Jean 20
20
E pacicikwak matikowoc
(Natawapata kaie Matio 28.1-8; Mark 16.1-8; Luc 24.1-12)
1Ka manactakaniwok, aci e petapak epwamoci pe nokositc pisimw, matikowocik ki icaw Mari, anahwe Magdala ka otcitc. Tekocik nta, aci wapamew e ki tetipinakaniwiritci micta asiniwa, neta matikowocik ka ki ici nahikowakaniwiritci Cecoca. 2Tecikotc matcepataw e nantowapamatc Simo Piena kaie anihi kotakihi Cecoc owitcewakana, anihi Cecoc ka sakihaspan.#20.2 Cecoc owitcewakana, anihi Cecoc ka sakihaspan: Enko natake Jean e arimomitisotc, anahwe mia ka ki masinahak ohweriw tipatcimowiniw. Itew Mari anahweriw iriniwa: “Ki matcewirakaniwiw Cecoc neta omatikowocik! Nama ni kiskeritenan minawatc ka ki ici arakaniwitc.”
3Aci matcawok Pien kirika anaha kotak owitcewakana Cecoc, nte matikowocik e icatcik. 4Mipatawok e nicitcik, kirawe aric ki kicipataw anahwe kotak iriniw patok Pien. Wirctam takocipataw neta matikowocik. 5Cinicikiw kitci sakiwapatak matikowociriw, asinik ka ki otci ocitakaniwonik. Wapatam aniheriw pakiwaniciapiriw motcik e taci mekitanik. Nama aric pitakew. 6Tekocik anahwe Pien, e ki pe nosanehwatc, pitakew neta matikowocik. Kaie wir ki wapatam aniheriw pakiwaniciapiriw motcik e taci mekitanik, 7kaie kotakeriw pakiwaniciapiriw, Cecoca octikwanirik ka ki actakaniwonikipan. Nama tapickotc actepana. Tipan ki ici actew anihe pakiwanic e ki notamekinikatek. 8Aci pitakew anahwe kotak owitcewakana, wirctam ka ki takocik. Wapatam kaie tapweritam. 9Tapwe wirata misawatc e ki wapatakik aniheriw, nama moci nisitotamwakopan aniheriw ka masinaterik Kice Manito Omasinahikanik, e acterik Cecoca kitci apitciparitci.#20.9 Natawapata kaie Psaume 16.10. 10Minawatc ki kiwewok aniki e nicitcik Cecoc owitcewakana.
Cecoc e wapamikotc Mariwa, Magdala ka otciritci
(Natawapata kaie Matio 28.9-10; Mark 16.9-11)
11Orowitimik taci nanipowikopan pecotcik matikowocik anahwe Mari. Matokopan. Mekwata e taci matospan ki cinicikiw kitci sakiwapatak matikowociriw. 12Kek wapamew nicw aceriwa tekaci e wapaspisoritci e taci apiritci neta ka ici acterikipan Cecoca owiawiriw. Peikw nete ici apiw Cecoca ka ki ici icictikwaneciniritci, kotak tca ka ki ici icicteciniritci. 13Aci kokwetcimiko aceriwa: “Kekwan wetci matoin?”
Aci itew: “Ki matcewirakaniwiw anahwe Ka Tiperimitc. Nama ni kiskeriten nte ka ki ici arakaniwitc.”
14Ka ickwa itetc aniheriw, kiweskweriw. Aci wapamew neta Cecoca e taci nanipowiritci. Nama aric ni moci nisitowinawew. 15Aci kokwetcimiko: “Kekwan wetci matoin? Awin na ka nantowapamatc?”
Iteritamokopan anahwe Mari: “Iriniw kitikan askiriw ka mitatc ka aimihitc.” Ekoni wetci ki itatc: “Kecpin kir ka ki matcewiratc, witamaci nte ka ki ici aratc. Ni ka tca natcipahaw.”
16Itiko Cecoca: “Mari!”
