Pele-Ata

<div class="version vid969 iso6393ata" data-vid="969" data-iso6393="ata">
 <div class="book bkLUK">
 <div class="chapter ch10" data-usfm="LUK.10">
 <div class="label">10</div><div class="s">Iesu Mupalusi'a ta Mitemau 72</div><div class="p"> 1 # Mak 6:7 Tila muvikalane'i aloxo ne mukalu, xe ili'i la Anu musosovosi'a ta mitemau itemaxu tatalu mo mavulovexa vile mo tamei (72) la sou mupalusi'a tametamei sou lexe iulaxunu ilai no tuatuala ane lexe ili'i la Iesu ulai no anu. 2#Mat 9:37-38; Ioa 4:35La Anu muvikalane'i aloxo 'o, &#8220;Xai ne lingamo mukalu, ia ta mitema sou iluvunu xai temanu ne, tavu'alo uasi. La sou ngalinga ulai noxou Tila e moosou xai ne, sou upalusi'a ta mitema sou ine'e iluvunu xaixu ne temanu. 3#Mat 10:16Ngalai! Eni apalusinge loxo ta sipsip ta 'ili'a e xavine'i uasi, ilai noxi'a ta a'aa ta vova e xavine'i musuku ne. 4#Mat 10:7-14; Mak 6:8-11; Luk 9:3-5Ngalai, la ngano'u tiva sou lamoli mo lakela xe ngataa siovesou tava'inge mamu. Mo ngaxalisi'a ta mitema no vote'i, la ngasexelaxa'a mamu.</div><div class="p"> 5Xe ngalai xe nga'unalai no tani vile, la ngavikalane'i ta moosou tani ne tei lexe, &#8216;Opoo se'isisi noxou Lataua uxolu noxinge.&#8217; 6Ia lexe itema vile sou opo se'isisi a uxolu no tani ne, la vaikala noxinge sou opo se'isisi ne ulu'e noxou. Ia lexe uasi, la anu ulivu une'e noxinge. 7#1Ko 9:6-14; 1Ti 5:18Xe nga'unalai no tani ne, la ngaxolu anesi mo nga'ani mo ngaie mimii ane ane'i iitingenge ne. Xo ta mitema sou xaixai ne, ane'i ino'u lakoli sou xaixai e ane'i i'oxonu ne. Ia mamu sou ngavaxa ngane'e no tatani.</div><div class="p"> 8 # 1Ko 10:27 Xe no mine ngingi ngalai nga'unalai no tuala vile xe ane'i ta mitema no tuala ane ne i'osa sou ino'inge, la nga'ou mii ma'ia ane ane'i ilosinge ne. 9Mo ngapamauline'i ane'i ane mipipiena no tuala ne mo ngavikalane'i lexe, &#8216;Saxisaxila'u noxou Lataua a muxali 'alai mukalu.&#8217; 10Ia lexe ngingi ngalai nga'unalai no tuala vile, io ta mitema no tuala ane ne i'osa sou ino'inge uasi, la nga'unalai ngatulu no vote'i, io ngavikala lexe, 11#Apo 13:51; 18:6&#8216;Lialia sou tualasinge e mutei sou tava'ixe loxo'u 'o 'a, tapaxelenu uvaxasinge ne, mo sou ngingi ngalavu lexe Lataua ulosinge navunavu sou 'ilixo ane ngingi nge'oxonu ne. Ia ngingi ngalavu laixe lexe saxisaxila'u noxou Lataua a muxali 'alai mukalu.&#8217; 12#Tav 19:24-25; Mat 10:15; 11:24Io eni avikalangengi lexe tu'utu'umaxu ane uxali noxi'a no tuala ane ne, anu ua'ulixu tu'utu'umaxu ane muxali noxi'a ta Sodomu.</div><div class="p"> 13Eni talelixa'a ta Korasini mo ta Vetesaida! Xo lexe eni a'oxonu sosovo noxilo e eni e'oxonu noxinge 'o noxi'a ta Taia ilo'a ta Saidoni, la ane'i mitaa tokolomo sou tama mo mi'uloxu kaso sou mimaxa'a lexe ane'i mixiu opone'i mukalu. 14Ia no voxo ane Lataua utulusi'a ta mitema no anu vaivaikala, la tu'utu'umaxu ane uxali noxi'a ta Korasini ilo'a ta Vetesaida ne, anu ua'ulixu tu'utu'umaxu noxi'a ta Taia ilo'a ta Saidoni. 