Jan 15से लोकप्रिय बाइबिल छंद

शेयर

Mo sa pyé rèzen-an é zòt sa branch-ya. Sala ka rété annan mo é mo ka rété annan li, ké poté bokou frwi, piski zòt pa pouvé fè anyenn tou san mo.

Rété annan mo kou mo ka rété annan zòt. Roun branch ki pa rété ansou pyé rèzen-an, pa ka poté frwi di li menm, a konsa zòt non pli péké poté frwi si zòt pa rété annan mo.

Si zòt ka rété annan mo, é mo palò ka rété annan zòt, doumandé sa zòt lé é zòt wa risouvwè l

A pa zòt ki chwézi mo. Non, a mo ki chwézi zòt, mo bay zòt roun travay pou alé fè, pou zòt poté frwi, frwi ki ka diré. A konran Papa-a ké bay zòt tousa zòt doumandé l an mo non.

I pa ganyen pli gran lanmou ki roun moun pouvé bay, lò li ka sakrifyé so kò pou so zanmi.

Tout branch annan mo ki pa ka poté frwi, li ka koupé l, é tout branch ki ka poté frwi, li ka nétwayé l pou poté plis ankò.

Men mo koumannman: kontan zòt konpagnyen roun a lòt, kou mo menm té kontan zòt.

Lò zòt ka poté bokou frwi, zòt ka fè moun wè zòt sa mo disip, é a konsa moun ké wè kouman Papa-a gran.

“Mo sa vrè pyé rèzen-an é mo Papa sa agrikiltèr-a li ki planté l.

Sala ki pa ka rété annan mo, yé ka jité l dèrò, kou roun branch é li ka sèk, épi yé ka ramasé tout branch sèk pou mété yé boulé a difé.

Mo di zòt tousa pou zòt ganyen menm tchò kontan mo ganyen-an, é pou zòt tchò kontan pasé kontan fèt.

Si zòt kouté mo koumannman, kou mo menm déja kouté Papa-a, mo ké kontinyé kontan zòt, kou Papa-a kontinyé kontan mo.

Sa mo ka koumandé zòt, a kontan zòt konpangnyen roun a lòt.”

Si zòt té sa moun latè, moun latè té ké kontan zòt piski zòt té ké ké yé. Mé mo chwézi zòt, mo tiré mété zòt apar di yé; a pou sa moun latè rayi zòt.