मर्कुस् 13
13
ज्युःकी दीन्की चीनो
(मत्ती २४:१-१४; लुका २१:५-१९)
1येसु पर्मेस्वर्की दीम् ग्यम्से डोङ्जेत्टीबे बेलोरी थेङ्की डबमान्हङ्री गीःचे, “लोप्पोन् स्हीगो, गत्ते ङ्हच्छ्यङ्-ङ्हच्छ्यङ् युङ्बमाचे स्य्हेङ्बल ओसेम् गत्ते छन्द खबे दीम्मा!” बी पङ्ज्यी। 2येसुचे सुङ्ज्यी, “चु ङ्हच्छ्यङ् दीम्मा म्रङ्ब अय्हीनो? चु दीम्माकी युङ्ब गीःएनो थेइ ग्लारी टीस्ये अरे। जम्मनो फुप्स्ये मुब।”
3येसु पर्मेस्वर्की दीम्की क्योम्सङ् पट्टी जैतुन् पङ्बे गङ्री स्य्हुबे बेलोरी पत्रुस, याकुबतेङ् युहन्ना ओसेम् अन्द्रीयासचे थेङ्त खोसोक्ले ङ्योत्ज्यी, 4“ङ्यीमात सुङ्जेतो, चु तम्मा खेम तस्ये मुब? ओसेम् चु तम्मा पुरा तबे लागीरी खतेबे चीनो तस्ये मुब?” 5येसुचे थेङ्यीमात सुङ्जेत्ज्यी, “होसीयार् तउ! खल्चेएनो एङ्यीमात धोका अपीन्खइ। 6य्हक्को म्हीमा ङइ मीन्री, ‘मुक्ती न्हङ्बे ख्रीस्ट् ङनो य्हीन्ब’ बी पङ्ज्यीम् खस्ये मुब। ओसेम् य्हक्को म्हीमात धोका पीन्स्ये मुब। 7एङ्यीमाचे छेत्पतेङ् छेत्पे नर्सुमा थ्येःस्ये मुब। हुजु बेलोरी थलोङो, हुजुमामी तनोथोब। तर हुजु बेलोरीनो जम्बुलीङ् नास् अत। 8जाती जातीमान्हङ् छेत्स्ये मुब। य्हुल्मान्हङ् गीःचे गीःत बीरोद् स्य्हेङ्स्ये मुब। ग्ला-ग्लामारी सङ्गुल्मा य्हर्स्ये मुब। ओसेम् अनीकालमा तस्ये मुब। चुमाम् अमकोलत कोल न्हबे बेलोरी ल्हङ्दु खब र्हङ्ब य्हीन्ब।
9“हुजु बेलोरी एङ्यीमा चोङ् लज्यीम् टीउ। तलेपङ्सम् ङत बीस्वास् स्य्हेङ्बल पङ्ज्यीम् म्हीमाचे एङ्यीमात चुङ्ज्यीम् अदालतरी बोर्स्ये मुब। ओसेम् यहुदीमा र्हुब् तबे दीम्री बोर्ज्यीम् तोब-ग्यङ्ब लस्ये मुब। ओसेम् एङ्यीमात हाकीम्मातेङ् ग्यल्बोमाकी ङोन्री रप्पुङ्स्ये मुब। तर हुजु बेलोरी एङ्यीमाचे ङइ #मत्ती १०:१७-२०; लुका १२:११,१२बारेरी स्येत्पे मौक यङ्ब।
10“हुजु ज्युःकी दीन् खब ङोन्ग्यम् जम्मनो जातीमात ज्यबे सम्तर् स्येत्ज्यीन्बल तथोब। 11ओसेम् म्हीमाचे एङ्यीमात चुङ्ज्यीम् अदालतरी बोर्बे बेलोरी ता पङ्ल बी ङोन्ग्यम्नो थछेरो। हुजु बेलोरी पर्मेस्वर्चे त पङो बी सुङ्ज्यी हुजुनो पङो। तलेपङ्सम् हुजु बेलोरी तम् पङ्बल एङ्यीमा अय्हीन् तर पबीत्र आत्मा तजेत्स्ये मुब।
