'Olic 7
7
O Pilongoc to Sakamo^cel
O 'olic ni Tafiti to saki Tapang a radiw, yo looden ni Kus o Pinyamin a tamdaw.
1 Tapang a Kawas ako, o pilimekan ako Kiso.
Pa'oripen kako a paliyas nai milaopay a milpel i takowanan a tamdaw.
2Aka samatiyaen o pirpet no layon i takowanan,
wa macinasen nangra kako, awaay ko mama^deng a tamdaw a pa'orip i takowanan.
3 Tapang a Kawas ako, ano ira ko maan a caay ka mo^cel a dmak ako i,
macngel no raraw ko kamay ako,
4ano o tatiihay ko sapaco'ay ako to nga'ayay a dmak no widang ako,
ano pakoniraen ako koya padteng sanay a mikari'ang i takowanan a 'ada i,
5papilpelen ko 'ada i takowanan a papirpet,
papisakasaken cangra i takowanan a mipatay,
ta mapatay kako i sra.
6 Tapangaw, kalomowad a mikakter to 'ada ako a milood.
Nanay kalomowadho a mipadama i takowanan,
Nawhani o mo^celay ko nilongocan Iso.
7Pasa'opoen ko kasafinawlan i taliyok Iso.
Nanay i satakaraway a kamaro'an Kiso a mikowan i cangraan.
8 Tapangaw, Kiso ko misawkitay to polong no tamdaw,
Tapangaw, nanay pahapinangen Iso a misawkit ko nika awa no raraw ako,
nawhani awaay ko raraw ako.
9O mo^celay a Kawas Kiso, o mafana'ay a mihapinang to faloco' ato harateng no tamdaw.
Saka, nanay 'meten Iso ko tatiihay a dmak no tatiihay a tamdaw.
Pakaolahen ko nga'ayay ko dmak a tamdaw.
10O midipotay i takowanan a sapatada ko Kawas,
Pa'oripen Ningra ko mo^celay a tamdaw.
11O mo^celay a misawkitay ko Kawas,
Mararid Cingra a makter to tatiihay a tamdaw.
12Ano caay pifalic to faloco' ko tamdaw i,
cadiwen no Kawas ko fonos Ningra a mitalem.
Misa'imer Cingra to sapipana'aw.
13Mapatalato Ningra ko sapipatay to tamdaw a sapilood,
o papa^feren Ningra ko cinamalay a pana'.
14Misahalaka to tatiihay a dmak ko tatiihay a tamdaw,
misanga' cingra to sakarawraw, mananam cingra a misa'fit.
15Karkaren ningra ko sra a misarfong to katfadan no tao,
'arawhani, cingra ko matfaday itira.
16Ora tatiihay a dmak ningra ko mitfocay i cingraan,
ora piforifor ningra to tamdaw ko midoka'ay i cingraan.
17Pakayni i mo^cel no Tapang saka mikansiya kako,
o papahmeken ako a palosiyang ko nika tadamaan no ngangan no Isatakaraway a Tapang.
वर्तमान में चयनित:
'Olic 7: AMIS2019
हाइलाइट
शेयर
कॉपी
Want to have your highlights saved across all your devices? Sign up or sign in
© The Bible Society in Taiwan, 2019
'Olic 7
7
O Pilongoc to Sakamo^cel
O 'olic ni Tafiti to saki Tapang a radiw, yo looden ni Kus o Pinyamin a tamdaw.
1 Tapang a Kawas ako, o pilimekan ako Kiso.
Pa'oripen kako a paliyas nai milaopay a milpel i takowanan a tamdaw.
2Aka samatiyaen o pirpet no layon i takowanan,
wa macinasen nangra kako, awaay ko mama^deng a tamdaw a pa'orip i takowanan.
3 Tapang a Kawas ako, ano ira ko maan a caay ka mo^cel a dmak ako i,
macngel no raraw ko kamay ako,
4ano o tatiihay ko sapaco'ay ako to nga'ayay a dmak no widang ako,
ano pakoniraen ako koya padteng sanay a mikari'ang i takowanan a 'ada i,
5papilpelen ko 'ada i takowanan a papirpet,
papisakasaken cangra i takowanan a mipatay,
ta mapatay kako i sra.
6 Tapangaw, kalomowad a mikakter to 'ada ako a milood.
Nanay kalomowadho a mipadama i takowanan,
Nawhani o mo^celay ko nilongocan Iso.
7Pasa'opoen ko kasafinawlan i taliyok Iso.
Nanay i satakaraway a kamaro'an Kiso a mikowan i cangraan.
8 Tapangaw, Kiso ko misawkitay to polong no tamdaw,
Tapangaw, nanay pahapinangen Iso a misawkit ko nika awa no raraw ako,
nawhani awaay ko raraw ako.
9O mo^celay a Kawas Kiso, o mafana'ay a mihapinang to faloco' ato harateng no tamdaw.
Saka, nanay 'meten Iso ko tatiihay a dmak no tatiihay a tamdaw.
Pakaolahen ko nga'ayay ko dmak a tamdaw.
10O midipotay i takowanan a sapatada ko Kawas,
Pa'oripen Ningra ko mo^celay a tamdaw.
11O mo^celay a misawkitay ko Kawas,
Mararid Cingra a makter to tatiihay a tamdaw.
12Ano caay pifalic to faloco' ko tamdaw i,
cadiwen no Kawas ko fonos Ningra a mitalem.
Misa'imer Cingra to sapipana'aw.
13Mapatalato Ningra ko sapipatay to tamdaw a sapilood,
o papa^feren Ningra ko cinamalay a pana'.
14Misahalaka to tatiihay a dmak ko tatiihay a tamdaw,
misanga' cingra to sakarawraw, mananam cingra a misa'fit.
15Karkaren ningra ko sra a misarfong to katfadan no tao,
'arawhani, cingra ko matfaday itira.
16Ora tatiihay a dmak ningra ko mitfocay i cingraan,
ora piforifor ningra to tamdaw ko midoka'ay i cingraan.
17Pakayni i mo^cel no Tapang saka mikansiya kako,
o papahmeken ako a palosiyang ko nika tadamaan no ngangan no Isatakaraway a Tapang.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© The Bible Society in Taiwan, 2019