Jã Sɛbɛ 19
19
1A *Pɩlatɩ ƴɔ̃w na a ba nyɔw a *Jeeju cenʼɩ̃ na fɔb. 2A sɔdaalsɩ de na a gʋʋr wob a sapi kpa a Jeeju, ɩ̃ mɩ su ʋ cẽcen jɩ̃-ꞌwɔlɔ-ꞌwɔlɔ, 3ɩ̃ tawra tara ʋ yele:
“Sɩ puor fʋ na, Jufisɩ jamana!”
Ɩ̃ ba ɓara ɓara ʋ na.
4A Pɩlatɩ lɛ yi na yel a Jufisɩ:
“Ɩ̃ na taw na a daba na yi nɩ ka a nyɩ sɛ̃, a nyɩ na bɔ̃w ka maa nyɛ sãwfʋ a ʋ jie wa.” 5A lɛ, a Jeeju yi na ɩ̃ cãa kpa a gʋʋr sapi, su nɩ a cẽcen jɩ̃-ꞌwɔlɔ-ꞌwɔlɔ, a Pɩlatɩ yel ba:
“Nyɩ́ nyɛ a daba!” 6A lɛ a *baar-lo-nɩ-bɛrɛ nɩ a parsãdiele na nyɛ ʋ, ba wuure na yele:
“Kpa ʋ yaal! Kpa ʋ yaal a nɩ-kʋ-daa juu!”
A Pɩlatɩ yel ba:
“A nyɩmɩ mɩ̃ɛ, nyɩ́ nyɔw ʋ kpa yaal. A ala ɩ̃ ɩ a maa ʋ, maa nyɛ a ʋ sãwfʋ jie wa.” 7A Jufisɩ yel ʋ:
“Sɩ tɛrɛ na ƴɛr-kpɛ̃w kãw ɩ̃ a ƴɛr-kpɛ̃w ʋlɔ miilʼã a ʋ sɛw na na kpi, a-na-ɩ ʋ bʋɔrɔ na ba de ʋ ʋ ɩ Naaŋmɩn Bie.”
8A mɩnɛ a Pɩlatɩ na wõ a ʋna ƴɛrɩ̃, dãbɩ̃ɛ lɛ nyɩrɩ̃ na nyɔw ʋ, 9ʋ lɛ lɩɛb kpɛ a diem na soor a Jeeju:
“Nyɩnɛ fʋ yi?”
Ɩ̃ a Jeeju ma jew ʋ nʋɔr wa. 10A Pɩlatɩ soor ʋ:
“Faa jewre ma nʋɔr wa? Faa bɔ̃w ka ɩ̃ tɛrɛ na tʋɔfʋ na bar fʋ ɩ̃ mɩ tɛrɛ a tʋɔfʋ na ƴɔ̃w a ba kpa fʋ yaal a nɩ-kʋ-daa juu wa?” 11A Jeeju yel ʋ:
“Faa tɛrɛ tʋɔfʋ kãw a ɩ̃ jie ɩ̃ a ala ma ɩ a ʋlɔ a saꞌlon Naaŋmɩn na tɩɩr kʋ fʋ ʋ wa. Ala-ɩ̃-sɔ a ʋlɔ na nyɔw ma kʋ fʋ nyɩrɩ̃ na maal a fãa gãw fʋ.”
12Wa nyɔw nɩ a daar ʋlɔ, a Pɩlatɩ bʋɔrɔ na a mɩnɛ ʋ na ɩrɛ ɩ̃ bara a Jeeju, ɩ̃-cɛ a Jufisɩ wuure na yele:
“A fʋ̃ʋ bar a daba na, faa ɩ a jaman-kpɛ̃ɛ baraa wa. A nɩrɛ lɛ na yel a jamana ʋ ɩ, ʋ ɩ na a jaman-kpɛ̃ɛ san-sʋbɔ.” 13A mɩnɛ a Pɩlatɩ na wõ a ana ƴɛrɩ̃sɩ, ʋ taw na a Jeeju yi nɩ ɩ̃ jɛ a ƴɛr-guoro dakɔw juu na be a jie ʋlɔ ba na bʋɔlɔ a “Kʋsɩpan,” a Jufisɩ na mɩ bʋɔlɔ a “Gabata.” 14A ɩ na a *Pakɩ fɛtɩ walfʋ dayen a mɔ̃tɔ̃-tuo daar, a Pɩlatɩ yel a Jufisɩ:
“Nyɩ́ nyɛ a nyɩ jamana!” 15A ba wuure yele:
“Kú ʋ! Kú ʋ! Kpa ʋ yaal a nɩ-kʋ-daa juu!”
