kulajila kuta Yesu yo Masiya na Mukulusi yo ahagulwe na Mulungu, na kuta valoli va Mulungu vavaga valontsile ndongwa tsake. Kaha Matayo andiche ndongwa ntsolofu tsa Wuntsajila wa Mulungu. Vayawudi vihuvilaga kuta Masiya ave muntsajila va wutavala wa mu inyi. Lechelelo Matayo eletselaga ndongwa itso tebe na hila fyo vahotsaga, kwa kuweletsela Wuntsajila wa chi Muhe wa Mulungu.
Ndongwa Nofu kota hila fyo tsandikwe na Matayo, cho chitabu cho chimfwaya chive chilongola mu fitabu fya lilagano lya sambi, kwasawuli china ndongwa ntsolofu tsotsili mu fitabu fya lilagano lya katali. Ichino cho chitabu cho chinkong'asa malagano gavili. Vanu wo vasomile vanlonga kuta nambe Matayo avaga an'jela kwiga kwandika kota fyo yandikwe mu fila fitabu fihanu fya Musa, fyo filongola mu lilagano lya katali. Mbikulo tsa Yesu hala hoavaga ku chidunda, mu Matayo wuwoneko wa 5-7 wihwana na hila Mulungu fyo amupelye Musa malajitso mu chitabu cha Lilagano lya Katali.
Ndongwa mu chitabu chino
1. Matayo ankwantsa mu chitabu chino kwa kutsidadambula ndongwa tsa kuleleka kwa Yesu Chilisito na hila fyo antsitse kukola katsi. Mu Matayo wuwoneko wa 1-4.
2. Kaha an'dadambula ndongwa tso adisile Yesu na madahitso gake molofu. Mu Matayo wuwoneko wa 5-25.
3. Hono ha wudugo wa Ndongwa Nofu kota hila fyo tsandikwe na Matayo hanlajila lulongwa lukomi ndalahela lwa kufwa na kutsilipuka kwa Yesu. Mu Matayo wuwoneko wa 26-28.

सुनें - Matayo Wulongolo