Ka ki aitotiskeritci Cecoc otarotakana 7
7
Étienne e aiarimwetc
1Kice makatewokorew kokwetcimew Étienna: “Tapwe ia aniheriw ka itiskik iriniwok?”
2Ekoni e ici naskamotc Étienne, e aitetc: “Niwitcicanak kirika otawiwok, natotacikw. Weckatc Kice Manito e icperitakositc ki totam kitci wapamikotc kitaniskotape kimocominowa Abraham, mekwata e tacikerispana Mésopotamie askik itekera, epwamoci nta tacikerispana nete Haran otenak.#7.2 Haran otenak: Syrie askik itekera. 3Ki itew:
‘Nakata kitaski kirika kitcirowemakanak.
Nete ica askik ke wapatahitan.’ Genèse 12.1
4Aci Abraham ki nakatam Mésopotamie askiriw ka ici tacikeritci Chaldée#7.4 Chaldée: Ohwe aski Mésopotamie ka icinikatek peikon Chaldée aski icinikatcikatew. iriniwa, nete e nta taciketc otenak Haran ka icinikaterik. Minawatc ka ickwa niporitci otawiwa Abraham, Kice Manitowa ki itiko kitci atoketc kiapatc, kitci nakatak Haran otenariw, ota kitci pe nta taciketc, ohwe aski anotc ka ici tacikeiekw. 5Nama kekociciriw ki otci miriko neta Kice Manitowa, nama wawatc askiriw e asitci arikickisitetc peikwaw e askositetc irikik kitci irikokwarik. Aric ma ki itiko Kice Manitowa e nespi tapweritci, nikotin kitci mirikotc aniheriw askiriw, nac onitcanica kitci iti tiperitamiritci ickwa nipote, misawatc aka moci e tarispana onitcanica! 6Enko ohweriw ka ki itikospan Kice Manitowa:
‘Kitaniskotape kosimiwawok ke pe tatcik kata tacikewok pitoc askik.
Ekota neta ke ici otamirohakaniwitcik
kirika ke ici nekatcihakaniwitcik
newaw mitato mitana tato pipona irikik.
7Aric ni ka anwerimawok aniki iriniwok neta askik ka ici taciketcik
ke ici otamirohatcik kitaniskotape kosimiwawa.
Minawatc kata matcawok neta,
kitci pe nta pakoserimitcik ota.’ Genèse 15.13-14; Exode 3.12
8Ka ickwa itetc aniheriw Kice Manito, minawatc ki orictawew Abrahama. Ki itew kitci kicawatocwakaniwiritci kaskina ockinikicica ka tcirowemaritci, kitci wapatahiweritci e otapinamiritci aniheriw orictatowiniw. Ekoni ka ki totak Abraham. Ki kicawatocwew okosa, Isak ka icinikasorispana ka ickwa nicwaso kickokarik ka ickwa nitawikiritci. Peikon kaie wir Isak ka okositc, ki kicawatocwew okosa Cakopa. Kaie wir Cakop ki kicawatocwew kaskina e ki mitato acitc niciritci okosa, enko aniki kitaniskotape kimocominook.
9Neta e taciritci Cakop okosa, mekwata e ockinikiwirispana, otcinawekerimewakopan ocimiwawa, Sosep#7.9 Sosep: Anahwe Sosep ka atisokatakaniwitc, namaiew ni aniheriw Kitcitwa Mari onapema, kirawe meka weckatc pimatisipan ohwe Sosep ota ka atisokaniwonik. Natawapata Genèse 37–50. e icinikasorispana. Ki tca atawewok. Ki iciwirakaniwiriw nete Égypte askik kitci otamirohakaniwiritci. Aric mocak Kice Manitowa witci tacikemikopan. 10Ki witcihiko kaskina e ici arimisispan. Ki miriko Sosep kitci omiro omitoneritcikanitc, kaie kitci mirerimikotc kice okimawa neta Égypte askik, Pharaon ka icinikasoritci. Anahwe kice okimaw ki mirew Sosepa kitci tiperitamiritci Égypte askiriw acitc kaskina okimawikiwamiriw. 11Ki iti natciparin kitci pakataniwok kaskina wiec Égypte kirika Canaan askik. Micta nekatcitakaniwonikopan, kaie anihi kotakihi okosa Cakop, kitaniskotape kimocominapanak, nama kekociciriw miskamopanak ke mitcikik. 12Cakop ka petaketc e taritci mirominockwa Égypte askik, nictam ki iciticahwew okosa, anihi kitaniskotape kimocominowa, kitci nta natcipatwaritci. 13Minawatc kiapatc ki iciticahwew, ekoni nicwaw e icarispana. Aci Sosep ki witamawew anahweriw octesa, wir tapwe aniheriw ocimiwawa. Ekoni tca ka otci kiskerimatc anahwe kice okimaw Pharaon Sosepa otcirowemakaniw. 14Aci Sosep ki iciticahwew octesa kitci natcipaharitci anihi otawiwawa, Cakopa, kirika kaskina otcirowemakana, neta Égypte askik kitci pe nta tacikeritci. Nicowaso mitana acitc niaran#7.14 Nicowaso mitana acitc niaran: (75) tacirikopan mamo okomiwawa kirika onitcaniciwawa aniki Cakop kirika anahweriw okosa ka pe icaritci. 15Cakop tca ki icaw neta Égypte askik e nta taciketc. Ki poni pimatisiw neta Égypte askik. Okosa kaie wirawaw ki poni pimatisiriwa neta. 16Tato ka ickwa nipotc, ki iciwitakaniwoniw owiaw neta Sichem otenak,#7.16 Sichem otenak: Canaan askik ka ici takonik aniheriw otenariw. e nta rikwaskatakaniwitc neta atamapisk, Abraham ka ki atamikospan Hamor okosiriw.”