A Pɩlatɩ soor ba:
“Ɩ̃ kpa a nyɩ jamana yaal mɩɩ?”
A baar-lo-nɩ-bɛrɛ yel ʋ:
“Saa tɛrɛ jaman-kpee ɩ̃ a ala ma ɩ a jaman-kpɛ̃ɛ ʋ wa.” 16Ala-ɩ̃-sɔ a Pɩlatɩ ƴɔ̃w na a ba nyɔw a Jeeju cenʼɩ̃ na kpa yaal a nɩ-kʋ-daa juu.
A JEEJU BA NA KPA YAAL A NƖ-KƲ-DAA JUU
(Mat 27.32-44, Mar 15.21-32, Lu 23.26-43)
17A lɛ, ba nyɔw na a *Jeeju ʋ tuo a nɩ-kʋ-daa a ʋ mɩ̃ɛ yi nɩ a tẽw pʋɔ, cere nɩ a jie ʋlɔ ba na bʋɔlɔ a “Ju-ŋman-wɩɛr,” ɩ̃ a Jufisɩ bʋɔlɔ a “Gɔlgɔta.” 18A be a sɔdaalsɩ kpa ʋ yaal a nɩ-kʋ-daa juu. Ɩ̃ ba mɩ kpa na nɩbɛ ayi yaal a nɩ-kʋ-dar jur a ʋ lõbobo pʋʋr, ɩ̃ a Jeeju be a sɔ̃w.
19A *Pɩlatɩ ɩ na a ba sɛb sɛbɛ mar a nɩ-kʋ-daa juu na yel: “A Najarɛtɩ Jeeju ʋ, na ɩ a Jufisɩ jamana.” 20A Jufisɩ yaw ꞌwuoro na a ala na sɛb a ʋna sɛbɛ naa pʋɔ, a-na-ɩ a jie ʋlɔ ba na kpa a Jeeju yaal pɩɛlʼɩ̃ na a tẽw, ɩ̃ ba dãa na sɛbʼɩ̃ a Jufi ƴɛrɩ̃ nɩ a Orom ƴɛrɩ̃ nɩ a Gɩrɛkɩ ƴɛrɩ̃. 21Ɩ̃ a Jufisɩ *baar-lo-nɩ-bɛrɛ yelʼã a Pɩlatɩ:
“Taa sɛb á Jufisɩ jamana ʋ ɩ wa, ɩ̃-cɛ ɛ̃ɛ sɛb áa daba na yelʼã a Jufisɩ jamana ʋ ɩ.” 22A Pɩlatɩ yel:
“A ala ɩ̃ na sɛb, bom ma lɩɛbɛ wa.”
23A mɩnɛ a sɔdaalsɩ na kpa a Jeeju yaal baar, ba de na a ʋ cẽcene po jiir anaan, a ba jaa pɔw bõ-ƴene-ƴene, ɩ̃ cɛ a ʋ kpar-woor ʋlɔ na ma tɛrɛ a sɛfʋ jie wa, a-na-ɩ lɛ ba wob ʋ a juumɩ wa ta nɩ a gbɛɛ pʋɔ. 24A sɔdaalsɩ yele na taa:
“Nyɩ taa ɩ a sɩ ɓer a cẽcen na bar wa. Nyɩ́ ɩ a sɩ lɔb a gbãbie bɔ̃w a ʋlɔ na diere.”
Ba yelʼã a lɛ a mɩnɛ a ƴɛr-bir ʋlɔ na be a Naaŋmɩn Sɛbɛ pʋɔ na tʋɔ maal baar:
“Ba po na a ɩ̃ cẽcene,
ɩ̃ de a ɩ̃ kparʋ lɔbʼɩ̃ a gbãbie.”
Lɛ a sɔdaalsɩ maal.
