Lukas 18
18
Rampeang besa bahine ung pali: ung dang mampuàsaꞌ mao i haking
1Ladu nai anto, Yesu mampatidolu besa rampeang miluhali pipaturo: mao i pasikolaNa moa teꞌ, “Parallu u lupu se musumbayang pang hau kàtu ranung.” 2Na konai: moa teꞌ, “One: i besa lipu:, ara besa haking ung dang mariaꞌ mao i Puang, pang dang mampangorei: pantangaꞌna moi isai-sai pòteng. 3I lipu: to, ara besa bahine ung pali: ung basule:-sule: mao i haking to mampalau niola:. Na konai: moa teꞌ, ‘Kàtui‑ingnaꞌko siulaꞌ ung mahulo: pang ung tongang nai tau ung marrampaꞌi‑kaꞌ.’
4Pira-pira masainna ti haking to hang mio:‑i mampukauꞌ aka-aka mampatu: kara-karanna ung pali: to. Hampoꞌ tampakàna na tangaꞌ moa teꞌ, ‘Na moi hang mariaꞌ‑kaꞌ mao i Puang pang hang ku pangorei:‑i ti pantangaꞌna moi isai-sai pòteng, 5hampoꞌ tiꞌ ku na sussai tùrung ung pali: te, belona ku mangkàtui sule: kara-karanna siulaꞌ ung tongang mao i dea. Ìna ha mène:‑i to, baꞌ maia leleng mantungkai‑kaꞌ.’ ”
6Musuana‑mi ti Puang Yesu teꞌ, “Kalehai‑ko se ti ung na pusua: haking to, ung katampàkang mandului bahine ung pali: to, pambàtiꞌ haking to ung dang mahulo:! 7Deaa‑mo kang ti Puang. Hang Na pabùruꞌi: naꞌ ti ung tongang mao i tau ung Na pirarai:‑mo miluhali taunNa, ung mikakoang mao i Dea àlo hengi? Pang Puang sabaraꞌ pang malemu mao i taunNa. 8Ku pusua: matung teꞌ, Puang mampabùruꞌa sahe: kamahuloang mao i dei: se. Hampoꞌ ìna bùruꞌ‑mo pole ti Anaka Tulino, araa naꞌ maang tau ung mupatongang mao i Dea Na kabùruꞌi?”
Rampeang mampatu: tu Parisi pang tupassima
9Yesu mampatidolu kang ho rampeang mao i tau ung marranung teng kalaena sàbaꞌ nai pingkedoangna ung na àna: tongang, pang ung manghele polu tau sintàna:. 10Na konai: moa teꞌ, “Ara idua tau ung làngang mao musumbayang i kaoneang Tamming Kabussùngang, besa tu Parisi, pang dea ti besa, tupassima. 11Tu Parisi to one: sala:‑da tèdeꞌ musumbayang teꞌ, ‘O Puang, ku mukurusumangaꞌ matung sàbaꞌ hang mène:‑kaꞌ tau sintàna:, ung pumanauang, dang mahulo: pang malahang. Ku mukurusumangaꞌ ho sàbaꞌ hang mène:‑kaꞌ tupassima too. 12Ku mapuasa pindua i laling sammingku, pang ku mampinomba‑ing kàlaꞌ sampulo: nai nasang ung ku korai:.’
13Hampoꞌ dea ti tupassima to tèdeꞌ karao:-rao:, pang moi tumonga: pàli i langiꞌ hang mio:‑i, deaa‑mo kang mantengke: kangkangna. Tùrung teng mantùpaꞌ aruꞌna pang musua: teꞌ, ‘O Puang, pulemu‑kaꞌko, ku tau ung madosa‑ko tee!’ ”
14Musua: ti Yesu teꞌ, “Ku pusua: matung teꞌ, Tempona mangule:‑ing se mao i pantang rasangna, dea to tupassima ti ung na àna: tongang Puang, handei: to tu Parisi. Sàbaꞌ nasang tau ung mampaiaho kalaena nipaihoiꞌa, hampoꞌ tau ung mampaihoiꞌ kalaena nipaiahoa.”
