Tigidali Nai Gagalama Nigali Side 6से लोकप्रिय बाइबिल छंद

शेयर

Tama Yawego te polobadu bidi de we si tǫgo nigilama, te dwagi yai homu pemene yali, te homu ma koneani. Tiali goli, agai te we bidi hani dabego homu suali, te augwaligo homu te dwai naide naga konebaso, tama tede homu dene eyu, agai te polobadu dwagi yai homu pemene yali tiwai gilama ma ebeo. Te meni.

Te Yawego te tigidali tǫ badu bidalubo we bidi dabego ebo kolesaga suali, te dwai dwai mu yali. Augwaligo homu te dwai sę ebode naga konealuali.

Tiali goli, Yawego te bidi Noa dali digi dwagi yai homu pemene yalio.

Te Noade po da te tiwai dao. Agai ogwa sela elaluali, Siem, Ham, me Jafet. Noa da dwagi yai bidi, te sogo bidali we bidi tomode te Noa deli digi aga bilibo kolesaga te Godigo gedude dolo mu yali. Aga te God dali deli homu naga eyu, tama Godigo abagi mu dao.

Homu dene mu eyu, tama agai te po wali, “Te eno nigali bidi tigidali te eno ela silaibao, te augwali menade bidada pabo te mu silaibao. Te eno tigidali hasa sibi dabe tigidali me, te ba dabe me, te nai dabe me, tigidali silaibao. Magi baso meni, ena digi ena te nai dabe nigali goli, augwaligo ebo kolesagago enaba dene ilibo dao, tama wiegi yai homu pemene ma egobeo,” te po wai.

Nosali te we bidi hauwa te tigidali tǫde pedelama, tama augwaligo wegi mani me hauwa elaluai. Tama te Godigo ogwa dabego te wegi mani dabe sulama, te gasa sawi yai mu yai. Tama augwali deli deligo augwa homugo digi te we dabe anoma eyu, tama augwali selama, bidali. Tialima, Yawego te po wai, “Eno te bidibo ula sesemane sogo bidada pomainogo sesabi gana emainu mabo mobo te momainogo me egobe, magi baso meni, augwali te osogo bidabo nai tama naga da. Megi da, te bidi bidibo ula te kibu be 120 naga usu nama bidimainu yaibao,” Godigo te po wai. Tama te sogo me, te nosali sogo me, te moni genuai bobobage bidi dabe meba te tǫde bidaluali. Te bidi dabe augwali te Godigo ogwa dabede sali te we dabego augwaligo ame nani bidi dabe bidali. Augwali te bomai bidi mu gagalama, tama te sogo augwali nogi genuai elaluai.

Tialima, Noago Godigo agabolo te wali po gilama te tigidali sę ela silai.

Tialima, Godigo Noabolo te po wali, “Tigidali bidi augwaligo tigidali tǫde te haniani dwai hwįbo kolesaga mu ebo. Tama tibaso, eno tede homugo konea palama, tama te homu ebao, eno augwali dolai hagede ebao. Te eno tigidali we bidi mu silaibao.

Tama nago dwagi yai ni pedai selama, tama naga moni genuai geba sip me deli nigao. Nago te tomode be habu meba nigilao, tama tomode me bulu badu mabode te agebele megego bugagia sebelao.

Tama Godigo tǫba tonaluama, tama agai tigidali bidigo dwai kolesaga mu ebo suali. Te bidigo bilibo kolesaga te gaga pai mu pedelama, tama dwai kugumini naga yai.

Tama nago te tigidali haniani hasa dabego si si sao, te me omai, me so tama, si sao. Tama nago augwali te duga dali hodobo te moni sip tomoba sela pobaso da, teda augwali me isigobeo.