15Xe ta Kapenaumu ne, Lataua utelailixa'a teitexi no loxotolo? Uasi, ane'i ilu'elai no tualasi'a ta mitema ane'i ane misoisoli.</div><div class="p"> 16 # Mat 10:40; Luk 9:48; Ioa 5:23 Ia 'ena'ei ane ulomusou vaikala noxinge, la anu ulomusou vaikala noxilo kalumo. Xe 'ena'ei ane uxiu tumalouinge, la anu uxiu tumalouilo kalumo. Xe 'ena'ei ane uxiu tumalouilo, la anu uxiu tumalouu anu ane mupalusilo ene'e 'o.&#8221;</div><div class="p"> 17Ane'i itemaxu tatalu mo mavulovexa vile mo tamei (72) ne, milai mixaxai loxo Iesu mupalusi'a ne. Xe milivu mine'e, la mi'osa manina. La mivikalanu Iesu aloxo 'o, &#8220;Tilasixe, telai xe tekusai'a ta ulee masumasua no anu ualasine, la ane'i milomunexesi mo mi'ume'ume.&#8221;</div><div class="p"> 18 # Ioa 12:31; Pal 12:8-9 La Iesu muvikala mulai noxi'a aloxo 'o, &#8220;Eni emaisou Satani mulapau molu no opo loxotolo mulu'e loxo lele'e mulami. 19#Lex 91:13; Mak 16:18Ia eni elosinge xavi ne mumomomo sou ngingi ngamaloxo'a ta sinana veveeni mo ta tanga mo ngauaulixu xavi noxou uluamengi. Ia mii vile umomomo sou u'oxo masuangengi uasi. 20#Pil 4:3; Pal 3:5Ia ngingi nga'oxo aloxo ne, io nga'osa lexe ta ulee ta masumasua ilomungenge uasi, ia nga'osasi lexe ualasinge a mikaukavunu muai no anu lavuku noxou Lataua no opo loxotolo.&#8221;</div><div class="p"> 21No anu voxo ngiou ane ne, la Uleenu Tavuna mu'oxonu Iesu mu'osa la muvikala aloxo 'o, &#8220;Eni a'itinu nini Mamilo ualasine, nini Tila sou nasaxila'u mimii latala mukalusi no opo loxotolo mo lialia kalumo. Xo nini netalumeu xavi noxine noxi'a ta mitema sou xavutala laixe mo ta mitema sou lavulavu, ia nepala'anixu noxi'a ta molomolo ta kitukitu'a e i'a lavulavu uasi. Xo Mamilo, nini nemasaxa lexe na'oxonu aloxo nesi.</div><div class="p"> 22 # Ioa 3:35; 10:15 Mamilo mu'italonu mimii latala mukalusi mune'e noxilo mo evile ulavusou lexe 'Olu ne Anu 'ena'ei ane uasi, Momusi a mulavusou. Xe evile ulavusou lexe Momu ne Anu 'ena'ei ane uasi, ia 'Olusi a mulavusou. Mo ane'i ane 'Olu musosovosi'asi ne, 'Olu mupala'alixu Momu noxi'a.&#8221;</div><div class="p"> 23Iesu muvikalane'i aloxo ne mukalu, la sou muxiu mulai noxi'a ta molomolo noxou sou muvikalane'i ane'isisi aloxo 'o, &#8220;Lataua ualusi'a ane'i ane imaisou mii ane ngingi ngamaisou 'o. 24Xo Eni avikalangengi lexe ta mitema sou palomatana tavu'alo ilo'a ta tatananu tuatuala mimasaxa lexe imaisou mo ilomusou mii ane ngingi ngemaisou mo ngelomusou 'o, ia ane'i imaisou mo ilomusou uasi.&#8221;</div><div class="s">Vaikala Tovola'i sou Itema Laixe sie Samalia</div><div class="p"> 25 # Mat 22:35-40; Luk 18:18 No voxo vile, la itema vile ane mulavusou lapuloto noxou Mosesi muavuti mutulu sou mutovo Iesu la mutali'isou aloxo 'o, &#8220;Itema sou ulosixe lavulavu, eni a'oxonu mii ma'ia manina, la sou eni ano'u mauli ane kaluxu uasi?