ԸՍՏ ՂՈՒԿԱՍԻ 6से लोकप्रिय बाइबिल छंद

शेयर

Տուէք եւ Աստուած ձեզի պիտի տայ. պիտի տայ լաւ չափով, բերնէ բերան, զեղուն առատութեամբ։ Ինչ չափով որ ուրիշները չափէք, նոյն չափով Աստուած ձեզ պիտի չափէ։

Բարի մարդը իր սիրտի բարի գանձէն բարիք կը բղխեցնէ, իսկ չար մարդը՝ չարիք, քանի բերանը սիրտին մէջ եղածն է որ կը խօսի։

Ընդհակառակը, սիրեցէ՛ք ձեր թշնամիները եւ բարիք ըրէք անոնց. փոխ տուէք անոնց՝ որոնցմէ յոյս չունիք ձեր տուածը ետ առնելու։ Եւ այն ատեն առատ վարձատրութիւն պիտի ունենաք. այն ատեն՝ բարձրեալ Աստուծոյ որդիները պիտի ըլլաք, որովհետեւ անիկա գթասիրտ է չարերուն եւ ապերախտներուն հանդէպ։

Գթասիրտ եղէք, ինչպէս որ ձեր երկնաւոր Հայրն ալ գթասիրտ է։

Մի՛ դատէք, որպէսզի Աստուած ալ ձեզ չդատէ. մի՛ դատապարտէք, որպէսզի Աստուած ալ ձեզ չդատապարտէ։ Ներեցէ՛ք ուրիշներուն եւ Աստուած ալ ձեզի պիտի ներէ։

Բայց դուք որ ինծի մտիկ կ՚ընէք, ձեզի կ՚ըսեմ.է Սիրեցէ՛ք ձեր թշնամիները, բարիք ըրէք ձեզ ատողներուն. օրհնեցէ՛ք ձեզ անիծողները եւ աղօթեցէք անոնց համար՝ որոնք ձեզի նեղութիւն կը պատճառեն։

Ինչ որ կ՚ուզէք որ մարդիկ ձեզի ընեն՝ դուք ալ նոյնը ըրէք անոնց։

Ով որ երեսիդ ապտակ մը զարնէ՝ միւսն ալ դարձուր անոր. ով որ բաճկոնդ վրայէդ հանէ՝ ձգէ որ անիկա շապիկդ ալ առնէ։ Ով որ քեզմէ բան մը խնդրէ՝ տուր, եւ ով որ քեզմէ բան մը առնէ՝ ետ մի՛ պահանջեր։

Լաւ ծառը գէշ պտուղ չի տար, ոչ ալ գէշ ծառը՝լաւ պտուղ։

Իւրաքանչիւր ծառ իր պտուղէն պիտի ճանչցուի։ Ոեւէ մէկը փուշէն թուզ չի քաղեր եւ ոչ ալ մորենիէն՝ խաղող։