MAK 1
1
Jon Baptisma binii boka Tonsḛrkhenyo niiñ
(Mt 3.1-12; Lk 3.1-18; Jn 1.19-28)
1Pinii ka Oho, Jisu Kristo ka Ayapuyu mika luri biiniiñ. 2#Mt 3.1-12; Lk 3.2-16; Jn 1.6,15,19-28. #Mt 11.10; Lk 7.27. Hiila ketola do Aijaya nyibuhenii ko,
“Kato, ngo kiiniñ biilyi ke ngiika puyu bakobomi niimi kapyo yapa,
huna lembo miimyo bikiñ donii mohpa;
3aguñ gonge gyula do zabyo ho:
Pinii pa lembo miiju bito,
mohka lembo mi parda pa miibito.”
4 #
Miin 13.24. Jon baptisma biniibo zabyo ho lintii, tonsḛrkhenyo tii henkur niika baptisma lanii mi ingyamiigya atañ hokii hello koku saniiñmi. 5Ho hiikoho mo agiñho hikha Judia ganda dalyi hokii, ho hikha Jerusalem daka miyuatañ; mohlo baptisma bikotii Jordan kiiley ho, mohluka ingyamiigya niimi khako siibii dokula. 6Siisi Jon uth ka ammu hokii tarii pa giitii, ho ahu giigya ho siilyo hokii hupopa tiigiitii, ho mo kormu la morey nyanyo alha mi diigo pa diitii. 7Ho mo tonsḛrkhenyo tii, lubiidola “Ngiika kiiliñ ho mo ahkiñdo ngiimika tamo-chikho yanii, Ngo mo agiñho chukila luku rappo nanii mitrḛ tapya biniipa lyima. 8Ngo nunumi yasie lo baptisma bibiilyi; hojalo mo nunumi Darii Yajiyallo lo baptisma bikiñ doke.”
Jisu Ka Baptisma Laniiñ la Tenkalarka koniiñ
(Mt 3.13—4.11; Lk 3.21,22; 4.1-13)
9 #
Mt 3.13-17; Lk 3.21-22; Jn 1.29-34. Hiika myodu ho Jisu Galili ka Nazaret ganda hokii ahtii, ho Jordan ho Jon lo baptisma bikotii. 10Ho mo yasie hokii daliñ dakele, ohepada mo yapuñ mi tanye betche dopa kappa biido ho Yajiyallo pakoo chulipa gohi biila mohko gohatii; 11Ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”
12 #
Mt 4.1-11; Lk 4.1-13. Nyibyaloda Yallo hii mohmi zabyo ho ingiitii. 13Ho mo zabyo ho allo loalyañ piilye dutii, saitan lo tenkalarka kotii; ho mo morey achu-amyo ka agiñho dutii; ho miidopopi mohmi hembyuñ-kabyuñtii.
Jisu Ngiiyyi Lanii Piilyemi Gyobiido
(Mt 4.12-22; Lk 4.14,15; 5.1-11)
14Siisi Jon mi pattiih boku lala, Jisu Galili ho ahtii, Pinii ka aya puyu mi tonsḛrkhenyo tii, 15#Mt 3.2. ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”
16 #
Mt 4.18-22; Lk 5.1-11; Jn 1.40-42. Ho Galili daka siimie mi impo biikele, mo Saimon la mohka anu Andrew nyimi kappa biido siimie ho pakhe biitola ngiiyyi lala dapa; niimpalukoda mo anye ngiiyyi laniitii. 17Ho Jisu mo anyemi lutii, “Ngiika kiiliñ ho imboto ho Ngo niinyi mi miyuatañ mika gyoniipa miiso.” 18Ho nyibya loda mo anye pakhe mi apatela ho mohmi imbo montii. 19Ho hokii ichuche adho inkele, mo Jems Zebedi ka oho la mohka anu Jon nyimi kappatii, mohlu huluho mohluka pakhe mi miitila dutii. 20Ho nyibya loda mo mohlumi gyotii; ho mohlu mohluka aba Zebedi mi huluho miyu ajho ingiinii atañka agiñho apatela, ho mohmi imbo montii.
