YOHANES 1
1
Engrok de Kiog Sinui
1Ku imemula, sebelom dunia adeh bibeh, Engrok ya mong. Engrok ajeh mong besama ru Jenang, ru Engrok ajehloh Jenang. 2Sejak ju imula, Engrok ajeh ya mong besama ru Jenang. 3Dikdij ma de mong ku dunia adeh bibeh melalui Engrok ajeh. Amen pek mong Engrok ajeh, pek mong nanek ma pen ku dunia adeh de dapat kijadi. 4Ku kateh Engrok ajeh mong sinui, ru sinui ajehloh Cahaya nu manusia. 5Cahaya ajeh lau ku kateh gengwer, ru gengwer pek dapat kiperlet Cahaya ajeh.
6Mong numom imuh Yohanes Pembaptis de bingeng ya Jenang. 7Kek kihol kaha-pasal tentang Cahaya ajeh supaye dikdij mai de ceringai naijadi pecaya melalui kek. 8Yohanes Pembaptis nyiknyuk pek Cahaya ajeh tapi kek kihol kaha-pasal tentang Cahaya ajeh. 9Mase Yohanes Pembaptis kipasal gah ajeh, Cahaya de sebenar ru de Kiperlau jap-jap manusia tengah Kihol nu dunia adeh.
10Engrok ajeh ya mong ku dunia ru dunia adeh bibeh melalui Kek. Tapi manusia pek naikenal ha Kek. 11Kek Kihol nu lengrik Ilei sendiri tapi Ibangse nainyek ha Kek. 12Tapi nu mai de naiterima ru naipecaya ha Kek biog hak naiha-jadi kekenon Jenang. 13Naijadi kekenon Jenang pek kerana ya heknod atao nerancang manusia. Tapi ya heknod Jenangloh naijadi kekenon Jenang.
14Engrok ajeh Kijadi manusia ru Kigei ku engkap hik. Hik ya hibakek Ikemuliean sebegei Kenon de nek nanek de Kihol ju Menek. Hineng Kek tebeg ya bernor sengik ru dikdij ma de benar.
15Yohanes Pembaptis kipasal tentang Kek. Ru suara de entoi kiurok, “Eng ya ngpasal nu engkek tentang Kek de doh Kihol telas eng. Kek lebeh entoi daripade eng kerana Kek ya mong sebelom eng biperyos.” 16Kek tebeg ya bernor sengik ru hik ya hiterima belimpah-limpah Ibernor sengik. 17Hukom Taurat biperlei ya Nabi Musa tapi bernor sengik ru neajar de benar biperlei ya Yesus Kristus. 18Pek mong numom pen de pernah kibakek Jenang. Had Kenon Jenang de nek nanek ju Menek taleh de pernah Kineng Jenang. Kenon ajehloh de paleng rek ru Menek, ru Kek sendiri ajehloh Jenang. Kekloh de Kipekenal Jenang nu hik.
Penasal Yohanes Pembaptis
(Mat 3:1-12; Mrk 1:1-8; Luk 3:1-18)
19Pemimpen-pemimpen mai Yahudi ku kote Yerusalem naingeng imam-imam agame Yahudi ru mai suku Lewi nu Yohanes Pembaptis supaye naitanya ilei ajeh bok.
20Yohanes Pembaptis betol-betol kiurok ilei ajeh nyiknyuk pek Peselamat de bijanji ya Jenang.#1:20 Peselamat de bijanji ya Jenang: Atao, Kristus.
21Lalu naitanya, “Amen begei ajeh, hek adeh bok? Hek Nabi Eliaka?”
Yohanes Pembaptis kiberlag, “Nyiknyuk.”
Naitanya nij, “Hekka Nabi de bijanji ya Jenang?”
Kek kiberlag, “Nyiknyuk.”
22Jadi, naitanya nij, “Pasalloh hek adeh bok. Jiha-pasal ijawapan nu mai de ngengngeng jik. Ma de buleh hapasal nu jik tentang diri lihek?”
