ADUNHEL 4
4
Pitor po Pen Johon po Ason Amel Ango
1Ladisi Pitor po pen Johon po arleng helyok kithan jeng amun, bangthepo, Arnam ahem thawangpo aro Sadukihel analidung wang hlengo, 2piyok pu tene anali arleng helyok kapaklang, aro Jisu kithi asitem para kiburphak alam kapahar anat, lahel ahuwit anangyok chihi hodakngo. 3Lasi analiyok aripen nep pono, aro aphel arniyok akrol long beng rulsi bilo, piyok pu tene anithulo chokngo. 4Manta Arnam alam ka-one hlong ako-ong arleng krolo; aro lalong hajar phongo bak arleng chokngo. 5La-aphel arni Jihudi phuphang hel, sar-larhel, kanong paklang hel Jerusalem along chingrumo, 6Anas po pusi bor-bangthe po, Kaiphas po, Johon po, Alekjendar po aro bor-bangthe po adon arat, analiyok asitem bisi arjulo. 7Konam anali akrol kibi abangyok asitem parjapmo, anali arjulo, “Nali pot apharan pen, lale pot amen pen nali labangpo tikilo?” 8Laparake Pitor po yok Jiuli-Kangthir pen plengsi anali yok pulo, “Ei phu-phang arleng hel aro akisarhel, 9labang konga arlengpoyok akime asal katiki alam archal langsi, mini hali yok arjudo, labang arlengpo pot badi pame tango, 10nali ahuwit, aro ahuwit Israyel arleng thek nange, lake Najaret Jisu Khristo yok nali kros long taro, inghoyok Arnam kithi asitem para paburo, anang amen pensi bangpo arleng medetsi, nali ngo arjapsi do. 11Labang Jisu ke “Nali hem kikem abang kilangmo arlongpo, atok long aghai arlong chiplango, lake anango. 12Jotmehel long kijok hlonghle, piyok pu tene ingho pen ili kijok nange, suneng arlo arleng asitem kibi labadi prek ihut amen ingjong.” 13La-amun Pitor po pen Johon po ladi aha theksi, aro anali thekthe-rere kamango arleng pusi, lahel bismat hlongo aro lahel Jisu alokjor kido pusi analiyok chini lo. 14Konam anali kiso kime arlengpo ayok anali kung arjap dingne kido theksi, anali itheta pu dun phak un-eh yongot. 15Lasi analiyok ason amel long para kachiterek ayok thansi, anali hijan chirwal ponhisi pulo, 16anali pulo, “Lamehel arleng helyok ili pot inghol nang?” Piyok pu tene anali pensi isi akithe asal tikisi paklango, labang Jerusalem kido arleng ango chitha-angsi do, aro ilita hoi chomo un-eh. 17Manta arleng hel adak bangpo aro pachisang hlonghle yok, lasi labang Jisu amenpen ihut yok lam kachithan aro kapathan hlonghle aphan analiyok paserek ngot.” 18Lasi analiyok taram phaksi, Jisu amen pen jatsi lam kipathan aro kapaklang hlonghle yok thano. 19Manta Pitor po pen Johon po analiyok pu phakngo, “Arnam alamthe yok ke nalilam karju Arnam ango kime, ma kalek, bangpo nali bithang chiron langot; 20piyok pu tene hali bithang pot thek hlongo aro pot arju hlongo, bangpo pu pe lengke do un-eh.” 21Anali aduk kipi awak hlonghle yongot, lasi analiyok paserek phaksi, lahel analiyok tikango; piyok pu tene potsi kachiplang, la anat ahuwit arleng Arnamyok parklam si kido; 22piyok pu tene arlengpo yok pamesi asombhik asin paklang tango, labang kime arlengpo abo angkol-hini anengkan yok ongchot kido.