25A Jeeju mã nɩ a ʋ mã yɛbɛ nɩ a Kilopa pɔw Maarɩɩ, nɩ a Madala Maarɩɩ ɩraa na be a Jeeju nɩ-kʋ-daa par. 26A mɩnɛ a Jeeju na nyɛ a ʋ mã ɩ̃ mɩ nyɛ a ʋ *par-tuure ʋlɔ ʋ na nʋ ʋ ɩraa pɩɛl ʋ, ʋ yelʼã a ʋ mã:
“Ɩ̃ mã, nyɛ a fʋ bie.” 27Ɩ̃ mɩ yel a par-tuure ʋlɔ:
“Nyɛ a fʋ mã.”
Wa nyɔw nɩ a ʋna daarʼã, a par-tuure ʋlɔ de na a Jeeju mã kulʼɩ̃ a ʋ yir.
A JEEJU KŨU
(Mat 27.45-56, Mar 15.33-41, Lu 23.44-49)
28A ala na yi tɔ, a *Jeeju bɔ̃w ka a yele a jaa baarʼã a ƴɛ̃ƴɛrɩ̃ Ala-ɩ̃-sɔ, a mɩnɛ a ƴɛr-bir ʋlɔ na be a Naaŋmɩn Sɛbɛ pʋɔ na tʋɔ maal baar, ʋ yelʼã:
“Kʋ̃ɔ-nyuur nyɔw ma na.” 29Yole dãa na be be na sɛw nɩ dã-ɓiirũ, a ba de a tabɩr miir su a *ɩsɔb kakɩr pʋɔ, ɩ̃ ɓĩ nɩ a dã-ɓiirũ tur a Jeeju. 30A lɛ ʋ na nyu a dã-ɓiirũ baar, ʋ yelʼã:
“A yele a jaa maalʼã baar!” Ɩ̃ surĩ a juu ɩ̃ ŋmaa a vʋʋrʋ̃.
A SƆDAALA NA CƆR A JEEJU A LÕBOORƖ̃
31A ɩ na a *bibi-ciiraa walfʋ dayen, ɩ̃ a mɩnɛ a ʋna bibirʼãa na ɩ a bibir kpɛ̃ɛ, a Jufisɩ ma bʋɔrɔ a kũusɩ a cãa be a nɩ-kʋ-dar jur a bibi-ciiraa dayen wa. A ala ɩnɛ ba sʋɔrʼã a *Pɩlatɩ a ʋ ɩ a ba kar a bala ba na kpa yaal gbɛɛ ɩ̃ yaw ba suu nɩ. 32Ala-ɩ̃-sɔ a sɔdaalsɩ wɩ na a bala ba na dãa lãa kpa nɩ a *Jeeju sɛ̃ na kar a dãdãw sʋbɔ nɩ a tuuraa gbɛɛ, 33ɩ̃-cɛ a mɩnɛ ba na ta a Jeeju, ba nyɛ ʋ na ʋ gɔr kpi a baa kar ʋ a gbɛɛ wa. 34Ɩ̃-cɛ a sɔdaala kãw de na a ʋ kãpĩi cɔrʼɩ̃ a Jeeju a lõboorɩ̃, a jɩ̃ɩ nɩ a kʋ̃ɔ yi a jie naan. 35A ʋlɔ na nyɛ a yele ala, ʋlɔ ɩ̃ man a ala ʋ na nyɛ, ɩ̃ a ʋ ƴɛrɩ̃ ɩ na yel-mɩ̃ɛ. Ʋ bɔ̃w ka yel-mɩ̃ɛ ʋ yele, a mɩnɛ a nyɩ na mɩ tʋɔ tɛrɛ a ƴɔ̃w-nyãa. 36A ana yele ta na a lɛ a mɩnɛ a ƴɛr-bir ʋlɔ na be a Naaŋmɩn Sɛbɛ pʋɔ na tʋɔ maal baar: “Ba kɔ̃ wa ka a ʋ kɔɔr kãw wa.” 37A Naaŋmɩn Sɛbɛ ƴɛr-bir ƴen sʋbɔ lɛ yelʼã: “Ba nɔɔ ꞌwuoro na a ʋlɔ ba na cɔr.”
