मर्कुस् 15
15
येसुत पीलातसकी ङोन्ग्यम् बोर्बल
(मत्ती २७:१-२,११-२६; लुका २३:१-५,१३-२५; युहन्ना १८:२८-१९:१६)
1स्य्होरी योरीनो ङ्हच्छ्यङ् लम्बुमा, यहुदी अगुवामा ओसेम् धर्म लोप्पोन्मातेङ् सभाकी म्हीमा र्हुब तज्यीम् तम् डीःज्यी। ओसेम् थेङ्यीमाचे येसुत खीज्यीम् रोमी सरकार पीलातसज पीत्ज्यी। 2पीलातसचे येसुत, “ए यहुदीमाकी ग्यल्बो य्हीन्बो?” बी ङ्योत्ज्यी। येसुचे थेत, “हुजुम् र्हङ्चेनो सुङ्ब” बी सुङ्ज्यी। 3ओसेम् ङ्हच्छ्यङ् लम्बुमाचे येसुत य्हक्को तम्मारी दोस् ल्हइदीज्यी। 4होत्तज्यीम् पीलातसचे देबेएनो येसुत, “ए तेइ जोहाप्एनो अपीनो स्यीम्? ङ्येनो, एत य्हक्को म्हीमाचे बीरोद् लबल मुब” पङ्ज्यी। 5तर येसुचे तेएनो असुङ्। चु म्रङ्ज्यीम् पीलातस तेङेन् तज्यी।
6पीलातसचे नीस्तार् पर्बइ बेलोरी म्हीमाचे पीत्लागो पङ्बे जेल्न्हङ् मुबे म्ही गीःत पीत्लाब मुबल। 7हुजु बेलोरी बारब्बा पङ्बे म्ही गीःएनो जेल्न्हङ् मुबल। थेचेम् आन्दोलन्री म्ही सेत्पल मुबल। 8ओसेम् य्हक्को म्हीमा पीलातसजा खज्यीम् ङोन्ग्यम्की पालोमारी र्हङ्लेनो चु पालोएनो जेल्न्हङ्री मुबे म्ही गीःत पीत्लागो पङ्ज्यी। 9पीलातसचे थेङ्यीमात, “होलेपङ्सम् ङ एङ्यीमाकी लागीरी चु यहुदीमाकी ग्यल्बोत पीत्लागे ओ स्यीम्?” बी ङ्योत्ज्यी। 10तलेपङ्सम् ङ्हच्छ्यङ् लम्बुमाचे येसुत स्हेर्ज्यीम् थेइज बबल य्हीन्ब बी पीलातसचे स्येःबल मुबल।
11तर ङ्हच्छ्यङ् लम्बुमाचे य्हक्को म्हीमात फोत्फोत् लज्यीम् “येसुत अय्हीन्, बारब्बात पीत्लागो” बी पङ्पुङ्ज्यी। 12पीलातसचे देबेएनो थेङ्यीमात, “चु एङ्यीमाचे यहुदीमाकी ग्यल्बो पङ्बे म्हीत ङचे ता लब?” बी ङ्योत्ज्यी। 13थेङ्यीमाचे देबेएनो क्रीङ्ज्यीम्, “थेत क्रुस्री च्योलागो!” पङ्ज्यी। 14पीलातसचे थेङ्यीमात पङ्ज्यी, “तले? चु म्हीचे ता अतबे लक् स्य्हेङ्ज्यी?” तर थेङ्यीमाचे झेन् बङ्ले क्रीङ्ज्यीम्, “थेत क्रुस्री च्योलागो!” बी पङ्ज्यी। 15ओसेम् पीलातसचे य्हक्को म्हीमात तङ्नलबे लागीरी बारब्बात पीत्लाज्यी। येसुतमी कोर्रचे ग्यङ्ज्यीम् क्रुस्री च्योलागो पङ्ज्यीम् रोमी स्यीपाइमाकी यारी सोप्तीपीन्ज्यी।
स्यीपाइचे येसुत ङोःबल
(मत्ती २७:२७-३१; युहन्ना १९:२-३)
