Чапарзабазул ишал 2
2
2 бетӀер
Чапарзабазухъе Илагьияб РухӀ рещтӀуна
1КӀикъоялда анцӀабилеб къоялъул байрамалда#2:1 Пасхаялдаса хадуб кӀикъоялда анцӀабилеб къоялъ гьабулеб жугьутӀазул байрам – тӀощел лъилъизе байбихьулеб къо. киналго цо рокъоре данделъун рукӀана. 2Гьале цойидасан зобалазда бахъана гьалагаб гьорол гӀадаб гьаракь, ва гьал жанир рукӀараб рокъоб багъана гьеб.
3Гьезда бихьана цӀадул мацӀал гӀадинаб жо боржанхъулеб, цинги бикь-бикьун ун гьазул щивасда тӀад рещтӀана гьел цӀадул мацӀал. 4Илагьияб РухӀалъ цӀуна гьел киналго ва, РухӀалъ хӀалкӀолъи кьун, цогидал мацӀазда кӀалъазе лъугьана.
5Гьел къоязда Иерусалималде рачӀун рукӀана дуниялалъул ункъабго рахъалда ругел киналго пачалихъаздаса жугьутӀазул вализаби. 6Гьеб гьаракь рагӀун халкъалъул руккелал данделъана гьенире. Жидер щивасул мацӀалда гьел кӀалъалел рагӀидал, гӀажаиблъун хутӀана гӀадамал.
7-8– Гьални Галилеялда рижарал чагӀи ругин, нилъер мацӀ гьазда кинха лъазе кколеб? – ан хӀикмалъун, тамашалъун абулеб букӀана гьез цоцазда. – Нилъер щивасул рахьдал мацӀалда кӀалъалел ругогури гьал! 9Нилъеда гъорлъ руго Парфиялъулги, Мидиялъулги, Эламалъулги гӀадамал, гьединго Месопотамиялда, Ягьудиялда ва Каппадокиялда, Понталда ва Асиялда, 10Фригиялда ва Памфилиялда, Мисриялда ва Киренаялъулаб Ливиялъул улкабазда яшав гьабун чӀарал гӀадамал ва Рималдаса зияраталъе рачӀарал 11(нилъеда гьоркьор руго жугьутӀалги жугьутӀазул дин босаралги), гьединго Криталъул гӀадамал ва гӀарабал. Аллагьасул хӀалкӀолъиялдалъун лъугьарал кӀудиял ишазул хӀакъалъулъ нилъер щивасул рахьдал мацӀалда кӀалъалел ругогури гьал!
12Гьедин гӀажаиблъун-хӀикмалъун, гьелъул магӀна щибдайилан цоцазда гаргадулел хутӀун рукӀана гьел гӀадамал. 13Амма цо-цояз, гьелги гӀад-хочӀ гьарун, абулеб букӀана цӀияб чагъир гӀадалъе бахун бугин гьездаян.
Пётрица халкъалъе хабар бицунеб буго
14Гьебмехалъ Пётрги гьесда цадахъ вукӀарав анцӀила цо чапарги цевегӀан вачӀана. Халкъалда рагӀиледухъ гьаракь борхун Пётрица абуна:
– Я, вацал жугьутӀал ва Иерусалималъул тӀолабго жамагӀат! ГӀенеккея! Гьалъул магӀна щибали бичӀчӀизабизе биччай! ГӀинтӀаме дир рагӀабазухъ!
15Нужеда ракӀалде кковухъе, мехтун гуро гьал ругел. Щайгурелъул жеги сагӀат ичӀго тӀубачӀеб рогьалил гӀуж бугелъул. 16Амма гьаб буго Йоэл аварагасда Аллагьас абураб гьадинаб калима ритӀухълъиялъул гӀаламат: 17«Аллагьас абулеб буго: Ахирзаман тӀаде щведал, гьадин букӀина – Дир РухӀалъул хӀалкӀолъи чвахизабила дица щибаб рижиялда тӀаде. Нужер бихьиназдеги руччабаздеги рещтӀина Аллагьасул рагӀи, нужер гӀолохъабазухъе гьеб илгьамалдалъун щвела, нужер херазухъе гьеб макьилъ бихьун щвела. 18Дир лагъзадерида ва гъаравашазда тӀадеги чвахизабила гьел къоязда Дир РухӀалъул хӀалкӀолъи, ва гьездеги рещтӀина Аллагьасул рагӀи. 19Дица тӀасан зобалаздасан мугӀжизатал рихьизарила, гъоркьан ракьалдасан гӀаламатал рихьизарила. БукӀина биги, цӀаги, кӀкӀуйдул хӀубиги. 20Бакъул гордо бецӀлъила, моцӀ биялде сверила. Гьеб лъугьина БетӀергьанасул кӀудияб ва гвангъараб къо тӀаде щвелалде. 21Ва БетӀергьанасул цӀар рехсаравщинав чи хвасарлъила».