Miyu Kone Diimmah Yajiyallo giitola
(Lk 4.31-37)
21 #
Mt 7.28-29; Lk 4.31-32. Ho mohlu Keparnam gandaho intii; ho nyibya loda dumoalo ho mo sinagog ho ahtii ho tonsḛrtii. 22#Mt 7.28,29. Ho mohlu mohka tonsḛr niimi talala aluñ nyatii, niimpalukoda mohka tonsḛr nii pagenii boka tonju homapa otority giito laka tonju ho tonsḛrtii. 23#Lk 4.33-37. Ho hiika myodu jaho mohluka sinagog ho miyu kone kacho yajiyallo giitola dutii, 24#Jn 6.69. ho mo gyutii, “No nii miipa ngunumi, Nazaret daka Jisu? No so ngunumi mudu lopa ahdunii? Ngo chindo no hu hiila, no Pinii ka Darii Oho.” 25Hojalo Jisu mohmi gatii, lubiidola, “Aduyo, ho mohkokii lintoku!” 26Ho kacho yajiyallo, mohmi ritiñ lolala ho hempḛr goropa gyula lala, hiika miyu kokii lintiiku. 27Ho miilañru aluñ nyatii, hopa mohlu kone anyami tako-tako taka siinyado, lubiidola “Niihpe si? Niti tonsḛr niike! otority giitola kacho yajiyallo mi lubiido, ho kacho yajiyallo atañ mohka luniiñ tado.” 28Ohe pada mohka tatu-katu mi hikha Galili ganda aruñare ho tapa tatii patii.
Jisu Abuje Miyu mi Miipya Biido
(Mt 8.14-17; Lk 4.38-41)
29 #
Mt 8.14-15; Lk 4.38-39. Ho hempḛr nyibya sinagog hokii lintiiku, ho Saimon la Andrew nyika ude ho ahtii, Jems la Jon nyika agiñho. 30Hiika myodu ho Saimon ka ayyobo doli achih la giila dotii, ho nyibya loda mohlu mohmi mohka achih mi luko biido. 31Ho mo ahbiila ho mohka alah gala lala mohmi seri biido, ho doli achih hii hempyo tiiku; ho mo mohlumi miiho-luho tiiku.
32 #
Mt 8.16-17; Lk 4.40-41. Hiika alyiñ ho, danyi ahdu myoduho, mohlu hikha achih-ahe nii ho igii jarpiñ konii atañmi mohko ahgii bitii. 33Ho hikha citi daka miyuatañ alyeh agoho dakḛr pabiitii. 34Ho mo abuje achih-ahe mi miipyatii ponge-ponge achih-ahe giinii atañmi, ho abuje igii atañ miilañmi mompa biido; ho mo igii atañmi aguñgonge hetḛr luke nematii, niimpalukoda mohlu mohmi chintii.
Jisu Galili ho Tonsḛrkhenyo do
(Lk 4.42-44)
35 #
Lk 4.42-43. Ho aro konchiho, kamo dorañpa, mo guri biila ho jirara myokoh ho intii, ho hiiko mo kutii. 36Ho Saimon la mo agiñ hoka dabo monii atañ mohmi mete nyatiiku 37ho mohlu mohmi mepa lala ho mohmi lutii, “Kone abi niimi mela doke.” 38Ho mo mohlumi lutii, “kiije pongelya taun atañ ho inyasa, hotiirḛ ngo tonsḛr khenyo talyike; niimpa hiikoda ngo sipake ahdunii.” 39#Mt 4.23; 9.35. Ho mo hikha Galili ho intiipatii, mohluka sinagog ho tonsḛrkhenyola ho igii atañmi mompatii.
Jisu miyu kone mi Miipya Biido
(Mt 8.1-4; Lk 5.12-16)
40 #
Mt 8.2-4; Lk 5.12-16. Ho tahikoya giinii kone mohko ahbii la mohmi kubiido, ho liibañ khangala mohmi lutii, “No hendo koda, no ngiimi miipya lakiñdo.” 41Aroh ritii, mo mohka alah yuliñla mohmi tenne biido, ho mohmi lutii, “Ngo hendoke; hempyo toku.” 42Ho ohe pada tahikoya giiniiñ hii hempyo datiiku hiika miyu kokii, ho mo mohmi darii dopa miidatii. 43Ho Jisu hempḛr uropa lutiñ lala, ho mohmi inke nentiiku, 44ho mohmi lubiido, “Tageto mih kone mitrḛ luko yayo; hojalopa inge, no atohmi nyibu mi kakiñ siinge, ho binge Mose ka luniiñ chulipa pinii mi niimi ka miipya kuko hopa, miyuatañ mika luko lutiñ naniiñpa.” 45Hojalopa hiika miyu ago linda bukula hang hena mapa luko lujo biidado, ho puyu mi tapa tatii biido, hopa Jisu taun ho kado lilipa ila mapa lyitii, hojalo mo ganda ka agoho dutii; ho kappane khonchañ barañ hokii miyuatañ mohko ahtii.
वर्तमान में चयनित:
MAK 1: APATBSI
हाइलाइट
शेयर
कॉपी
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.
