Zan 4से लोकप्रिय बाइबिल छंद

शेयर

Kulocɛliɛ wiī Pìle, kire nɛ̄ bìli pe wi gbùʔɔrɔ́ bèle, pe 'yɛli peri wi gbùʔɔrɔ́ nɛ́ Kulocɛliɛ Pìle ní, nɛ́ kányiʔɛ ní.»

Lɛ̀lɛ láà sí yē nɛ báan baa, ni cɛ́nì nɔ̀ nɛ̀ kúɔ, kire lɛ̀lɛ nī lè Kulocɛliɛ gbùʔɔrɔfɔlilɔ bèle, kányiʔɛ wuulo bèle, pe béri Tuufɔli gbùʔɔrɔ́ wè nɛ́ Kulocɛliɛ Pìle ní, nɛ́ kányiʔɛ ní. Nɛ́ ki cɛ́n, kire Kulocɛliɛ gbùʔɔrɔfɔlilɔ peli felile Tuufɔli wiī nɛ caa.

A ŋìi sí mi luʔɔ gbuɔ gè, luʔɔ gáà m'bé kɛn siɛn mɛ́ wè, luʔɔwuʔɔ sǐ ń'nɛ̀ je kire siɛn taa wè yirile náà nī lèʔ. Nɛ̀ taʔa gíi nɛ̄, luʔɔ gáà m'bé kɛn siɛn mɛ́ wè, ki bé kò lawiile bèri kɛ́ngi de yigi bè bànguɔ sìi kɛn wè wi mɛ́.»

A Zezi wi sí siɛnnugoro kɛn wi mɛ́ nɛ́ wi yɛ: «A ki yē muɔ cé Kulocɛliɛ yakɛngɛ cɛ́n gè, nɛ́ siɛn ŋáà wi 'muɔ yɛ: ‹-Mi kɛn mi gbuɔ wè›, muɔ tíimɛ ma sî ní koli bè wi náari; wi sî muɔ kɛn nɛ́ sìi luʔɔ ní gè.»

A Zezi wi 'pe yɛ: «Mi yaliire tire yē ŋàa wi 'mi tun wè, mi- wi nyɛ́ni kaala kpíʔile lè, bé sí wi baara kúɔ de bè láʔa.

A cɛliwɛ wi 'wi yɛ: «Mi kàfɔli, yakuʔu wè muɔ mɛ́ʔ, kɔ̀lɔ wi sí yē sícuuwo; sé muɔ je kire sìi luʔɔ taa gè ?

A cɛliwɛ wi 'wi yɛ: «Mi 'ki cɛ́n Mesii wi bága pɛn, ŋàa pe ye Kulocɛliɛ Siɛnnyiɛnɛgɔnwɔ wè; a wire kɛ́nì pɛn wè, wi bé pa ti mìɛni yiʔɛ juu bè tìɛ weli nɛ̄.» A Zezi wi 'wi yɛ: «Mi wī, mi ŋáà mi nyu nɛ́ muɔ ní wè.»

«Yeri báan ye pa nyaa nàguɔ ŋáà nɛ̄ wè, kele gílì mìɛni mi 'kpíʔile gèle wi 'ke juu m'mɛ́, dí wire bɛ̀ʔ í Kulocɛliɛ Siɛnnyiɛnɛgɔnwɔ wè ?»