&#8221;</div><div class="p"> 26La Iesu mukolinu tali'i noxou ne aloxo 'o, &#8220;Mii ma'ia ane ane'i mikaukavunu no anu lapuloto noxou Mosesi? Nini neitisou, la nelamana no anu a loxovaa?&#8221;</div><div class="p"> 27 # Lap 6:5; Liv 19:18 La sou anu mukolinu aloxo 'o, &#8220;&#8216;Ngingi ngamasaxau IAUE Lataua noxinge no anu tangengi mo no anu uleengengi mo no anu xavingengi mo no anu xavutalamengi ukalusi.&#8217; Mo &#8216;Ngamasaxai'a ta menexinge aloxo ngingi ngemasaxainge la.&#8217;&#8221;</div><div class="p"> 28 # Liv 18:5 Itema ne mukolinu aloxo ne, la Iesu muvikalanu lexe, &#8220;Nekolinu ne mulapu. Na'oxo aloxo ne, la sou nini nano'u mauli ane kaluxu uasi ne.&#8221;</div><div class="p"> 29Ia anu mumasaxa sou umaxa'u lexe tali'i noxou ne mulapu manina, la sou mutali'isou Iesu aloxo 'o la, &#8220;Ta menexilo ne, ane'i ta 'ei manina?&#8221;</div><div class="p"> 30La Iesu mukolinu no anu vaikala tovola'i vile aloxo 'o, &#8220;No voxo vile, la itema vile molu ne Ielusalemu mutelo ne Ieriko. La muxalisi'a ta mitema sou pakali no vote'i. La mitaxusou miumiu, io mivau xoo mole anu musolilulu muai. Ia ane'i mi'ume milai. 31Ili'i no anu voxo ngiou ane ne, la aili'i vile mumulinu vote'i ane ne mutelo. Xe mumaisou mitema ne muai no vote'i ne, la mupolopepeenu no vote'i pa'umolu xalee vile mo mulai. 32Aloxo ne la, la Levi vile kalumo mune'e muxali no vote'i ngiou ane ne, la anu mumaisou mitema ane ne. Ia anu kalumo mupolopepeenu no vote'i pa'umolu xalee vile mo mulai. 33Ioxe, itema vile sie Samalia mumuamua'i mune'e muxali noxou mitema ne xe mumaisou, la tanuxu manina. 34La sou anu mulai noxou sou mu'oxo lamalasile sou xalexalevinu ka muisinu. Mukalu, la anu mutelonu no anu donki noxou ka musaxa mulai no tani sou aiai sou itema sou usaxila'u tani ne lexe usaxila'u. 35Xe no voxo ane loxo ne'iela, la anu mulosou itema e usaxila'u tani sou aiai ne Denalia tamei, io muvikalanu aloxo 'o, &#8216;Nasaxila'u mitema ano 'o, xe lexe napaipalunu lamolimeni mose'i la, sou nasaxila'u no anu, la no voxo ane eni alivu ane'e, la eni akolinu ulivu noxine.&#8217;&#8221;</div><div class="p"> 36Iesu mutovola'i no anu a'alo aloxo ne mukalu, la sou mutali'isou mitema ane mulavu manina no anu lapuloto noxou Mosesi ne aloxo 'o, &#8220;Nini nexavutala lexe 'ena'ei noxi'a ane'i tatalu ne, muxali loxo menexu mitema ane ta mitema sou pakali mivau ne?&#8221;</div><div class="p"> 37La anu mukolinu aloxo 'o, &#8220;Mitema ane anu tanuxu mo musu'ulinu.&#8221;</div><div class="p">Xe, la sou Iesu muvikalanu lexe, &#8220;Nalai mo na'oxonu aloxo mitema ne mu'oxonu ne.&#8221;</div><div class="s">Mata Ilee Malia</div><div class="p"> 38Iesu ilo'a ta molomolo noxou mimuamua'i milai, la mixali no tuala vile ane sema vile ualasie lexe Mata ixoxolu no anu. La ane mi'avalou Iesu sou mulai mu'unalai no taasie. 