12“अज्यो-अलेचे र्हङ्की अज्यो-अलेमातनो सेत्परी पीन्स्ये मुब। होलेनो अपमाचे कोलमात ओसेम् कोलमाचे अप-अममात सेत्परी पीन्स्ये मुब। 13ङत बीस्वास् लबल पङ्ज्यीम् एङ्यीमात म्हीमा जम्मचे अखोस्ये मुब। तर खल लीक्यम् सम्म बीस्वास्री य्हङ्य्होङ् अतनले टीज्यी थे थर्स्ये मुब। #मत्ती १०:२२
य्हक्को लोङ्बे बेलो
(मत्ती २४:१५-२८; लुका २१:२०-२४)
14“तन अतथोबे ग्लारी नइबे स्हे तबल एङ्यीमाचे म्रङ्स्ये मुब।” (चुम् खेत्पे म्हीचे गोखइ)। “हुजु बेलोरी यहुदीया प्रदेस्री मुबलमा गङ्मारी छ्योङ्य्हर्थोःब।#दानीएल ९:२७; ११:३१; १२:११ 15दीम्की दोरी मुबलमा स्हेमा कीन्बरी दीम्न्हङ् अवङ्नले छ्योङ्य्हर्थोःब।#लुका १७:३१ 16म्रङ्री मुबलमा र्हङ्की येन् कीन्बरी दीम्री दोःज्यीम् अखखइ। 17हुजु बेलोरी फोरी कोल मुबलतेङ् ङ्य्हे ख्वाबे अमकोलमात गत्ते दुख तल। 18हुजु तम् खङ्बे लरी अतखइ बी प्रार्थना स्य्हेङो। 19तलेपङ्सम् हुजु बेलोरी तस्येकी ङ्हच्छ्यङ् दुख पर्मेस्वर्चे जम्बुलीङ् स्य्हेङ्जेत्प य्हङ्स्ये देरेसम्म तबल अरे। ओसेम् लीक्यम् दोःज्यीम् खेमेएनो तस्ये अरे।#दानीएल १२:१; प्रकास ७:१४ 20पर्मेस्वर्चे हुजु बेलो तुन्ना लअजेत्पल पङ्सम् खल म्हीमाएनो सोम्बो टीस्ये अरेबल। तर थेङ्चे दम्जेत्पे म्हीमाकी लागीरी थेङ्चे हुजु बेलो तुन्ना लजेत्पल मुब।
21“हुजु बेलोरी खल्चे एङ्यीमात, ‘च्यागो, मुक्ती न्हङ्बे ख्रीस्ट् चुरी मुब’ ओसेम् ‘थेङ् क्युजुरी मुब’ बी पङ्बतेङ् एङ्यीमाचे पतइथतीउ। 22तलेपङ्सम् होतेबे भ्युकी ख्रीस्ट्मातेङ् भ्युकी अगम्बक्तमा डोङ्स्येनो मुब। खम्गदेसम्म थेङ्यीमाचे तेङेन्की लक्तेङ् चीनोमा ङोन्ज्यीम् पर्मेस्वर्चे दम्जेत्पलमातएनो फसइतीस्ये मुब। 23तर एङ्यीमाम् चोङ्ले टीउ। ङचे एङ्यीमात जम्म तम् ङोन्ग्यम् य्हङ्स्येनो पङ्पीन्बल मुब।”
येसु ख्रीस्ट् दोःज्यीम् ब्योन्युस्येकी बेलो
(मत्ती २४:२९-३१; लुका २१:२५-२८)
