Zan 6से लोकप्रिय बाइबिल छंद

शेयर

A Zezi wi 'pe yɛ: «Mi wī sìi yaliire dè. A siɛn ŋíì 'pɛn mi mɛ́ wè, fungo sǐ ní ki siɛn taa wèʔ; a siɛn ŋíì 'tɛ́ngɛ mi nɛ̄ wè, luʔɔwuʔɔ sì ní ga tíi wi taaʔ.

Kulocɛliɛ Pìle lire ni nyɛ́ni sìi kanʔa wè; céri ti wè yafiɛn nyuʔɔʔ. Siɛnrɛ dáà mi 'juu yeli mɛ́ dè, tiī Pìle nɛ́ ní sìi.

Ye fǎri baara yaliire dáà ti nyɛ́ni córi dè tire kɛnmɛ nɛ̄ʔ, yeri baara yaliire dáà ti bága bànguɔ sìi kɛn wè. Kire yaliire tire Siɛn Pùɔ wi je ga kɛn yeli mɛ́. Wire nɛ̄ weli Tuu Kulocɛliɛ wi nyɛ́nì fìɛ tɛ́ngɛ bè ki tìɛ wire 'yéri wi wori nɛ̄ dè.»

Mi Tuu wi nyɛ́ni kaala lire nī nàa lè: siɛn ó siɛn wi 'Jaafɔli nyaa wè nɛ́ tɛ́ngɛ wi nɛ̄ wè, siɛn wi bé bànguɔ sìi taa wè, dí mi sí ga siɛn yɛ̀gɛ wè duniya kúɔjɛngɛ gè.»

A Zezi wi 'siɛnnugoro kɛn pe mɛ́ nɛ́ pe yɛ: «Kulocɛliɛ baara n'dɛ: ki 'nyaa siɛn ŋáà Kulocɛliɛ wi 'tun wè, ye- tɛ́ngɛ wi nɛ̄.»

«A Tuufɔli wi sí siɛn ó siɛn kɛn m'mɛ́ wè, ki siɛn wi bága pɛn mi kúrugu; a siɛn ŋíì sí pɛn mi kúrugu wè, miǐ ga tíi bé cíi ki siɛn nɛ̄ wèʔ.

A Siimɔ Piɛri wi 'siɛnnugoro kɛn wi mɛ́ nɛ́ wi yɛ: «Kàfɔli, ŋáasiɛn kúrugu weli bé koli de waa ? Muɔ mɛ́ bànguɔ sìi siɛnrɛ ti yē.

Mi yaliire dè dàa nī sìi wi yē wè, ti 'kɔ́n nyìʔɛnɛ nī nɛ̀ tìgi; a siɛn ki yaliire dáà lìi dè, siɛn wi bé kò sìi nɛ̄ súuri. Yaliire dáà sí mi je kɛn wè, mi céri tire dī, mi 'ti kɛn duniya siɛnnɛ pe sìitaakoligo nī gè.»

Siɛn sǐ gbɛ̀ pɛn m'mɛ́ʔ ka laa Tuufɔli ŋáà wi 'mi tun wè, wire bɛ̀ʔ wi 'wi píle nɛ̀ pɛn m'mɛ́ wèʔ. Mi wè, m'bé sí ga ki siɛn nyɛ́ wè bè yige kúbilo nī bèle duniya kúɔjɛngɛ gè.

Ki 'nyaa Kulocɛliɛ yaliire tire ti 'tìgi nyìʔɛnɛ nī lè, tire ti nyɛ́ni sìi kanʔa wè duniya wuulo mɛ́ bèle.»

Mi wī sìi yaliire dè.

A Zezi wi 'fali nɛ̀ búrulo líɛ bèle, nɛ̀ Kulocɛliɛ síɛri wè, nɛ́ wi liɛlɛ nɛ̀ tóri siɛnnɛ nɛ̄ bèle bàli pe 'puu tɛ́ninɛ bèle, nɛ́ koli nɛ̀ kanugo kpíʔile gè nɛ́ fúɔlɔ ní bèle, a pe mìɛni 'taa pìye fungo. Bà pe kɛ́nì káa nɛ̀ tín bèle, a Zezi wi 'wi pìtɛnmɛnɛ yɛ bèle: «Ye- káagoriro pínɛ dè, tàa fǎga cúʔɔʔ.»

Pìtɛnmɛnɛ pe cé kɔ́ri fɛ̀ gè nɛ̀ líili culolo kogunɔ bèri waa kɔlini félige mɛ́. A pe kɛ́nì Zezi nyaa wè wi tári nɛ báan luʔɔ nɛ̄ gè nɛ̀ pɛ́nì kpɔni kɔ́ri nɛ̄ gè, a fíɛrɛ 'pe cò. A wi 'pe yɛ: «Mi wī. Ye fǎri fìʔɛ́ʔ !»