A JEEJU ŨUFƲ
(Mat 27.57-61, Mar 15.42-47, Lu 23.50-56)
38A ala na baar, a Arimate Jojɛfʋ sʋɔrʼã a *Pɩlatɩ a ʋ kʋ ʋ a sɔr ʋ de a *Jeeju. A Jojɛfʋ ʋlɔ ɩ na a Jeeju *par-tuure, ɩ̃-cɛ ꞌwaa dãa ɩ a yi cãa pʋɔ wa, a-na-ɩ ʋ jɔrɔ na a Jufisɩ dãbɩ̃ɛ. A Pɩlatɩ kʋ ʋ na a sɔr, ʋ cen na de a Jeeju. 39A Nikodɛ̃ ʋlɔ na dãa cen a Jeeju sɛ̃ a tɩsɔw mɩ wɩ na ɩ̃ tɛrɛ *tɩ̃ɩ-nyu-vɩlaa ba na bʋɔlɔ a *mɩɩr nɩ a alowe#19.39 Alowe: Ʋ ɩ na kã-nyu-vɩlaa. Tɩɛ kãw kʋ̃ɔ ba ma ir maalʼɩ̃ a kãa na. ba na nyãkarɩ̃ taa. A na ta na kilo lɩjɛrʼɩ̃-pie tɩ̃ɩ. 40A ba jaa ayi de na a Jeeju vilĩ ʋ a cẽcene, ɩ̃ ƴɔ̃w ʋ a tɩ̃ɩ-nyu-vɩlaa tu nɩ a mɩnɛ a Jufisɩ na ma ũu a ba nɩrɛ. 41A jie ʋlɔ ba na kpa a Jeeju yaal a nɩ-kʋ-daa juu, nakʋɔ be na be, ɩ̃ ya-paalaa mɩ be na be a ʋna nakʋɔ pʋɔ a baa dãa ũu nɩrɛ a be sɛr wa. 42A mɩnɛ a na ɩ a Jufisɩ *bibi-ciiraa walfʋ dayen, ɩ̃ a yaa ʋlɔ pɩɛl a be, be ba ũu a Jeeju.
वर्तमान में चयनित:
Jã Sɛbɛ 19: BNT93
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Jã Sɛbɛ 19
19
1A *Pɩlatɩ ƴɔ̃w na a ba nyɔw a *Jeeju cenʼɩ̃ na fɔb. 2A sɔdaalsɩ de na a gʋʋr wob a sapi kpa a Jeeju, ɩ̃ mɩ su ʋ cẽcen jɩ̃-ꞌwɔlɔ-ꞌwɔlɔ, 3ɩ̃ tawra tara ʋ yele:
“Sɩ puor fʋ na, Jufisɩ jamana!”
Ɩ̃ ba ɓara ɓara ʋ na.
4A Pɩlatɩ lɛ yi na yel a Jufisɩ:
“Ɩ̃ na taw na a daba na yi nɩ ka a nyɩ sɛ̃, a nyɩ na bɔ̃w ka maa nyɛ sãwfʋ a ʋ jie wa.” 5A lɛ, a Jeeju yi na ɩ̃ cãa kpa a gʋʋr sapi, su nɩ a cẽcen jɩ̃-ꞌwɔlɔ-ꞌwɔlɔ, a Pɩlatɩ yel ba:
“Nyɩ́ nyɛ a daba!” 6A lɛ a *baar-lo-nɩ-bɛrɛ nɩ a parsãdiele na nyɛ ʋ, ba wuure na yele:
“Kpa ʋ yaal! Kpa ʋ yaal a nɩ-kʋ-daa juu!”
A Pɩlatɩ yel ba:
“A nyɩmɩ mɩ̃ɛ, nyɩ́ nyɔw ʋ kpa yaal. A ala ɩ̃ ɩ a maa ʋ, maa nyɛ a ʋ sãwfʋ jie wa.” 7A Jufisɩ yel ʋ:
“Sɩ tɛrɛ na ƴɛr-kpɛ̃w kãw ɩ̃ a ƴɛr-kpɛ̃w ʋlɔ miilʼã a ʋ sɛw na na kpi, a-na-ɩ ʋ bʋɔrɔ na ba de ʋ ʋ ɩ Naaŋmɩn Bie.”
