JOHON 20
20
Jisu Kithi Para Kibur
(Mot. 28:1-10; Mrk. 16:1-8; Luk. 24:1-12)
1Ni-arni adap prang, ingting rim-rim apor, Mary Megdalini pe ahilik adung yok damsi, ahilik para arlongpo tereksi kibi thek damo. 2Lasi anang kat katsi, Simon Pitor po pen Jisu anengdok kamprek adun adungyok damsi thano, “Inghone bak Hemphu yok ahilik po para pono; manta anangyok daklong si bidamo, hali than un-eh yong.” 3Latangsi Pitor po pen kamprek adun wang oledunsi, ahilik po adungyok damo. 4Anali bang hinita inan kat katsi damo, prek adunpo Pitor poyok ta parjang let damsi, ango ahilik po adung hleng damo. 5Aro arloyok ingkuk si langsi, lalong kang-ar ape kiper po tihroksi kibi thekngo, manta anang arloyok damde yongot. 6La-amun yok ke Simon Pitor po anang phel-phel dunsi, ahilikpo yok lut damo; aro kang-ar ape kiperso tihroksi kibi pomar thekngo, 7aro Jisu aphu kiper ape kido, bang ape ke lalong ingjong, kamprek athem long thulwolsi kibi thekngo. 8Laparake thiri yok angosi kiwang prek adunpo ta la-amun palutsi, ladi thek damsi anangta krolo. 9Piyok pu tene anang ke kithi along para burphak nange, pusi lo-kangthir alam anali la-aporyok abhu hlonghle yongot. 10Laparake la bang-hini adun ahem-ahem chirulo.
Jisu Mary Magdalini peyok Kachiklang
11Manta Mary pe ahilik po mokol along arjapsi suru jongsi kido. Suru jengsi, ahilik arlo ayok ingkuk dingsi lango; 12aro Jisu kithi abangpo kapa-ih aphu tang long ihut, akeng-tir long ihut, pe akilok kachi-ik tharlon bang-hini iningsi kido thekngo. 13La-amun tharlon bang-hini anangyok arjulo, “Ei arloso pe, nang piyok te suru do?” Mary pe pu phakngo, “Inghone bak ne Hemphu yok pono, aro dak longsi bidamone halike than un-eh yong.” 14Ladi kipu jong apor, anang kilang-wor yok ke, Jisu yok lalong arjapding si kido thek ngo, manta anang Jisu, puke anang pachini un-eh yongo. 15Jisu anang yok pulo, “Ei arloso pe, piyokte suru do? Ingho yok nang bisar do?” Anangyok ke barik kihonpi po bak hele pusi chironsi anangyok arjulo, “Ei Sarpo, nang anangyok holek para pondet do, tene nang anangyok daklong bido, nethanot, ne anangyok chipon detne. 16Jisu anangyok pulo, “Ei Mary pe,” lajongsi anang amahang chirtingsi Hibru alam pen pulo, “Rabboni!” (lake, Paklang po.) 17Jisu anangyok pulo, “Ne yok ne-otne tha; piyok pu tene ne Apa, adungyok minonhok ne thurthe lang. Manta nang ne kortehel adungyok dam aro analiyok than, ‘Ne Apa, aro nali phanta Apa, aro ne Arnam, aro nali phanta Arnam, anang dungyok thursi dam do, labang alam analiyok thandamot.” 18Mary Megdalini pe damo, aro adun hel yok labang a-udi pilo, “Ne Hemphu yok thekngo, aro anang neyok labang kithek ahuwit alam nethano.”
Adun helyok Jisu Kachiklang
(Luk. 24:36-43; 1 Ko. 15:5)
19La-arni anithu apor kido, hathi irul long kicheng arni, konam adun hel kido inghap hel Jihudi helyok pheresi chinghap krengsi dolo, la-amun Jisu wangsi, anali sitem arjapsi anali yok pulo, “Nali sitem nengsam pado nang.” 20Anang labang kithan aphel, anang analiyok anang ari hi-ni aro areptak paklango. Laparake anali Hemphu yok theksi adun hel aneng arong hlongo. 21Jisu analiyok pu phakngo, “Nali sitem nengsam pado nang. Apa jibadi neyok wang kitol, lasi ne ta ladisi naliyok toldo.” 22Konam anang labadi thano, anang anali thak achithe pilo aro analiyok pulo, “Jiuli-Kangthir chidengot. 23Nali inghoyok pap ronpi, analiyok pap ronpiye; nali inghoyok pap ronreye, anali pap ron pipeye.”
