Jã Sɛbɛ 21
21
A JEEJU NA NYƖR A Ʋ PAR-TUURBE ANUU-NʼAYI
1A ala na tɔl baar, a *Jeeju lɛ nyɩrʼã a ʋ *par-tuurbe a Tiberiyadi man gbẽgbere nʋɔr. Nyɛ a mɩnɛ ʋ na nyɩr ba.
2A bala na be taa ɩ na a Sɩmɔ̃ Pɩɛr nɩ a Tomasɩ ba na bʋɔlɔ a Yɩb, nɩ a Natanɩɛl na yi a Kana na be a Galile wɩɛr, nɩ a Jebede bi-dabsɩ ayi nɩ a Jeeju par-tuurbe ayi go. 3A Sɩmɔ̃ Pɩɛr yel ba: “Ɩ̃ cere na jɩmɛ nyɔɔrfʋ.”
A ba yel ʋ:
“Sɩ na mɩ pɔw fʋ na lãa cenʼɩ̃.”
A lɛ, ba yi na kpɛ a gbor pʋɔ cen, ɩ̃-cɛ baa nyɔw bom a ʋna tɩsɔw naa wa. 4A mɩnɛ a bio na vɩɛrɛ, a Jeeju ɩraa na be a man gbẽgbere nʋɔr, ɩ̃-cɛ a par-tuurbe ma dãa bɔ̃w ka ʋlɔ ʋ wa. 5A Jeeju soor ba:
“Ɩ̃ bibiir, nyaa pɔw a jɩmɛ wa mɩɩ?”
A ba yel ʋ:
“Kpee!” 6Ʋ yel ba:
“Nyɩ́ lɔb a jʋɔ a gbor dʋrɩ̃ loor, ɩ̃ nyɩ na pɔw na.”
A lɛ, ba lɔbʼã a jʋɔ ɩ̃ ma lɛ tʋɔrɔ tawra ʋ yire nɩ a kʋ̃ɔ pʋɔ wa, a-na-ɩ ʋ nyɩrɩ̃ na sɛw nɩ a jɩmɛ. 7A *par-tuure ʋlɔ a Jeeju na nʋ yelʼã a Pɩɛr:
“A Nɩ-kpɛ̃ɛ ʋ!”
A lɛ a Sɩmɔ̃ Pɩɛr na wõ áa Nɩ-kpɛ̃ɛ ʋ, ʋ su na a ʋ kparʋ ɩ̃ aw lo a kʋ̃ɔmɩ (a-na-ɩ ɩ̃gan ɓuol ʋ dãa tɛrɛ). 8Ɩ̃ a par-tuurbe bala na cɛ wɩ nɩ na a gbor, tawra nɩ a jʋɔ na sɛw nɩ a jɩmɛ, a-na-ɩ mɛɛtɩr kʋbaa tɛw ba dãa jãa nɩ a tene. 9A mɩnɛ ba na yi a gbẽgbere juu, ba nyɛ na vũu na ꞌlere, a jɩmɛ be a ʋ juu, ɩ̃ a buru mɩ be be. 10A Jeeju yel ba:
“Nyɩ ir a jɩmɛ ala nyɩ na nyɔɔr a ƴɛ̃ƴɛrɩ̃ wa nɩ”, 11a Sɩmɔ̃ Pɩɛr kpɛ a gbor pʋɔ ɩ̃ taw a jʋɔ na sɛw nɩ a jɩ̃-bɛrɛ, yi nɩ a gbẽgbere juu. A jɩmɛ ɩ na kʋbaa lɩjaayi nɩ pie-nʼata, ɩ̃ a mɩnɛ a na saarɩ̃ waa a lɛ, a jʋɔ ma ɓer wa. 12A Jeeju yel ba:
“Nyɩ́ wa dɩ a dɩb.”
Ɩ̃ par-tuure kãw ma ꞌla soor ʋ a ala ʋ ɩ wa, a-na-ɩ ba bɔ̃w ka a Nɩ-kpɛ̃ɛ ʋ. 13A Jeeju wɩ na de a buru kʋ ba ɩ̃ mɩ kʋ ba a jɩmɛ.
14A ɩ na gbɛɛ ata a lɛ, a mɩnɛ a Jeeju na nyɩr a ʋ par-tuurbe a lɛ ʋ na ir a kũu pʋɔ.
A JEEJU NƖ A PƖƐR
15A lɛ ba na dɩ a dɩb baar, a *Jeeju soorʼã a Sɩmɔ̃ Pɩɛr:
“Jã bi-daba Sɩmɔ̃, fʋ nʋ ma na gãw a basɩmɛ mɩɩ?”
Ʋ yel:
“Ɔɔ. Nɩ-kpɛ̃ɛ, fʋ bɔ̃w ka ɩ̃ nʋ fʋ na.”
