Zan 10से लोकप्रिय बाइबिल छंद

शेयर

Kàyuuwo wi nɛ̌ pɛn yakaa kiiyɛ kúrugu wīʔ, ka laa bè pa yùuʔ, nɛ́ bè kpúu, nɛ́ bè yɛgɛ cúʔɔ bɛ̀ʔ. Mi wè, mi 'pɛn gìi ki bé tí sìi wi- puu pe mɛ́, pe- wi taa nìʔɛwɛ bɛ̀ ki caa mmɛ.

«Mi wè, mi wī sìnbanaʔacɛ̀nwɛ wè. Sìnbanaʔacɛ̀nwɛ wi nɛ̂ wi sìi kɛn wè wi sìnbaara ti nyùgo nī.

Sìnbaara dáà dī mi wori dè, tiī nɛ mi yékpoli lúru lè. Mi míɛni wè, mi nyɛ́nì mi sìnbaara cɛ́n dè. Ti nɛ̂ taʔa mi kúrugu.

Nɛ̀ pínɛ mi 'bànguɔ sìi kɛn wè ti mɛ́; tiǐ ga tíi bé kùu bè nyaaʔ, siɛn míɛni sǐ gbɛ̀ jáa bè ti píle bè yige mi kɔli nī gèʔ.

Mi wè, mi wī kɔ̀ri gè. A siɛn ŋíì pɛ́nì tóri nɛ̀ jíin mi nī wè, siɛn wi bé suɔ, nɛ̀ pínɛ wi béri jíin béri yigi, wi béri wi nyalii tari wè.

«Mi wè, mi wī sìnbanaʔacɛ̀nwɛ wè. Mi 'mi wuulo cɛ́n bèle, a mi wuulo míɛni pe 'mi cɛ́n

Mi Tuu ŋáà wi 'ti kɛn m'mɛ́ wè, wi fànʔa ki 'tóri pe mìɛni nɛ̄; siɛn sǐ gbɛ̀ jáa bè ti píle yige Tuufɔli wi kɔli nī gèʔ. Mi nɛ́ Tuufɔli ní wè, weli yē nigbe.»

majo mɛni Tuufɔli wi 'mi cɛ́n wè, á mi míɛni 'wi cɛ́n wè. Nɛ̀ pínɛ mi 'mi sìi kɛn wè sìnbaara ti kɛnmɛ nɛ̄.

Siɛn sǐ gbɛ̀ mi sìi kúɔ wèʔ, ki 'nyaa mi m'bé mi sìi kɛn wè mi tíimɛ wè. Ki fànʔa yē m'mɛ́ bè mi sìi kɛn wè, ki fànʔa yē m'mɛ́ bè koli bè wi suɔ cígini. Mi Tuu wire mɛ́ mi nyɛ́nì kire kajuudiɛlɛ siɛnrɛ taa dè.»

A Zezi wi sí ń'nɛ̀ siɛnrɛ táà juu nɛ́ jo: «M'bé ti 'juu yeli mɛ́ kányiʔɛ nɛ̄, mi wī wìile lè sìnbaara ti jíindiʔɛ gè.

Siɛn ŋíì pe sî líɛ sàri nɛ̄ wè, nɛ̀ sí ki taa sìnbanaʔawa sí bɛ̀ʔ wè, nɛ̀ pínɛ wire wori tíimɛ bɛ̀ʔ sìnbaara dèʔ, a wi gbɛ́nɛ̀ kàdafiige nyaa ki 'báan sìnbaara kúrugu dè, wi nɛ̂ fɛ̀ níɛ̀ ti wáa. Kàdafiige ki nɛ̂ jíin ti nī, nɛ̀ ti cɛrigɛ.

A Zezi wi 'jo: «M'bé ki juu yeli mɛ́ kányiʔɛ nɛ̄, siɛn ŋíì wi sî puu wi nɛ̌ jíin sìnbaduʔu wìile lire nī lèʔ, níɛ̀ tánʔa nɛ̀ jíin kayɔbigɔ káà kiiyɛ mɛ́ gè, kire siɛn wè, wiī kàyuuwo nɛ́ ní siɛngbɛniwɛ nɛ̀ pínɛ.