Nau Ntơm 3से लोकप्रिय बाइबिल छंद

शेयर

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

Tâm lĕ rngôch mpô mpa bri Yêhôva Brah Ndu njêng jêh, bêh jêng mpa ƀlăch ƀlêr lơn. Bêh lah ma bu ur: “Ngăn Brah Ndu hŏ ntĭnh jêh ma khân may mâu dơi sa play tơm si tâm n'gar trao bơh?”

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Brah Ndu lah ma bu ur: “Gâp mra ntop n'hao âk nau rgănh dôl ay ntreo, Jêh ri ntop âk nau ji ăp tơ̆ dôl ay deh kon. Ƀiălah, ay hôm ŭch rêh êp sai ay, Jêh ri sai ay mra chiă uănh ay.”

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Brah Ndu lah ma Y-Ađam: “Yor may hŏ iăt tĭng nau ur may, Sa play tơm si Gâp lĕ buay jêh mâu dơi sa, Yor ri neh mra geh nau rtăp rak yor may; May hŏt rgănh du njăr rêh ri mơ geh ndơ sa luh bơh neh.

Brah Ndu ôp: “Mbu nơm ntĭm ma may gĭt may rhôk? Di lĕ may hŏ sa jêh play ta tơm si, Gâp lĕ buay mâu ăn sa ôh?”

Brah Ndu mprơh bunuyh du luh bơh n'gar trao. Ta ntŭk mpeh luh nar n'gar trao Êđen, Păng dơm phung chêrubim n'hanh ma đao nchrat ral ngăn, ndăch ăp mpeh, gay kâp njrăng trong hăn tât tơm si nau rêh.

Y-Ađam kuăl ur păng jêng H'Êva yorlah păng jêng me ma lĕ rngôch bunuyh.