1
Gɔwɔ tɔɔi 3:6
Yálá laawoo hɛɓɛ
Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.
तुलना
खोजें Gɔwɔ tɔɔi 3:6
2
Gɔwɔ tɔɔi 3:1
Ɉuwɔɠaa ŋɛ̨i Yai-Laa ə bɛli, kaalə ɓə kɛ gbąnąą di lɔwai, gaaləi tii ɓə nɛ̨ɛ̨nu mąąnikɛ, yɛ mą: «Akɛtii, Yálá ə kɛ kpɔ diɛ: ‹Nwuluɠaai gaa ɓɛ ɲɛa, ka hvə gəlee ɓa mį́i?›»
खोजें Gɔwɔ tɔɔi 3:1
3
Gɔwɔ tɔɔi 3:15
Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»
खोजें Gɔwɔ tɔɔi 3:15
4
Gɔwɔ tɔɔi 3:16
Yai-Laa yɛ nwɔ̨nɔ̨ nɛ̨ɛ̨nu ɓa: «Ya mɔ̨nɔ̨ mį́i koonɛ̨ą lɔwai, ə́ ə́ laanɔ̨nwɔ̨ ɓo ə́ wɔ kwəinwąną kɛi lɔwai, ə́ liiɓa mɛ̨nį kəlee nwun maa pai kɛi a ə́ hilɛ, ɛlɛɛ, yili kaa pai heei ə́ mɛ̨i.»
खोजें Gɔwɔ tɔɔi 3:16
5
Gɔwɔ tɔɔi 3:19
Ya wala hvɔnɔ̨ ya tee ə́ tɔwɔla, hva kɔ̨nɔ̨n ɉɔlɔɓo, ɛlɛɛ ɉu, ə́ tinɛ̨n ə́ too pɔlɔ hu, ɓɛi di ə́ kulɔ laa. Hvo gaai, pɔlɔ ɓaa yɛ́, mąąnɛ̨ɛ̨, ə́ pənə ə́ too pɔlɔ hu.»
खोजें Gɔwɔ tɔɔi 3:19
6
Gɔwɔ tɔɔi 3:17
Yai-Laa yɛ kɛa hulɔnu ɓa: «Yii kpɔ ə́ ə́ wəli tɔɔ ə́ nɛ̨ą woo ɓa, ɛlɛɛ, nwului ŋɛ̨i ŋą́ kɛ yɛ́: ‹Hvó má ta mį́i›, ə́ da mį́i, ə́ hɔn tii mąąi mɛ̨nį ɓa, lɔi kaa pai kɛi a nɛ̨ŋɛ̨n naa. Ə́ kaa pai kɛi mɔ̨nɔ̨ mį́i ə kɔ̨nɔ̨n gwɛliɛ hu, lɔi ɓa, ə́ yíi hvóló kəlee hu.
खोजें Gɔwɔ tɔɔi 3:17
7
Gɔwɔ tɔɔi 3:11
Yai-Laa yɛ mą: «Gbɛɛ ɓə kɛ yɛ́, ə́ kaa a ə́ kpuwulu? Akɛtii, nwului ŋɛ̨i ŋį́ kɛ yɛ́: ‹Hvó ma ta mį́i›, yáá da mį́i?»
खोजें Gɔwɔ tɔɔi 3:11
8
Gɔwɔ tɔɔi 3:24
Ɓɛlɔwai kɛa Yálá ə nu kpɛ la Edɛn ɲɛa, Ə nɛɛ mą ə, mąąkpɛ malakaɠaa tɔɔ bələ nwun na, ɓɔwa kwɛa yɛ ɓo di yəi, yɛ nwɔ̨n, diɛ ɲɛnɛ̨ɛ̨ kɛ wului tii mąąkpɛ la.
खोजें Gɔwɔ tɔɔi 3:24
9
Gɔwɔ tɔɔi 3:20
Hulɔnu ə nɛ̨ą laa hee a Ɛvə, yili mukulaa ɓaa: Yɛnɛ̨ɛ̨. Mąąhɔlɔɓo, ya ɓə gaa a yɛnɛ̨ɛ̨ nuą kəlee di lee.
खोजें Gɔwɔ tɔɔi 3:20
होम
बाइबिल
योजनाएँ
वीडियो