Лукара йибкьыд Шадды Хабар 6से लोकप्रिय बाइबिल छंद

शेयर

Вияъ – ваӀс ки выси, гуг гъад кьадар выси: субда выъыр, аӀшур, уула ки лаъ либхьуд кьадар выхьды чухуед этеге ивхьиси. Шууды кьадарахьван ваӀ рацура ади, ваӀс ки гьааса гьацуси.

Йыхды эдемиере йыхвалды эгъвелъэре джуды йикӀе ад йыхваӀлид лакьаа, Писдыние писваӀлид лакьаа писвалды эгъвелъэре. Илсанашды ггаӀляа гъаъ руъуд джуды йикӀе адбыйды дишме?

ВаӀ гьааса маъ! Выхьды душманар хъыдгара диш, куьмегбыр гьаъ, бырджбыр вияъ, гьидыына умуд гъадишне. Хьели ва хӀалире шад даъаси; ваӀ Йинчид духре дикиси, Аллагь писдыбишихда на хатир джацӀабишихда ки йикӀе рагьӀим ад и.

ВаӀ ки, выхьды Дид кал, рагьӀим адбыр диш.

Гьалды-га гьакь гьамабутӀ – выхьды ки гьатӀусдиш. Выш-га нагьакь маъ – ваӀ ки нагьакь даъасдиш. Хыл луьвуш – ваӀала ки хыл луьвшуси.

Амма ваӀде, захда хьадабцубишде, рухьура За: выхьды душманар хъыдгара диш, ваӀ кӀваӀчӀдыбишис йыхвалды ваъ, вахӀде къаргъышбыр гьаъабишихда алхышбыр гьаъ, выхьды хатир адгаъабишихъаъ дугьӀабыр гьаъ.

ВаӀс шыв илсанаше ваӀ бадаана гьыъыр йигаарди, гьа ваӀ илсанашис гьаъ.

Хьесымад са сур йыхӀыдбишихда ти сур хьуъ гьаъ, гьалга чухуй эгъелъэре анахъун, гьанийс выды ухун ки эгъепӀес куьмег гьаъ. Вадаа ягъӀыдухъундыбишис ви, Гьалга вадаа хӀаашухьна, – хъӀымыягъӀ.

Йыхды хукара писды емишбыр гыргадиш.

Емишмыыла хук вацӀара! Зазалмыд кулаала инджир сепӀес руъудиш, рукьӀуу уу тӀымлад къиркъ руъудиш.