24“हुजु ङ्हच्छ्यङ् दुख बेब बीसेम् दीनीचे य्हल् पीन्ब पीत्स्ये मुब। ओसेम् लनीचेएनो य्हल् पीन्स्ये अरे।#यसैया १३:१०; योएल २:१०,३१; ३:१५; प्रकास ६:१२; यसैया १३:१०; इजकीएल ३२:७ 25सारमा मु ग्यम्स्ये तइस्ये मुब। ओसेम् मुरी मुबे सक्तीमा य्होङ्स्ये मुब।#यसैया ३४:४; प्रकास ६:१३; योएल २:१० 26हुजु लीप्चे म्हीइ ज ङ्हच्छ्यङ् सक्तीतेङ् महीमारी मुक्पन्हङ् युटीबल म्रङ्स्ये मुब।#दानीएल ७:१३; प्रकास १:७ 27ओसेम् थेङ्चे स्वर्गदुत्मात मुतेङ् जम्बुलीङ्री खनगोदोब्नो पीत्युजेत्स्ये मुब। ओसेम् स्वर्गदुतमाचे पर्मेस्वर्चे दम्जेत्पलमात ग्ला गीरी र्हुब लस्ये मुब।”
नेभाराइ दोङ्बो ग्यम्से लोप्थोबे तम्
(मत्ती २४:३२-३५; लुका २१:२९-३३)
28येसुचे थेङ्यीमात सुङ्ज्यी, “एङ्यीमाचे नेभारइ दोङ्बो ग्यम्से तम् लोपो। नेभारा दोङ्बोइ य्हर्ङमा ग्यम्से बुर्लु बुब बीसेम् छप्प ल खय्हम्नेम् बी स्येब। 29होलेनो ङचे पङ्बे तम्मा जम्मनो तटीबल म्रङ्बतेङ् म्हीइ ज दोःज्यीम् युबे बेलो ज्यदङ् खज्यीन्बल मुब बी स्येगो। 30ङ एङ्यीमात देमेन्नो पङ्ब, चु जम्मनो तम् पुरा अतगदेसम्म चु पुस्तइ म्हीमा स्यीस्ये अरे। 31मुतेङ् जम्बुलीङ् म्हज्यीम् य्हर्स्ये मुब। तर ङइ छीःमा खेमेएनो म्हज्यीम् य्हर्स्ये अरे।
चोङ् लज्यीम् टीउ
(मत्ती २४:३६-४४; लुका १२:३८,४०)
32“हुजु बेलोतेङ् दीन् खेम तब बी खल्चेएनो स्येःबल अरे। ओसेम् स्वर्गरी स्वर्गदुत्मातेङ् पर्मेस्वर्की जचेएनो स्येःबल अरे। हुजुम् पर्मेस्वर् अपचेकीनो खेम्बल मुब।#मत्ती २४:३६ 33होत्तज्यीम् एङ्यीमा चोङ् लज्यीम् टीउ। तलेपङ्सम् हुजु बेलो खेम खब बी एङ्यीमाचे स्येःबल अरे।
34“चु तम्मी न्याबोचे र्हङ्की योक्पोमात र्हङ्-र्हङ्की लक् ज्यनले स्य्हेङो। ओसेम् र्हङ्की दीम् रुङ्बे म्हीत ज्यनले दीम् रुङो बी कुल्ज्यीम् थारीङ् कोर्बरी ङ्यीबल र्हङ्ब य्हीन्ब।#लुका १२:३६-३८ 35होत्तज्यीम् एङ्यीमा चोङ्ले टीउ। तलेपङ्सम् दीम्की न्याबो खेम खब बी एङ्यीमाचे स्येःबल अरे। थे ङ्येस्येरीएनो खब खम्ब, म्हुन् गुङ्रीएनो खब खम्ब, नक व्हाब ङ्य्हबे बेलोरीएनो खब खम्ब ओसेम् स्य्होरीएनो खब खम्ब। 36ओसेम् थे एङ्यीमाचे अम्हेन्बे बेलोरी खबतेङ् एङ्यीमात म्हेर्टीबल अस्यप्खइ। 37एङ्यीमात पङ्ब र्हङ्लेनो ङचे जम्मतनो चोङ्ले टीउ पङ्बल मुब।”
वर्तमान में चयनित:
मर्कुस् 13: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