Jisu Pen Thomas po
24Manta Thomas po (anangyok jonja ta puman), bangkere hini asitem ihutpo, Jisu wang kachiklang apor, anali pen kangwe. 25Lasi prek adun hel anangyok thano, “Hali Hemphu yok thekngo.” Manta Thomas po analiyok pulo, “Ne anang arihel long gojal asap thekthe lengke aro ne ari-munsopen gojal kisak asin thekthe lengke, aro anang arep long ne-ri papho hlonghle lengke, ne krolkre.” 26Hathi arul aphel, anang adun hel hem arlo along kachingrum phak aro Thomas pota analipen kido. Hem inghap kahangarklak yongta, Jisu asitem wang arjap dingsi pulo, “Nali pen nengsam pado nang.” 27La-aporsi anang Thomas poyok pulo, “Holek nang ari munso paphone, ne arihel wang ot; aro nang ari jongne, ne arep-tak long nang aripo bomot, aro krolkreke phoke dodesi kikrol arleng chiplangot. 28Thomas po anangyok pulo, “O ne Hemphu, O ne Arnam.” 29Jisu anangyok pulo, “Nang nethek ngo apotsi nang nekrol do, analisi bor-eh chokdo.”
Labang Lo-Kiwi Aron
30Minon, adun hel angosi Jisu ladi ako-ong asombhik asin tikisi paklango, lamehel alam labang lo-long wiwe-yong. 31Manta Jisu si Khristo, Arnam Aso, labang po nali kikrol unyok, aro krolsi anangmen pen or-eh len ajiu hlong, labang aphansi lamehel alam wilo.
वर्तमान में चयनित:
JOHON 20: AMRI-BSI
हाइलाइट
शेयर
कॉपी
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.
JOHON 20
20
Jisu Kithi Para Kibur
(Mot. 28:1-10; Mrk. 16:1-8; Luk. 24:1-12)
1Ni-arni adap prang, ingting rim-rim apor, Mary Megdalini pe ahilik adung yok damsi, ahilik para arlongpo tereksi kibi thek damo. 2Lasi anang kat katsi, Simon Pitor po pen Jisu anengdok kamprek adun adungyok damsi thano, “Inghone bak Hemphu yok ahilik po para pono; manta anangyok daklong si bidamo, hali than un-eh yong.” 3Latangsi Pitor po pen kamprek adun wang oledunsi, ahilik po adungyok damo. 4Anali bang hinita inan kat katsi damo, prek adunpo Pitor poyok ta parjang let damsi, ango ahilik po adung hleng damo. 5Aro arloyok ingkuk si langsi, lalong kang-ar ape kiper po tihroksi kibi thekngo, manta anang arloyok damde yongot. 6La-amun yok ke Simon Pitor po anang phel-phel dunsi, ahilikpo yok lut damo; aro kang-ar ape kiperso tihroksi kibi pomar thekngo, 7aro Jisu aphu kiper ape kido, bang ape ke lalong ingjong, kamprek athem long thulwolsi kibi thekngo. 8Laparake thiri yok angosi kiwang prek adunpo ta la-amun palutsi, ladi thek damsi anangta krolo. 9Piyok pu tene anang ke kithi along para burphak nange, pusi lo-kangthir alam anali la-aporyok abhu hlonghle yongot. 10Laparake la bang-hini adun ahem-ahem chirulo.