23Yohanes Pembaptis kiberlag kiguna ayat adeh ju kitab Nabi Yesaya:
“Engloh isengoi de ngurok ya suara de kuat ku padag guron,
‘Pelurosloh nong ha TUHAN!’ ”#Yes 40:3
24Telas ajeh mai de bingeng ya mai Farisi#1:24 Mai Farisi: Adeh kirujok nu kumpulan pemimpen-pemimpen agame Yahudi de naitentang ha neajar Yesus kerana lebeh naiutamekan ha Hukom Taurat ru adat-adat jenang rak enai. 25naitanya nu Yohanes Pembaptis, “Yama hek habaptis sengoi amen hek pek Peselamat de bijanji ya Jenang, atao Nabi Elia, atao Nabi de bijanjijeh?”
26Lalu Yohanes Pembaptis kiberlag, “Eng ngbaptis ya teu tapi ku engkap liengkek mong Numom de pek engkekenal. 27Kekloh Ilei de doh Kihol telas eng. Ngha-teg Icog kasot pen eng pek layak.”
28Dikdij hal ajeh belaku ku kampug Betania ku timur Batag arik Jordan ku belok Yohanes Pembaptis kibaptis mai.
Yohanes Pembaptis Kipekenal Kenon Dombe Jenang
29Ku ihuper Yohanes Pembaptis kineng Yesus Kihol nu kek. Lalu kiurok, “Adehloh Ilei Kenon Dombe Jenang de Kipehapos dosa manusia! 30Eng ya ngpasal nu engkek tentang Kek de doh Kihol telas eng. Kek lebeh entoi daripade eng kerana Kek ya mong sebelom eng biperyos. 31Entem eng pen pek ngkenal bok Ilei ajeh. Tapi nghol ngbaptis mai ya teu supaye bangse Israel naikenal Kek.”
32-33Yohanes Pembaptis kipasal nij, “Entem eng pek ngkenal bok Ilei ajeh tapi Jenang de Kior eng ngbaptis mai ya teu Kiurok, ‘Amen hek habakek Kelog Santen Kiceleh ru Kigei ku kemil nenumom, Kek ajehloh Ilei de doh Kibaptis mai ya Kelog Santen.’ Eng ya ngbakek Kelog Santen Kiceleh ju langit begei cep merpati lalu Kigei ku kemil Kek adeh. 34Eng ya ngneng hal ajeh ru ngpasal nu engkek hal adeh: Kekloh Kenon Jenang.”
Pengikot-pengikot Yesus de Imemula
35Ku ihuper Yohanes Pembaptis ru nar mom ipengikot mong ku tempat de sama. 36Bile Yohanes Pembaptis kibakek Yesus Kilalu ku pajeh, kek kiurok, “Neng, ajehloh Ilei Kenon Dombe Jenang!”
37Nar urag ipengikot ajeh baicerngai engrok Yohanes Pembaptis lalu baijoi Yesus. 38Yesus Kiceleg ru Kineng pengikot-pengikot Yohanes Pembaptis tengah baijoi Kek. Lalu Kitanya, “Ma de jerkehod?”
Baiberlag, “Rabbi, ku belokka Jengei?” (Rabbi imaksod, guru.)
39Yesus Kiberlag, “Beiloh neng.” Ubai pen baijoi Yesus ru baineng Itempat ginei. Lalu baigei besama ru Kek ku arik ajeh. (Mase ajeh kira-kira pukol empat dui.)
40Numom ju nar mom ajeh de ceringai ha penasal Yohanes Pembaptis ru jijoi ha Yesus ajeh imuh Andreas. Kek ajeh menang Simon Petrus. 41Andreas teros kikek Simon ru kiurok nu kek, “Jar ya jarbakek Mesias!” (Mesias imaksod, Peselamat de bijanji ya Jenang). 42Telas ajeh Andreas kien Simon nu Yesus.