8A mɩnɛ a Pɩlatɩ na wõ a ʋna ƴɛrɩ̃, dãbɩ̃ɛ lɛ nyɩrɩ̃ na nyɔw ʋ, 9ʋ lɛ lɩɛb kpɛ a diem na soor a Jeeju:
“Nyɩnɛ fʋ yi?”
Ɩ̃ a Jeeju ma jew ʋ nʋɔr wa. 10A Pɩlatɩ soor ʋ:
“Faa jewre ma nʋɔr wa? Faa bɔ̃w ka ɩ̃ tɛrɛ na tʋɔfʋ na bar fʋ ɩ̃ mɩ tɛrɛ a tʋɔfʋ na ƴɔ̃w a ba kpa fʋ yaal a nɩ-kʋ-daa juu wa?” 11A Jeeju yel ʋ:
“Faa tɛrɛ tʋɔfʋ kãw a ɩ̃ jie ɩ̃ a ala ma ɩ a ʋlɔ a saꞌlon Naaŋmɩn na tɩɩr kʋ fʋ ʋ wa. Ala-ɩ̃-sɔ a ʋlɔ na nyɔw ma kʋ fʋ nyɩrɩ̃ na maal a fãa gãw fʋ.”
12Wa nyɔw nɩ a daar ʋlɔ, a Pɩlatɩ bʋɔrɔ na a mɩnɛ ʋ na ɩrɛ ɩ̃ bara a Jeeju, ɩ̃-cɛ a Jufisɩ wuure na yele:
“A fʋ̃ʋ bar a daba na, faa ɩ a jaman-kpɛ̃ɛ baraa wa. A nɩrɛ lɛ na yel a jamana ʋ ɩ, ʋ ɩ na a jaman-kpɛ̃ɛ san-sʋbɔ.” 13A mɩnɛ a Pɩlatɩ na wõ a ana ƴɛrɩ̃sɩ, ʋ taw na a Jeeju yi nɩ ɩ̃ jɛ a ƴɛr-guoro dakɔw juu na be a jie ʋlɔ ba na bʋɔlɔ a “Kʋsɩpan,” a Jufisɩ na mɩ bʋɔlɔ a “Gabata.” 14A ɩ na a *Pakɩ fɛtɩ walfʋ dayen a mɔ̃tɔ̃-tuo daar, a Pɩlatɩ yel a Jufisɩ:
“Nyɩ́ nyɛ a nyɩ jamana!” 15A ba wuure yele:
“Kú ʋ! Kú ʋ! Kpa ʋ yaal a nɩ-kʋ-daa juu!”
A Pɩlatɩ soor ba:
“Ɩ̃ kpa a nyɩ jamana yaal mɩɩ?”
A baar-lo-nɩ-bɛrɛ yel ʋ:
“Saa tɛrɛ jaman-kpee ɩ̃ a ala ma ɩ a jaman-kpɛ̃ɛ ʋ wa.” 16Ala-ɩ̃-sɔ a Pɩlatɩ ƴɔ̃w na a ba nyɔw a Jeeju cenʼɩ̃ na kpa yaal a nɩ-kʋ-daa juu.
A JEEJU BA NA KPA YAAL A NƖ-KƲ-DAA JUU
(Mat 27.32-44, Mar 15.21-32, Lu 23.26-43)
17A lɛ, ba nyɔw na a *Jeeju ʋ tuo a nɩ-kʋ-daa a ʋ mɩ̃ɛ yi nɩ a tẽw pʋɔ, cere nɩ a jie ʋlɔ ba na bʋɔlɔ a “Ju-ŋman-wɩɛr,” ɩ̃ a Jufisɩ bʋɔlɔ a “Gɔlgɔta.” 18A be a sɔdaalsɩ kpa ʋ yaal a nɩ-kʋ-daa juu. Ɩ̃ ba mɩ kpa na nɩbɛ ayi yaal a nɩ-kʋ-dar jur a ʋ lõbobo pʋʋr, ɩ̃ a Jeeju be a sɔ̃w.
