Juan 6से लोकप्रिय बाइबिल छंद

शेयर

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Sa ishit qome da qau'onataxañiitapeguelec cam nallic mayi taÿa'a da imeuo, chaqcata cam nallic mayi sa ishit da imeuo, qataq chigaqaigui ca nca'alaxa mayi chochaq tateec. Qaq 'eca cam nallic mayi qami' ÿanema qome na shiÿaxaua llalec. Cha'ayi ñi lta'a Dios nachina na ÿicchigui da ÿaÿamaxadeeta.

Da 'eetapeguec ñim aÿim namaq, nshitaique da 'enauac nam ÿamato'ot na llalec ñi Dios qataq i'amaqten namayi, nachi huo'o da lca'alaxa chochaq tateec, qataq da ñica'alaxateec qom iviteuga ca pa'ateec na'a'q.

Nachi so Jesús 'enapeco': –Da 'eetapeguec ñi Dios nshitaique da qami' qau'amaqchiñi nam namaq ñimayi.

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Qalaxayi so Simón Pedro 'enapeco': –'Am ÿataxala', ¿negue'tom ca lÿa soqolaxague? Yi nachi'amta mayi naua 'ad'aqtaqa naamayi chigaqaiguilo da achaalataxac mayi chochaq tateec.

Qaq aÿim mayi nachaÿim pan mayi ñica'altauec, qataq sachigoqo'ot na piguem. Ca chic ana'ana pan, nachi huo'o da lca'alaxa chochaq tateec. Ana pan mayi san, nachida da i'oquiaxac. Qaq damayi san, yaqto' nca'aleec na shiÿaxauapi.

Qaica ca ishit da chochi aÿim nau'a da huo'otaq sa nauegueuo ñi ita'a mayi aÿim namaq; nachi camayi ishit da qaltaq ñica'alaxateec ca pa'ateec na'a'q.

Cha'ayi acam pan mayi ÿan ñi Dios, nachaca acam chigoqtot na piguem mayi anac da ÿanem da lca'alaxa na shiÿaxauapi.

Aÿim nachaÿim pan mayi chigaqaigui da nca'alaxa.

Nachi so Jesús ÿaconalo soua pan. Qaq co'ollaq imat da ÿanot da n'achiquiaxac ñi Dios, nachi ÿanoiguilo soua lapaxaguenataqa. Qaq soomayi nachi ÿanoiguilo 'enauac nam nso'ootañi. Qaq nachi i'enaxatchigui naq'en soua nÿaxayi da ÿanoigui 'enauac somayipi, chochi ivitta'a da comadaxaicpi. Qaq co'ollaq mashi comadaxaicpi somayipi, nachi so Jesús 'enapegalo soua lapaxaguenataqa, 'eeta': –Qalapoñiÿa't qome 'enauac na ñi'iÿoxotpi, yaqto' sa ishit da huo'o ca ne'en.

Nachi co'ollaq mashi qaÿataueeguelo soomayi, nachi qaÿauaateguet so Jesús da naÿa'a aso barco, petalec na 'etaxat, nachi soomayi ÿataqta huo'o da lcolanqa'. Qalaxayi somayi 'enapegalo soomayi, 'eeta': –¡Nachaÿim, sa ishit qome da qayi'ii!