39#Ioa 11:1; 12:2-3Iesu mu'unalai, la Mata vimoe sema vile ualasie lexe Malia ne, mine'e mixolu no lia no tava'u sou milomusou vaivaikala noxou. 40Ia, Mata ne tane uxoo no anu xaixai tavu'alo sou ilalaxi la'ilali. La sou ane mine'e mivikalanu Iesu aloxo 'o, &#8220;Tila, nelavu lexe enisisi axaxai sou alalaxi la'ilali uasi? Io, vivilo mi'umesilo mo ane a ixoxolu sou ilolomu noxine, ia isu'ulileli uasi. La sou navikalane lexe ane ine'e mo isu'ulileli!&#8221;</div><div class="p"> 41Ia Tila mukoli vaikalaie aloxo 'o, &#8220;Mata, Mata, nini taneni uoxoxu mo nexavutala piena no anu mimii tapiena musuku. 42#Mat 6:33Ia laixe lexe nini naxavutalanu mii vilesisi ane sou nini na'oxonu. Malia ane misosovosou mii ane tila no anu xaixai ane nini naxavutala piena no anu ne. Mo umomomo sou nenge taxexeenu mii ane ne noxie uasi.&#8221;</div>
 </div>
 </div>
</div>

Tila muvikalane'i aloxo ne mukalu, xe ili'i la Anu musosovosi'a ta mitemau itemaxu tatalu mo mavulovexa vile mo tamei (72) la sou mupalusi'a tametamei sou lexe iulaxunu ilai no tuatuala ane lexe ili'i la Iesu ulai no anu. La Anu muvikalane'i aloxo 'o, “Xai ne lingamo mukalu, ia ta mitema sou iluvunu xai temanu ne, tavu'alo uasi. La sou ngalinga ulai noxou Tila e moosou xai ne, sou upalusi'a ta mitema sou ine'e iluvunu xaixu ne temanu. Ngalai! Eni apalusinge loxo ta sipsip ta 'ili'a e xavine'i uasi, ilai noxi'a ta a'aa ta vova e xavine'i musuku ne. Ngalai, la ngano'u tiva sou lamoli mo lakela xe ngataa siovesou tava'inge mamu. Mo ngaxalisi'a ta mitema no vote'i, la ngasexelaxa'a mamu.
Xe ngalai xe nga'unalai no tani vile, la ngavikalane'i ta moosou tani ne tei lexe, ‘Opoo se'isisi noxou Lataua uxolu noxinge.’ Ia lexe itema vile sou opo se'isisi a uxolu no tani ne, la vaikala noxinge sou opo se'isisi ne ulu'e noxou. Ia lexe uasi, la anu ulivu une'e noxinge. Xe nga'unalai no tani ne, la ngaxolu anesi mo nga'ani mo ngaie mimii ane ane'i iitingenge ne. Xo ta mitema sou xaixai ne, ane'i ino'u lakoli sou xaixai e ane'i i'oxonu ne. Ia mamu sou ngavaxa ngane'e no tatani.
Xe no mine ngingi ngalai nga'unalai no tuala vile xe ane'i ta mitema no tuala ane ne i'osa sou ino'inge, la nga'ou mii ma'ia ane ane'i ilosinge ne. Mo ngapamauline'i ane'i ane mipipiena no tuala ne mo ngavikalane'i lexe, ‘Saxisaxila'u noxou Lataua a muxali 'alai mukalu.’ Ia lexe ngingi ngalai nga'unalai no tuala vile, io ta mitema no tuala ane ne i'osa sou ino'inge uasi, la nga'unalai ngatulu no vote'i, io ngavikala lexe, ‘Lialia sou tualasinge e mutei sou tava'ixe loxo'u 'o 'a, tapaxelenu uvaxasinge ne, mo sou ngingi ngalavu lexe Lataua ulosinge navunavu sou 'ilixo ane ngingi nge'oxonu ne. Ia ngingi ngalavu laixe lexe saxisaxila'u noxou Lataua a muxali 'alai mukalu.’ Io eni avikalangengi lexe tu'utu'umaxu ane uxali noxi'a no tuala ane ne, anu ua'ulixu tu'utu'umaxu ane muxali noxi'a ta Sodomu.