Yesus Kineng kek lalu Kiurok, “Hek Simon kenon Yohanes#1:42 Yohanes: Adeh enyuk pek Yohanes Pembaptis. tapi hek doh bigelar Kefas.” (Kefas ru Petrus imaksod, batu.)
Filipus ru Natanael Baijoi Yesus
43Ku ihuper Yesus Kikot keputusan Kaha-et nu lengrik Galilea. Kek Kibakek Filipus lalu Kiurok nu kek, “Joiloh Eng!” 44Filipus, Andreas, ru Petrus naibeasal ju pekan Betsaida. 45Telas ajeh Filipus kikek Natanael ru kiurok, “Jik ya jibakek Sengoi de bisebot ya Nabi Musa ku kateh Hukom Taurat, ru de ya bicot ku kateh kitab nabi-nabi. Kek ajeh Yesus Mai Nazaret, Kenon Yusuf.”
46Natanael kiberlag, “Pek mong ma-ma pen de bor dapat kihol ju pekan Nazaret.”
Tapi Filipus kiajak Natanael baiet baineng Yesus.
47Bile Yesus Kibakek Natanael kiderleh nu Ilei, Kek Kiurok, “Adehloh mai Israel de sejati. Pek mong tenipu ku kek.”
48Natanael kitanya nu Yesus, “Begeiharok Jenkenal eng?”
Yesus Kiberlag, “Sebelom Filipus kicereg hek, Eng ya Ngbakek hek hagei ku kerop keneng are.”
49Natanael kiurok, “Guru, Jen adehloh Kenon Jenang! Jen adehloh Raja bangse Israel!”
50Yesus Kiberlag, “Hek hajadi pecaya nu Eng kerana Ngurok Ngbakek hek hagei ku kerop keneng are. Hek doh haneng hal-hal de lebeh entoi daripade hal ajeh!” 51Lalu Yesus Kiurok nu enai, “Cerngailoh abor, engkek doh engkeneng langit tebuka ru malikat-malikat Jenang naiceleh-huj nu Eng Kenon Manusia.”
वर्तमान में चयनित:
YOHANES 1: AEH
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.
YOHANES 1
1
Engrok de Kiog Sinui
1Ku imemula, sebelom dunia adeh bibeh, Engrok ya mong. Engrok ajeh mong besama ru Jenang, ru Engrok ajehloh Jenang. 2Sejak ju imula, Engrok ajeh ya mong besama ru Jenang. 3Dikdij ma de mong ku dunia adeh bibeh melalui Engrok ajeh. Amen pek mong Engrok ajeh, pek mong nanek ma pen ku dunia adeh de dapat kijadi. 4Ku kateh Engrok ajeh mong sinui, ru sinui ajehloh Cahaya nu manusia. 5Cahaya ajeh lau ku kateh gengwer, ru gengwer pek dapat kiperlet Cahaya ajeh.
6Mong numom imuh Yohanes Pembaptis de bingeng ya Jenang. 7Kek kihol kaha-pasal tentang Cahaya ajeh supaye dikdij mai de ceringai naijadi pecaya melalui kek. 8Yohanes Pembaptis nyiknyuk pek Cahaya ajeh tapi kek kihol kaha-pasal tentang Cahaya ajeh. 9Mase Yohanes Pembaptis kipasal gah ajeh, Cahaya de sebenar ru de Kiperlau jap-jap manusia tengah Kihol nu dunia adeh.
10Engrok ajeh ya mong ku dunia ru dunia adeh bibeh melalui Kek. Tapi manusia pek naikenal ha Kek. 11Kek Kihol nu lengrik Ilei sendiri tapi Ibangse nainyek ha Kek. 12Tapi nu mai de naiterima ru naipecaya ha Kek biog hak naiha-jadi kekenon Jenang. 13Naijadi kekenon Jenang pek kerana ya heknod atao nerancang manusia. Tapi ya heknod Jenangloh naijadi kekenon Jenang.
14Engrok ajeh Kijadi manusia ru Kigei ku engkap hik. Hik ya hibakek Ikemuliean sebegei Kenon de nek nanek de Kihol ju Menek. Hineng Kek tebeg ya bernor sengik ru dikdij ma de benar.