मर्कुस् 13
13
ज्युःकी दीन्की चीनो
(मत्ती २४:१-१४; लुका २१:५-१९)
1येसु पर्मेस्वर्की दीम् ग्यम्से डोङ्जेत्टीबे बेलोरी थेङ्की डबमान्हङ्री गीःचे, “लोप्पोन् स्हीगो, गत्ते ङ्हच्छ्यङ्-ङ्हच्छ्यङ् युङ्बमाचे स्य्हेङ्बल ओसेम् गत्ते छन्द खबे दीम्मा!” बी पङ्ज्यी। 2येसुचे सुङ्ज्यी, “चु ङ्हच्छ्यङ् दीम्मा म्रङ्ब अय्हीनो? चु दीम्माकी युङ्ब गीःएनो थेइ ग्लारी टीस्ये अरे। जम्मनो फुप्स्ये मुब।”
3येसु पर्मेस्वर्की दीम्की क्योम्सङ् पट्टी जैतुन् पङ्बे गङ्री स्य्हुबे बेलोरी पत्रुस, याकुबतेङ् युहन्ना ओसेम् अन्द्रीयासचे थेङ्त खोसोक्ले ङ्योत्ज्यी, 4“ङ्यीमात सुङ्जेतो, चु तम्मा खेम तस्ये मुब? ओसेम् चु तम्मा पुरा तबे लागीरी खतेबे चीनो तस्ये मुब?” 5येसुचे थेङ्यीमात सुङ्जेत्ज्यी, “होसीयार् तउ! खल्चेएनो एङ्यीमात धोका अपीन्खइ। 6य्हक्को म्हीमा ङइ मीन्री, ‘मुक्ती न्हङ्बे ख्रीस्ट् ङनो य्हीन्ब’ बी पङ्ज्यीम् खस्ये मुब। ओसेम् य्हक्को म्हीमात धोका पीन्स्ये मुब। 7एङ्यीमाचे छेत्पतेङ् छेत्पे नर्सुमा थ्येःस्ये मुब। हुजु बेलोरी थलोङो, हुजुमामी तनोथोब। तर हुजु बेलोरीनो जम्बुलीङ् नास् अत। 8जाती जातीमान्हङ् छेत्स्ये मुब। य्हुल्मान्हङ् गीःचे गीःत बीरोद् स्य्हेङ्स्ये मुब। ग्ला-ग्लामारी सङ्गुल्मा य्हर्स्ये मुब। ओसेम् अनीकालमा तस्ये मुब। चुमाम् अमकोलत कोल न्हबे बेलोरी ल्हङ्दु खब र्हङ्ब य्हीन्ब।
9“हुजु बेलोरी एङ्यीमा चोङ् लज्यीम् टीउ। तलेपङ्सम् ङत बीस्वास् स्य्हेङ्बल पङ्ज्यीम् म्हीमाचे एङ्यीमात चुङ्ज्यीम् अदालतरी बोर्स्ये मुब। ओसेम् यहुदीमा र्हुब् तबे दीम्री बोर्ज्यीम् तोब-ग्यङ्ब लस्ये मुब। ओसेम् एङ्यीमात हाकीम्मातेङ् ग्यल्बोमाकी ङोन्री रप्पुङ्स्ये मुब। तर हुजु बेलोरी एङ्यीमाचे ङइ #मत्ती १०:१७-२०; लुका १२:११,१२बारेरी स्येत्पे मौक यङ्ब।
10“हुजु ज्युःकी दीन् खब ङोन्ग्यम् जम्मनो जातीमात ज्यबे सम्तर् स्येत्ज्यीन्बल तथोब। 11ओसेम् म्हीमाचे एङ्यीमात चुङ्ज्यीम् अदालतरी बोर्बे बेलोरी ता पङ्ल बी ङोन्ग्यम्नो थछेरो। हुजु बेलोरी पर्मेस्वर्चे त पङो बी सुङ्ज्यी हुजुनो पङो। तलेपङ्सम् हुजु बेलोरी तम् पङ्बल एङ्यीमा अय्हीन् तर पबीत्र आत्मा तजेत्स्ये मुब।