16स्यीपाइमाचे येसुत थेङ्यीमाकी ङ्हच्छ्यङ् हाकीम् मुबे दरबारन्हङ् (चुत प्रेटोरीयन पङ्ब) बोर्ज्यी। ओसेम् ल्हो-ल्हो जम्म स्यीपाइमातएनो ङ्होत्ज्यी। 17ओसेम् थेङ्यीमाचे थेङ्त ग्यल्बोचे येन्ब र्हङ्बे खवल पीङ् येन् येन्पीन्ज्यी। ओसेम् पुजुइ पुजुइ क्रेःकी राज्यीम् थेङ्की क्ररी कुःपीन्ज्यी। 18हुजु लीप्चे थेङ्यीमाचे, “लस्सो, यहुदीमाकी ग्यल्बो!” बी पङ्ज्यीम् थेङ्त सलाम् स्य्हेङ्ज्यी। 19ओसेम् थेङ्यीमाचे थेङ्त क्ररी मइ बेर्कचे ग्यङ्ज्यीम् थो साज्यी। ओसेम् पुइ जुःज्यीम् फ्या स्य्हु लब स्य्हेङ्ज्यी। 20चोले थेङ्यीमाचे येसुत ङोब बुत्ज्यीम् खवल पीङ् येन् प्लोक्ज्यीम् थेङ्की न्हम्जनो येन्पीन्ज्यी। हुजु लीप्चे थेङ्यीमाचे थेङ्त क्रुस्री च्योबरी फीर्च्योर् बोर्ज्यी।
येसुत क्रुस्री च्योलाबल
(मत्ती २७:३२-४४; लुका २३:२६-४३; युहन्ना १९:१७-२७)
21ग्यम्री य्हर्टीमम् थेङ्यीमाचे कुरेनी#१५:२१ कुरेनी अफ्रीका य्हुल्की ज्यङपट्टीरी मुबे सहर गी य्हीन्ब पङ्बे ग्लाकी सीमोन पङ्बे म्हीत सहर्री खटीबल खदु तज्यी। थे अलेक्जेन्डरतेङ् रुफसकी अप मुबल। स्यीपाइमाचे थेत कर्लेनो येसुइ क्रुस् नापुङ्ज्यी।#रोमी १६:१३ 22ओसेम् थेङ्यीमाचे येसुत गलगथ पङ्बे ग्लारी बोर्ज्यी। गलगथ पङ्बलम् “खप्पर्की ग्ला” य्हीन्ब। 23हुजुरी थेङ्यीमाचे थेङ्त अङ्गुर्की नीङ्गुरी मुर्र पङ्बे मेन् दोङ्ज्यीम् पीन्ज्यी। तर थेङ्चे हुजु असोल्। 24हुजु लीप्चे थेङ्यीमाचे येसुत क्रुस्री च्योलाज्यी। ओसेम् थेङ्यीमाचे थेङ्की न्हम्जमा जुज्यीम् बो लज्यी। ओसेम् खल्त खजु पार्तीब टीम् बी चीठ्ठ युज्यी। #भजनसंग्रह २२:१८
25येसुत क्रुस्री च्योलाबे बेलोरी स्य्होकी नौ बत्तीबल मुबल। 26थेङ्त दोस् ङोन्बे तम्री- “चु यहुदीमाकी ग्यल्बो य्हीन्ब” बी ब्रीबल मुबल। 27थेङ्यीमाचे येसुत क्रुस्री च्योलाबे बेलोरी य्हो ङ्य्हीतेएनो गीःत थेङ्की केत्पट्टीचे गीःत ल्होम् पट्टीचे च्योलाज्यी। 28[धर्मइ छ्येःरी, “थेङ् य्होमातेङ् ज्याज्यी”#यसैया ५३:१२ पङ्ज्यीम् ब्रीबे तम् चोले पुरा तज्यी।]#१५:२८ चु पद् य्हक्को बर्स ङोन्ग्यम्की बाइबल्मारी ब्रीबल अरे।