MAK 1
1
Jon Baptisma binii boka Tonsḛrkhenyo niiñ
(Mt 3.1-12; Lk 3.1-18; Jn 1.19-28)
1Pinii ka Oho, Jisu Kristo ka Ayapuyu mika luri biiniiñ. 2#Mt 3.1-12; Lk 3.2-16; Jn 1.6,15,19-28. #Mt 11.10; Lk 7.27. Hiila ketola do Aijaya nyibuhenii ko,
“Kato, ngo kiiniñ biilyi ke ngiika puyu bakobomi niimi kapyo yapa,
huna lembo miimyo bikiñ donii mohpa;
3aguñ gonge gyula do zabyo ho:
Pinii pa lembo miiju bito,
mohka lembo mi parda pa miibito.”
4 #
Miin 13.24. Jon baptisma biniibo zabyo ho lintii, tonsḛrkhenyo tii henkur niika baptisma lanii mi ingyamiigya atañ hokii hello koku saniiñmi. 5Ho hiikoho mo agiñho hikha Judia ganda dalyi hokii, ho hikha Jerusalem daka miyuatañ; mohlo baptisma bikotii Jordan kiiley ho, mohluka ingyamiigya niimi khako siibii dokula. 6Siisi Jon uth ka ammu hokii tarii pa giitii, ho ahu giigya ho siilyo hokii hupopa tiigiitii, ho mo kormu la morey nyanyo alha mi diigo pa diitii. 7Ho mo tonsḛrkhenyo tii, lubiidola “Ngiika kiiliñ ho mo ahkiñdo ngiimika tamo-chikho yanii, Ngo mo agiñho chukila luku rappo nanii mitrḛ tapya biniipa lyima. 8Ngo nunumi yasie lo baptisma bibiilyi; hojalo mo nunumi Darii Yajiyallo lo baptisma bikiñ doke.”
Jisu Ka Baptisma Laniiñ la Tenkalarka koniiñ
(Mt 3.13—4.11; Lk 3.21,22; 4.1-13)
9 #
Mt 3.13-17; Lk 3.21-22; Jn 1.29-34. Hiika myodu ho Jisu Galili ka Nazaret ganda hokii ahtii, ho Jordan ho Jon lo baptisma bikotii. 10Ho mo yasie hokii daliñ dakele, ohepada mo yapuñ mi tanye betche dopa kappa biido ho Yajiyallo pakoo chulipa gohi biila mohko gohatii; 11Ho aguñ gonge yapuñ hokii luliñdo, “No ngiika heniiñja Oho; humina ngo ano hempyo biidunii.”
12 #
Mt 4.1-11; Lk 4.1-13. Nyibyaloda Yallo hii mohmi zabyo ho ingiitii. 13Ho mo zabyo ho allo loalyañ piilye dutii, saitan lo tenkalarka kotii; ho mo morey achu-amyo ka agiñho dutii; ho miidopopi mohmi hembyuñ-kabyuñtii.
Jisu Ngiiyyi Lanii Piilyemi Gyobiido
(Mt 4.12-22; Lk 4.14,15; 5.1-11)
14Siisi Jon mi pattiih boku lala, Jisu Galili ho ahtii, Pinii ka aya puyu mi tonsḛrkhenyo tii, 15#Mt 3.2. ho lubiido, “Myodu dokuke, ho Pinii ka raddeganda hii tunii dokuke; henkur nyato, ho Ayapuyu mi henje nyato.”
16 #
Mt 4.18-22; Lk 5.1-11; Jn 1.40-42. Ho Galili daka siimie mi impo biikele, mo Saimon la mohka anu Andrew nyimi kappa biido siimie ho pakhe biitola ngiiyyi lala dapa; niimpalukoda mo anye ngiiyyi laniitii. 17Ho Jisu mo anyemi lutii, “Ngiika kiiliñ ho imboto ho Ngo niinyi mi miyuatañ mika gyoniipa miiso.” 18Ho nyibya loda mo anye pakhe mi apatela ho mohmi imbo montii. 19Ho hokii ichuche adho inkele, mo Jems Zebedi ka oho la mohka anu Jon nyimi kappatii, mohlu huluho mohluka pakhe mi miitila dutii. 20Ho nyibya loda mo mohlumi gyotii; ho mohlu mohluka aba Zebedi mi huluho miyu ajho ingiinii atañka agiñho apatela, ho mohmi imbo montii.