Aci itactimikapowictawew anahwe Mari, e itatc, hébreu arimwewiniw e ici arimwetc: “Rabbouni!” —“Kiskinohamake iriniw” itwaniwon anihe.—
17Itew Cecoc: “Akawir matcikonici.#20.17 Akawir matcikonici: Peikon kata ki ici nisitotakon: Akawir takinici. Nama sa moci ni ki otci kiwan icpimik kitci natawapamak Notawi. Matca aric nta witamawik niwitcicanak aci kitci natawapamak Notawi icpimik, kaie kirawaw Kotawiwaw, Nikice Manitom kitci natawapamak, kaie kirawaw Kikice Manitomiwaw.” 18Ekoni e ici matcatc anahwe Mari, Magdala ka otcitc, e nta witamawatc anahweriw Cecoca owitcewakaniriw, e tca itatc: “Ni ki wapamaw Teperitciketc!” Kaskina tca ki witamawew owitcewakaniw aniheriw ka ki itikotc Cecoca.
Cecoc e natawapamatc owitcewakana ka ickwa apitcipatc
(Natawapata kaie Matio 28.16-20; Mark 16.14-18; Luc 24.36-49)
19Minawatc peikon aniheriw e manactakaniwonik e otakocinik, anahweriw Cecoc owitcewakana mawotcihitowakopan mikiwamik. Kaskina ickwatemiriw ki kipaskohamowakopan, e koctatcik cota okimawa. Kek pe nokosiriw Cecoca, tetawitc neta ka ici taciketcik, e tca itikotcik: “Pekateritamokw!”
20Minawatc ki wapatarew Cecoc aniheriw otcitcia ka ki ici tcictaskowatakaniwitc, kaie ka ki ici pataskohwakaniwitc opimera. Ki micta mireritamiriwa anahweriw owitcewakana e wapamikotc.
21Kiapatc ki itew Cecoc: “Pekateritamokw! Mia peikon mitowi Notawi ka ki pe iciticohwitc ota askik, anotc kaie nin kit iciticohotinawaw.”
22Minawatc ki potatew owitcewakana, e itatc: “Miro Manito kitci pe otitikoiekw! 23Iriniwok ke ponerimekok opactatowiniwaw ota askik kata kasihamakowok Kice Manitowa. Aric aniki aka ke wi ponerimekok, nama kata kasihamawakaniwiwok.”
Cecoc kirika Toma
24Peikw Cecoc owitcewakana, Toma —“Nicocan” e icinikatakaniwikopanen, arica e icinikatakaniwitc— nama tacikekopan neta, mia ka pe icaritci Cecoca. 25Ki witamako anahweriw kotakihi Cecoc owitcewakana: “Ni ki wapamanan Teperitciketc!”
Aric ki itew anahwe Toma: “Kecpin aka wapatamowake kaie aka takinamowake ka ki ici namehikotc tcictaskowakaniw otcitcik, kaie aka takinamowake ka ki ici namehwakaniwitc ospakak cimakana, nama ni ka tapweten.”#20.25 nama ni ka tapweten: Pot wi itetake: nama ni ka tapweten e ki apitcipatc.
26Ka ickwa peikwo manactakanikarik, aci minawatc Cecoc owitcewakana mawotcihitowakopan mikiwamik. Kaie wir Toma nete tacikekopan. Kiapatc ki kipaskohikateriw ickwatemiriw. Peikon ki otci pe nokosiw Cecoc neta e ici taciketcik, e itatc: “Pekateritamokw!” 27Minawatc ki itew anihi Tomawa: “Pe nta takina ota. Kanawapata nitcitcia. Pe nta itina kitcitci kitci tca takinaman ota nispakak. Ponita ka anwetaman. Tapweta!”
28Aci itew Toma: “Kir Ka Tiperimiin kaie Nikice Manitom.”
29Itew Cecoc: “Osam pitama e ki wapamiin, ekoni ia wetci tapwetaman? Caweritakosiwok aniki ka tapwetakik misawatc aka e wapamitcik.”
Wetci ki masinahikatek ohwe masinahikan
30Mitcetwaw awocamec ki ici mata kackitaw Cecoc e wapamikotc owitcewakana, aka e ki otci masinaterik ota masinahikanik. 31Aric kaskina ota ka takok, ki masinatew kitci ki otci tapwetamekw ohwe: Cecoc, tapwe wir anihi ka ki itespan Kice Manito kitci pe iciticohwatc ota askik kitci akwacimiweritci, enko na Kice Manito Okosa. Kecpin tca tapwerimekwe, ki ka otci mirikowinawaw pimatisiwin wir otci.