17“Minawatc ka iti otcitciparinik aniheriw apitc kitci itotisketc Kice Manito ka ki ici nespi tapwespan kitci totak Abrahama otci, aci eckam iti mitcetipanak cota iriniwok nete Égypte askik. 18Minawatc ocki okimaw ki iti tapan kitci tiperitak Égypte askiriw. Tekaci nama ki otci kiskerimew Sosepa. 19Anaha okimaw ki wecimew kitaniskotape kimocominowa kirika ki matci totawew, e ki itatc otcitakotc kitci wepinaritci onitcaniciriw e ocki nitawikiritci kitci niporitci. 20Ani apitc ki nitawikipan Moïse. Mackinakocicikopan anahwe awacic kaie mirerimikopan Kice Manitowa. Kimotc ki kanawerimiko onikihikwa omikiwamirik nac nicto pisimwa. 21Kek anihi onikihikwa arimatc otcitakotc orowitimik wiec ki kariko. Anahwe kice okimaw Pharaon, anihi otanisa ki miskawew anihi awaca. Ki kanawerimew anaha iskwew, kirika ki nitawikihew mia wir tipirawe okosa. 22Ekoni wetci wewerita ki kiskinohamawakaniwitc Moïse. Ki iterimakaniwiw kitci kiskeritak kaskina ka ici kiskeritakik aniki Égypte iriniwok, nac ki kackitaw. Mackawisipan e ici arimwetc kaie e aitotisketc.”
23“Minawatc ka iti nemitana tato piponesitc, Moïse ki iteritam kitci natawapamatc owitci cota iriniwa, Israël iriniwok. 24Ki wapamew peikw Égypte iriniwa e nekatciharitci peikw cota iriniwa. Ki kispiwatew anihi iriniwa ka nekatcihakaniwiritci. Ki nipahew anihi Égypte iriniwa, e koski miratc ka ki totamiritci. 25Ki iterimepan anihi owitci Israël iriniwa kitci nisitotamiritci, Kice Manitowa e ki pe iciticohikotc kitci pe nta wikotcihatc. Nama aric ki otci nisitotamiriwa. 26Minawatc kecikarik, Moïse ki mekwackawew nicw Israël iriniwa e taci macikotatoritci. Wi witcihepan kitci miroparihitoritci. Ki itew: ‘Nikwimesak, ki owitcicanitonawaw! Kekwan wetci macikotatoekw?’ 27Aric anahwe ka macikowatc owitci cota iriniwa, acewepinew Moïsa, e itatc: ‘Awin ka ki itarisk kitci tiperimiak kirika kitci tipaskoniak? 28Kaie nin ia ki wi nipahin mia ka ki nipahatc otakocik Égypte iriniw?’ 29Moïse ka petak aniheriw, ki ocimo. Nete ki nta tacikew kotakihi askik, Madian ka icinikaterik. Mekwata neta ka taciketc, nicwaw ki okosiw.”
30“Ka ickwa nemitana tato piponakarik, neta ka ici cipewatawokarik, pecotcik Sinaï matinak, peikwaw e kicikarik Moïse ki pe natawapamiko aceriwa, e ickotewonik e minictikwaskwearik. 31Moïse micta mamiskateritamokopan ani e ici wapatak. Aric apitc ka natcikapowictak kirawe kitci pecowapatak, ki petawew Teperitcikeritci e iteritci:
32‘Nin Kice Manito ka kanawerimakwapan kitaniskotape kimocomak.
Nin Abraham Okice Manitoma, kaie Isak, acitc Cakop.’ Exode 3.6
Micta iti ninikiparipan Moïse e sekisitc. Nama kackitapan kitci itapitc. 33Minawatc ki itiko Teperitcikeritci:
‘Manina kimaskisin,
kitcitwaweritakon meka aniheriw askiriw neta ka ici nanipowiin.
34Ni ki wapamawok nitirinimak
e apitc nekatcihakaniwitcik nete Égypte askik.