Jisu Mary Magdalini peyok Kachiklang
11Manta Mary pe ahilik po mokol along arjapsi suru jongsi kido. Suru jengsi, ahilik arlo ayok ingkuk dingsi lango; 12aro Jisu kithi abangpo kapa-ih aphu tang long ihut, akeng-tir long ihut, pe akilok kachi-ik tharlon bang-hini iningsi kido thekngo. 13La-amun tharlon bang-hini anangyok arjulo, “Ei arloso pe, nang piyok te suru do?” Mary pe pu phakngo, “Inghone bak ne Hemphu yok pono, aro dak longsi bidamone halike than un-eh yong.” 14Ladi kipu jong apor, anang kilang-wor yok ke, Jisu yok lalong arjapding si kido thek ngo, manta anang Jisu, puke anang pachini un-eh yongo. 15Jisu anang yok pulo, “Ei arloso pe, piyokte suru do? Ingho yok nang bisar do?” Anangyok ke barik kihonpi po bak hele pusi chironsi anangyok arjulo, “Ei Sarpo, nang anangyok holek para pondet do, tene nang anangyok daklong bido, nethanot, ne anangyok chipon detne. 16Jisu anangyok pulo, “Ei Mary pe,” lajongsi anang amahang chirtingsi Hibru alam pen pulo, “Rabboni!” (lake, Paklang po.) 17Jisu anangyok pulo, “Ne yok ne-otne tha; piyok pu tene ne Apa, adungyok minonhok ne thurthe lang. Manta nang ne kortehel adungyok dam aro analiyok than, ‘Ne Apa, aro nali phanta Apa, aro ne Arnam, aro nali phanta Arnam, anang dungyok thursi dam do, labang alam analiyok thandamot.” 18Mary Megdalini pe damo, aro adun hel yok labang a-udi pilo, “Ne Hemphu yok thekngo, aro anang neyok labang kithek ahuwit alam nethano.”
Adun helyok Jisu Kachiklang
(Luk. 24:36-43; 1 Ko. 15:5)
19La-arni anithu apor kido, hathi irul long kicheng arni, konam adun hel kido inghap hel Jihudi helyok pheresi chinghap krengsi dolo, la-amun Jisu wangsi, anali sitem arjapsi anali yok pulo, “Nali sitem nengsam pado nang.” 20Anang labang kithan aphel, anang analiyok anang ari hi-ni aro areptak paklango. Laparake anali Hemphu yok theksi adun hel aneng arong hlongo. 21Jisu analiyok pu phakngo, “Nali sitem nengsam pado nang. Apa jibadi neyok wang kitol, lasi ne ta ladisi naliyok toldo.” 22Konam anang labadi thano, anang anali thak achithe pilo aro analiyok pulo, “Jiuli-Kangthir chidengot. 23Nali inghoyok pap ronpi, analiyok pap ronpiye; nali inghoyok pap ronreye, anali pap ron pipeye.”
Jisu Pen Thomas po
24Manta Thomas po (anangyok jonja ta puman), bangkere hini asitem ihutpo, Jisu wang kachiklang apor, anali pen kangwe. 25Lasi prek adun hel anangyok thano, “Hali Hemphu yok thekngo.” Manta Thomas po analiyok pulo, “Ne anang arihel long gojal asap thekthe lengke aro ne ari-munsopen gojal kisak asin thekthe lengke, aro anang arep long ne-ri papho hlonghle lengke, ne krolkre.” 26Hathi arul aphel, anang adun hel hem arlo along kachingrum phak aro Thomas pota analipen kido. Hem inghap kahangarklak yongta, Jisu asitem wang arjap dingsi pulo, “Nali pen nengsam pado nang.” 27La-aporsi anang Thomas poyok pulo, “Holek nang ari munso paphone, ne arihel wang ot; aro nang ari jongne, ne arep-tak long nang aripo bomot, aro krolkreke phoke dodesi kikrol arleng chiplangot. 28Thomas po anangyok pulo, “O ne Hemphu, O ne Arnam.” 29Jisu anangyok pulo, “Nang nethek ngo apotsi nang nekrol do, analisi bor-eh chokdo.”
Labang Lo-Kiwi Aron
30Minon, adun hel angosi Jisu ladi ako-ong asombhik asin tikisi paklango, lamehel alam labang lo-long wiwe-yong. 31Manta Jisu si Khristo, Arnam Aso, labang po nali kikrol unyok, aro krolsi anangmen pen or-eh len ajiu hlong, labang aphansi lamehel alam wilo.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
AMRI KARBI N.T. - AKIMI ANGTON N.T.
Copyright © 2014 by The Bible Society of India
Used by permission. All rights reserved worldwide.