वर्तमान में चयनित:
Jean 20: ATMK
हाइलाइट
शेयर
कॉपी
Want to have your highlights saved across all your devices? Sign up or sign in
Canadian Bible Society, 2014
Jean 20
20
E pacicikwak matikowoc
(Natawapata kaie Matio 28.1-8; Mark 16.1-8; Luc 24.1-12)
1Ka manactakaniwok, aci e petapak epwamoci pe nokositc pisimw, matikowocik ki icaw Mari, anahwe Magdala ka otcitc. Tekocik nta, aci wapamew e ki tetipinakaniwiritci micta asiniwa, neta matikowocik ka ki ici nahikowakaniwiritci Cecoca. 2Tecikotc matcepataw e nantowapamatc Simo Piena kaie anihi kotakihi Cecoc owitcewakana, anihi Cecoc ka sakihaspan.#20.2 Cecoc owitcewakana, anihi Cecoc ka sakihaspan: Enko natake Jean e arimomitisotc, anahwe mia ka ki masinahak ohweriw tipatcimowiniw. Itew Mari anahweriw iriniwa: “Ki matcewirakaniwiw Cecoc neta omatikowocik! Nama ni kiskeritenan minawatc ka ki ici arakaniwitc.”
3Aci matcawok Pien kirika anaha kotak owitcewakana Cecoc, nte matikowocik e icatcik. 4Mipatawok e nicitcik, kirawe aric ki kicipataw anahwe kotak iriniw patok Pien. Wirctam takocipataw neta matikowocik. 5Cinicikiw kitci sakiwapatak matikowociriw, asinik ka ki otci ocitakaniwonik. Wapatam aniheriw pakiwaniciapiriw motcik e taci mekitanik. Nama aric pitakew. 6Tekocik anahwe Pien, e ki pe nosanehwatc, pitakew neta matikowocik. Kaie wir ki wapatam aniheriw pakiwaniciapiriw motcik e taci mekitanik, 7kaie kotakeriw pakiwaniciapiriw, Cecoca octikwanirik ka ki actakaniwonikipan. Nama tapickotc actepana. Tipan ki ici actew anihe pakiwanic e ki notamekinikatek. 8Aci pitakew anahwe kotak owitcewakana, wirctam ka ki takocik. Wapatam kaie tapweritam. 9Tapwe wirata misawatc e ki wapatakik aniheriw, nama moci nisitotamwakopan aniheriw ka masinaterik Kice Manito Omasinahikanik, e acterik Cecoca kitci apitciparitci.#20.9 Natawapata kaie Psaume 16.10. 10Minawatc ki kiwewok aniki e nicitcik Cecoc owitcewakana.
Cecoc e wapamikotc Mariwa, Magdala ka otciritci
(Natawapata kaie Matio 28.9-10; Mark 16.9-11)
11Orowitimik taci nanipowikopan pecotcik matikowocik anahwe Mari. Matokopan. Mekwata e taci matospan ki cinicikiw kitci sakiwapatak matikowociriw. 12Kek wapamew nicw aceriwa tekaci e wapaspisoritci e taci apiritci neta ka ici acterikipan Cecoca owiawiriw. Peikw nete ici apiw Cecoca ka ki ici icictikwaneciniritci, kotak tca ka ki ici icicteciniritci. 13Aci kokwetcimiko aceriwa: “Kekwan wetci matoin?”
Aci itew: “Ki matcewirakaniwiw anahwe Ka Tiperimitc. Nama ni kiskeriten nte ka ki ici arakaniwitc.”
14Ka ickwa itetc aniheriw, kiweskweriw. Aci wapamew neta Cecoca e taci nanipowiritci. Nama aric ni moci nisitowinawew. 15Aci kokwetcimiko: “Kekwan wetci matoin? Awin na ka nantowapamatc?”
Iteritamokopan anahwe Mari: “Iriniw kitikan askiriw ka mitatc ka aimihitc.” Ekoni wetci ki itatc: “Kecpin kir ka ki matcewiratc, witamaci nte ka ki ici aratc. Ni ka tca natcipahaw.”
16Itiko Cecoca: “Mari!”
