Matiu 19
19
Tausoho Lau Faꞌatana
Matiu 19:1-12
(Maleko 10:1-12)
1Libadi te Yesu ya libaedi, muli yai, Galili ya lau afulen, na ya lau Diudeya Nuꞌuna, Diyodan Hoꞌowana tefana. 2Baiwa laꞌilaꞌi sa famuli watan, be adi asiyebo amainiya ya faloholohodi.
3 Falesiya dodogadi haisa sa laoma be sa fatiꞌoi bena haba sidohana na sa fasai buluhi,
Ema laugagayo ya libaen, gonowana taumoho lahuna ya tausohoꞌen, yena maꞌena mata paꞌa?
4Yesu alinadi ya bui, iyen,
Fatufatubu yai, Yaubada taumoho yo waihin ya ginaulidi mate, Buka Tabuna yai ya libaen, ami fatili e higeꞌe? (Genesi 1:27)
5Yo Yaubada iyen,
<<Mata paꞌa te debana yai, taumoho haba tamana yo tinana ya lau afuledi na ma lahuna sa famala iti esega. (Genesi 2:24)
6<<Lisina yai, iti hige luwaga, esega moho. Somo Yaubada haꞌa ya falau esegahi mate doga ibege i fatausohodi.
7Falesiya sa fatiꞌo boda, tiyen,
Paꞌana somo be, Mose ena laugagayo ya libaen, iyen,
<<Tausoho yalina haba sa uli be waihin sa felen, ai mulina haba ya tausohoꞌen be ya duiyen?>> (Diutelonomi 24:1-4)
8Yesu alinadi ya bui, iyen,
Mose ya laliyen be lahum haba wa tausohoꞌen, paꞌana nuwamiu sa poꞌi. Inmoho, fatufatubu yai hige doha.
9E falibamiu, mate ibe waihin ena laulau sa dudulai yo waihinina hige i kelele, na taumoho wa lahuna ya tausohoꞌen, be waihin hesa ya fai, taumoho wa ya kelele.
10Tau famuli watanina tiyen,
Ibe taumoho yo waihin edi nuwanuwatuhu doha, loholohona tabu ti nahi!
11Alinadi Yesu ya bui, iyen,
Doga mahudoꞌina ibege liba te ti lau watan. Salumadi liba te tau nuwatuhu lobahina haba sa lau watan.
12Mata paꞌa hudoꞌi-hudoꞌi debadi yai be dodoga haisa hige ti nahi mate doha ite:
Haisa, iti sa yosidima doha, ibege ti nahi;
haisa dodoga sa nigohidi be hige gonowana ti fanatu;#19:12 Iti mate <<Yuniki.>> Giliki alinadi yai Yuniki aniyona mate taumoho mwauna luwaga sa nigohidi (doha salai o ꞌwayowa). Au italau, Paisowa 8:27.
na haisa mate, Galewa Basileiya Nuꞌuna debana yai, ibege ti nahi.
Liba te, sai gonowana ya abi, mate i abi.
Wawaya Kikiꞌina Yesu ya Liba Faloholohodi
Matiu 19:13-15
(Maleko 10:13-16; Luka 18:15-17)
13Dodoga haisa wawaya sa ledima Yesu lisina, be haba nimana ya toledi ai hewadi, yo edi ya lauꞌuꞌula. Inmoho, tau famuli watanina, dodogadi sa sagasagaliyedi. 14Yesu iyen,
Ti otawa! Ti laoma lisigu! Tabu au guduguduidi, paꞌana Galewa Basileiyana mate iti enehedi.
15Nimana yai ya abiꞌinadi, habahim nuꞌu ni ya lau afulen.
Hewali Fafagogona
Matiu 19:16-30
(Maleko 10:17-31; Luka 18:18-30)
16Fuya maꞌesega, hewali hesa ya laoma Yesu lisina, be iyen,
Tanuwaga, laulau loholohona somo haba E ginauli, be mwahuli hige sigana ainiya E mahano?
17Alinana Yesu ya bui, iyen,
Paꞌana somo, somo ya loholoho fatiꞌona wa fatiꞌogu? Esega moho, In Yaubada mate ya loholoho. Yena wa fanuha bena mwahuli otaꞌotafahina wa abi, mate ena laugagayo u awaꞌabiyedi.
18Hewali wa ya fatiꞌo boda iyen,
Laugagayo tausom?
Alinana Yesu ya fafuyo iyen,
Tatau yo wawahin mai nahinahi tabu au eno bili maidamiu mai nahinahi haisa. Tabu u aiyunu; tabu u angafu; tabu hidam u fagilu napai; 19tamam yo tinam bena wa faꞌatitiyedi; yo falem tau miya u gadosisiyedi, doha um wa gadosisiyem. (Esedo 20:12-16; Lewitikusi 19:18; Galeisiya 5:14; Hebelu 13:9; Diyemsi 2:8)
20Hewali wa iyen,
Mahudoꞌidi E miyamiyaꞌedi. Na somo hesa hola hige ya ginauli?