Yesu mampasakke anaka
(Mat. 19:13-15, Mrk. 10:13-16)
15I àlaꞌna tau boso: ung bùruꞌ mao i Yesu, ara ho ung mambaha anaka ung si supi:‑i maang mangking Na tokaꞌ pang Na pasakke. Hampoꞌ to na ita‑mo pasikolana Yesu ti to, na ràho‑i se. 16Hampoꞌ na hàngo Yesu ti anaka to‑i se pang musua: mao i pasikolaNa teꞌ, “Patinai‑i se ti ana-anaka ti mai! Hau apuꞌ se, sàbaꞌ tau ung si mène:‑mo te ti ung mangampu kadatuangna Puang. 17Matantu te ung Ku pusua: matung e teꞌ Isai-sai ti ung dang mantarima kadatuangna Puang mène: besa anaka, harai: tungka dalang mintama i kadatuangNa.”
Tau ung mangkaraꞌi kasukiꞌangna marempa mintama i kadatuangna Puang
(Mat. 19:16-30, Mrk. 10:17-31)
18Ara besa ung nipiama: mingkutiki mao i Yesu teꞌ, “O Tungguru ung belo:, aka ti ung parallu ku pukauꞌ mangking ku mangkorai: katuhoang ung màle?”
19Hampoꞌ na sùmui Yesu teꞌ, “Oꞌ aka pu u Mi konai: ung belo:? Hari:‑da ung belo: sangadi Puang‑da teng. 20Tantu u ìsang‑mo ti parentanna Puang, ‘Hau malahang, hau mupatei, hau mumanau, hau mampusua: passabii ung dang tongang, sangadi‑i ti amammu pang inammu.’ ”
21Misùmunna‑mi ti tau to teꞌ, “Nasang ti to, ku toroꞌi‑mo nai mangurangku.”
22Na sàdingna‑i Yesu ti suana to, musua: moa teꞌ, “Ara maang besa ung parallu u pukauꞌ. Baloko nasang ti kasukiꞌangmu, u kàlaꞌ-kàlaꞌ‑ing tau ung si mase-mase ti seengna, pang nai anto u mangkoraia kaaraang i suruga. Ladu to, mai‑mo: mangulaꞌ‑Kaꞌ.”
23Hampoꞌ na sàdingna‑i tau to ti suana Yesu, masussa tungka ti pinanahanna, sàbaꞌ mantangaꞌ kasukiꞌangna ung maranga.
24Na hele Yesu ti tau to moa teꞌ masussa tungka, musuaNa‑mi moa teꞌ, “Hang makàdaꞌ‑ida marempanna ti tau ung sukiꞌ miluhali taunna Puang i kadatuangNa. 25Làbi madàli‑da sule: ti besa unta mintama i hàlo: jarung, nai none: tau ung sukiꞌ mintama i kadatuangna Puang.”
26Tau ung si massàding suana Yesu to, musua: moa teꞌ, “Baꞌ, ìna mène: to, kami polea‑mo naꞌ helaa nipasalamaꞌ, ung mase-mase?”*#18:26 Pantangaꞌna tu Yahudi dea‑mo moa teꞌ kasukiꞌang miluhali tanda pasakkena Puang mao i katuhoangna tau ung tongang i heleꞌna Puang. Deanna‑mo to, tau ung sukiꞌ niàna: tau ung sipatu: mintama i kadatuangna Puang. Dea pùna pasikolana Yesu mimàha pang hùling ti ranùngangna‑i se moa teꞌ dei: se hela nipasalamaꞌ. Hampoꞌ Puang Yesu massalai: pantangaꞌ ung mène: to, sàbaꞌ kasukiꞌang madàli miluhali sangkeꞌ mao i tau i laling mampukauꞌ pampuinahanna Puang.
27Na sùmui moa teꞌ, “Ung dang hela mao i tulino, hela‑da mao i Puang.”
28Musuana‑mi ti Petrus teꞌ, “Mangaka ti kami? Nasang ung ki ampu ki palii:‑mo mangulaꞌ‑Ke.”
29Na sùmuinna‑mi moa teꞌ, “Matantu te ung Ku pusua: matung e teꞌ Isai-sai ti ung mampalii:‑mo rasangna dea‑raka bahinena, mantàdina, tudolunna dea‑raka anakàna sàbaꞌ kadatuangna Puang, 30i lino tee, tau to mangkoraia làbi maranga tungka nai anto. Pang i lino i hunni, mangkoraia katuhoang deaꞌ tùrungna.”
Yesu musua: ung kapintàlung mampatu: kamateangNaa
(Mat. 20:17-19, Mrk. 10:32-34)
31Na hàngona‑mi sala: Yesu ti sampulo: idua pasikolaNa, pang musua: moa teꞌ, “Pisàdìngi belo:-belo:‑ko se! I latenna ta làngang se mao i Yerusalem. I anto, nikannaꞌia nasang ti ung na ronno: nabi-nabi mampatu: Anaka Tulino. 32Sàbaꞌ nipeheaa mao i tau ung dang dea tu Yahudi, pang nipengea, niputumma:-tummai:, pang nitangkudui. 33Na sasai: se pang na patei. Hampoꞌ àlo ung kaitàlu, tuhoa pole.”