Ni ki petawawok e nekatewotakik.
Ni pe ican kitci wikotcihakik.
Petcimote aci, ki ka iciticohotin nete Égypte askik.’” Exode 3.5-10
35“Enko anahwe Moïse ka ki wepakonikotc Israël iriniwa, e itikotc: ‘Awin ka ki itarisk kitci tiperimiak kirika kitci tipaskoniak?’ Ki pe iciticohoko Kice Manitowa kitci tiperimatc anahweriw Israël iriniwa kirika kitci wikotcihatc, e ki itikotc aceriwa ka ki wapamaspan nete e minictikwaskwearik. 36Wir Moïse ka ki otci orowitahatc Israël iriniwa neta Égypte askik. Mitcetwaw ki mata kackitaw neta Égypte askik, kaie ki micta mamiskateritakoniw aniheriw ka ki totak. Kaie ekoni ka ki totak nete itekera rarewak kitcikamik, Ka Mikwakamik ka icinikaterik, kaie nete ka ici cipewatawokarik ka ki ici pa taciketcik nemitana tato pipona irikik. 37Wir kiapatc Moïse ka ki itaspan Israël iriniwa:
‘Kice Manito ki ka pe iciticahamakowaw
peikw ke nikan tipatcimoritci mitowi nin.
Ekota neta ke otcitc, ka otciekw.’ Deutéronome 18.15
38Enko na peikon Moïse ka ki witci tacikematc Israël iriniwa kitaniskotape kimocominowa, ka mawotcihitorispana nete askik ka ici cipewatawokarik. Witci tacikemepan#7.38 Witci tacikemepan: Peikon kata ki ici nisitotakon: Nictowitc icikapowikopan. kirika anihi aceriwa, ka ki aimihikotc nete Sinaï matinak. Moïse ki miriko Kice Manitowa otitewiniw aka wiskat ke ickwaparinik,#7.38 aka wiskat ke ickwaparinik: Peikon kata ki ici nisitotakon: ka pimatisimakanik. kitci witamakoikw.”
39“Aric kitaniskotape kimocominook nama wi sapitawewakopan Moïsa. Wepakonewakopan kirika nataweritamwakopan kitci kiwetcik Égypte askik. 40Ki itewok Aaronwa, Moïse anihi octesa: ‘Ocitamacinan manitokanak, nikanik kitci miwirakitcik. Nama meka ni kiskerimanan tan e isparikwen Moïse, anahwe ka ki pe otci orowitahimitc nete Égypte askik.’ 41Aci ki ocihewok motcewotikokana kirika ki ickwaswewok awesisa e aiamihe pakitiniketcik#7.41 ki ickwaswewok awesisa e aiamihe pakitiniketcik: Enko na sasakewotcikewin; e sasakewotcikaniwok. anihi motcewotikokana otci, kirika ki mirwatatamok aniheriw otci wirawaw tipirawe ka ki ocitatcik. 42Aric ki atimikapowictakowok Kice Manitowa, marotc kitci pakitinikotcik kitci kicterimatcik atcikoca e aiamihatcik, mia ka itasinaterik Kice Manito Omasinahikanik, neta ka ki pe nikan tipatcimotcik omasinahikaniwak:
‘Israël iriniwok, nin ia ni otci,
ka aiamihe pakitinikeiekw wetci ickwaswekok awesisak
kirika kotakihi kekocica e ki ickwasamekw
nete nemitana tato pipona irikik ka tacikeiekw askik ka ici cipewatawokak?
43Ki ki aric miwotanawaw rakasimonikiwam anahwe otci manitokan,
Molok ka icinikatakaniwitc.
Kaie ki ki miwirawaw atcikocikan Réphan,
e itekeiekw Kice Manito.
Ki ki ocihawawok aniki manitokanak kitci pakoserimekok.