29हुजु ग्लाकी ग्यम् तज्यीम् य्हर्बे म्हीमाचे थेमाइ क्र य्होङ्ज्यीम् थेङ्त, “लो, पर्मेस्वर्की दीम् स्हीलाज्यीम् सोम्रेत्री स्य्हेङ्ब पङ्बे म्ही,#भजनसंग्रह २२:७; १०९:२५; मर्कुस् १४:५८; युहन्ना २:१९ 30ए र्हङ्चे र्हङ्तनो थर्नलज्यीम् क्रुस् ग्यम्से दुङ्री फप्युउ!” पङ्ज्यीम् ङोःज्यी। 31होलेनो ङ्हच्छ्यङ् लम्बुमातेङ् धर्म लोप्पोन्माचेएनो थेङ्यीमान्हङ् चोले पङ्ज्यीम् ङोःज्यी, “थेचे ल्हो-ल्होमात थर्नलज्यी। तर र्हङ्चे र्हङ्तमी थर्नलअखम्। 32चु मुक्ती न्हङ्बे ख्रीस्ट् इस्राएलकी ग्यल्बो क्रुस् ग्यम्से दुङ्री फप्युखइ। ओसेम् हुजु म्रङ्ज्यीम् ङ्य्हङ्माएनो थेत बीस्वास् स्य्हेङ्ल!” थेङ्तेङ् बक्च्य क्रुस्री च्योलाबलमाचेएनो थेङ्त खीसी लज्यी।
येसुइ बुः य्हर्बल
(मत्ती २७:४५-५६; लुका २३:४४-४९; युहन्ना १९:२८-३०)
33दीन् गुङ् य्हङ्स्ये प्रो बेलोसम्म य्हुल् म्हुन्दुङ्चे उप्ज्यी। 34प्रो बेलोक्योर् येसुचे केत् ङ्हच्छ्यङ् तेत्ज्यीम्, “इलोइ, इलोइ लामा सबखथनी?” बी क्रीङ्ज्यी। चु पङ्बलमी, “ङइ पर्मेस्वर्, ङइ पर्मेस्वर् थेङ्चे ङत तले ख्लाजेत्पल?” य्हीन्ब।#भजनसंग्रह २२:१ 35चोले क्रीङ्जेत्पल थ्येःज्यीम् हुजुरी रप्टीबलमा न्हङ्री डेत्-डेत्चे, “ङ्येनो! थेचे एलीयात ङ्होत्टीबल मुब” बी पङ्ज्यी। 36थेङ्यीमान्हङ्री गीः छ्योङ्य्हर्ज्यीम् अङ्गुर्की क्युङ्बे नीङ्गुरी येन्खेन् ब्लुम्ज्यी। ओसेम् मइ बेर्करी येइज्यीम् येसुचे सोल्खइ बी थेङ्की स्य्हल्री थेन्पीन्ज्यीम्, “ब्रेनो-ब्रेनो, एलीया खज्यीम् थेत क्रुस् ग्यम्से दुङ्री फप्पीन्मुवा च्यागे!”#भजनसंग्रह ६९:२१ बी पङ्ज्यी। 37ओसेम् येसुचे केत् ङ्हच्छ्यङ् तेत्जेत्ज्यीम् थेङ्की बुः पीत्ज्यी।
38हुजु बेलोरीनो पर्मेस्वर्की दीम्न्हङ् च्योबे र्हीङ्बे येन् जो य्हङ्से दुङ् सम्मनो ङ्य्हीले डेःय्हर्ज्यी।#प्रस्थान २६:३१-३३ 39येसुइ बुः चोले य्हर्बल म्रङ्ज्यीम् हुजुरी क्रुस्की ङोन्ग्यम् रप्टीबे रोमी कप्तान्चे, “चु म्हीम् देमेन्नो पर्मेस्वर्की ज य्हीन्ब टीम्!” पङ्ज्यी। 40हुजुरी डेत्-डेत् अमकोलमाएनो चेक्पजाकी थारीङ्चे च्याटीब मुबल। थेङ्यीमान्हङ्री मरीयम, मग्दलीनी, सलोमी ओसेम् ज्यीत याकुबतेङ् योसेफकी अम मरीयम मुबल।#लुका ८:२,३ 41येसु गालील्री मुबे बेलोरी थेङ्यीमाचे थेङ्की लीप्-लीप् ब्रज्यीम् स्य्हप्तो स्य्हेङ्ब मुबल। ओसेम् हुजुरी यरुसलेम् सम्म येसुतेङ् बक्च्य खबे ल्होल्होएनो य्हक्को अमकोलमा मुबल।
येसुत दुर्सरी थेन्बल
(मत्ती २७:५७-६१; लुका २३:५०-५६; युहन्ना १९:३८-४२)