19A *Pɩlatɩ ɩ na a ba sɛb sɛbɛ mar a nɩ-kʋ-daa juu na yel: “A Najarɛtɩ Jeeju ʋ, na ɩ a Jufisɩ jamana.” 20A Jufisɩ yaw ꞌwuoro na a ala na sɛb a ʋna sɛbɛ naa pʋɔ, a-na-ɩ a jie ʋlɔ ba na kpa a Jeeju yaal pɩɛlʼɩ̃ na a tẽw, ɩ̃ ba dãa na sɛbʼɩ̃ a Jufi ƴɛrɩ̃ nɩ a Orom ƴɛrɩ̃ nɩ a Gɩrɛkɩ ƴɛrɩ̃. 21Ɩ̃ a Jufisɩ *baar-lo-nɩ-bɛrɛ yelʼã a Pɩlatɩ:
“Taa sɛb á Jufisɩ jamana ʋ ɩ wa, ɩ̃-cɛ ɛ̃ɛ sɛb áa daba na yelʼã a Jufisɩ jamana ʋ ɩ.” 22A Pɩlatɩ yel:
“A ala ɩ̃ na sɛb, bom ma lɩɛbɛ wa.”
23A mɩnɛ a sɔdaalsɩ na kpa a Jeeju yaal baar, ba de na a ʋ cẽcene po jiir anaan, a ba jaa pɔw bõ-ƴene-ƴene, ɩ̃ cɛ a ʋ kpar-woor ʋlɔ na ma tɛrɛ a sɛfʋ jie wa, a-na-ɩ lɛ ba wob ʋ a juumɩ wa ta nɩ a gbɛɛ pʋɔ. 24A sɔdaalsɩ yele na taa:
“Nyɩ taa ɩ a sɩ ɓer a cẽcen na bar wa. Nyɩ́ ɩ a sɩ lɔb a gbãbie bɔ̃w a ʋlɔ na diere.”
Ba yelʼã a lɛ a mɩnɛ a ƴɛr-bir ʋlɔ na be a Naaŋmɩn Sɛbɛ pʋɔ na tʋɔ maal baar:
“Ba po na a ɩ̃ cẽcene,
ɩ̃ de a ɩ̃ kparʋ lɔbʼɩ̃ a gbãbie.”
Lɛ a sɔdaalsɩ maal.
25A Jeeju mã nɩ a ʋ mã yɛbɛ nɩ a Kilopa pɔw Maarɩɩ, nɩ a Madala Maarɩɩ ɩraa na be a Jeeju nɩ-kʋ-daa par. 26A mɩnɛ a Jeeju na nyɛ a ʋ mã ɩ̃ mɩ nyɛ a ʋ *par-tuure ʋlɔ ʋ na nʋ ʋ ɩraa pɩɛl ʋ, ʋ yelʼã a ʋ mã:
“Ɩ̃ mã, nyɛ a fʋ bie.” 27Ɩ̃ mɩ yel a par-tuure ʋlɔ:
“Nyɛ a fʋ mã.”
Wa nyɔw nɩ a ʋna daarʼã, a par-tuure ʋlɔ de na a Jeeju mã kulʼɩ̃ a ʋ yir.
A JEEJU KŨU
(Mat 27.45-56, Mar 15.33-41, Lu 23.44-49)
28A ala na yi tɔ, a *Jeeju bɔ̃w ka a yele a jaa baarʼã a ƴɛ̃ƴɛrɩ̃ Ala-ɩ̃-sɔ, a mɩnɛ a ƴɛr-bir ʋlɔ na be a Naaŋmɩn Sɛbɛ pʋɔ na tʋɔ maal baar, ʋ yelʼã:
“Kʋ̃ɔ-nyuur nyɔw ma na.” 29Yole dãa na be be na sɛw nɩ dã-ɓiirũ, a ba de a tabɩr miir su a *ɩsɔb kakɩr pʋɔ, ɩ̃ ɓĩ nɩ a dã-ɓiirũ tur a Jeeju. 30A lɛ ʋ na nyu a dã-ɓiirũ baar, ʋ yelʼã:
“A yele a jaa maalʼã baar!” Ɩ̃ surĩ a juu ɩ̃ ŋmaa a vʋʋrʋ̃.