Ekoni ke otci iciticahamatakok awocamec kirawe warawik patok nete Babylone otenak kitci nta tacikeiekw.’” Amos 5.25-27
44“Mekwata ka tacikewaspan ka ici cipewatawokarik aniki kitaniskotape kimocominook, kanaweritamwakopan ko peikw aiamihe rakasimonikiwamiriw.#7.44 aiamihe rakasimonikiwamiriw: Ani apitc nama takonikopan otaiamihe mikiwamiwaw. Ekota neta ka ici kanaweritcikatekopanen asinik e otci masinaterik aniheriw acotamakewiniw kirika Kice Manitowa, weckatc ka ki ocitakaniwonik.#7.44 asinik e otci masinaterik aniheriw acotamakewiniw kirika Kice Manitowa, weckatc ka ki ocitakaniwonik: Ki takoniw neta kitci ki nokonik mocak e witci tacikemikotcik Kice Manitowa, kaskina wiec e taciketcik. Anihe aiamihe rakasimonikiwam, Kice Manito ki witamawepan Moïsa mia ke ici totamiritci kitci rakasimonikeritci. Ki tca rakasimonikeriw, kotc ka ki ici wapatahatc kitci icinakonik. 45Minawatc aniki kitaniskotape kimocominowok ki iti mirewok onitcaniciwawa aniheriw aiamihe rakasimonikiwamiriw. Ani apitc Josué mekwata tiperimekopan anihi Israël iriniwa. Ki matcewitawok aniheriw aiamihe rakasimonikiwamiriw ka pitaketcik nta askik ka cakotcihatcik iriniwa papitoc e ototenwesiritci, Kice Manitowa e ki witcihikotcik ka nta natopariwaspan. Ekota tca nta askik ka ki acterik, nac apitc ka iti kice okimawitc Tapit. 46Anahwe Tapit ki mirerimiko Kice Manitowa kirika ki nataweritamawew kitci ki ocitamowatc aiamihe mikiwamiriw peikonok kitci ki acterik, ka kitcitwaweritakonik, mocak ke ki ici pakoserimaritci Kice Manitowa otaniskotape osima Cakop. 47Aric anihi ni okosa Tapit, Salomon ka ki icinikasoritci, wir ka ki ocitaritci aiamihe mikiwamiriw.”
48“Aric Kice Manito, anahwe ka mawotci icperitakositc, nama tacikew mikiwamik iriniwa e ki ocitaritci. Mia ka ki itetc peikw ka ki pe nikan tipatcimotc:
49‘Wakwek, enko anihe mitowi nitetapiwakan,
neta ka ici apian e okimawian.
Minawatc aski, enko anihe mitowi apiwin,
neta ka ici actaian nisita.
Tan ke icinakokipan mikiwam ke ki manikowiekw?
Tante ke ki ici tacikeian?
50Nin meka tipirawe ka ki kiceritaman kaskina kekocic.’” Ésaïe 66.1-2
51“Kirawaw iriniwok ka mackawictikwaneiekw, nama ki wepakonawaw Kice Manito kitehiwak. Nama ki ki pakitinawaw Kice Manito kitci aimihitakw, nama ki wi natotawawaw. Mocak ki nanakaskohwawaw Miro Manito! Mia kitaniskotape kimocomiwawok, ekoni e itotiskeiekw! 52Kitaniskotape kimocomiwawok ki nekatcihewok kaskina ka ki pe nikan tipatcimoritci Kice Manitowa otci. Wawatc ki nipahewok anahweriw ka ki pe nikan tipatatamiritci kitci pe takocik anahwe e peikocitc wircike tepirak icikowisk ka ki pe totak, Cecoc. Anotc tca enko anahwe kirawaw ka ki pakiterimekw kirika ka ki nipahekw. 53Kirawaw ka ki pe otitikoiekw Kice Manito otirakonikewin, Moïse ka ki mirikospan aceriwa, nama ki ki otci sapitenawaw anihe irakonikewin!”
Ka nipahakaniwitc Étienne
54Ka petakik aniheriw Étienna ka ki iteritci aniki Ka Kitci Tipaskoniketcik neta ka tacikewaspan, micta kiciwasipanak. Irinikotc micta kakiceapitecinopanak e apitc kicimikotcik. 55Aric wir Étienne mockineckakopan Miro Manitowa. Itapipan wakwek. Ki wapatam Kice Manitowa oticperitakosiwiniw, kaie ki wapamew Cecoca e nanipowiritci onihiwinik Kice Manitowa. 56Aci itew: “Natotamokw! Ni wapaten wakwek e ceparik, kirika anahwe Ka ki pe iriniwihitisotc ni wapamaw e nanipowitc Kice Manitowa onihiwinik.”
57E petawatcik aniheriw e iteritci, aci micta nanotakosiwok kirika e kipitenitisotcik, aka awocamec kitci petawatcik. Kaskina e tacitcik tapickotc ki mowinitewok. 58Ki orowitapatewok nac nte asko otenawonik. Ekotca e ici mosinihatcik kitci nipahatcik. Iriniwok ka wapikewaspan ki maninamawewok okapotowaniwaw, nte e actatcik e icisiteciniritci peikw ockinikiwa, Saul#7.58 Saul: Enko ohwe Pwar (Paul) ke icinikatakaniwitc ickwa tapwerimate Cecoca. e icinikasorispana. 59Mekwata e mosinihakaniwitc Étienne, ohweriw ici aiamihapan: “Teperitcikein Cecoc, ki pakitickatamatin nitcitcakoc!”
60Minawatc ki pakicin e iti nipiskoparitc kirika e micta tepwetc: “Teperitcikein, akawir atamerimik ohki iriniwok ka pe mosinihitcik ohweriw opactatowiniwaw otci!” Ka ickwa itetc niheriw, ki poni pimatisiw.