42हुजु दीन् न्हम्स्य्होइ दुःब न्हबे दीन्की लागीरी तयार स्य्हेङ्बे दीन् मुबल। हुजु दीन्की ङ्येस्येरीनो, 43अरीमाथीया पङ्बे ग्लाकी योसेफ अलोङ्नले पीलातसजा ङ्यीज्यीम् येसुइ ल्ही र्हीत्ज्यी। थे यहुदीमाकी सभाकी ङ्हच्छ्यङ् सदस्य गीः मुबल। थे पर्मेस्वर्की य्हुल् ब्रेन्ज्यीम् टीटीब मुबल।
44येसुइ बुः ङोन्नो य्हर्ज्यीन्ज्यी पङ्बे तम् थ्येःज्यीम् पीलातस तेङेन् तज्यी। ओसेम् थेचे रोमी कप्तान्त ङ्होत्ज्यीम् “येसुइ बुः ङोन्नो य्हर्ज्यीन्बल य्हीन्ब वुइ अय्हीन्?” बी ङ्योत्ज्यी। 45हुजु कप्तान्चे येसुइ बुः य्हर्ज्यीन्बल य्हीन्ब पङ्ब बीसेम् पीलातसचे योसेफत येसुइ ल्ही बोर्पुङ्ज्यी। 46ओसेम् योसेफचे ज्यबे सुतीइ येन् ग्लुज्यीम् येसुइ ल्ही क्रुस् ग्यम्से प्लोक्ज्यीम् हुजु येन्चे तुन्ज्यी। ओसेम् युङ्बरी ठाज्यीम् स्य्हेङ्बे दुर्सरी बोर्ज्यीम् थेन्ज्यी। हुजु लीप्चे दुर्सइ सुङ्री ङ्हच्छ्यङ् युङ्ब गीःचे दुङ्थेन्ज्यी। 47मरीयम मग्दलीनी ओसेम् योसेफकी अम मरीयमचे येसुत थेन्बे दुर्स च्याथेन्बल मुबल।
वर्तमान में चयनित:
मर्कुस् 15: WTDG
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.
मर्कुस् 15
15
येसुत पीलातसकी ङोन्ग्यम् बोर्बल
(मत्ती २७:१-२,११-२६; लुका २३:१-५,१३-२५; युहन्ना १८:२८-१९:१६)
1स्य्होरी योरीनो ङ्हच्छ्यङ् लम्बुमा, यहुदी अगुवामा ओसेम् धर्म लोप्पोन्मातेङ् सभाकी म्हीमा र्हुब तज्यीम् तम् डीःज्यी। ओसेम् थेङ्यीमाचे येसुत खीज्यीम् रोमी सरकार पीलातसज पीत्ज्यी। 2पीलातसचे येसुत, “ए यहुदीमाकी ग्यल्बो य्हीन्बो?” बी ङ्योत्ज्यी। येसुचे थेत, “हुजुम् र्हङ्चेनो सुङ्ब” बी सुङ्ज्यी। 3ओसेम् ङ्हच्छ्यङ् लम्बुमाचे येसुत य्हक्को तम्मारी दोस् ल्हइदीज्यी। 4होत्तज्यीम् पीलातसचे देबेएनो येसुत, “ए तेइ जोहाप्एनो अपीनो स्यीम्? ङ्येनो, एत य्हक्को म्हीमाचे बीरोद् लबल मुब” पङ्ज्यी। 5तर येसुचे तेएनो असुङ्। चु म्रङ्ज्यीम् पीलातस तेङेन् तज्यी।
6पीलातसचे नीस्तार् पर्बइ बेलोरी म्हीमाचे पीत्लागो पङ्बे जेल्न्हङ् मुबे म्ही गीःत पीत्लाब मुबल। 7हुजु बेलोरी बारब्बा पङ्बे म्ही गीःएनो जेल्न्हङ् मुबल। थेचेम् आन्दोलन्री म्ही सेत्पल मुबल। 8ओसेम् य्हक्को म्हीमा पीलातसजा खज्यीम् ङोन्ग्यम्की पालोमारी र्हङ्लेनो चु पालोएनो जेल्न्हङ्री मुबे म्ही गीःत पीत्लागो पङ्ज्यी। 9पीलातसचे थेङ्यीमात, “होलेपङ्सम् ङ एङ्यीमाकी लागीरी चु यहुदीमाकी ग्यल्बोत पीत्लागे ओ स्यीम्?” बी ङ्योत्ज्यी। 10तलेपङ्सम् ङ्हच्छ्यङ् लम्बुमाचे येसुत स्हेर्ज्यीम् थेइज बबल य्हीन्ब बी पीलातसचे स्येःबल मुबल।