15Yohanes Pembaptis kipasal tentang Kek. Ru suara de entoi kiurok, “Eng ya ngpasal nu engkek tentang Kek de doh Kihol telas eng. Kek lebeh entoi daripade eng kerana Kek ya mong sebelom eng biperyos.” 16Kek tebeg ya bernor sengik ru hik ya hiterima belimpah-limpah Ibernor sengik. 17Hukom Taurat biperlei ya Nabi Musa tapi bernor sengik ru neajar de benar biperlei ya Yesus Kristus. 18Pek mong numom pen de pernah kibakek Jenang. Had Kenon Jenang de nek nanek ju Menek taleh de pernah Kineng Jenang. Kenon ajehloh de paleng rek ru Menek, ru Kek sendiri ajehloh Jenang. Kekloh de Kipekenal Jenang nu hik.
Penasal Yohanes Pembaptis
(Mat 3:1-12; Mrk 1:1-8; Luk 3:1-18)
19Pemimpen-pemimpen mai Yahudi ku kote Yerusalem naingeng imam-imam agame Yahudi ru mai suku Lewi nu Yohanes Pembaptis supaye naitanya ilei ajeh bok.
20Yohanes Pembaptis betol-betol kiurok ilei ajeh nyiknyuk pek Peselamat de bijanji ya Jenang.#1:20 Peselamat de bijanji ya Jenang: Atao, Kristus.
21Lalu naitanya, “Amen begei ajeh, hek adeh bok? Hek Nabi Eliaka?”
Yohanes Pembaptis kiberlag, “Nyiknyuk.”
Naitanya nij, “Hekka Nabi de bijanji ya Jenang?”
Kek kiberlag, “Nyiknyuk.”
22Jadi, naitanya nij, “Pasalloh hek adeh bok. Jiha-pasal ijawapan nu mai de ngengngeng jik. Ma de buleh hapasal nu jik tentang diri lihek?”
23Yohanes Pembaptis kiberlag kiguna ayat adeh ju kitab Nabi Yesaya:
“Engloh isengoi de ngurok ya suara de kuat ku padag guron,
‘Pelurosloh nong ha TUHAN!’ ”#Yes 40:3
24Telas ajeh mai de bingeng ya mai Farisi#1:24 Mai Farisi: Adeh kirujok nu kumpulan pemimpen-pemimpen agame Yahudi de naitentang ha neajar Yesus kerana lebeh naiutamekan ha Hukom Taurat ru adat-adat jenang rak enai. 25naitanya nu Yohanes Pembaptis, “Yama hek habaptis sengoi amen hek pek Peselamat de bijanji ya Jenang, atao Nabi Elia, atao Nabi de bijanjijeh?”
26Lalu Yohanes Pembaptis kiberlag, “Eng ngbaptis ya teu tapi ku engkap liengkek mong Numom de pek engkekenal. 27Kekloh Ilei de doh Kihol telas eng. Ngha-teg Icog kasot pen eng pek layak.”
28Dikdij hal ajeh belaku ku kampug Betania ku timur Batag arik Jordan ku belok Yohanes Pembaptis kibaptis mai.
Yohanes Pembaptis Kipekenal Kenon Dombe Jenang
29Ku ihuper Yohanes Pembaptis kineng Yesus Kihol nu kek. Lalu kiurok, “Adehloh Ilei Kenon Dombe Jenang de Kipehapos dosa manusia! 30Eng ya ngpasal nu engkek tentang Kek de doh Kihol telas eng. Kek lebeh entoi daripade eng kerana Kek ya mong sebelom eng biperyos. 31Entem eng pen pek ngkenal bok Ilei ajeh. Tapi nghol ngbaptis mai ya teu supaye bangse Israel naikenal Kek.”