वर्तमान में चयनित:
Ka ki aitotiskeritci Cecoc otarotakana 7: ATMK
हाइलाइट
शेयर
कॉपी
Want to have your highlights saved across all your devices? Sign up or sign in
Canadian Bible Society, 2014
Ka ki aitotiskeritci Cecoc otarotakana 7
7
Étienne e aiarimwetc
1Kice makatewokorew kokwetcimew Étienna: “Tapwe ia aniheriw ka itiskik iriniwok?”
2Ekoni e ici naskamotc Étienne, e aitetc: “Niwitcicanak kirika otawiwok, natotacikw. Weckatc Kice Manito e icperitakositc ki totam kitci wapamikotc kitaniskotape kimocominowa Abraham, mekwata e tacikerispana Mésopotamie askik itekera, epwamoci nta tacikerispana nete Haran otenak.#7.2 Haran otenak: Syrie askik itekera. 3Ki itew:
‘Nakata kitaski kirika kitcirowemakanak.
Nete ica askik ke wapatahitan.’ Genèse 12.1
4Aci Abraham ki nakatam Mésopotamie askiriw ka ici tacikeritci Chaldée#7.4 Chaldée: Ohwe aski Mésopotamie ka icinikatek peikon Chaldée aski icinikatcikatew. iriniwa, nete e nta taciketc otenak Haran ka icinikaterik. Minawatc ka ickwa niporitci otawiwa Abraham, Kice Manitowa ki itiko kitci atoketc kiapatc, kitci nakatak Haran otenariw, ota kitci pe nta taciketc, ohwe aski anotc ka ici tacikeiekw. 5Nama kekociciriw ki otci miriko neta Kice Manitowa, nama wawatc askiriw e asitci arikickisitetc peikwaw e askositetc irikik kitci irikokwarik. Aric ma ki itiko Kice Manitowa e nespi tapweritci, nikotin kitci mirikotc aniheriw askiriw, nac onitcanica kitci iti tiperitamiritci ickwa nipote, misawatc aka moci e tarispana onitcanica! 6Enko ohweriw ka ki itikospan Kice Manitowa:
‘Kitaniskotape kosimiwawok ke pe tatcik kata tacikewok pitoc askik.
Ekota neta ke ici otamirohakaniwitcik
kirika ke ici nekatcihakaniwitcik
newaw mitato mitana tato pipona irikik.
7Aric ni ka anwerimawok aniki iriniwok neta askik ka ici taciketcik
ke ici otamirohatcik kitaniskotape kosimiwawa.
Minawatc kata matcawok neta,
kitci pe nta pakoserimitcik ota.’ Genèse 15.13-14; Exode 3.12
8Ka ickwa itetc aniheriw Kice Manito, minawatc ki orictawew Abrahama. Ki itew kitci kicawatocwakaniwiritci kaskina ockinikicica ka tcirowemaritci, kitci wapatahiweritci e otapinamiritci aniheriw orictatowiniw. Ekoni ka ki totak Abraham. Ki kicawatocwew okosa, Isak ka icinikasorispana ka ickwa nicwaso kickokarik ka ickwa nitawikiritci. Peikon kaie wir Isak ka okositc, ki kicawatocwew okosa Cakopa. Kaie wir Cakop ki kicawatocwew kaskina e ki mitato acitc niciritci okosa, enko aniki kitaniskotape kimocominook.
9Neta e taciritci Cakop okosa, mekwata e ockinikiwirispana, otcinawekerimewakopan ocimiwawa, Sosep#7.9 Sosep: Anahwe Sosep ka atisokatakaniwitc, namaiew ni aniheriw Kitcitwa Mari onapema, kirawe meka weckatc pimatisipan ohwe Sosep ota ka atisokaniwonik. Natawapata Genèse 37–50. e icinikasorispana. Ki tca atawewok. Ki iciwirakaniwiriw nete Égypte askik kitci otamirohakaniwiritci. Aric mocak Kice Manitowa witci tacikemikopan. 10Ki witcihiko kaskina e ici arimisispan. Ki miriko Sosep kitci omiro omitoneritcikanitc, kaie kitci mirerimikotc kice okimawa neta Égypte askik, Pharaon ka icinikasoritci. Anahwe kice okimaw ki mirew Sosepa kitci tiperitamiritci Égypte askiriw acitc kaskina okimawikiwamiriw. 11Ki iti natciparin kitci pakataniwok kaskina wiec Égypte kirika Canaan askik. Micta nekatcitakaniwonikopan, kaie anihi kotakihi okosa Cakop, kitaniskotape kimocominapanak, nama kekociciriw miskamopanak ke mitcikik. 12Cakop ka petaketc e taritci mirominockwa Égypte askik, nictam ki iciticahwew okosa, anihi kitaniskotape kimocominowa, kitci nta natcipatwaritci. 13Minawatc kiapatc ki iciticahwew, ekoni nicwaw e icarispana. Aci Sosep ki witamawew anahweriw octesa, wir tapwe aniheriw ocimiwawa. Ekoni tca ka otci kiskerimatc anahwe kice okimaw Pharaon Sosepa otcirowemakaniw. 14Aci Sosep ki iciticahwew octesa kitci natcipaharitci anihi otawiwawa, Cakopa, kirika kaskina otcirowemakana, neta Égypte askik kitci pe nta tacikeritci. Nicowaso mitana acitc niaran#7.14 Nicowaso mitana acitc niaran: (75) tacirikopan mamo okomiwawa kirika onitcaniciwawa aniki Cakop kirika anahweriw okosa ka pe icaritci. 15Cakop tca ki icaw neta Égypte askik e nta taciketc. Ki poni pimatisiw neta Égypte askik. Okosa kaie wirawaw ki poni pimatisiriwa neta. 16Tato ka ickwa nipotc, ki iciwitakaniwoniw owiaw neta Sichem otenak,#7.16 Sichem otenak: Canaan askik ka ici takonik aniheriw otenariw. e nta rikwaskatakaniwitc neta atamapisk, Abraham ka ki atamikospan Hamor okosiriw.”
