Lucas 10से लोकप्रिय बाइबिल छंद

शेयर

Ñucamari cancunamanca culebracunata, alacrancunata sarui tucunata curcani. Cancunata pʼiñaj diablotapish caźuchi tucunatami curcani. Chaimanta cancunataca, ima mana llaquichi tucungachu.

Chashna nijpi, Jesusca cashnami nirca: —Marta, Marta, canca tucuita rurana yuyaillamari cangui. Shujllatamari rurana cangui. Mariaca allitamari yuyarishca. Pai uyacujtaca, pi mana jarcangachu— nircami.

Chashna nijpimi, chai yachachijca, cashna nishca tiyacujta huillarca: —“Canta Mandaj Diostaca, cambaj tucui shunguhuan, tucui almahuan, tucui fuerzahuan, tucui yuyaihuan, cʼuyangui. Shujtajcunatapish can quiquinta shinallataj cʼuyangui” ninmi— nirca.

Cachacushpaca cashnami nirca: «Tandana chagraca achcamari, tandajcunamari ashalla. Chaimanta, chagrayujtaca ashtahuan tandajcunata cachachun mañaichigari.

Canpica, chai shuhuacuna llaquinayajta macashca runataca, chai quimsa runacunamantaca, ¿maijantaj quiquinta shinallataj llaquishca yuyachin?— nircami. Chashna tapujpi, chai yachachij runaca: —Shuhuacuna macashca runata llaquij runari— nirca. Shina nijpi, Jesusca: —Canpish chashnallataj ruragri— nircami.

Richijlla, cancunataca, malta ovejacunata atujcunapaj chaupiman cachaj shinami cachani.