Zwz Nduq 17से लोकप्रिय बाइबिल छंद

शेयर

Zwz Yaqbozlanh ndaej gaeujsip-gaeuj bi naeh, YEZ'HOAHHUAH daeuj hawj dix taen, daj dix hax: "Gux zawh dij Sen gaeng goj rux hoak naeh. Mawz daeq ka loh gux daeq singjringh, hawj gux leztaen mawz zawh goanz ux gaemz hax mboq miz.

Daeq gannaeh mwz, minxzwh mawz mboq rongx hoak Yaqbozlanh , rongx hoak Yaqboahlazhanq . Unj, gux hawj mawz hoak dez lai yowngh dij goanz.

Gux daj mawz, luglan mawz, zoh rawz goj venj, dungzdingq daengznauq. Gux hoak dij Sen mawz daj dij Sen luglan mawz daengznauq.

"Gux haxdoq mawz, gaenq gaenqgux daj mawz dungzdingq naeh zawh gux hawj mawz hoak dez lai yowngh dij goanz.

Gaj dij Sen hax: "Mboq! Mijmez mawz Sazlaz saeh mawz zowngx goanz lug zaiz ux zaeh. Mawz saeh dix nyaek minxzwh hoak Yitsaeg . Gaenq mbaednduq gux daj mawz dungzdingq naeh, mwznaj gux daj dix daj daengz luglan dix dungzdingq daengznauq.

Gux aeu dih Zaznanh , dih gan mawz yuq laeng daenh naeh, aeu daengzle hawj mawz daj luglan mawz hoak dih hoakjin daengznauq. Gux hoak dij Sen luglan mawz."

Yaqboahlazhanq gvih bae dihndin ko, ndaw zaw dix nwh: "Laux jeq gux haeuz ndaej baeg bi, gux naengz rux miz lug mah? Sazlaz haeuz ndaej gaeujsip bi, dix naengz rux zowngx lug mah?"

Dij Sen daj Yaqboahlazhanq hax: "Daeq gannaeh mwz, minxzwh mijmez mawz rongx hoak Sazlaz , baenznaeh mboq hawj mawz rongx minxzwh gaeuq dix Sazlaih.

Puj zaiz gawz goj yauq heh naeng baeg dij noag, gaenqnaeh zawh aeu mai aen dungzdingq gux daj gaenqsu dingq naeh.

Gaj gaenq dungzdingq naeh, mboq zawh daj Yixswhmaxliq dungzdingq, zawh daj Yitsaeg dungzdingq. Bi mawq, sowh zwzzawjraeuz naeh, gux hawj Sazlaz zowngx Yitsaeg ."

Daeq gannaeh mwz, gaenqsu zoh rawz goj venj, nanghgaj zawh puj zaiz yauq zauh heh. Puj yuq rownz su zowngx yaq taeng vaenz daih biad zauh heh. Puj koij gaenqsu aeu ngaenz swx dih ndai maz naeh, lug paenqdix zowngx yaq taeng vaenz daih biad hoak rawz goj zauh heh. Gux daj gaenqsu dungzdingq daengznauq. Puj yuq ndaw rownz mawz zowngx daj puj aeu ngaenz swx daeq baihnog maz, gawz goj zauh heh zuxbaenz. Hawj gaenq dungzdingq naeh daj laiz nyaengx ndaw sw dungzlumj laiz nyaengx ndaw ndang su, hawj gaenqsu nyenndaej gaenq dungzdingq naeh.