17“Minawatc ka iti otcitciparinik aniheriw apitc kitci itotisketc Kice Manito ka ki ici nespi tapwespan kitci totak Abrahama otci, aci eckam iti mitcetipanak cota iriniwok nete Égypte askik. 18Minawatc ocki okimaw ki iti tapan kitci tiperitak Égypte askiriw. Tekaci nama ki otci kiskerimew Sosepa. 19Anaha okimaw ki wecimew kitaniskotape kimocominowa kirika ki matci totawew, e ki itatc otcitakotc kitci wepinaritci onitcaniciriw e ocki nitawikiritci kitci niporitci. 20Ani apitc ki nitawikipan Moïse. Mackinakocicikopan anahwe awacic kaie mirerimikopan Kice Manitowa. Kimotc ki kanawerimiko onikihikwa omikiwamirik nac nicto pisimwa. 21Kek anihi onikihikwa arimatc otcitakotc orowitimik wiec ki kariko. Anahwe kice okimaw Pharaon, anihi otanisa ki miskawew anihi awaca. Ki kanawerimew anaha iskwew, kirika ki nitawikihew mia wir tipirawe okosa. 22Ekoni wetci wewerita ki kiskinohamawakaniwitc Moïse. Ki iterimakaniwiw kitci kiskeritak kaskina ka ici kiskeritakik aniki Égypte iriniwok, nac ki kackitaw. Mackawisipan e ici arimwetc kaie e aitotisketc.”
23“Minawatc ka iti nemitana tato piponesitc, Moïse ki iteritam kitci natawapamatc owitci cota iriniwa, Israël iriniwok. 24Ki wapamew peikw Égypte iriniwa e nekatciharitci peikw cota iriniwa. Ki kispiwatew anihi iriniwa ka nekatcihakaniwiritci. Ki nipahew anihi Égypte iriniwa, e koski miratc ka ki totamiritci. 25Ki iterimepan anihi owitci Israël iriniwa kitci nisitotamiritci, Kice Manitowa e ki pe iciticohikotc kitci pe nta wikotcihatc. Nama aric ki otci nisitotamiriwa. 26Minawatc kecikarik, Moïse ki mekwackawew nicw Israël iriniwa e taci macikotatoritci. Wi witcihepan kitci miroparihitoritci. Ki itew: ‘Nikwimesak, ki owitcicanitonawaw! Kekwan wetci macikotatoekw?’ 27Aric anahwe ka macikowatc owitci cota iriniwa, acewepinew Moïsa, e itatc: ‘Awin ka ki itarisk kitci tiperimiak kirika kitci tipaskoniak? 28Kaie nin ia ki wi nipahin mia ka ki nipahatc otakocik Égypte iriniw?’ 29Moïse ka petak aniheriw, ki ocimo. Nete ki nta tacikew kotakihi askik, Madian ka icinikaterik. Mekwata neta ka taciketc, nicwaw ki okosiw.”
30“Ka ickwa nemitana tato piponakarik, neta ka ici cipewatawokarik, pecotcik Sinaï matinak, peikwaw e kicikarik Moïse ki pe natawapamiko aceriwa, e ickotewonik e minictikwaskwearik. 31Moïse micta mamiskateritamokopan ani e ici wapatak. Aric apitc ka natcikapowictak kirawe kitci pecowapatak, ki petawew Teperitcikeritci e iteritci:
32‘Nin Kice Manito ka kanawerimakwapan kitaniskotape kimocomak.
Nin Abraham Okice Manitoma, kaie Isak, acitc Cakop.’ Exode 3.6
Micta iti ninikiparipan Moïse e sekisitc. Nama kackitapan kitci itapitc. 33Minawatc ki itiko Teperitcikeritci:
‘Manina kimaskisin,
kitcitwaweritakon meka aniheriw askiriw neta ka ici nanipowiin.