21Yesu ya libalau lisina, iyen,
Yena wa fanuha bena wa loholoho wananaha, u lau be em ginauli mahudoꞌina u uneꞌune afuledi, na maisadi tau gogo gesagesa u feledi, na u laoma, u famuli watanigu! Ai Galewa, habahim wa fagogo.
22Hewali ya atahi, yofede, ma nuwa heyayana ya aulaha, paꞌana in ya fagogo wananaha.
23Yesu ya libalau tau famuli watanina lisidi, iyen,
E falibamiu, tau fagogo dodogadi bena Yaubada sa famuli watan mate lisidi yai ya pili. 24Libana eseꞌesegana haba E falau boda mate, kamela gonowana diu ai galina ya luhulau. Na tau fagogo Yaubada ena Basileiya luhuluhu launa lisidi yai pilipili.
25Tau famuli watanina sa atahi, yofede, sa noꞌo. Sa fatiꞌo, tiyen,
Fede! Sai haba ya mwahuli?
26Yesu ya itaꞌita lau lisidi, na alinadi ya bui, iyen,
Dodoga hige gonowadi. Na Yaubada gonowana ginauli mahudoꞌidi ya ginaulidi.
27Habahim, Pita ya fatiꞌo, iyen,
Ai ginauli mahudoꞌina haꞌa ꞌe lau afulen, na ꞌe famuli watanim. Somo haba ꞌe abi?
28Yesu ya falibadi, iyen,
E liba dudulai mate, fuyana yai ginauli sa fafalifalihudi, yo Doga Natuna ena aba taꞌai namanamalina yai ya taꞌai, be ginauli mahudoꞌina ya fakasa, haba umi, tau famuli watanigu ouꞌoulimiu safuhudohudoꞌi luwaga, haba ai aba taꞌai 12 ami taꞌai hinaga. Be Sulu Isalaela safuhudohudoꞌi luwaga ami fakasadi.
29Sai laꞌi ena luma, haidana, lofuna, tamana, tinana, nanatuna o tanohi ya lau afuledi, yau debagu yai mate haba ya fagogo wananaha, yo mwahuli hige sigana haba ya abi. 30Inmoho, saluma iti tau bwaꞌi mate, haba sa mulita, na haisa sa mulita, haba sa bwaꞌi
वर्तमान में चयनित:
Matiu 19: Buhutu
हाइलाइट
शेयर
कॉपी
Want to have your highlights saved across all your devices? Sign up or sign in
© 2024, SIL Global. All Rights Reserved.
Matiu 19
19
Tausoho Lau Faꞌatana
Matiu 19:1-12
(Maleko 10:1-12)
1Libadi te Yesu ya libaedi, muli yai, Galili ya lau afulen, na ya lau Diudeya Nuꞌuna, Diyodan Hoꞌowana tefana. 2Baiwa laꞌilaꞌi sa famuli watan, be adi asiyebo amainiya ya faloholohodi.
3 Falesiya dodogadi haisa sa laoma be sa fatiꞌoi bena haba sidohana na sa fasai buluhi,
Ema laugagayo ya libaen, gonowana taumoho lahuna ya tausohoꞌen, yena maꞌena mata paꞌa?
4Yesu alinadi ya bui, iyen,
Fatufatubu yai, Yaubada taumoho yo waihin ya ginaulidi mate, Buka Tabuna yai ya libaen, ami fatili e higeꞌe? (Genesi 1:27)
5Yo Yaubada iyen,
<<Mata paꞌa te debana yai, taumoho haba tamana yo tinana ya lau afuledi na ma lahuna sa famala iti esega. (Genesi 2:24)
6<<Lisina yai, iti hige luwaga, esega moho. Somo Yaubada haꞌa ya falau esegahi mate doga ibege i fatausohodi.
7Falesiya sa fatiꞌo boda, tiyen,
Paꞌana somo be, Mose ena laugagayo ya libaen, iyen,
<<Tausoho yalina haba sa uli be waihin sa felen, ai mulina haba ya tausohoꞌen be ya duiyen?>> (Diutelonomi 24:1-4)
8Yesu alinadi ya bui, iyen,
Mose ya laliyen be lahum haba wa tausohoꞌen, paꞌana nuwamiu sa poꞌi. Inmoho, fatufatubu yai hige doha.
9E falibamiu, mate ibe waihin ena laulau sa dudulai yo waihinina hige i kelele, na taumoho wa lahuna ya tausohoꞌen, be waihin hesa ya fai, taumoho wa ya kelele.
10Tau famuli watanina tiyen,
Ibe taumoho yo waihin edi nuwanuwatuhu doha, loholohona tabu ti nahi!
11Alinadi Yesu ya bui, iyen,
Doga mahudoꞌina ibege liba te ti lau watan. Salumadi liba te tau nuwatuhu lobahina haba sa lau watan.