34Hampoꞌ nasang to, ha na pahang‑i pasikolaNa. Tihuni mao i dei: se ti palleona suaNa to, pu dang na pahang‑i se.
Yesu mampumatalete: tau ung buta ung tuho: kapalau-lau
(Mat. 20:29-34, Mrk. 10:46-52)
35Tempona mintamaa‑mo i Yeriko ti Yesu, ara besa tau ung buta mesong i minanaꞌ dalang kapalau-lau. 36To na sàding‑i ti tau boso: liung, mingkutiki moa teꞌ, “Aka ti te?”
37Na paìsànginna‑mi se moa teꞌ, “Yesu tu Nasareꞌ, liung.”
38Na pilabuina‑mi ti mikakoang moa teꞌ, “O Yesu, Hatiꞌna Daud, pulemu‑kaꞌko!”
39Na ràhona‑mi tau ung si midolung mangking mimmànaꞌ. Hampoꞌ sa: na pilabu:-labuina sule: ti mikakoang teꞌ, “O Tuang, Hatiꞌna Daud, pulemu‑kaꞌko!”
40Tontona‑mi ti Yesu pang Na pisuo:‑ing nibaha mao i Dea ti tau to. Na kutikìna‑mi moa teꞌ, 41“Aka ti ung nu kapelai: Ku pukauꞌ matung?”
Na sùmui teꞌ, “Ku palea:‑ko paita pole Tuang!”
42Musuana‑mi ti Yesu teꞌ, “Paita‑mo:! U matalete:‑mo, sàbaꞌ u Mi patongang‑mo.”
43Pang tempo dea ho teng to, paita‑mo. Mangulaꞌna‑mi Yesu na pasianu mampaiaho Puang. Pang nasang tau ung mangita‑mo kara-kara to mampaiaho ho Puang.
वर्तमान में चयनित:
Lukas 18: skx
हाइलाइट
शेयर
कॉपी
Want to have your highlights saved across all your devices? Sign up or sign in
Lukas 18
18
Rampeang besa bahine ung pali: ung dang mampuàsaꞌ mao i haking
1Ladu nai anto, Yesu mampatidolu besa rampeang miluhali pipaturo: mao i pasikolaNa moa teꞌ, “Parallu u lupu se musumbayang pang hau kàtu ranung.” 2Na konai: moa teꞌ, “One: i besa lipu:, ara besa haking ung dang mariaꞌ mao i Puang, pang dang mampangorei: pantangaꞌna moi isai-sai pòteng. 3I lipu: to, ara besa bahine ung pali: ung basule:-sule: mao i haking to mampalau niola:. Na konai: moa teꞌ, ‘Kàtui‑ingnaꞌko siulaꞌ ung mahulo: pang ung tongang nai tau ung marrampaꞌi‑kaꞌ.’
4Pira-pira masainna ti haking to hang mio:‑i mampukauꞌ aka-aka mampatu: kara-karanna ung pali: to. Hampoꞌ tampakàna na tangaꞌ moa teꞌ, ‘Na moi hang mariaꞌ‑kaꞌ mao i Puang pang hang ku pangorei:‑i ti pantangaꞌna moi isai-sai pòteng, 5hampoꞌ tiꞌ ku na sussai tùrung ung pali: te, belona ku mangkàtui sule: kara-karanna siulaꞌ ung tongang mao i dea. Ìna ha mène:‑i to, baꞌ maia leleng mantungkai‑kaꞌ.’ ”
6Musuana‑mi ti Puang Yesu teꞌ, “Kalehai‑ko se ti ung na pusua: haking to, ung katampàkang mandului bahine ung pali: to, pambàtiꞌ haking to ung dang mahulo:! 7Deaa‑mo kang ti Puang. Hang Na pabùruꞌi: naꞌ ti ung tongang mao i tau ung Na pirarai:‑mo miluhali taunNa, ung mikakoang mao i Dea àlo hengi? Pang Puang sabaraꞌ pang malemu mao i taunNa. 8Ku pusua: matung teꞌ, Puang mampabùruꞌa sahe: kamahuloang mao i dei: se. Hampoꞌ ìna bùruꞌ‑mo pole ti Anaka Tulino, araa naꞌ maang tau ung mupatongang mao i Dea Na kabùruꞌi?”