Eni talelixa'a ta Korasini mo ta Vetesaida! Xo lexe eni a'oxonu sosovo noxilo e eni e'oxonu noxinge 'o noxi'a ta Taia ilo'a ta Saidoni, la ane'i mitaa tokolomo sou tama mo mi'uloxu kaso sou mimaxa'a lexe ane'i mixiu opone'i mukalu. Ia no voxo ane Lataua utulusi'a ta mitema no anu vaivaikala, la tu'utu'umaxu ane uxali noxi'a ta Korasini ilo'a ta Vetesaida ne, anu ua'ulixu tu'utu'umaxu noxi'a ta Taia ilo'a ta Saidoni. Xe ta Kapenaumu ne, Lataua utelailixa'a teitexi no loxotolo? Uasi, ane'i ilu'elai no tualasi'a ta mitema ane'i ane misoisoli.
Ia 'ena'ei ane ulomusou vaikala noxinge, la anu ulomusou vaikala noxilo kalumo. Xe 'ena'ei ane uxiu tumalouinge, la anu uxiu tumalouilo kalumo. Xe 'ena'ei ane uxiu tumalouilo, la anu uxiu tumalouu anu ane mupalusilo ene'e 'o.”
Ane'i itemaxu tatalu mo mavulovexa vile mo tamei (72) ne, milai mixaxai loxo Iesu mupalusi'a ne. Xe milivu mine'e, la mi'osa manina. La mivikalanu Iesu aloxo 'o, “Tilasixe, telai xe tekusai'a ta ulee masumasua no anu ualasine, la ane'i milomunexesi mo mi'ume'ume.”
La Iesu muvikala mulai noxi'a aloxo 'o, “Eni emaisou Satani mulapau molu no opo loxotolo mulu'e loxo lele'e mulami. Ia eni elosinge xavi ne mumomomo sou ngingi ngamaloxo'a ta sinana veveeni mo ta tanga mo ngauaulixu xavi noxou uluamengi. Ia mii vile umomomo sou u'oxo masuangengi uasi. Ia ngingi nga'oxo aloxo ne, io nga'osa lexe ta ulee ta masumasua ilomungenge uasi, ia nga'osasi lexe ualasinge a mikaukavunu muai no anu lavuku noxou Lataua no opo loxotolo.”
No anu voxo ngiou ane ne, la Uleenu Tavuna mu'oxonu Iesu mu'osa la muvikala aloxo 'o, “Eni a'itinu nini Mamilo ualasine, nini Tila sou nasaxila'u mimii latala mukalusi no opo loxotolo mo lialia kalumo. Xo nini netalumeu xavi noxine noxi'a ta mitema sou xavutala laixe mo ta mitema sou lavulavu, ia nepala'anixu noxi'a ta molomolo ta kitukitu'a e i'a lavulavu uasi. Xo Mamilo, nini nemasaxa lexe na'oxonu aloxo nesi.
Mamilo mu'italonu mimii latala mukalusi mune'e noxilo mo evile ulavusou lexe 'Olu ne Anu 'ena'ei ane uasi, Momusi a mulavusou. Xe evile ulavusou lexe Momu ne Anu 'ena'ei ane uasi, ia 'Olusi a mulavusou. Mo ane'i ane 'Olu musosovosi'asi ne, 'Olu mupala'alixu Momu noxi'a.”
Iesu muvikalane'i aloxo ne mukalu, la sou muxiu mulai noxi'a ta molomolo noxou sou muvikalane'i ane'isisi aloxo 'o, “Lataua ualusi'a ane'i ane imaisou mii ane ngingi ngamaisou 'o. Xo Eni avikalangengi lexe ta mitema sou palomatana tavu'alo ilo'a ta tatananu tuatuala mimasaxa lexe imaisou mo ilomusou mii ane ngingi ngemaisou mo ngelomusou 'o, ia ane'i imaisou mo ilomusou uasi.”

No voxo vile, la itema vile ane mulavusou lapuloto noxou Mosesi muavuti mutulu sou mutovo Iesu la mutali'isou aloxo 'o, “Itema sou ulosixe lavulavu, eni a'oxonu mii ma'ia manina, la sou eni ano'u mauli ane kaluxu uasi?”
La Iesu mukolinu tali'i noxou ne aloxo 'o, “Mii ma'ia ane ane'i mikaukavunu no anu lapuloto noxou Mosesi? Nini neitisou, la nelamana no anu a loxovaa?”
