Matta 24से लोकप्रिय बाइबिल छंद

शेयर

Di̱ne nabwe muli̱ne, nabwen ka du mi̱laku kebu chimangu. Aya wu ka mu ni̱ri ki̱ri̱ng ka lami̱nti̱ di swan kute, ka swidu.

Ti̱nti̱ne, ya̱m bi̱li̱m bi̱bu a Yaa Kwama, ka le ki̱teli kuuti ni̱bi kwang, yinu di swan kute ka bedu.

Ta nwe ya̱mi kumbiyu n ti dirdi kunin ya̱mi kumbiye n ti yo kumbitu yaka fwede, ti̱wulu tayi we, a mwituwe ti̱tu ka fwedu, aya n ke di swan kute ti̱ti̱niye.

Kuu ka kuladu n ti kuu, yaa ti yaa, chun ka ma ni̱bu, ti̱mu ka mi̱kadu a fantiyu dangtidangti. Aya ti̱tu mweku, riye siine a tibu bedu.

Dii n ti ti̱mu ka sudu, aya di̱kwa̱l yii mi̱nu a ne yara ti̱m.

Ni̱bu nabwen ka bedu a di̱n mi̱n, ka ni̱n yi chi̱nu ko, “Ni̱n nang Masiya.” Ka butu ni̱bu nabwen.

Ka ni chi̱nu a fa̱li ni̱bi, ke a ni chi̱n riye, ka chi̱u chi̱nu, kuuti nabwen ka ko chi̱nu di̱ne mi̱n. We ki̱dang kangu, nabwen ka ki̱ladi kuteng we keku bi̱yili̱mang chiyangu, ka kwa̱l yichiyu, ka koti̱ yichiyu. Fa̱kubu ti̱kwanimu nabwen ka chiredu, ka butu ni̱bu nabwen.

N Yesu a yi chi ko, “Ti̱ma daan, wuka ni a buti̱du chi̱n we.”

Di̱ne yiko, ti̱swe ki̱ni doku bwiyang, di̱ne a ki̱swi ta yimbe Bwe Nii ka ki̱ladu.”

Di̱ne yiko, “Ti̱swe ki̱ni doku bwiyang di̱ne ta yimbu di Tewuduwe chi̱n ka ki̱la mi̱nede.

A ne nii a yim dii n ti awa wu ti̱tu ka fweende we, kasi no nang ni̱bu ti̱tumbi̱rimu, kasi no nang Bwe, kana Te n ki̱kun a yim.

Nangki̱n, ni̱bu Masiya ti̱kwanimu n ti Fa̱kubu ti̱kwanimu nabwen ka chiredu, ka yung chi ya̱r yiitu nabwen, ke chi butu ni̱bu kono nang bi̱suti̱ri̱mu, ka no medu ka fwede.

A lakanbu n ti ki̱dang Nufuwangu, beki̱ Bwe Nii kanodi yiko. Yinang ki̱dang kangu, yo mwe bambi̱li̱me a tibu bede, ni̱bu ki̱chadu, ki̱nodu, kwartabu ti nati̱bu ki̱ma ki̱nati a lami̱nti̱ yo n Nufu a le kwa̱mbi̱re mwe. N chi a yimbu chi ki̱fweditu, mwe bambi̱lake a be a wo chi kwang. Nang tiyangu di Bwe Nii ka ki̱lade kanodu we mi̱nangu.