A Jeeju yel ʋ:
“Bɔ̃w ꞌwuoro a ɩ̃ peli.” 16Ʋ soor ʋ na gbɛɛ ayi pʋɔ:
“Jã bi-daba Sɩmɔ̃, fʋ nʋ ma na mɩɩ?”
Ʋ yel ʋ:
“Ɔɔ. Nɩ-kpɛ̃ɛ, fʋ bɔ̃w ka ɩ̃ nʋ fʋ na.”
A Jeeju yel ʋ:
“Bɔ̃w ꞌwuoro a ɩ̃ piir.” 17Ʋ lɛ soor ʋ na gbɛɛ ata pʋɔ:
“Jã bi-daba Sɩmɔ̃, fʋ nʋ ma na mɩɩ?”
Suur sãw na a Pɩɛr a mɩnɛ a Jeeju na soor ʋ a gbɛɛ ata pʋɔ á ʋ nʋ ʋ na mɩɩ? Ala-ɩ̃-sɔ ʋ yel ʋ:
“Nɩ-kpɛ̃ɛ, fʋ bɔ̃w na a yele a jaa; fʋ bɔ̃w ka ɩ̃ nʋ fʋ na.”
A Jeeju yel ʋ:
“Bɔ̃w ꞌwuoro a ɩ̃ piir. 18Yel-mɩ̃ɛ ɩ̃ yele fʋ, a lɛ fʋ na dãa cãa ɩ a polbile, fʋ̃ʋ ɩ̃ ma dãa sɛ a sɩɛ gan fʋ yẽ cere nɩ a jie ʋlɔ fʋ na bʋɔrɔ. Ɩ̃-cɛ a fʋ̃ʋ wa kor baar, fʋ na jã na a nur ɩ̃ a nɩ-kpee sɛ fʋ a sɩɛ gan ɩ̃ taw fʋ cenʼɩ̃ a jie ʋlɔ fʋ na ma bʋɔrɔ fʋ cen wa.” 19A Jeeju ƴɛrʼã a lɛ miilʼɩ̃ a kũu wɔ̃ mɩnɛ a Pɩɛr nɔɔ kpiire, a na maal a Naaŋmɩn yuor ʋ yi. A lɛ ʋ na ƴɛr a lɛ baar, ʋ yel ʋ na:
“Tuure ma!”
A JEEJU NƖ A PAR-TUURE ƲLƆ Ʋ NA NƲ
20A Pɩɛr ŋmelɩ̃ na nyɛ a *par-tuure ʋlɔ a *Jeeju na nʋ ʋ tuure ba. (Ʋ ɩ na a ʋlɔ na dãa gã dɩɛl a Jeeju a lɛ ba na dɩrɛ a dɩb ɩ̃ soor ʋ: “Nɩ-kpɛ̃ɛ, ala ɩ̃ ɩ a ʋlɔ nɔɔ diere fʋ a juu?”) 21A lɛ a Pɩɛr na nyɛ ʋ, ʋ soorʼã a Jeeju:
“Nɩ-kpɛ̃ɛ, ɩ̃ a naa, bõ ɩ̃ nɔɔ ta ʋ?” 22A Jeeju yel ʋ:
“A maa bʋɔrɔ ʋ cãa be be wa ta nɩ a daar ʋlɔ ɩ̃ na lɩɛbɛ waara, a ɩ na fʋ ƴɛrɩ̃ mɩɩ? A fʋ̃ʋ, tuure ma!” 23A lɛ, a ʋna ƴɛrɩ̃ yɛrʼã pɔw a yɛɛr sɔ̃w áa ʋna par-tuure naa ma kpiire wa. Ɩ̃ a Jeeju ma yel a Pɩɛr áa ʋna par-tuure ma kpiire wa, ɩ̃-cɛ ʋ yel ʋ na: “A maa bʋɔrɔ ʋ cãa be be wa ta nɩ a daar ʋlɔ ɩ̃ na lɩɛbɛ waara, a ɩ na fʋ ƴɛrɩ̃ mɩɩ?”
24A ʋna par-tuure naa ɩ̃ de a yele asɩmɛ mana, ɩ̃ sɛb ƴɔ̃w a sɛbɛ pʋɔ, ɩ̃ sɩ bɔ̃w ka a ala ʋ na mana ɩ na yel-mɩ̃ɛ.
A ƳƐR-BAARAA
25Tʋ̃-yaw lɛ cãa na be be a *Jeeju na maal. A ala ɩ̃ ɩ ba dãa na sɛbɛ a ala a jaa bõ-ƴene-ƴene ƴɔnɔ a sɛbsɩ pʋʋr, maa sɔw ka a tẽw ʋ jaa naa tʋɔ na tɛrɛ a ana sɛbsɩ wa.
