YOHANES 15से लोकप्रिय बाइबिल छंद

शेयर

“Dor e os o awcawor ara. Car masirin, e os ef inim awcawor ara. Ow dor cowkon aatamemapawarcenes, wunam dor e ow cowkon aatamemapawarcey, e ow, akatas arke aemcemes. Car dor cowkon bemap opok aemcokom, car akatas bwemem asan opok cowok.

Caram dor cowkon mamatamemapawarcan. Dor masirin, car cowkon aatamemapawarcimin. Os ef, o batap opok aatamemapawarcow, ar eke bwempeap asan opok. Caram dor cowkon batamemapawar opok aemcokom, car akatas bwemem asan opok.”

Car dor cowkon aatamemapawarcenokom, wunam car doratakam ji aecokom, bare e akat aporcokomas janim Allah manimey. Aramat ipic masirin, eras car aemtamceman.

Car do bweremtew opok. E nat, car do mamkawi ow memem aereremtawtotorfin. Doram car akatas bwem atewosomtotorfin. E aemcokom akatas, e bakari opokas ara. Bare, car do mamkawi ow awapokom ara. Inimas car janim e doricipic aanimcokom, aramat ipic e janim aanimcokomas takas atatamceman.

Jipic cowok, e ajowow bajortew, inim damir aafcow, ar e ow damos awutnakut ajiomama. Inimas bwem, bare damos bajiomas awutnakut ara. E wun damos bajiomas, bare kanim ara.

E dor ajamkawimenes ow, e os ef inim awcawor ara. Doricipic, e ef, eke bape opok aporcow, aram asakamosomcema. Aram e ef, eke bape aporcow, aram e pwicak ef kanimnakap arke asesakamosomcema. Eras e ef awut, eke arke bopeas ara.

Doram, jirmec car ajirimamin. Car damos caramaman mamamey. E dor damos car ajiomaminas inim cimin mamamey.

Car akatas arke aemcokomam, do mamkawinak ow aememcokomam, bare, ow, e doricipic akatnakut ara, inimas aporcemes.”

“Dor eke akat apecemar os inim awcawor ara. Doricipic masirin, e kebun kerja ipic inim awcawor ara.

Ow dor cowkon batamemapawar opok aemcenes, ar pwicak ef inim cimin ara. Owam e ef asesakamosomcemes. E ef mairin, sa asacema. Owam e ef atawcemes, wunam jis asapimapomcemes. E ef masirin, jis afaycema.

Do jak akat ca batetamtotor, bare akat ara. Caram jak akatnakut memem, akat ara. Inimas ara, dor a atakam car aotawmin.

Dor e doricipic jirmec ji aatameawarmin. Inimas doricipic damos dor aatamjiomawarman. Caram e dojirmec ji aatameawarcokom, doram damos car aatamjiomawarcimin.

Bare, caram damos caramaman mamamey. Dor inim jirmec car ajirimamin.”

Awames capinmi ow, damos aramaman aamjiomames. Car awames capinmias ajamkawifokom ayaw, a owam damos car ajiomfan. E nat, car awames capinmias mamkawi opok. Inimas a ow bifan car afayomaman. Bare, dor car awames capinmias bakan bajios aereremtawtotorfin.