34Ni ki wapamawok nitirinimak
e apitc nekatcihakaniwitcik nete Égypte askik.
Ni ki petawawok e nekatewotakik.
Ni pe ican kitci wikotcihakik.
Petcimote aci, ki ka iciticohotin nete Égypte askik.’” Exode 3.5-10
35“Enko anahwe Moïse ka ki wepakonikotc Israël iriniwa, e itikotc: ‘Awin ka ki itarisk kitci tiperimiak kirika kitci tipaskoniak?’ Ki pe iciticohoko Kice Manitowa kitci tiperimatc anahweriw Israël iriniwa kirika kitci wikotcihatc, e ki itikotc aceriwa ka ki wapamaspan nete e minictikwaskwearik. 36Wir Moïse ka ki otci orowitahatc Israël iriniwa neta Égypte askik. Mitcetwaw ki mata kackitaw neta Égypte askik, kaie ki micta mamiskateritakoniw aniheriw ka ki totak. Kaie ekoni ka ki totak nete itekera rarewak kitcikamik, Ka Mikwakamik ka icinikaterik, kaie nete ka ici cipewatawokarik ka ki ici pa taciketcik nemitana tato pipona irikik. 37Wir kiapatc Moïse ka ki itaspan Israël iriniwa:
‘Kice Manito ki ka pe iciticahamakowaw
peikw ke nikan tipatcimoritci mitowi nin.
Ekota neta ke otcitc, ka otciekw.’ Deutéronome 18.15
38Enko na peikon Moïse ka ki witci tacikematc Israël iriniwa kitaniskotape kimocominowa, ka mawotcihitorispana nete askik ka ici cipewatawokarik. Witci tacikemepan#7.38 Witci tacikemepan: Peikon kata ki ici nisitotakon: Nictowitc icikapowikopan. kirika anihi aceriwa, ka ki aimihikotc nete Sinaï matinak. Moïse ki miriko Kice Manitowa otitewiniw aka wiskat ke ickwaparinik,#7.38 aka wiskat ke ickwaparinik: Peikon kata ki ici nisitotakon: ka pimatisimakanik. kitci witamakoikw.”
39“Aric kitaniskotape kimocominook nama wi sapitawewakopan Moïsa. Wepakonewakopan kirika nataweritamwakopan kitci kiwetcik Égypte askik. 40Ki itewok Aaronwa, Moïse anihi octesa: ‘Ocitamacinan manitokanak, nikanik kitci miwirakitcik. Nama meka ni kiskerimanan tan e isparikwen Moïse, anahwe ka ki pe otci orowitahimitc nete Égypte askik.’ 41Aci ki ocihewok motcewotikokana kirika ki ickwaswewok awesisa e aiamihe pakitiniketcik#7.41 ki ickwaswewok awesisa e aiamihe pakitiniketcik: Enko na sasakewotcikewin; e sasakewotcikaniwok. anihi motcewotikokana otci, kirika ki mirwatatamok aniheriw otci wirawaw tipirawe ka ki ocitatcik. 42Aric ki atimikapowictakowok Kice Manitowa, marotc kitci pakitinikotcik kitci kicterimatcik atcikoca e aiamihatcik, mia ka itasinaterik Kice Manito Omasinahikanik, neta ka ki pe nikan tipatcimotcik omasinahikaniwak:
‘Israël iriniwok, nin ia ni otci,
ka aiamihe pakitinikeiekw wetci ickwaswekok awesisak
kirika kotakihi kekocica e ki ickwasamekw
nete nemitana tato pipona irikik ka tacikeiekw askik ka ici cipewatawokak?
43Ki ki aric miwotanawaw rakasimonikiwam anahwe otci manitokan,
Molok ka icinikatakaniwitc.
Kaie ki ki miwirawaw atcikocikan Réphan,
e itekeiekw Kice Manito.
Ki ki ocihawawok aniki manitokanak kitci pakoserimekok.