वर्तमान में चयनित:
Jã Sɛbɛ 21: BNT93
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Jã Sɛbɛ 21
21
A JEEJU NA NYƖR A Ʋ PAR-TUURBE ANUU-NʼAYI
1A ala na tɔl baar, a *Jeeju lɛ nyɩrʼã a ʋ *par-tuurbe a Tiberiyadi man gbẽgbere nʋɔr. Nyɛ a mɩnɛ ʋ na nyɩr ba.
2A bala na be taa ɩ na a Sɩmɔ̃ Pɩɛr nɩ a Tomasɩ ba na bʋɔlɔ a Yɩb, nɩ a Natanɩɛl na yi a Kana na be a Galile wɩɛr, nɩ a Jebede bi-dabsɩ ayi nɩ a Jeeju par-tuurbe ayi go. 3A Sɩmɔ̃ Pɩɛr yel ba: “Ɩ̃ cere na jɩmɛ nyɔɔrfʋ.”
A ba yel ʋ:
“Sɩ na mɩ pɔw fʋ na lãa cenʼɩ̃.”
A lɛ, ba yi na kpɛ a gbor pʋɔ cen, ɩ̃-cɛ baa nyɔw bom a ʋna tɩsɔw naa wa. 4A mɩnɛ a bio na vɩɛrɛ, a Jeeju ɩraa na be a man gbẽgbere nʋɔr, ɩ̃-cɛ a par-tuurbe ma dãa bɔ̃w ka ʋlɔ ʋ wa. 5A Jeeju soor ba:
“Ɩ̃ bibiir, nyaa pɔw a jɩmɛ wa mɩɩ?”
A ba yel ʋ:
“Kpee!” 6Ʋ yel ba:
“Nyɩ́ lɔb a jʋɔ a gbor dʋrɩ̃ loor, ɩ̃ nyɩ na pɔw na.”
A lɛ, ba lɔbʼã a jʋɔ ɩ̃ ma lɛ tʋɔrɔ tawra ʋ yire nɩ a kʋ̃ɔ pʋɔ wa, a-na-ɩ ʋ nyɩrɩ̃ na sɛw nɩ a jɩmɛ. 7A *par-tuure ʋlɔ a Jeeju na nʋ yelʼã a Pɩɛr:
“A Nɩ-kpɛ̃ɛ ʋ!”
A lɛ a Sɩmɔ̃ Pɩɛr na wõ áa Nɩ-kpɛ̃ɛ ʋ, ʋ su na a ʋ kparʋ ɩ̃ aw lo a kʋ̃ɔmɩ (a-na-ɩ ɩ̃gan ɓuol ʋ dãa tɛrɛ). 8Ɩ̃ a par-tuurbe bala na cɛ wɩ nɩ na a gbor, tawra nɩ a jʋɔ na sɛw nɩ a jɩmɛ, a-na-ɩ mɛɛtɩr kʋbaa tɛw ba dãa jãa nɩ a tene. 9A mɩnɛ ba na yi a gbẽgbere juu, ba nyɛ na vũu na ꞌlere, a jɩmɛ be a ʋ juu, ɩ̃ a buru mɩ be be. 10A Jeeju yel ba:
“Nyɩ ir a jɩmɛ ala nyɩ na nyɔɔr a ƴɛ̃ƴɛrɩ̃ wa nɩ”, 11a Sɩmɔ̃ Pɩɛr kpɛ a gbor pʋɔ ɩ̃ taw a jʋɔ na sɛw nɩ a jɩ̃-bɛrɛ, yi nɩ a gbẽgbere juu. A jɩmɛ ɩ na kʋbaa lɩjaayi nɩ pie-nʼata, ɩ̃ a mɩnɛ a na saarɩ̃ waa a lɛ, a jʋɔ ma ɓer wa. 12A Jeeju yel ba:
“Nyɩ́ wa dɩ a dɩb.”
Ɩ̃ par-tuure kãw ma ꞌla soor ʋ a ala ʋ ɩ wa, a-na-ɩ ba bɔ̃w ka a Nɩ-kpɛ̃ɛ ʋ. 13A Jeeju wɩ na de a buru kʋ ba ɩ̃ mɩ kʋ ba a jɩmɛ.
14A ɩ na gbɛɛ ata a lɛ, a mɩnɛ a Jeeju na nyɩr a ʋ par-tuurbe a lɛ ʋ na ir a kũu pʋɔ.
A JEEJU NƖ A PƖƐR
15A lɛ ba na dɩ a dɩb baar, a *Jeeju soorʼã a Sɩmɔ̃ Pɩɛr:
“Jã bi-daba Sɩmɔ̃, fʋ nʋ ma na gãw a basɩmɛ mɩɩ?”
Ʋ yel:
“Ɔɔ. Nɩ-kpɛ̃ɛ, fʋ bɔ̃w ka ɩ̃ nʋ fʋ na.”
