Juan 8से लोकप्रिय बाइबिल छंद

शेयर

Jesusca, cutin yachachishpa catishpaca cashnami nirca: —Ñucaca, cai pachapaj Luzmi cani. Maijanpish ñucata catijca, mana amsapi puringachu. Ashtahuanpish causaita cuj Luztami charinga— nircami.

Cashcatataj huillaj shimicuna cashcatami rijsinguichij. Chai Shimicunami cancunataca, huatashca shinamanta cacharichinga— nircami.

Jesusca, Paita crij judiocunataca, cashnami nirca: —Ñuca huillashca Shimicunata crishpa, mana huashaman tigrashpaca, Ñuca yachacujcunatajmi canguichij.

Chashna cajpimi cancunaca, Diospaj Churi cacharichijllapi, cacharishcataj saquiringuichij.

Paicuna tapuracujpimi Jesusca, umata huichi jatarichishpa: —Maijan cancuna jucha illajlla cashpaca, cai huarmitaca, pairaj rumihuan shitachun— nirca.

Shina nijpimi Jesusca, cashna nirca: —Pipish juchallata rurashpa causajtaca, juchami huatashcata charicun. Chaica chashnatajmari.

Jesús huichilla ricushpaca, chai huarmilla chaipi shayacujtami ricurca. Pi shujta mana ricurijpimi: —Huarmi, ¿canta juchachijcunaca maipitaj? ¿Canta llaquichishun nicujcunaca, manachu pi imata nirca?— nijpica: —Apu, mana pi llaquichihuanchu— nircami. Chashna nijpi Jesusca: —Ñucapish mana imata ninichu. Rilla, cutinca amataj juchallinguichu— nircami.