A SƆDAALA NA CƆR A JEEJU A LÕBOORƖ̃
31A ɩ na a *bibi-ciiraa walfʋ dayen, ɩ̃ a mɩnɛ a ʋna bibirʼãa na ɩ a bibir kpɛ̃ɛ, a Jufisɩ ma bʋɔrɔ a kũusɩ a cãa be a nɩ-kʋ-dar jur a bibi-ciiraa dayen wa. A ala ɩnɛ ba sʋɔrʼã a *Pɩlatɩ a ʋ ɩ a ba kar a bala ba na kpa yaal gbɛɛ ɩ̃ yaw ba suu nɩ. 32Ala-ɩ̃-sɔ a sɔdaalsɩ wɩ na a bala ba na dãa lãa kpa nɩ a *Jeeju sɛ̃ na kar a dãdãw sʋbɔ nɩ a tuuraa gbɛɛ, 33ɩ̃-cɛ a mɩnɛ ba na ta a Jeeju, ba nyɛ ʋ na ʋ gɔr kpi a baa kar ʋ a gbɛɛ wa. 34Ɩ̃-cɛ a sɔdaala kãw de na a ʋ kãpĩi cɔrʼɩ̃ a Jeeju a lõboorɩ̃, a jɩ̃ɩ nɩ a kʋ̃ɔ yi a jie naan. 35A ʋlɔ na nyɛ a yele ala, ʋlɔ ɩ̃ man a ala ʋ na nyɛ, ɩ̃ a ʋ ƴɛrɩ̃ ɩ na yel-mɩ̃ɛ. Ʋ bɔ̃w ka yel-mɩ̃ɛ ʋ yele, a mɩnɛ a nyɩ na mɩ tʋɔ tɛrɛ a ƴɔ̃w-nyãa. 36A ana yele ta na a lɛ a mɩnɛ a ƴɛr-bir ʋlɔ na be a Naaŋmɩn Sɛbɛ pʋɔ na tʋɔ maal baar: “Ba kɔ̃ wa ka a ʋ kɔɔr kãw wa.” 37A Naaŋmɩn Sɛbɛ ƴɛr-bir ƴen sʋbɔ lɛ yelʼã: “Ba nɔɔ ꞌwuoro na a ʋlɔ ba na cɔr.”
A JEEJU ŨUFƲ
(Mat 27.57-61, Mar 15.42-47, Lu 23.50-56)
38A ala na baar, a Arimate Jojɛfʋ sʋɔrʼã a *Pɩlatɩ a ʋ kʋ ʋ a sɔr ʋ de a *Jeeju. A Jojɛfʋ ʋlɔ ɩ na a Jeeju *par-tuure, ɩ̃-cɛ ꞌwaa dãa ɩ a yi cãa pʋɔ wa, a-na-ɩ ʋ jɔrɔ na a Jufisɩ dãbɩ̃ɛ. A Pɩlatɩ kʋ ʋ na a sɔr, ʋ cen na de a Jeeju. 39A Nikodɛ̃ ʋlɔ na dãa cen a Jeeju sɛ̃ a tɩsɔw mɩ wɩ na ɩ̃ tɛrɛ *tɩ̃ɩ-nyu-vɩlaa ba na bʋɔlɔ a *mɩɩr nɩ a alowe#19.39 Alowe: Ʋ ɩ na kã-nyu-vɩlaa. Tɩɛ kãw kʋ̃ɔ ba ma ir maalʼɩ̃ a kãa na. ba na nyãkarɩ̃ taa. A na ta na kilo lɩjɛrʼɩ̃-pie tɩ̃ɩ. 40A ba jaa ayi de na a Jeeju vilĩ ʋ a cẽcene, ɩ̃ ƴɔ̃w ʋ a tɩ̃ɩ-nyu-vɩlaa tu nɩ a mɩnɛ a Jufisɩ na ma ũu a ba nɩrɛ. 41A jie ʋlɔ ba na kpa a Jeeju yaal a nɩ-kʋ-daa juu, nakʋɔ be na be, ɩ̃ ya-paalaa mɩ be na be a ʋna nakʋɔ pʋɔ a baa dãa ũu nɩrɛ a be sɛr wa. 42A mɩnɛ a na ɩ a Jufisɩ *bibi-ciiraa walfʋ dayen, ɩ̃ a yaa ʋlɔ pɩɛl a be, be ba ũu a Jeeju.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.