Kikrol Abang Chihasi Kapingkit
23Ladisi Pitor po pen Johon po akrol para kijok aphel, anali khoi adun hel adung damo, aro bor-bangthe aro akisar hel potsi kipu, mehel alam analiyok thano. 24Labang alam arjusi ahuwit Arnam yok isi asidetsi hangsolo aro pulo, “O kihal Hemphu, O nang ethakpe, aro pirthimipe, langpe aro mehel asitem kido ahuwit kasansepo. 25Nangsi Jiuli-Kangthir pensi nang murkiya Dabhit po, angho labang kipathan, ‘Bang-ajat hel piyok anang kango aro arleng hel piyok akijol alam chirono? 26Piyok pu tene labang arongpe longsi, khanangsi, Hemphu pen anang Khristo yok kilang un-eh anatsi, pirthimipe long kido rechohel chingthuro aro kapangdom abang hel pen chingrumo.’ 27Piyok pu tene, khanangsi, Herod po pen Pontiyas Pilat po, Bang-ajat aro Israyel arleng helpen, jaiyok nang arwalo, labang kangthir murkiya Jisu yok lang un-eh si labang rongpe long kachingrum, 28nang-ari pensi aro aporong kapachip wen angden ateng jipe kachiplang ayok ta tiki lo. 29Aro minon, O Hemphu, anali kapasek alam kangje hel langot, aro nang adun helyok pherere phosi nang lamthe pathan tolnot, 30Aro nang kangthir murkiya Jisu amen pensi, nang ari batsi kiso kapame yok, kiso kapame ayok, aro asin hel aro asombhik asal paklangot.” 31Konam labadi pingkit tango, anali kachingrum athempo klem detno; aro ahuwit Jiuli-Kangthir pen plengo, aro Arnam alamthe aha dodutsi than pono.
Kikrol Abang Boi-bihini Kapajir
32Minon ke kikrol dun abang isidet angthin pen aro anang isi detsi jiuli pen aro ihut ta abithang boi-bihini hel abithang aphan chipupe yongot, manta anali kido kangwe bihini hel ilongsi bilo. 33Kangthir adun hel apharan thesi Hemphu Jisu kithi para kibur hakhi pilo, aro ahuwit aphuthak Arnam jinso kithe hlong chotno. 34Anali sitem kanange arleng weh dungo; piyok pu tene konbak arleng lungle lale ahem kido abihini jorsi, aro nohok hel wano. 35Anali kangthir adun akeng-ri wangbilo, aro ingho potsi kanange ateng, abangten yok thakngo. 36Lalong Jusep po, inghoyok adun helke anangyok Barnabas po pusi kataram (labang lam acho ke “Neng Kirung asopo” amen kibi), anang ihut Lebi aro Saipras ajat, anang idang lungle kido. 37Anang idang alungle chijorsi, bang so anohok chiwansi kangthir adun hel akeng-ri long wang bilo.
वर्तमान में चयनित:
ADUNHEL 4: AMRI-BSI
हाइलाइट
शेयर
कॉपी
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
ADUNHEL 4
4
Pitor po Pen Johon po Ason Amel Ango
1Ladisi Pitor po pen Johon po arleng helyok kithan jeng amun, bangthepo, Arnam ahem thawangpo aro Sadukihel analidung wang hlengo, 2piyok pu tene anali arleng helyok kapaklang, aro Jisu kithi asitem para kiburphak alam kapahar anat, lahel ahuwit anangyok chihi hodakngo. 3Lasi analiyok aripen nep pono, aro aphel arniyok akrol long beng rulsi bilo, piyok pu tene anithulo chokngo. 4Manta Arnam alam ka-one hlong ako-ong arleng krolo; aro lalong hajar phongo bak arleng chokngo. 5La-aphel arni Jihudi phuphang hel, sar-larhel, kanong paklang hel Jerusalem along chingrumo, 6Anas po pusi bor-bangthe po, Kaiphas po, Johon po, Alekjendar po aro bor-bangthe po adon arat, analiyok asitem bisi arjulo. 7Konam anali akrol kibi abangyok asitem parjapmo, anali arjulo, “Nali pot apharan pen, lale pot amen pen nali labangpo tikilo?” 8Laparake Pitor po yok Jiuli-Kangthir pen plengsi anali yok pulo, “Ei phu-phang arleng hel aro akisarhel, 9labang konga arlengpoyok akime asal katiki alam archal langsi, mini hali yok arjudo, labang arlengpo pot badi pame tango, 10nali ahuwit, aro ahuwit Israyel arleng thek nange, lake Najaret Jisu Khristo yok nali kros long taro, inghoyok Arnam kithi asitem para paburo, anang amen pensi bangpo arleng medetsi, nali ngo arjapsi do. 11Labang Jisu ke “Nali hem kikem abang kilangmo arlongpo, atok long aghai arlong chiplango, lake anango. 