32-33Yohanes Pembaptis kipasal nij, “Entem eng pek ngkenal bok Ilei ajeh tapi Jenang de Kior eng ngbaptis mai ya teu Kiurok, ‘Amen hek habakek Kelog Santen Kiceleh ru Kigei ku kemil nenumom, Kek ajehloh Ilei de doh Kibaptis mai ya Kelog Santen.’ Eng ya ngbakek Kelog Santen Kiceleh ju langit begei cep merpati lalu Kigei ku kemil Kek adeh. 34Eng ya ngneng hal ajeh ru ngpasal nu engkek hal adeh: Kekloh Kenon Jenang.”
Pengikot-pengikot Yesus de Imemula
35Ku ihuper Yohanes Pembaptis ru nar mom ipengikot mong ku tempat de sama. 36Bile Yohanes Pembaptis kibakek Yesus Kilalu ku pajeh, kek kiurok, “Neng, ajehloh Ilei Kenon Dombe Jenang!”
37Nar urag ipengikot ajeh baicerngai engrok Yohanes Pembaptis lalu baijoi Yesus. 38Yesus Kiceleg ru Kineng pengikot-pengikot Yohanes Pembaptis tengah baijoi Kek. Lalu Kitanya, “Ma de jerkehod?”
Baiberlag, “Rabbi, ku belokka Jengei?” (Rabbi imaksod, guru.)
39Yesus Kiberlag, “Beiloh neng.” Ubai pen baijoi Yesus ru baineng Itempat ginei. Lalu baigei besama ru Kek ku arik ajeh. (Mase ajeh kira-kira pukol empat dui.)
40Numom ju nar mom ajeh de ceringai ha penasal Yohanes Pembaptis ru jijoi ha Yesus ajeh imuh Andreas. Kek ajeh menang Simon Petrus. 41Andreas teros kikek Simon ru kiurok nu kek, “Jar ya jarbakek Mesias!” (Mesias imaksod, Peselamat de bijanji ya Jenang). 42Telas ajeh Andreas kien Simon nu Yesus.
Yesus Kineng kek lalu Kiurok, “Hek Simon kenon Yohanes#1:42 Yohanes: Adeh enyuk pek Yohanes Pembaptis. tapi hek doh bigelar Kefas.” (Kefas ru Petrus imaksod, batu.)
Filipus ru Natanael Baijoi Yesus
43Ku ihuper Yesus Kikot keputusan Kaha-et nu lengrik Galilea. Kek Kibakek Filipus lalu Kiurok nu kek, “Joiloh Eng!” 44Filipus, Andreas, ru Petrus naibeasal ju pekan Betsaida. 45Telas ajeh Filipus kikek Natanael ru kiurok, “Jik ya jibakek Sengoi de bisebot ya Nabi Musa ku kateh Hukom Taurat, ru de ya bicot ku kateh kitab nabi-nabi. Kek ajeh Yesus Mai Nazaret, Kenon Yusuf.”
46Natanael kiberlag, “Pek mong ma-ma pen de bor dapat kihol ju pekan Nazaret.”
Tapi Filipus kiajak Natanael baiet baineng Yesus.
47Bile Yesus Kibakek Natanael kiderleh nu Ilei, Kek Kiurok, “Adehloh mai Israel de sejati. Pek mong tenipu ku kek.”
48Natanael kitanya nu Yesus, “Begeiharok Jenkenal eng?”
Yesus Kiberlag, “Sebelom Filipus kicereg hek, Eng ya Ngbakek hek hagei ku kerop keneng are.”
49Natanael kiurok, “Guru, Jen adehloh Kenon Jenang! Jen adehloh Raja bangse Israel!”
50Yesus Kiberlag, “Hek hajadi pecaya nu Eng kerana Ngurok Ngbakek hek hagei ku kerop keneng are. Hek doh haneng hal-hal de lebeh entoi daripade hal ajeh!” 51Lalu Yesus Kiurok nu enai, “Cerngailoh abor, engkek doh engkeneng langit tebuka ru malikat-malikat Jenang naiceleh-huj nu Eng Kenon Manusia.”
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
© 2023, Bible Society of Malaysia. All rights reserved.