11तर ङ्हच्छ्यङ् लम्बुमाचे य्हक्को म्हीमात फोत्फोत् लज्यीम् “येसुत अय्हीन्, बारब्बात पीत्लागो” बी पङ्पुङ्ज्यी। 12पीलातसचे देबेएनो थेङ्यीमात, “चु एङ्यीमाचे यहुदीमाकी ग्यल्बो पङ्बे म्हीत ङचे ता लब?” बी ङ्योत्ज्यी। 13थेङ्यीमाचे देबेएनो क्रीङ्ज्यीम्, “थेत क्रुस्री च्योलागो!” पङ्ज्यी। 14पीलातसचे थेङ्यीमात पङ्ज्यी, “तले? चु म्हीचे ता अतबे लक् स्य्हेङ्ज्यी?” तर थेङ्यीमाचे झेन् बङ्ले क्रीङ्ज्यीम्, “थेत क्रुस्री च्योलागो!” बी पङ्ज्यी। 15ओसेम् पीलातसचे य्हक्को म्हीमात तङ्नलबे लागीरी बारब्बात पीत्लाज्यी। येसुतमी कोर्रचे ग्यङ्ज्यीम् क्रुस्री च्योलागो पङ्ज्यीम् रोमी स्यीपाइमाकी यारी सोप्तीपीन्ज्यी।
स्यीपाइचे येसुत ङोःबल
(मत्ती २७:२७-३१; युहन्ना १९:२-३)
16स्यीपाइमाचे येसुत थेङ्यीमाकी ङ्हच्छ्यङ् हाकीम् मुबे दरबारन्हङ् (चुत प्रेटोरीयन पङ्ब) बोर्ज्यी। ओसेम् ल्हो-ल्हो जम्म स्यीपाइमातएनो ङ्होत्ज्यी। 17ओसेम् थेङ्यीमाचे थेङ्त ग्यल्बोचे येन्ब र्हङ्बे खवल पीङ् येन् येन्पीन्ज्यी। ओसेम् पुजुइ पुजुइ क्रेःकी राज्यीम् थेङ्की क्ररी कुःपीन्ज्यी। 18हुजु लीप्चे थेङ्यीमाचे, “लस्सो, यहुदीमाकी ग्यल्बो!” बी पङ्ज्यीम् थेङ्त सलाम् स्य्हेङ्ज्यी। 19ओसेम् थेङ्यीमाचे थेङ्त क्ररी मइ बेर्कचे ग्यङ्ज्यीम् थो साज्यी। ओसेम् पुइ जुःज्यीम् फ्या स्य्हु लब स्य्हेङ्ज्यी। 20चोले थेङ्यीमाचे येसुत ङोब बुत्ज्यीम् खवल पीङ् येन् प्लोक्ज्यीम् थेङ्की न्हम्जनो येन्पीन्ज्यी। हुजु लीप्चे थेङ्यीमाचे थेङ्त क्रुस्री च्योबरी फीर्च्योर् बोर्ज्यी।
येसुत क्रुस्री च्योलाबल
(मत्ती २७:३२-४४; लुका २३:२६-४३; युहन्ना १९:१७-२७)
