JO:N 12से लोकप्रिय बाइबिल छंद

शेयर

Sc:koiyc ngok mcngkam agercm germvlo, bv ngok lcdulo gvmvnru:pa:yc, odokkc ngo okolo du:ycji, odo ngok ager gerya:nckvdv:dc:sin; sc:koiyc ngok agercm germvlo, Abubv bvm mcngcyc.

Sc:kobv avkc turnamcm mc:bodagnc cdcm yogmodag, odokkc sc:kobv bvk turnamcm tayumycnc sc rcngamso turyarla turnam dokkcpc cdcm lc:dag.

Aroru:pc, aroru:pc, ngo nolum lubidung, geu a:m apirkonc amo:bo kcdledla sa:ma:sisscm, cdc apirongkopc ila du:dag; cmpige:la cdc simvlo, cdc bojcrungko a:yc e:dag.

Ngo pva:pc ila mo:pvso:pc gvdung, jc sc:kobvi ngom mc:jvgycnc bv:jen kcmolo du:tvpc ima:yc.

Sc:koiyc ngok lunam agomkvdv:dcm tadyc odokkc cdcmbulum mcnggabla lc:ma:ycnc, ngo bvm kcbangcm ba:ma:yc; kapila:nc ngo rcngam kcba:bangkampc gvmang cmpige:la rcngamscm moturkapcmvn gvdu:n.

Meri:bv airu:pc arc kanc namponc tulangko adcrkopc la:to odokkc Jisukc alcdo yonnvgto odokkc Bvk alcdcm bvk dumvddokki tidpu:bitoku; odokkc cdc okumdc tula:dok arrc nambungkang.

Cdcmpila bulu kajur vsv:lok annc kvdv:dcm la:to odokkc Bvm gvrvgsupc cmna jc:la: jc:la gvlenamkang, “Vrroi! Ru:tumkc aminno sc:ko gvdu:ji Bv aipainc, Israel dokkci migomc!”

Odokkc Jisubv bulum lubito, “Tani:kc Awodokkc amin gvmonanc ayirdc pvnga:du:bong.