Rampeang mampatu: tu Parisi pang tupassima
9Yesu mampatidolu kang ho rampeang mao i tau ung marranung teng kalaena sàbaꞌ nai pingkedoangna ung na àna: tongang, pang ung manghele polu tau sintàna:. 10Na konai: moa teꞌ, “Ara idua tau ung làngang mao musumbayang i kaoneang Tamming Kabussùngang, besa tu Parisi, pang dea ti besa, tupassima. 11Tu Parisi to one: sala:‑da tèdeꞌ musumbayang teꞌ, ‘O Puang, ku mukurusumangaꞌ matung sàbaꞌ hang mène:‑kaꞌ tau sintàna:, ung pumanauang, dang mahulo: pang malahang. Ku mukurusumangaꞌ ho sàbaꞌ hang mène:‑kaꞌ tupassima too. 12Ku mapuasa pindua i laling sammingku, pang ku mampinomba‑ing kàlaꞌ sampulo: nai nasang ung ku korai:.’
13Hampoꞌ dea ti tupassima to tèdeꞌ karao:-rao:, pang moi tumonga: pàli i langiꞌ hang mio:‑i, deaa‑mo kang mantengke: kangkangna. Tùrung teng mantùpaꞌ aruꞌna pang musua: teꞌ, ‘O Puang, pulemu‑kaꞌko, ku tau ung madosa‑ko tee!’ ”
14Musua: ti Yesu teꞌ, “Ku pusua: matung teꞌ, Tempona mangule:‑ing se mao i pantang rasangna, dea to tupassima ti ung na àna: tongang Puang, handei: to tu Parisi. Sàbaꞌ nasang tau ung mampaiaho kalaena nipaihoiꞌa, hampoꞌ tau ung mampaihoiꞌ kalaena nipaiahoa.”
Yesu mampasakke anaka
(Mat. 19:13-15, Mrk. 10:13-16)
15I àlaꞌna tau boso: ung bùruꞌ mao i Yesu, ara ho ung mambaha anaka ung si supi:‑i maang mangking Na tokaꞌ pang Na pasakke. Hampoꞌ to na ita‑mo pasikolana Yesu ti to, na ràho‑i se. 16Hampoꞌ na hàngo Yesu ti anaka to‑i se pang musua: mao i pasikolaNa teꞌ, “Patinai‑i se ti ana-anaka ti mai! Hau apuꞌ se, sàbaꞌ tau ung si mène:‑mo te ti ung mangampu kadatuangna Puang. 17Matantu te ung Ku pusua: matung e teꞌ Isai-sai ti ung dang mantarima kadatuangna Puang mène: besa anaka, harai: tungka dalang mintama i kadatuangNa.”
Tau ung mangkaraꞌi kasukiꞌangna marempa mintama i kadatuangna Puang
(Mat. 19:16-30, Mrk. 10:17-31)
18Ara besa ung nipiama: mingkutiki mao i Yesu teꞌ, “O Tungguru ung belo:, aka ti ung parallu ku pukauꞌ mangking ku mangkorai: katuhoang ung màle?”
19Hampoꞌ na sùmui Yesu teꞌ, “Oꞌ aka pu u Mi konai: ung belo:? Hari:‑da ung belo: sangadi Puang‑da teng. 20Tantu u ìsang‑mo ti parentanna Puang, ‘Hau malahang, hau mupatei, hau mumanau, hau mampusua: passabii ung dang tongang, sangadi‑i ti amammu pang inammu.’ ”
21Misùmunna‑mi ti tau to teꞌ, “Nasang ti to, ku toroꞌi‑mo nai mangurangku.”
22Na sàdingna‑i Yesu ti suana to, musua: moa teꞌ, “Ara maang besa ung parallu u pukauꞌ. Baloko nasang ti kasukiꞌangmu, u kàlaꞌ-kàlaꞌ‑ing tau ung si mase-mase ti seengna, pang nai anto u mangkoraia kaaraang i suruga. Ladu to, mai‑mo: mangulaꞌ‑Kaꞌ.”
23Hampoꞌ na sàdingna‑i tau to ti suana Yesu, masussa tungka ti pinanahanna, sàbaꞌ mantangaꞌ kasukiꞌangna ung maranga.