Miyu Kone Diimmah Yajiyallo giitola
(Lk 4.31-37)
21 #
Mt 7.28-29; Lk 4.31-32. Ho mohlu Keparnam gandaho intii; ho nyibya loda dumoalo ho mo sinagog ho ahtii ho tonsḛrtii. 22#Mt 7.28,29. Ho mohlu mohka tonsḛr niimi talala aluñ nyatii, niimpalukoda mohka tonsḛr nii pagenii boka tonju homapa otority giito laka tonju ho tonsḛrtii. 23#Lk 4.33-37. Ho hiika myodu jaho mohluka sinagog ho miyu kone kacho yajiyallo giitola dutii, 24#Jn 6.69. ho mo gyutii, “No nii miipa ngunumi, Nazaret daka Jisu? No so ngunumi mudu lopa ahdunii? Ngo chindo no hu hiila, no Pinii ka Darii Oho.” 25Hojalo Jisu mohmi gatii, lubiidola, “Aduyo, ho mohkokii lintoku!” 26Ho kacho yajiyallo, mohmi ritiñ lolala ho hempḛr goropa gyula lala, hiika miyu kokii lintiiku. 27Ho miilañru aluñ nyatii, hopa mohlu kone anyami tako-tako taka siinyado, lubiidola “Niihpe si? Niti tonsḛr niike! otority giitola kacho yajiyallo mi lubiido, ho kacho yajiyallo atañ mohka luniiñ tado.” 28Ohe pada mohka tatu-katu mi hikha Galili ganda aruñare ho tapa tatii patii.
Jisu Abuje Miyu mi Miipya Biido
(Mt 8.14-17; Lk 4.38-41)
29 #
Mt 8.14-15; Lk 4.38-39. Ho hempḛr nyibya sinagog hokii lintiiku, ho Saimon la Andrew nyika ude ho ahtii, Jems la Jon nyika agiñho. 30Hiika myodu ho Saimon ka ayyobo doli achih la giila dotii, ho nyibya loda mohlu mohmi mohka achih mi luko biido. 31Ho mo ahbiila ho mohka alah gala lala mohmi seri biido, ho doli achih hii hempyo tiiku; ho mo mohlumi miiho-luho tiiku.
32 #
Mt 8.16-17; Lk 4.40-41. Hiika alyiñ ho, danyi ahdu myoduho, mohlu hikha achih-ahe nii ho igii jarpiñ konii atañmi mohko ahgii bitii. 33Ho hikha citi daka miyuatañ alyeh agoho dakḛr pabiitii. 34Ho mo abuje achih-ahe mi miipyatii ponge-ponge achih-ahe giinii atañmi, ho abuje igii atañ miilañmi mompa biido; ho mo igii atañmi aguñgonge hetḛr luke nematii, niimpalukoda mohlu mohmi chintii.
Jisu Galili ho Tonsḛrkhenyo do
(Lk 4.42-44)
35 #
Lk 4.42-43. Ho aro konchiho, kamo dorañpa, mo guri biila ho jirara myokoh ho intii, ho hiiko mo kutii. 36Ho Saimon la mo agiñ hoka dabo monii atañ mohmi mete nyatiiku 37ho mohlu mohmi mepa lala ho mohmi lutii, “Kone abi niimi mela doke.” 38Ho mo mohlumi lutii, “kiije pongelya taun atañ ho inyasa, hotiirḛ ngo tonsḛr khenyo talyike; niimpa hiikoda ngo sipake ahdunii.” 39#Mt 4.23; 9.35. Ho mo hikha Galili ho intiipatii, mohluka sinagog ho tonsḛrkhenyola ho igii atañmi mompatii.
Jisu miyu kone mi Miipya Biido
(Mt 8.1-4; Lk 5.12-16)
40 #
Mt 8.2-4; Lk 5.12-16. Ho tahikoya giinii kone mohko ahbii la mohmi kubiido, ho liibañ khangala mohmi lutii, “No hendo koda, no ngiimi miipya lakiñdo.” 41Aroh ritii, mo mohka alah yuliñla mohmi tenne biido, ho mohmi lutii, “Ngo hendoke; hempyo toku.” 42Ho ohe pada tahikoya giiniiñ hii hempyo datiiku hiika miyu kokii, ho mo mohmi darii dopa miidatii. 43Ho Jisu hempḛr uropa lutiñ lala, ho mohmi inke nentiiku, 44ho mohmi lubiido, “Tageto mih kone mitrḛ luko yayo; hojalopa inge, no atohmi nyibu mi kakiñ siinge, ho binge Mose ka luniiñ chulipa pinii mi niimi ka miipya kuko hopa, miyuatañ mika luko lutiñ naniiñpa.” 45Hojalopa hiika miyu ago linda bukula hang hena mapa luko lujo biidado, ho puyu mi tapa tatii biido, hopa Jisu taun ho kado lilipa ila mapa lyitii, hojalo mo ganda ka agoho dutii; ho kappane khonchañ barañ hokii miyuatañ mohko ahtii.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Apatani New Testament - NITI GONTU
Copyright © The Bible Society of India, 2014.
Used by permission. All rights reserved worldwide.