Mariki 13से लोकप्रिय बाइबिल छंद

शेयर

Yeli kaala ni bága siɛnnɛ pe mìɛni biɛn mi míʔɛ kire kɛnmɛ nɛ̄. A siɛn ŋíì sí ki kpàri nɛ̀ cò nɛ̀ pɛ́nì paʔa wè, kire siɛn wire wi bága sa suɔ.

Ye- sí de ciʔige, ye puu nyɛminɛ nɛ̀ taʔa gíi nɛ̄ yeli sì ki lɛ̀lɛ cɛ́n lèʔ.

«A pe sí kɛ́ni yeli yeri nɛ mári fànʔafɔlilɔ tiɛyɛ nī yè, nɛ yeli dàridari nɛ mári mmɛ gè, ye fǎga ki yaʔa sànviige kíni de yeli wáariʔ gìi yeli bága sa juu gèʔ. A Kulocɛliɛ sɛ́nì siɛnrɛ díì nyɔ́gɔ yeli nī bèle, ye- tire juu. Yeli bɛ̀ʔ ye béri nyu kire lɛ̀lɛ nī lèʔ; Kulocɛliɛ Pìle lire ni béri nyu yeli sìndiʔɛ nī.

Nyìʔɛnɛ nɛ́ dàala ní lè tire bága tóri, mi siɛnrɛ tiǐ sí ga tóri bè nyaaʔ.

«Gìi ki 'kire cɛngɛ kúɔ gè nɛ́ ki lɛ̀lɛ ní lè, siɛn sì ki cɛ́nʔ; nyìʔɛnɛ tundunminɔ tíimɛ piyè ki cɛ́nʔ, nɛ̀ Jaafɔli pínɛ wè; ga laa Tuufɔli wire bɛ̀ʔ.

A yeli kɛ́ni kapiɛnnɛ wori lúru, nɛ kapiɛnnɛ tùnmɔ lúru, ye fǎga ki yaʔa ki de fíɛrɛ cògí yeli nɛ̄ʔ, ki 'kàri fànʔa wī kire kele gálì ke 'yɛli bè kpíʔile. Ye fǎga sí de sɔ̀ngi duniya wi kúɔ lɛ̀lɛ lire ni 'nɔ̀ʔ.

Kire nɛ̄, ye- puu nyɛminɛ, bɛ̀ yeli sì saʔafɔli wi pɛn lɛ̀lɛ cɛ́n lèʔ: dùʔɔ cɛnguʔɔ ki bága pa puu yo, nyìjaliɛlɛ nɛ̄ wī yo, gòpɔpeliwe nyɛni lɛ̀lɛ nī wī yo, sínbiniwuuro nī wī yo, wàa sì kire cɛ́nʔ. Kiì sí yɛli wi ga pa yeli fuuʔ, ki- nyaa yeli puu de ŋɔ́niʔ. Siɛnrɛ dáà mi nɛ nyu dàa dè yeli mɛ́ dè, ye mìɛni mɛ́ mi nɛ ti nyu: ye- puu nyɛminɛ yeri kele ciʔige gèle.»

Ki 'nyaa kùlo láà bága yɛ̀ bè sa tuu kùlo láà nɛ̄, fànʔa káà bága yɛ̀ bè sa tuu fànʔa káà nɛ̄, dàala ni béri cúungu tiɛyɛ yáà nī, fungo míɛni bága pa tuu tiɛyɛ yáà nī. Kire ki bé nɛ́ puu fùrɔgɔ ki sélimɛ bè, majo bɛ̀ cesiʔi liyɛ sî nɛ cesiiwe yáa wè.»

Nɛ̀ pínɛ Kataanna Siɛnrɛ ti 'yɛli bè kíni bè jáari kùlogolo tiɛrɛ ti mìɛni nī wī.

Siɛnniʔɛnɛ bága pɛn bè pari nyu nɛ́ mi míʔɛ ní bé jo peli bīɛlɛ Kulocɛliɛ Siɛnnyiɛnɛgɔnwɔ wè. Ki siɛnnɛ pe bé pàli sáa fáanni bè pùunni.

«Yeli bèle, ye- sí de ciʔige; siɛnnɛ pe bága de yeli cògí de waa nɛ́ yeli ní kàyuʔujuulo gbuʔulo nī gèle; pe sari yeli kpúɔn nɛ́ sápinyiʔɛnɛ ní tɛnmɛzaaya nī yè. Nɛ̀ pínɛ pe béri yeli yeri kùlofɔlilɔ kpáaya mɛ́ nɛ́ fànʔafɔlilɔ tiɛyɛ nī, mi míʔɛ kire kɛnmɛ nɛ̄ bè. Kire bé kpíʔile kaala, yeli bé puu mi wori ti juufɔlilɔ siɛnnɛ pe yiʔɛ mɛ́ gè.

Nɛ́ ki cɛ́n Kirisile jànvaafɔlilɔ nɛ́ Kulocɛliɛ siɛnjuulo jànvaafɔlilɔ pálì bága yiri. Pe béri kanyuʔɔnigɔlɔ kpínʔini, nɛ́ kakpoliyo ní de pínɛ. Fúɔ a ki cɛ́nì taa bìli Kulocɛliɛ wi 'nyíɛnɛ nɛ̀ kɔ̀n bèle, pe bé pe fáanni bè pùunni.

«A wuʔɔgbuʔɔ gáà ki kɛ́nì tóri kire cɛnyɛ nyáà nī yè, Cɛngɛ ki bé yiʔɛ bè kò yebilige, Yege kiǐ ní de kpìɛnmɛ cáanriʔ. Ŋɔgɔlɔ ke bé tìgi nyìʔɛnɛ nī lè bè tuu; fànʔa tiɛyɛ nyáà yī baa nyìʔɛnɛ nī lè, yi bé cúungo .