12Jotmehel long kijok hlonghle, piyok pu tene ingho pen ili kijok nange, suneng arlo arleng asitem kibi labadi prek ihut amen ingjong.” 13La-amun Pitor po pen Johon po ladi aha theksi, aro anali thekthe-rere kamango arleng pusi, lahel bismat hlongo aro lahel Jisu alokjor kido pusi analiyok chini lo. 14Konam anali kiso kime arlengpo ayok anali kung arjap dingne kido theksi, anali itheta pu dun phak un-eh yongot. 15Lasi analiyok ason amel long para kachiterek ayok thansi, anali hijan chirwal ponhisi pulo, 16anali pulo, “Lamehel arleng helyok ili pot inghol nang?” Piyok pu tene anali pensi isi akithe asal tikisi paklango, labang Jerusalem kido arleng ango chitha-angsi do, aro ilita hoi chomo un-eh. 17Manta arleng hel adak bangpo aro pachisang hlonghle yok, lasi labang Jisu amenpen ihut yok lam kachithan aro kapathan hlonghle aphan analiyok paserek ngot.” 18Lasi analiyok taram phaksi, Jisu amen pen jatsi lam kipathan aro kapaklang hlonghle yok thano. 19Manta Pitor po pen Johon po analiyok pu phakngo, “Arnam alamthe yok ke nalilam karju Arnam ango kime, ma kalek, bangpo nali bithang chiron langot; 20piyok pu tene hali bithang pot thek hlongo aro pot arju hlongo, bangpo pu pe lengke do un-eh.” 21Anali aduk kipi awak hlonghle yongot, lasi analiyok paserek phaksi, lahel analiyok tikango; piyok pu tene potsi kachiplang, la anat ahuwit arleng Arnamyok parklam si kido; 22piyok pu tene arlengpo yok pamesi asombhik asin paklang tango, labang kime arlengpo abo angkol-hini anengkan yok ongchot kido.
Kikrol Abang Chihasi Kapingkit
23Ladisi Pitor po pen Johon po akrol para kijok aphel, anali khoi adun hel adung damo, aro bor-bangthe aro akisar hel potsi kipu, mehel alam analiyok thano. 24Labang alam arjusi ahuwit Arnam yok isi asidetsi hangsolo aro pulo, “O kihal Hemphu, O nang ethakpe, aro pirthimipe, langpe aro mehel asitem kido ahuwit kasansepo. 25Nangsi Jiuli-Kangthir pensi nang murkiya Dabhit po, angho labang kipathan, ‘Bang-ajat hel piyok anang kango aro arleng hel piyok akijol alam chirono? 26Piyok pu tene labang arongpe longsi, khanangsi, Hemphu pen anang Khristo yok kilang un-eh anatsi, pirthimipe long kido rechohel chingthuro aro kapangdom abang hel pen chingrumo.’ 27Piyok pu tene, khanangsi, Herod po pen Pontiyas Pilat po, Bang-ajat aro Israyel arleng helpen, jaiyok nang arwalo, labang kangthir murkiya Jisu yok lang un-eh si labang rongpe long kachingrum, 28nang-ari pensi aro aporong kapachip wen angden ateng jipe kachiplang ayok ta tiki lo. 29Aro minon, O Hemphu, anali kapasek alam kangje hel langot, aro nang adun helyok pherere phosi nang lamthe pathan tolnot, 30Aro nang kangthir murkiya Jisu amen pensi, nang ari batsi kiso kapame yok, kiso kapame ayok, aro asin hel aro asombhik asal paklangot.” 31Konam labadi pingkit tango, anali kachingrum athempo klem detno; aro ahuwit Jiuli-Kangthir pen plengo, aro Arnam alamthe aha dodutsi than pono.
Kikrol Abang Boi-bihini Kapajir
32Minon ke kikrol dun abang isidet angthin pen aro anang isi detsi jiuli pen aro ihut ta abithang boi-bihini hel abithang aphan chipupe yongot, manta anali kido kangwe bihini hel ilongsi bilo. 33Kangthir adun hel apharan thesi Hemphu Jisu kithi para kibur hakhi pilo, aro ahuwit aphuthak Arnam jinso kithe hlong chotno. 34Anali sitem kanange arleng weh dungo; piyok pu tene konbak arleng lungle lale ahem kido abihini jorsi, aro nohok hel wano. 35Anali kangthir adun akeng-ri wangbilo, aro ingho potsi kanange ateng, abangten yok thakngo. 36Lalong Jusep po, inghoyok adun helke anangyok Barnabas po pusi kataram (labang lam acho ke “Neng Kirung asopo” amen kibi), anang ihut Lebi aro Saipras ajat, anang idang lungle kido. 37Anang idang alungle chijorsi, bang so anohok chiwansi kangthir adun hel akeng-ri long wang bilo.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.