Zohane' 6से लोकप्रिय बाइबिल छंद

शेयर

Ne'mine likevo Izesu' aza ti' lo lo soto' o ngimine': Neni' neve nene minevo' minevo' minaa' do soto' oga' neine' noso' nite' ma ne nouve. Ne'mine nouvoni' nenako ve ma ingine nenita igi gi'mizi minilizave nene a'mine noso' nitekumu' gohi ga'na hilamilisave. Ee, ido' nenikumu' ma gili ele'vole' ilizave nene nosomu' gohi ma ngisamoloseive.

Okode losuvoloti' ogo molo oga' noune' monovote ne'mo nene lute ma hize ele' osa'minako haza okodine losuvoloti' me'mele'ne naa' ne'mosi nene lutine ma hize ele' ogo minevo' minevo' minaa' lengemeni dameni do soto' o-lengedelivoba asi minevo' minevo' minaa' nene O'moso'mi Sikalahu' ne'movo' do soto' o-lengedaa' neive. Ido' neni' noluvoni' gamazi meve nene Sikalahuli'mi amuzosi neivosa minevo' minevo' igi minilizani' aka do soto' o-lengedelingumu' nene noluve.

Ne'mine igi unuvo goloso oga' neine' noso' nitekumukovo' nene gono dami asi minevo' minevo' ogo minaa' neine' noso' nite' minevo' minevo' lengemeni dameni do soto' o-lengedelingumu' O'mosolati' ve gihile neni' lengemeloni' nemukovo' nene vise' iga' gono dalo. Ido' ne'mine noso' nite' lengemeloni' nene me'neho O'moso asi've nene neni' ne'mine iline lo amuzo nemo nele'mize molani' nenako nemu' nene ne'mine olosuve.

Ee, me'neho aza lulou' gele neine' nene gipele neni' ningisa nenikumu' gili ele'vole' ilizave muki' nene minevo' minevo' minaa' ngemeni dameni ngemanivo di nizavo alinge' gamene nabala nene gohi do ote-ngedelesane losa gele neive.

Ne'mine likevo Izesu' ti' lo lo-ngimine': O'moso'mo gilivo lingine dalizado' o neine' gono nene ne'mino neive: Asi've O'moso'mo imiselive nenikumu' nene gili ele'vole' ilizado' o neive.

Me'neho neni' nimive muki' nene nenita alisave. Ido' nenita alizave muki' nene mo keke' vasa izo do hulo-ngedamolosuve.

Ne'mine lavo Simoni' Petolo' a'mido' ti' lo line': Guvekasi ve. Minevo' minevo' minaali'mi gamazi've nene geitavo' neine' nenako ve gohi ma zahida vo gi'mizelone.

Ido' neni' neve nene a'mine Okulumokuti' limine' noso' nite' minevo' minevo' izelehosi minine' inite' ma ne nouve. Nouvonako a'mine noso' nitekuti' ma nalizave nene minevo' minevo' igi minilisave. Ne'mine ilisanako me misubou' aleve minivi' minivi' igi minilizave lo nenitati' noso' nite' ma ngemeloni' nene neni' me'mele'ne ngemelesuve.

Evene' ma nenita alizani' nene haza ma ngeli amilisave. Asi nimiselive me'neho ne'mo do nenita ogavosavo' alisave. Ido' ikevosa gamene nabala nene do ote-ngedelesuve.

Ido' ne'mine noluvoni' nene nanitekumu' ve. Okulumokuti' lemo misubou' aleve hize ele' o-lengedo minevo' minevo' minaa' lengemeni dameni lehize-lengedaa' neive nene O'mosolati' noso' nite' gihile nenako nemu' nene noluve.

Neni' neve nene minevo' minevo' minaa' do soto' oga' neine' noso' nite' ma ne nouve.

Mito' minikevo Izesu' aza sikoni nene do O'mosola opo'ni losa a'mine aleve nene ngimine'. Ido' a'mine'mine ogo alahakisi nene ngimine' ve. Ingine nisa gosele' ilizani' votigilelo' ngimine'. Mukito' gatu'ine ogavo nizavo izipahala zuho ti' lo lo-ngimine': Noso' nite' linge nene labuluvo ogalize. Lumo sama nene di nubo ilo.

Ne'mine neivo ingine 5, 6 kilomita (3, 4 maili) ne'mine sipiu' nivi Izesu' nene noso avilelo' lise lise navo ningi ngehelele izavo golise goloso gilani'za aza ti' lo lo-ngimine': Neni' ma ne nouze. Golise gilamilo.