12“अज्यो-अलेचे र्हङ्की अज्यो-अलेमातनो सेत्परी पीन्स्ये मुब। होलेनो अपमाचे कोलमात ओसेम् कोलमाचे अप-अममात सेत्परी पीन्स्ये मुब। 13ङत बीस्वास् लबल पङ्ज्यीम् एङ्यीमात म्हीमा जम्मचे अखोस्ये मुब। तर खल लीक्यम् सम्म बीस्वास्री य्हङ्य्होङ् अतनले टीज्यी थे थर्स्ये मुब। #मत्ती १०:२२
य्हक्को लोङ्बे बेलो
(मत्ती २४:१५-२८; लुका २१:२०-२४)
14“तन अतथोबे ग्लारी नइबे स्हे तबल एङ्यीमाचे म्रङ्स्ये मुब।” (चुम् खेत्पे म्हीचे गोखइ)। “हुजु बेलोरी यहुदीया प्रदेस्री मुबलमा गङ्मारी छ्योङ्य्हर्थोःब।#दानीएल ९:२७; ११:३१; १२:११ 15दीम्की दोरी मुबलमा स्हेमा कीन्बरी दीम्न्हङ् अवङ्नले छ्योङ्य्हर्थोःब।#लुका १७:३१ 16म्रङ्री मुबलमा र्हङ्की येन् कीन्बरी दीम्री दोःज्यीम् अखखइ। 17हुजु बेलोरी फोरी कोल मुबलतेङ् ङ्य्हे ख्वाबे अमकोलमात गत्ते दुख तल। 18हुजु तम् खङ्बे लरी अतखइ बी प्रार्थना स्य्हेङो। 19तलेपङ्सम् हुजु बेलोरी तस्येकी ङ्हच्छ्यङ् दुख पर्मेस्वर्चे जम्बुलीङ् स्य्हेङ्जेत्प य्हङ्स्ये देरेसम्म तबल अरे। ओसेम् लीक्यम् दोःज्यीम् खेमेएनो तस्ये अरे।#दानीएल १२:१; प्रकास ७:१४ 20पर्मेस्वर्चे हुजु बेलो तुन्ना लअजेत्पल पङ्सम् खल म्हीमाएनो सोम्बो टीस्ये अरेबल। तर थेङ्चे दम्जेत्पे म्हीमाकी लागीरी थेङ्चे हुजु बेलो तुन्ना लजेत्पल मुब।
21“हुजु बेलोरी खल्चे एङ्यीमात, ‘च्यागो, मुक्ती न्हङ्बे ख्रीस्ट् चुरी मुब’ ओसेम् ‘थेङ् क्युजुरी मुब’ बी पङ्बतेङ् एङ्यीमाचे पतइथतीउ। 22तलेपङ्सम् होतेबे भ्युकी ख्रीस्ट्मातेङ् भ्युकी अगम्बक्तमा डोङ्स्येनो मुब। खम्गदेसम्म थेङ्यीमाचे तेङेन्की लक्तेङ् चीनोमा ङोन्ज्यीम् पर्मेस्वर्चे दम्जेत्पलमातएनो फसइतीस्ये मुब। 23तर एङ्यीमाम् चोङ्ले टीउ। ङचे एङ्यीमात जम्म तम् ङोन्ग्यम् य्हङ्स्येनो पङ्पीन्बल मुब।”
येसु ख्रीस्ट् दोःज्यीम् ब्योन्युस्येकी बेलो
(मत्ती २४:२९-३१; लुका २१:२५-२८)