21ग्यम्री य्हर्टीमम् थेङ्यीमाचे कुरेनी#१५:२१ कुरेनी अफ्रीका य्हुल्की ज्यङपट्टीरी मुबे सहर गी य्हीन्ब पङ्बे ग्लाकी सीमोन पङ्बे म्हीत सहर्री खटीबल खदु तज्यी। थे अलेक्जेन्डरतेङ् रुफसकी अप मुबल। स्यीपाइमाचे थेत कर्लेनो येसुइ क्रुस् नापुङ्ज्यी।#रोमी १६:१३ 22ओसेम् थेङ्यीमाचे येसुत गलगथ पङ्बे ग्लारी बोर्ज्यी। गलगथ पङ्बलम् “खप्पर्की ग्ला” य्हीन्ब। 23हुजुरी थेङ्यीमाचे थेङ्त अङ्गुर्की नीङ्गुरी मुर्र पङ्बे मेन् दोङ्ज्यीम् पीन्ज्यी। तर थेङ्चे हुजु असोल्। 24हुजु लीप्चे थेङ्यीमाचे येसुत क्रुस्री च्योलाज्यी। ओसेम् थेङ्यीमाचे थेङ्की न्हम्जमा जुज्यीम् बो लज्यी। ओसेम् खल्त खजु पार्तीब टीम् बी चीठ्ठ युज्यी। #भजनसंग्रह २२:१८
25येसुत क्रुस्री च्योलाबे बेलोरी स्य्होकी नौ बत्तीबल मुबल। 26थेङ्त दोस् ङोन्बे तम्री- “चु यहुदीमाकी ग्यल्बो य्हीन्ब” बी ब्रीबल मुबल। 27थेङ्यीमाचे येसुत क्रुस्री च्योलाबे बेलोरी य्हो ङ्य्हीतेएनो गीःत थेङ्की केत्पट्टीचे गीःत ल्होम् पट्टीचे च्योलाज्यी। 28[धर्मइ छ्येःरी, “थेङ् य्होमातेङ् ज्याज्यी”#यसैया ५३:१२ पङ्ज्यीम् ब्रीबे तम् चोले पुरा तज्यी।]#१५:२८ चु पद् य्हक्को बर्स ङोन्ग्यम्की बाइबल्मारी ब्रीबल अरे।
29हुजु ग्लाकी ग्यम् तज्यीम् य्हर्बे म्हीमाचे थेमाइ क्र य्होङ्ज्यीम् थेङ्त, “लो, पर्मेस्वर्की दीम् स्हीलाज्यीम् सोम्रेत्री स्य्हेङ्ब पङ्बे म्ही,#भजनसंग्रह २२:७; १०९:२५; मर्कुस् १४:५८; युहन्ना २:१९ 30ए र्हङ्चे र्हङ्तनो थर्नलज्यीम् क्रुस् ग्यम्से दुङ्री फप्युउ!” पङ्ज्यीम् ङोःज्यी। 31होलेनो ङ्हच्छ्यङ् लम्बुमातेङ् धर्म लोप्पोन्माचेएनो थेङ्यीमान्हङ् चोले पङ्ज्यीम् ङोःज्यी, “थेचे ल्हो-ल्होमात थर्नलज्यी। तर र्हङ्चे र्हङ्तमी थर्नलअखम्। 32चु मुक्ती न्हङ्बे ख्रीस्ट् इस्राएलकी ग्यल्बो क्रुस् ग्यम्से दुङ्री फप्युखइ। ओसेम् हुजु म्रङ्ज्यीम् ङ्य्हङ्माएनो थेत बीस्वास् स्य्हेङ्ल!” थेङ्तेङ् बक्च्य क्रुस्री च्योलाबलमाचेएनो थेङ्त खीसी लज्यी।
येसुइ बुः य्हर्बल
(मत्ती २७:४५-५६; लुका २३:४४-४९; युहन्ना १९:२८-३०)
33दीन् गुङ् य्हङ्स्ये प्रो बेलोसम्म य्हुल् म्हुन्दुङ्चे उप्ज्यी। 34प्रो बेलोक्योर् येसुचे केत् ङ्हच्छ्यङ् तेत्ज्यीम्, “इलोइ, इलोइ लामा सबखथनी?” बी क्रीङ्ज्यी। चु पङ्बलमी, “ङइ पर्मेस्वर्, ङइ पर्मेस्वर् थेङ्चे ङत तले ख्लाजेत्पल?” य्हीन्ब।#भजनसंग्रह २२:१ 35चोले क्रीङ्जेत्पल थ्येःज्यीम् हुजुरी रप्टीबलमा न्हङ्री डेत्-डेत्चे, “ङ्येनो! थेचे एलीयात ङ्होत्टीबल मुब” बी पङ्ज्यी। 36थेङ्यीमान्हङ्री गीः छ्योङ्य्हर्ज्यीम् अङ्गुर्की क्युङ्बे नीङ्गुरी येन्खेन् ब्लुम्ज्यी। ओसेम् मइ बेर्करी येइज्यीम् येसुचे सोल्खइ बी थेङ्की स्य्हल्री थेन्पीन्ज्यीम्, “ब्रेनो-ब्रेनो, एलीया खज्यीम् थेत क्रुस् ग्यम्से दुङ्री फप्पीन्मुवा च्यागे!”#भजनसंग्रह ६९:२१ बी पङ्ज्यी। 37ओसेम् येसुचे केत् ङ्हच्छ्यङ् तेत्जेत्ज्यीम् थेङ्की बुः पीत्ज्यी।