Ekoni ke otci iciticahamatakok awocamec kirawe warawik patok nete Babylone otenak kitci nta tacikeiekw.’” Amos 5.25-27
44“Mekwata ka tacikewaspan ka ici cipewatawokarik aniki kitaniskotape kimocominook, kanaweritamwakopan ko peikw aiamihe rakasimonikiwamiriw.#7.44 aiamihe rakasimonikiwamiriw: Ani apitc nama takonikopan otaiamihe mikiwamiwaw. Ekota neta ka ici kanaweritcikatekopanen asinik e otci masinaterik aniheriw acotamakewiniw kirika Kice Manitowa, weckatc ka ki ocitakaniwonik.#7.44 asinik e otci masinaterik aniheriw acotamakewiniw kirika Kice Manitowa, weckatc ka ki ocitakaniwonik: Ki takoniw neta kitci ki nokonik mocak e witci tacikemikotcik Kice Manitowa, kaskina wiec e taciketcik. Anihe aiamihe rakasimonikiwam, Kice Manito ki witamawepan Moïsa mia ke ici totamiritci kitci rakasimonikeritci. Ki tca rakasimonikeriw, kotc ka ki ici wapatahatc kitci icinakonik. 45Minawatc aniki kitaniskotape kimocominowok ki iti mirewok onitcaniciwawa aniheriw aiamihe rakasimonikiwamiriw. Ani apitc Josué mekwata tiperimekopan anihi Israël iriniwa. Ki matcewitawok aniheriw aiamihe rakasimonikiwamiriw ka pitaketcik nta askik ka cakotcihatcik iriniwa papitoc e ototenwesiritci, Kice Manitowa e ki witcihikotcik ka nta natopariwaspan. Ekota tca nta askik ka ki acterik, nac apitc ka iti kice okimawitc Tapit. 46Anahwe Tapit ki mirerimiko Kice Manitowa kirika ki nataweritamawew kitci ki ocitamowatc aiamihe mikiwamiriw peikonok kitci ki acterik, ka kitcitwaweritakonik, mocak ke ki ici pakoserimaritci Kice Manitowa otaniskotape osima Cakop. 47Aric anihi ni okosa Tapit, Salomon ka ki icinikasoritci, wir ka ki ocitaritci aiamihe mikiwamiriw.”
48“Aric Kice Manito, anahwe ka mawotci icperitakositc, nama tacikew mikiwamik iriniwa e ki ocitaritci. Mia ka ki itetc peikw ka ki pe nikan tipatcimotc:
49‘Wakwek, enko anihe mitowi nitetapiwakan,
neta ka ici apian e okimawian.
Minawatc aski, enko anihe mitowi apiwin,
neta ka ici actaian nisita.
Tan ke icinakokipan mikiwam ke ki manikowiekw?
Tante ke ki ici tacikeian?
50Nin meka tipirawe ka ki kiceritaman kaskina kekocic.’” Ésaïe 66.1-2
51“Kirawaw iriniwok ka mackawictikwaneiekw, nama ki wepakonawaw Kice Manito kitehiwak. Nama ki ki pakitinawaw Kice Manito kitci aimihitakw, nama ki wi natotawawaw. Mocak ki nanakaskohwawaw Miro Manito! Mia kitaniskotape kimocomiwawok, ekoni e itotiskeiekw! 52Kitaniskotape kimocomiwawok ki nekatcihewok kaskina ka ki pe nikan tipatcimoritci Kice Manitowa otci. Wawatc ki nipahewok anahweriw ka ki pe nikan tipatatamiritci kitci pe takocik anahwe e peikocitc wircike tepirak icikowisk ka ki pe totak, Cecoc. Anotc tca enko anahwe kirawaw ka ki pakiterimekw kirika ka ki nipahekw. 53Kirawaw ka ki pe otitikoiekw Kice Manito otirakonikewin, Moïse ka ki mirikospan aceriwa, nama ki ki otci sapitenawaw anihe irakonikewin!”
Ka nipahakaniwitc Étienne
54Ka petakik aniheriw Étienna ka ki iteritci aniki Ka Kitci Tipaskoniketcik neta ka tacikewaspan, micta kiciwasipanak. Irinikotc micta kakiceapitecinopanak e apitc kicimikotcik. 55Aric wir Étienne mockineckakopan Miro Manitowa. Itapipan wakwek. Ki wapatam Kice Manitowa oticperitakosiwiniw, kaie ki wapamew Cecoca e nanipowiritci onihiwinik Kice Manitowa. 56Aci itew: “Natotamokw! Ni wapaten wakwek e ceparik, kirika anahwe Ka ki pe iriniwihitisotc ni wapamaw e nanipowitc Kice Manitowa onihiwinik.”
57E petawatcik aniheriw e iteritci, aci micta nanotakosiwok kirika e kipitenitisotcik, aka awocamec kitci petawatcik. Kaskina e tacitcik tapickotc ki mowinitewok. 58Ki orowitapatewok nac nte asko otenawonik. Ekotca e ici mosinihatcik kitci nipahatcik. Iriniwok ka wapikewaspan ki maninamawewok okapotowaniwaw, nte e actatcik e icisiteciniritci peikw ockinikiwa, Saul#7.58 Saul: Enko ohwe Pwar (Paul) ke icinikatakaniwitc ickwa tapwerimate Cecoca. e icinikasorispana. 59Mekwata e mosinihakaniwitc Étienne, ohweriw ici aiamihapan: “Teperitcikein Cecoc, ki pakitickatamatin nitcitcakoc!”
60Minawatc ki pakicin e iti nipiskoparitc kirika e micta tepwetc: “Teperitcikein, akawir atamerimik ohki iriniwok ka pe mosinihitcik ohweriw opactatowiniwaw otci!” Ka ickwa itetc niheriw, ki poni pimatisiw.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Canadian Bible Society, 2014