A Jeeju yel ʋ:
“Bɔ̃w ꞌwuoro a ɩ̃ peli.” 16Ʋ soor ʋ na gbɛɛ ayi pʋɔ:
“Jã bi-daba Sɩmɔ̃, fʋ nʋ ma na mɩɩ?”
Ʋ yel ʋ:
“Ɔɔ. Nɩ-kpɛ̃ɛ, fʋ bɔ̃w ka ɩ̃ nʋ fʋ na.”
A Jeeju yel ʋ:
“Bɔ̃w ꞌwuoro a ɩ̃ piir.” 17Ʋ lɛ soor ʋ na gbɛɛ ata pʋɔ:
“Jã bi-daba Sɩmɔ̃, fʋ nʋ ma na mɩɩ?”
Suur sãw na a Pɩɛr a mɩnɛ a Jeeju na soor ʋ a gbɛɛ ata pʋɔ á ʋ nʋ ʋ na mɩɩ? Ala-ɩ̃-sɔ ʋ yel ʋ:
“Nɩ-kpɛ̃ɛ, fʋ bɔ̃w na a yele a jaa; fʋ bɔ̃w ka ɩ̃ nʋ fʋ na.”
A Jeeju yel ʋ:
“Bɔ̃w ꞌwuoro a ɩ̃ piir. 18Yel-mɩ̃ɛ ɩ̃ yele fʋ, a lɛ fʋ na dãa cãa ɩ a polbile, fʋ̃ʋ ɩ̃ ma dãa sɛ a sɩɛ gan fʋ yẽ cere nɩ a jie ʋlɔ fʋ na bʋɔrɔ. Ɩ̃-cɛ a fʋ̃ʋ wa kor baar, fʋ na jã na a nur ɩ̃ a nɩ-kpee sɛ fʋ a sɩɛ gan ɩ̃ taw fʋ cenʼɩ̃ a jie ʋlɔ fʋ na ma bʋɔrɔ fʋ cen wa.” 19A Jeeju ƴɛrʼã a lɛ miilʼɩ̃ a kũu wɔ̃ mɩnɛ a Pɩɛr nɔɔ kpiire, a na maal a Naaŋmɩn yuor ʋ yi. A lɛ ʋ na ƴɛr a lɛ baar, ʋ yel ʋ na:
“Tuure ma!”
A JEEJU NƖ A PAR-TUURE ƲLƆ Ʋ NA NƲ
20A Pɩɛr ŋmelɩ̃ na nyɛ a *par-tuure ʋlɔ a *Jeeju na nʋ ʋ tuure ba. (Ʋ ɩ na a ʋlɔ na dãa gã dɩɛl a Jeeju a lɛ ba na dɩrɛ a dɩb ɩ̃ soor ʋ: “Nɩ-kpɛ̃ɛ, ala ɩ̃ ɩ a ʋlɔ nɔɔ diere fʋ a juu?”) 21A lɛ a Pɩɛr na nyɛ ʋ, ʋ soorʼã a Jeeju:
“Nɩ-kpɛ̃ɛ, ɩ̃ a naa, bõ ɩ̃ nɔɔ ta ʋ?” 22A Jeeju yel ʋ:
“A maa bʋɔrɔ ʋ cãa be be wa ta nɩ a daar ʋlɔ ɩ̃ na lɩɛbɛ waara, a ɩ na fʋ ƴɛrɩ̃ mɩɩ? A fʋ̃ʋ, tuure ma!” 23A lɛ, a ʋna ƴɛrɩ̃ yɛrʼã pɔw a yɛɛr sɔ̃w áa ʋna par-tuure naa ma kpiire wa. Ɩ̃ a Jeeju ma yel a Pɩɛr áa ʋna par-tuure ma kpiire wa, ɩ̃-cɛ ʋ yel ʋ na: “A maa bʋɔrɔ ʋ cãa be be wa ta nɩ a daar ʋlɔ ɩ̃ na lɩɛbɛ waara, a ɩ na fʋ ƴɛrɩ̃ mɩɩ?”
24A ʋna par-tuure naa ɩ̃ de a yele asɩmɛ mana, ɩ̃ sɛb ƴɔ̃w a sɛbɛ pʋɔ, ɩ̃ sɩ bɔ̃w ka a ala ʋ na mana ɩ na yel-mɩ̃ɛ.
A ƳƐR-BAARAA
25Tʋ̃-yaw lɛ cãa na be be a *Jeeju na maal. A ala ɩ̃ ɩ ba dãa na sɛbɛ a ala a jaa bõ-ƴene-ƴene ƴɔnɔ a sɛbsɩ pʋʋr, maa sɔw ka a tẽw ʋ jaa naa tʋɔ na tɛrɛ a ana sɛbsɩ wa.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.