38हुजु बेलोरीनो पर्मेस्वर्की दीम्न्हङ् च्योबे र्हीङ्बे येन् जो य्हङ्से दुङ् सम्मनो ङ्य्हीले डेःय्हर्ज्यी।#प्रस्थान २६:३१-३३ 39येसुइ बुः चोले य्हर्बल म्रङ्ज्यीम् हुजुरी क्रुस्की ङोन्ग्यम् रप्टीबे रोमी कप्तान्चे, “चु म्हीम् देमेन्नो पर्मेस्वर्की ज य्हीन्ब टीम्!” पङ्ज्यी। 40हुजुरी डेत्-डेत् अमकोलमाएनो चेक्पजाकी थारीङ्चे च्याटीब मुबल। थेङ्यीमान्हङ्री मरीयम, मग्दलीनी, सलोमी ओसेम् ज्यीत याकुबतेङ् योसेफकी अम मरीयम मुबल।#लुका ८:२,३ 41येसु गालील्री मुबे बेलोरी थेङ्यीमाचे थेङ्की लीप्-लीप् ब्रज्यीम् स्य्हप्तो स्य्हेङ्ब मुबल। ओसेम् हुजुरी यरुसलेम् सम्म येसुतेङ् बक्च्य खबे ल्होल्होएनो य्हक्को अमकोलमा मुबल।
येसुत दुर्सरी थेन्बल
(मत्ती २७:५७-६१; लुका २३:५०-५६; युहन्ना १९:३८-४२)
42हुजु दीन् न्हम्स्य्होइ दुःब न्हबे दीन्की लागीरी तयार स्य्हेङ्बे दीन् मुबल। हुजु दीन्की ङ्येस्येरीनो, 43अरीमाथीया पङ्बे ग्लाकी योसेफ अलोङ्नले पीलातसजा ङ्यीज्यीम् येसुइ ल्ही र्हीत्ज्यी। थे यहुदीमाकी सभाकी ङ्हच्छ्यङ् सदस्य गीः मुबल। थे पर्मेस्वर्की य्हुल् ब्रेन्ज्यीम् टीटीब मुबल।
44येसुइ बुः ङोन्नो य्हर्ज्यीन्ज्यी पङ्बे तम् थ्येःज्यीम् पीलातस तेङेन् तज्यी। ओसेम् थेचे रोमी कप्तान्त ङ्होत्ज्यीम् “येसुइ बुः ङोन्नो य्हर्ज्यीन्बल य्हीन्ब वुइ अय्हीन्?” बी ङ्योत्ज्यी। 45हुजु कप्तान्चे येसुइ बुः य्हर्ज्यीन्बल य्हीन्ब पङ्ब बीसेम् पीलातसचे योसेफत येसुइ ल्ही बोर्पुङ्ज्यी। 46ओसेम् योसेफचे ज्यबे सुतीइ येन् ग्लुज्यीम् येसुइ ल्ही क्रुस् ग्यम्से प्लोक्ज्यीम् हुजु येन्चे तुन्ज्यी। ओसेम् युङ्बरी ठाज्यीम् स्य्हेङ्बे दुर्सरी बोर्ज्यीम् थेन्ज्यी। हुजु लीप्चे दुर्सइ सुङ्री ङ्हच्छ्यङ् युङ्ब गीःचे दुङ्थेन्ज्यी। 47मरीयम मग्दलीनी ओसेम् योसेफकी अम मरीयमचे येसुत थेन्बे दुर्स च्याथेन्बल मुबल।
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.