24Na hele Yesu ti tau to moa teꞌ masussa tungka, musuaNa‑mi moa teꞌ, “Hang makàdaꞌ‑ida marempanna ti tau ung sukiꞌ miluhali taunna Puang i kadatuangNa. 25Làbi madàli‑da sule: ti besa unta mintama i hàlo: jarung, nai none: tau ung sukiꞌ mintama i kadatuangna Puang.”
26Tau ung si massàding suana Yesu to, musua: moa teꞌ, “Baꞌ, ìna mène: to, kami polea‑mo naꞌ helaa nipasalamaꞌ, ung mase-mase?”*#18:26 Pantangaꞌna tu Yahudi dea‑mo moa teꞌ kasukiꞌang miluhali tanda pasakkena Puang mao i katuhoangna tau ung tongang i heleꞌna Puang. Deanna‑mo to, tau ung sukiꞌ niàna: tau ung sipatu: mintama i kadatuangna Puang. Dea pùna pasikolana Yesu mimàha pang hùling ti ranùngangna‑i se moa teꞌ dei: se hela nipasalamaꞌ. Hampoꞌ Puang Yesu massalai: pantangaꞌ ung mène: to, sàbaꞌ kasukiꞌang madàli miluhali sangkeꞌ mao i tau i laling mampukauꞌ pampuinahanna Puang.
27Na sùmui moa teꞌ, “Ung dang hela mao i tulino, hela‑da mao i Puang.”
28Musuana‑mi ti Petrus teꞌ, “Mangaka ti kami? Nasang ung ki ampu ki palii:‑mo mangulaꞌ‑Ke.”
29Na sùmuinna‑mi moa teꞌ, “Matantu te ung Ku pusua: matung e teꞌ Isai-sai ti ung mampalii:‑mo rasangna dea‑raka bahinena, mantàdina, tudolunna dea‑raka anakàna sàbaꞌ kadatuangna Puang, 30i lino tee, tau to mangkoraia làbi maranga tungka nai anto. Pang i lino i hunni, mangkoraia katuhoang deaꞌ tùrungna.”
Yesu musua: ung kapintàlung mampatu: kamateangNaa
(Mat. 20:17-19, Mrk. 10:32-34)
31Na hàngona‑mi sala: Yesu ti sampulo: idua pasikolaNa, pang musua: moa teꞌ, “Pisàdìngi belo:-belo:‑ko se! I latenna ta làngang se mao i Yerusalem. I anto, nikannaꞌia nasang ti ung na ronno: nabi-nabi mampatu: Anaka Tulino. 32Sàbaꞌ nipeheaa mao i tau ung dang dea tu Yahudi, pang nipengea, niputumma:-tummai:, pang nitangkudui. 33Na sasai: se pang na patei. Hampoꞌ àlo ung kaitàlu, tuhoa pole.”
34Hampoꞌ nasang to, ha na pahang‑i pasikolaNa. Tihuni mao i dei: se ti palleona suaNa to, pu dang na pahang‑i se.
Yesu mampumatalete: tau ung buta ung tuho: kapalau-lau
(Mat. 20:29-34, Mrk. 10:46-52)
35Tempona mintamaa‑mo i Yeriko ti Yesu, ara besa tau ung buta mesong i minanaꞌ dalang kapalau-lau. 36To na sàding‑i ti tau boso: liung, mingkutiki moa teꞌ, “Aka ti te?”
37Na paìsànginna‑mi se moa teꞌ, “Yesu tu Nasareꞌ, liung.”
38Na pilabuina‑mi ti mikakoang moa teꞌ, “O Yesu, Hatiꞌna Daud, pulemu‑kaꞌko!”
39Na ràhona‑mi tau ung si midolung mangking mimmànaꞌ. Hampoꞌ sa: na pilabu:-labuina sule: ti mikakoang teꞌ, “O Tuang, Hatiꞌna Daud, pulemu‑kaꞌko!”
40Tontona‑mi ti Yesu pang Na pisuo:‑ing nibaha mao i Dea ti tau to. Na kutikìna‑mi moa teꞌ, 41“Aka ti ung nu kapelai: Ku pukauꞌ matung?”
Na sùmui teꞌ, “Ku palea:‑ko paita pole Tuang!”
42Musuana‑mi ti Yesu teꞌ, “Paita‑mo:! U matalete:‑mo, sàbaꞌ u Mi patongang‑mo.”
43Pang tempo dea ho teng to, paita‑mo. Mangulaꞌna‑mi Yesu na pasianu mampaiaho Puang. Pang nasang tau ung mangita‑mo kara-kara to mampaiaho ho Puang.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in