Aci itactimikapowictawew anahwe Mari, e itatc, hébreu arimwewiniw e ici arimwetc: “Rabbouni!” —“Kiskinohamake iriniw” itwaniwon anihe.—
17Itew Cecoc: “Akawir matcikonici.#20.17 Akawir matcikonici: Peikon kata ki ici nisitotakon: Akawir takinici. Nama sa moci ni ki otci kiwan icpimik kitci natawapamak Notawi. Matca aric nta witamawik niwitcicanak aci kitci natawapamak Notawi icpimik, kaie kirawaw Kotawiwaw, Nikice Manitom kitci natawapamak, kaie kirawaw Kikice Manitomiwaw.” 18Ekoni e ici matcatc anahwe Mari, Magdala ka otcitc, e nta witamawatc anahweriw Cecoca owitcewakaniriw, e tca itatc: “Ni ki wapamaw Teperitciketc!” Kaskina tca ki witamawew owitcewakaniw aniheriw ka ki itikotc Cecoca.
Cecoc e natawapamatc owitcewakana ka ickwa apitcipatc
(Natawapata kaie Matio 28.16-20; Mark 16.14-18; Luc 24.36-49)
19Minawatc peikon aniheriw e manactakaniwonik e otakocinik, anahweriw Cecoc owitcewakana mawotcihitowakopan mikiwamik. Kaskina ickwatemiriw ki kipaskohamowakopan, e koctatcik cota okimawa. Kek pe nokosiriw Cecoca, tetawitc neta ka ici taciketcik, e tca itikotcik: “Pekateritamokw!”
20Minawatc ki wapatarew Cecoc aniheriw otcitcia ka ki ici tcictaskowatakaniwitc, kaie ka ki ici pataskohwakaniwitc opimera. Ki micta mireritamiriwa anahweriw owitcewakana e wapamikotc.
21Kiapatc ki itew Cecoc: “Pekateritamokw! Mia peikon mitowi Notawi ka ki pe iciticohwitc ota askik, anotc kaie nin kit iciticohotinawaw.”
22Minawatc ki potatew owitcewakana, e itatc: “Miro Manito kitci pe otitikoiekw! 23Iriniwok ke ponerimekok opactatowiniwaw ota askik kata kasihamakowok Kice Manitowa. Aric aniki aka ke wi ponerimekok, nama kata kasihamawakaniwiwok.”
Cecoc kirika Toma
24Peikw Cecoc owitcewakana, Toma —“Nicocan” e icinikatakaniwikopanen, arica e icinikatakaniwitc— nama tacikekopan neta, mia ka pe icaritci Cecoca. 25Ki witamako anahweriw kotakihi Cecoc owitcewakana: “Ni ki wapamanan Teperitciketc!”
Aric ki itew anahwe Toma: “Kecpin aka wapatamowake kaie aka takinamowake ka ki ici namehikotc tcictaskowakaniw otcitcik, kaie aka takinamowake ka ki ici namehwakaniwitc ospakak cimakana, nama ni ka tapweten.”#20.25 nama ni ka tapweten: Pot wi itetake: nama ni ka tapweten e ki apitcipatc.
26Ka ickwa peikwo manactakanikarik, aci minawatc Cecoc owitcewakana mawotcihitowakopan mikiwamik. Kaie wir Toma nete tacikekopan. Kiapatc ki kipaskohikateriw ickwatemiriw. Peikon ki otci pe nokosiw Cecoc neta e ici taciketcik, e itatc: “Pekateritamokw!” 27Minawatc ki itew anihi Tomawa: “Pe nta takina ota. Kanawapata nitcitcia. Pe nta itina kitcitci kitci tca takinaman ota nispakak. Ponita ka anwetaman. Tapweta!”
28Aci itew Toma: “Kir Ka Tiperimiin kaie Nikice Manitom.”
29Itew Cecoc: “Osam pitama e ki wapamiin, ekoni ia wetci tapwetaman? Caweritakosiwok aniki ka tapwetakik misawatc aka e wapamitcik.”
Wetci ki masinahikatek ohwe masinahikan
30Mitcetwaw awocamec ki ici mata kackitaw Cecoc e wapamikotc owitcewakana, aka e ki otci masinaterik ota masinahikanik. 31Aric kaskina ota ka takok, ki masinatew kitci ki otci tapwetamekw ohwe: Cecoc, tapwe wir anihi ka ki itespan Kice Manito kitci pe iciticohwatc ota askik kitci akwacimiweritci, enko na Kice Manito Okosa. Kecpin tca tapwerimekwe, ki ka otci mirikowinawaw pimatisiwin wir otci.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Canadian Bible Society, 2014