Joawh 10से लोकप्रिय बाइबिल छंद

शेयर

Amevwavye ayta ininewa adahan gameptenkis muwtoh, giwmeptenkis, pisenwevye gihawkankis. Nahme nah ayta adahan nuhiyegavu kadeheten, adahan igkis igisavye akak kabayka.

— Nah avuriw nuhiyegavu kabayntiwa kewa pahavwi muwtoh akivarabe kibeyne. Ig muwtoh akivara ku pariye kibeyne ig ahegbet adahan umahkiswa adahan gamnihtenkis givigvu.

Ku pariye hiyeg igyewa nudahan ignes hiyak nukuvimna. Nahme hiyaknigkis. Igkisme batek wew nukakuh.

Nah keh igkis aymuhwanek gimun Uhokri adahan avanenekwa. Igkis ka biyukti giw Uhokri. Yuma pahavwinema hiyeg hiya giwiwhkakkis ayteke nuwakutak.

Nahnewa pareket arikutwiye nuhiyegavu gavuriwkegkis. Ku samah muwtoh parak ku kiw pareket adahan ayemwevye ariw mbayka, hawata neras ku pariye kamaxwenevwi nuvitit ignes isahptawnek ariw mbayka. Hawata akiw, ku samah muwtoh pes ku kiw pareket adahan ivegvene gimanakis, hawata neras ku pariye kamaxwenevwi nuvitit igkis utinek madikte ku pariye gimawkanitnenes.

— Nahme nah kewa muwtoh akivarabe kibeyne. Nah hiyak madikte nuvigvuh kabayntiwa. Igkisme hiyakun hawata.

Niguh ku pariye gikeptenkis nutuh ig datte ariw madikte. Yuma pahavwinema hiyeg hiya awiwhka ariknawnema giwakutak Niguh. Nah gikak Niguh usuh pahavwiwa pawtak.

Usuh hiyakak pawtak kabayntiwa hawata ku samah nah hiyakak gikak Niguh. Nah umahkiswenek adahan gamnihtenkis.

Wake adahan nah ka umahkiswa nuwnteknewatbe, yumakam hiyeg hiyak nuwmak. Heneme nahwa umahkiswa. Nah kadahan nannuh adahan nah umahkiswa. Nah kadahanwata nannuh adahan nah kannikaw akiw. Henewatbaki Niguh awna nutuh.

Ig hiyapni hene, ig awna gitkis akiw. Giwn: — Nah akkite yit huwewe. Nahnewa ke inibe ahinbe gidahankis muwtoh. Henewatbaki nah. Nahnewa pareket arikutwiye nuhiyegavu gavuriwkegkis. Nahwata pesket arimketwiye kabayka.

— Gaytakis hiyeg avuriw muwtoh heneme igkis ka gikivarakisma. Neras muwtoh ka gidahankisma, igkis he gikavriwtenkisnen adahan katiwnihka. Ayge nikwe ku pahavwi axtigi danuh atere, ig muwtoh gikavriwtenkis hiyapni hene, ig diyuhe giwkis muwtoh. Ig sigise giwkis. Ayge nikwe ig axtigi kamaxe muwtoh. Igkis madikte pekhe.

Ayteke ig Kiyavwiye Jesus awna gitkis hiyeg akiw. Giwn: — Nah akkite yit abektey. Ay paha avuriwket gidahankis nuhiyegavu kewa muwtohbe gavuriwkegkisbe. Pahatrawa ahin adahan pareket atere. Ku pahavwi parak arimkat gavuriwkegkis muwtoh heneme ku wis hiyap ig ka parak ku kiw pareket, ku ig parak ayamaw aharaptak iyar, ayge nikwe wis hiyakgi ku ig amepye. Wis hiyaknig ku ig ayta kidisne arikna ku pariye kane gidahanma. Henewatbakig.