12Mata paꞌa hudoꞌi-hudoꞌi debadi yai be dodoga haisa hige ti nahi mate doha ite:
Haisa, iti sa yosidima doha, ibege ti nahi;
haisa dodoga sa nigohidi be hige gonowana ti fanatu;#19:12 Iti mate <<Yuniki.>> Giliki alinadi yai Yuniki aniyona mate taumoho mwauna luwaga sa nigohidi (doha salai o ꞌwayowa). Au italau, Paisowa 8:27.
na haisa mate, Galewa Basileiya Nuꞌuna debana yai, ibege ti nahi.
Liba te, sai gonowana ya abi, mate i abi.
Wawaya Kikiꞌina Yesu ya Liba Faloholohodi
Matiu 19:13-15
(Maleko 10:13-16; Luka 18:15-17)
13Dodoga haisa wawaya sa ledima Yesu lisina, be haba nimana ya toledi ai hewadi, yo edi ya lauꞌuꞌula. Inmoho, tau famuli watanina, dodogadi sa sagasagaliyedi. 14Yesu iyen,
Ti otawa! Ti laoma lisigu! Tabu au guduguduidi, paꞌana Galewa Basileiyana mate iti enehedi.
15Nimana yai ya abiꞌinadi, habahim nuꞌu ni ya lau afulen.
Hewali Fafagogona
Matiu 19:16-30
(Maleko 10:17-31; Luka 18:18-30)
16Fuya maꞌesega, hewali hesa ya laoma Yesu lisina, be iyen,
Tanuwaga, laulau loholohona somo haba E ginauli, be mwahuli hige sigana ainiya E mahano?
17Alinana Yesu ya bui, iyen,
Paꞌana somo, somo ya loholoho fatiꞌona wa fatiꞌogu? Esega moho, In Yaubada mate ya loholoho. Yena wa fanuha bena mwahuli otaꞌotafahina wa abi, mate ena laugagayo u awaꞌabiyedi.
18Hewali wa ya fatiꞌo boda iyen,
Laugagayo tausom?
Alinana Yesu ya fafuyo iyen,
Tatau yo wawahin mai nahinahi tabu au eno bili maidamiu mai nahinahi haisa. Tabu u aiyunu; tabu u angafu; tabu hidam u fagilu napai; 19tamam yo tinam bena wa faꞌatitiyedi; yo falem tau miya u gadosisiyedi, doha um wa gadosisiyem. (Esedo 20:12-16; Lewitikusi 19:18; Galeisiya 5:14; Hebelu 13:9; Diyemsi 2:8)
20Hewali wa iyen,
Mahudoꞌidi E miyamiyaꞌedi. Na somo hesa hola hige ya ginauli?
21Yesu ya libalau lisina, iyen,
Yena wa fanuha bena wa loholoho wananaha, u lau be em ginauli mahudoꞌina u uneꞌune afuledi, na maisadi tau gogo gesagesa u feledi, na u laoma, u famuli watanigu! Ai Galewa, habahim wa fagogo.
22Hewali ya atahi, yofede, ma nuwa heyayana ya aulaha, paꞌana in ya fagogo wananaha.
23Yesu ya libalau tau famuli watanina lisidi, iyen,
E falibamiu, tau fagogo dodogadi bena Yaubada sa famuli watan mate lisidi yai ya pili. 24Libana eseꞌesegana haba E falau boda mate, kamela gonowana diu ai galina ya luhulau. Na tau fagogo Yaubada ena Basileiya luhuluhu launa lisidi yai pilipili.
25Tau famuli watanina sa atahi, yofede, sa noꞌo. Sa fatiꞌo, tiyen,
Fede! Sai haba ya mwahuli?
26Yesu ya itaꞌita lau lisidi, na alinadi ya bui, iyen,
Dodoga hige gonowadi. Na Yaubada gonowana ginauli mahudoꞌidi ya ginaulidi.
27Habahim, Pita ya fatiꞌo, iyen,
Ai ginauli mahudoꞌina haꞌa ꞌe lau afulen, na ꞌe famuli watanim. Somo haba ꞌe abi?
28Yesu ya falibadi, iyen,
E liba dudulai mate, fuyana yai ginauli sa fafalifalihudi, yo Doga Natuna ena aba taꞌai namanamalina yai ya taꞌai, be ginauli mahudoꞌina ya fakasa, haba umi, tau famuli watanigu ouꞌoulimiu safuhudohudoꞌi luwaga, haba ai aba taꞌai 12 ami taꞌai hinaga. Be Sulu Isalaela safuhudohudoꞌi luwaga ami fakasadi.
29Sai laꞌi ena luma, haidana, lofuna, tamana, tinana, nanatuna o tanohi ya lau afuledi, yau debagu yai mate haba ya fagogo wananaha, yo mwahuli hige sigana haba ya abi. 30Inmoho, saluma iti tau bwaꞌi mate, haba sa mulita, na haisa sa mulita, haba sa bwaꞌi
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© 2024, SIL Global. All Rights Reserved.