La sou anu mukolinu aloxo 'o, “‘Ngingi ngamasaxau IAUE Lataua noxinge no anu tangengi mo no anu uleengengi mo no anu xavingengi mo no anu xavutalamengi ukalusi.’ Mo ‘Ngamasaxai'a ta menexinge aloxo ngingi ngemasaxainge la.’”
Itema ne mukolinu aloxo ne, la Iesu muvikalanu lexe, “Nekolinu ne mulapu. Na'oxo aloxo ne, la sou nini nano'u mauli ane kaluxu uasi ne.”
Ia anu mumasaxa sou umaxa'u lexe tali'i noxou ne mulapu manina, la sou mutali'isou Iesu aloxo 'o la, “Ta menexilo ne, ane'i ta 'ei manina?”
La Iesu mukolinu no anu vaikala tovola'i vile aloxo 'o, “No voxo vile, la itema vile molu ne Ielusalemu mutelo ne Ieriko. La muxalisi'a ta mitema sou pakali no vote'i. La mitaxusou miumiu, io mivau xoo mole anu musolilulu muai. Ia ane'i mi'ume milai. Ili'i no anu voxo ngiou ane ne, la aili'i vile mumulinu vote'i ane ne mutelo. Xe mumaisou mitema ne muai no vote'i ne, la mupolopepeenu no vote'i pa'umolu xalee vile mo mulai. Aloxo ne la, la Levi vile kalumo mune'e muxali no vote'i ngiou ane ne, la anu mumaisou mitema ane ne. Ia anu kalumo mupolopepeenu no vote'i pa'umolu xalee vile mo mulai. Ioxe, itema vile sie Samalia mumuamua'i mune'e muxali noxou mitema ne xe mumaisou, la tanuxu manina. La sou anu mulai noxou sou mu'oxo lamalasile sou xalexalevinu ka muisinu. Mukalu, la anu mutelonu no anu donki noxou ka musaxa mulai no tani sou aiai sou itema sou usaxila'u tani ne lexe usaxila'u. Xe no voxo ane loxo ne'iela, la anu mulosou itema e usaxila'u tani sou aiai ne Denalia tamei, io muvikalanu aloxo 'o, ‘Nasaxila'u mitema ano 'o, xe lexe napaipalunu lamolimeni mose'i la, sou nasaxila'u no anu, la no voxo ane eni alivu ane'e, la eni akolinu ulivu noxine.’”
Iesu mutovola'i no anu a'alo aloxo ne mukalu, la sou mutali'isou mitema ane mulavu manina no anu lapuloto noxou Mosesi ne aloxo 'o, “Nini nexavutala lexe 'ena'ei noxi'a ane'i tatalu ne, muxali loxo menexu mitema ane ta mitema sou pakali mivau ne?”
La anu mukolinu aloxo 'o, “Mitema ane anu tanuxu mo musu'ulinu.”
Xe, la sou Iesu muvikalanu lexe, “Nalai mo na'oxonu aloxo mitema ne mu'oxonu ne.”

Iesu ilo'a ta molomolo noxou mimuamua'i milai, la mixali no tuala vile ane sema vile ualasie lexe Mata ixoxolu no anu. La ane mi'avalou Iesu sou mulai mu'unalai no taasie. Iesu mu'unalai, la Mata vimoe sema vile ualasie lexe Malia ne, mine'e mixolu no lia no tava'u sou milomusou vaivaikala noxou. Ia, Mata ne tane uxoo no anu xaixai tavu'alo sou ilalaxi la'ilali. La sou ane mine'e mivikalanu Iesu aloxo 'o, “Tila, nelavu lexe enisisi axaxai sou alalaxi la'ilali uasi? Io, vivilo mi'umesilo mo ane a ixoxolu sou ilolomu noxine, ia isu'ulileli uasi. La sou navikalane lexe ane ine'e mo isu'ulileli!”
Ia Tila mukoli vaikalaie aloxo 'o, “Mata, Mata, nini taneni uoxoxu mo nexavutala piena no anu mimii tapiena musuku. Ia laixe lexe nini naxavutalanu mii vilesisi ane sou nini na'oxonu. Malia ane misosovosou mii ane tila no anu xaixai ane nini naxavutala piena no anu ne. Mo umomomo sou nenge taxexeenu mii ane ne noxie uasi.”

सुनें - Luka 10