24“हुजु ङ्हच्छ्यङ् दुख बेब बीसेम् दीनीचे य्हल् पीन्ब पीत्स्ये मुब। ओसेम् लनीचेएनो य्हल् पीन्स्ये अरे।#यसैया १३:१०; योएल २:१०,३१; ३:१५; प्रकास ६:१२; यसैया १३:१०; इजकीएल ३२:७ 25सारमा मु ग्यम्स्ये तइस्ये मुब। ओसेम् मुरी मुबे सक्तीमा य्होङ्स्ये मुब।#यसैया ३४:४; प्रकास ६:१३; योएल २:१० 26हुजु लीप्चे म्हीइ ज ङ्हच्छ्यङ् सक्तीतेङ् महीमारी मुक्पन्हङ् युटीबल म्रङ्स्ये मुब।#दानीएल ७:१३; प्रकास १:७ 27ओसेम् थेङ्चे स्वर्गदुत्मात मुतेङ् जम्बुलीङ्री खनगोदोब्नो पीत्युजेत्स्ये मुब। ओसेम् स्वर्गदुतमाचे पर्मेस्वर्चे दम्जेत्पलमात ग्ला गीरी र्हुब लस्ये मुब।”
नेभाराइ दोङ्बो ग्यम्से लोप्थोबे तम्
(मत्ती २४:३२-३५; लुका २१:२९-३३)
28येसुचे थेङ्यीमात सुङ्ज्यी, “एङ्यीमाचे नेभारइ दोङ्बो ग्यम्से तम् लोपो। नेभारा दोङ्बोइ य्हर्ङमा ग्यम्से बुर्लु बुब बीसेम् छप्प ल खय्हम्नेम् बी स्येब। 29होलेनो ङचे पङ्बे तम्मा जम्मनो तटीबल म्रङ्बतेङ् म्हीइ ज दोःज्यीम् युबे बेलो ज्यदङ् खज्यीन्बल मुब बी स्येगो। 30ङ एङ्यीमात देमेन्नो पङ्ब, चु जम्मनो तम् पुरा अतगदेसम्म चु पुस्तइ म्हीमा स्यीस्ये अरे। 31मुतेङ् जम्बुलीङ् म्हज्यीम् य्हर्स्ये मुब। तर ङइ छीःमा खेमेएनो म्हज्यीम् य्हर्स्ये अरे।
चोङ् लज्यीम् टीउ
(मत्ती २४:३६-४४; लुका १२:३८,४०)
32“हुजु बेलोतेङ् दीन् खेम तब बी खल्चेएनो स्येःबल अरे। ओसेम् स्वर्गरी स्वर्गदुत्मातेङ् पर्मेस्वर्की जचेएनो स्येःबल अरे। हुजुम् पर्मेस्वर् अपचेकीनो खेम्बल मुब।#मत्ती २४:३६ 33होत्तज्यीम् एङ्यीमा चोङ् लज्यीम् टीउ। तलेपङ्सम् हुजु बेलो खेम खब बी एङ्यीमाचे स्येःबल अरे।
34“चु तम्मी न्याबोचे र्हङ्की योक्पोमात र्हङ्-र्हङ्की लक् ज्यनले स्य्हेङो। ओसेम् र्हङ्की दीम् रुङ्बे म्हीत ज्यनले दीम् रुङो बी कुल्ज्यीम् थारीङ् कोर्बरी ङ्यीबल र्हङ्ब य्हीन्ब।#लुका १२:३६-३८ 35होत्तज्यीम् एङ्यीमा चोङ्ले टीउ। तलेपङ्सम् दीम्की न्याबो खेम खब बी एङ्यीमाचे स्येःबल अरे। थे ङ्येस्येरीएनो खब खम्ब, म्हुन् गुङ्रीएनो खब खम्ब, नक व्हाब ङ्य्हबे बेलोरीएनो खब खम्ब ओसेम् स्य्होरीएनो खब खम्ब। 36ओसेम् थे एङ्यीमाचे अम्हेन्बे बेलोरी खबतेङ् एङ्यीमात म्हेर्टीबल अस्यप्खइ। 37एङ्यीमात पङ्ब र्हङ्लेनो ङचे जम्मतनो चोङ्ले टीउ पङ्बल मुब।”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.