Иоанн 14से लोकप्रिय बाइबिल छंद

शेयर

Дица нужее рекъел толеб буго, дирго рекъел кьолеб буго дица нужее, дуниялалъ кьолеб бугеб гӀадин гуребха дица нужее гьеб кьолеб бугеб! РакӀ къварилъун рукӀунге ва хӀинкъуге нуж!

ГӀисаца жаваб кьуна: – Дун вуго нух. Дун вуго хӀакъикъат. Дун вуго чӀаголъи. Дидалъун гурони цониги инсан дир Инсухъе вачӀине гьечӀо.

ГӀисаца абуна: – РакӀ къварилъун рукӀунге нуж. Нужерго Аллагьасде иман лъе, дидеги иман лъе.

Нужер ракӀбатизабулеб ва дун хисун нужехъе БетӀергьанас битӀизе бугеб Илагьияб РухӀалъ кинабго малъила нужеда ва дица малъун тарабщинабги ракӀалде щвезабила.

Дир амру жиндихъ бугев ва гьеб тӀубазабун хьвадарав чи ккола дун вокьулев чи, дун вокьулев чи дир Инсуеги вокьила, диеги вокьила ва гьев чиясе дица дунго загьир гьавила.

Дица Инсуда гьарила ва гьес нужехъе битӀила абадул абадиялъ нужедаса батӀалъичӀого нужер ракӀбатизабулеб РитӀухълъиялъул РухӀ. ГӀаламалъ гьеб къабул гьабизе гьечӀо, гӀаламалда гьеб лъаларелъул, бихьуларелъул. Амма нужеда гьеб лъала, гьеб гьабсагӀатги нужеда аскӀоб бугелъул ва кидаго нужелъ букӀинеги бугелъул.

Дица тӀубазабила, дир цӀар рехсон нужеца щиб гьараниги, – Васасдалъун Эмен машгьурлъизе. Дир цӀар рехсон нужеца щиб дида гьараниги, гьеб дица тӀубазабила.

Дун нужее вокьулев ватани, дир амруязда рекъон хьваде.

Дир Инсул минаялъур гӀемерал рукъзал руго. Гьел гӀемер рукӀинчӀелани, гьедин абилароан дица. Нужее гьениб бакӀ къачӀазе унев вуго дун.

Гьениб нужее бакӀ къачӀан бахъиндал, дун тӀадвуссун вачӀина нуж дидаго цадахъ рачине, нужги дида аскӀор рукӀине.

Фомаца гьикъана гьесда: – Я, БетӀерчӀахъад! Нижеда мун унев вугеб бакӀ лъалеб гьечӀелъул, гьенибе нух кин нижеда лъалеб?