22Я, вацал жугьутӀал! ГӀенекке гьал дир рагӀабазухъ. Назареталдаса ГӀиса вукӀана жинца гьев нужехъе витӀун вукӀин Аллагьас чӀахӀиял ишаздалъунги, гӀаламатаздалъунги, мугӀжизатаздалъунги нужеда лъазабурав чи. ГӀисадалъун тӀубазабуна гьеб кинабго нужеда гьоркьоб Аллагьас. Гьеб нужедаги лъала. 23Аллагьасул хӀукмуги къадарги гьединаб букӀиндал, мунапикъазул квераз хъанчида ван, магӀал кьабун, чӀвазавуна нужеца. 24РухӀ бахъиялъул гӀазабалдаса хвасар гьавун, Аллагьас гьев хваралъуса вахъинавуна, хвалил рахсазда кквезе кӀвечӀелъул. 25Гьесул хӀакъалъулъ Давудица гьадин абун бугелъулха: «БетӀергьан кидаго дир берзукь вуго. Дун тарунгутӀизе, хъущтӀунгутӀизе дир кваранаб рахъалда чӀун вуго гьев. 26Гьелъ дир ракӀ аваданлъизабуна. Дир кӀалдисан унеб рагӀиги рохалилаб буго. ХӀатта дир напсгицин гьанже хьулазда букӀина. 27Щайгурелъул дуца дир рухӀ хабалъ теларо, дурго ракӀбацӀцӀадав лагъ ракьул гвандинив туризавиларо. 28Дуца дида гӀумруялъул Нух бихьизабуна. Мун дида аскӀов вугеб мехалъ рохалил цӀела дир ракӀ».
29Я, вацал! Нилъер цо кьолбол кӀудияв эмен Давудил хӀакъалъулъ гьадин абунилан гӀайиб гьабуге: гьев хвана, хабалъ букъана гьесул черх, гьесул хоб бугеб бакӀги лъала нилъеда жакъа къоялдаги. 30Гьев авараг вукӀиндал, гьесда лъалаан Аллагьас гьесие гьедун къотӀи гьабун букӀин гьесул кьибилалда вижарав цояв жиндир тахида гӀодов чӀезавилилан. 31Цебеккунго Давудида лъалеб букӀана МасихӀ хваралъуса вахъинавизе вукӀин: гьев хабалъ толарилан ва гьесул черх туруларинги абун букӀана. 32Гьев ГӀиса Аллагьас хваралъуса вахъинавуна, гьале ниж киналго руго гьелъие нугӀзаллъун. 33Аллагьасул кваранаб рахъалде вахиндал, гьес гӀадамазде чвахизабуна, рагӀи кьун букӀиндал Инсудасан щвараб Илагьияб РухӀ. Гьеб нужеда бихьулебги рагӀулебги буго. 34-35Живго Давуд Аллагьас зобалазде восун ун гьечӀониги, гьес абурал гьадинал рагӀаби руго: «ТӀадегӀанав Аллагьас дир БетӀергьанасда абуна: „Дир кваранаб рахъалда гӀодов вукӀа, дица дур тушбаби дур хӀатӀал лъураб бакӀалда цере чӀезаризегӀан“». 36ХӀасил, Исраилил тӀолабго халкъалда лъан букӀа гьев нужеца хъанчида варав ГӀиса Аллагьас ТӀадегӀанавлъунги ва МасихӀлъунги гьавуравлъи.
37Гьел рагӀаби гӀадамазул рекӀел мащабазулъе ана. Нижеца щибха, вацал, гьанже гьабизе кколебилан гьикъана гьез Пётридаги цогидал чапарзабаздаги. 38Пётрица гьезда абуна:
– Нуж кантӀе ва нужерго мунагьал чуризе, МасихӀ ГӀисал цӀар рехсон, щивав чи лъадалъ ччун вахъизаве, ва сайигъатлъун Илагьияб РухӀ рещтӀина нужехъе. 39Нужееги, нужер лъималазеги, нилъер ТӀадегӀанав Аллагьас жиндаго аскӀоре ахӀанщинал рикӀкӀада ругезеги, гьединаб рагӀи кьун бугелъул БетӀергьанас.
40Гьединалги цогидалги гӀемерал рагӀабаздалъун МасихӀил хӀакъалъулъ бицунеб букӀана гьес. Гьаб пасатаб умматалдаса цӀунейилан малъулеб букӀана. 41Гьесул рагӀаби къабул гьабурал гӀадамал лъадалъ ччун рахъана. Гьеб къоялъ лъабазаргогӀанасев чияс цӀикӀкӀана гьезул агьлу.
42Гьелдаса хадуб гьел гӀадамал тӀадчӀун гӀенеккулаан чапарзабазул малъа-хъваязухъ, цоцазулгун хурхен-рухьен гьабулаан, жидедаго гьоркьоб бекун чед бикьулаан ва какал ралаан.
Иман лъуразул гӀумру-яшав
43Киналго гӀадамазул рекӀелъе лъугьана Аллагьасдаса хӀинкъи: чапарзабаздалъун Аллагьас рихьизаруна гӀемерал хӀикматал ишалги мугӀжизаталги. 44Киналго муъминзабаз магӀишат дандбана. 45Хур-мулк бичулаан, гьелъухъ щвараб гӀарацги бикьулаан гьелде хӀажалъи кканщиназе. 46Щибаб къоялъ цоцазулгун ракълида Мукъадасаб Рокъоре хьвадиялда тӀадчӀана гьел. Жидерго рокъоб бекун чед бикьулаан, ракӀ разиго ва ракӀ бащадго цадахъ кваналаан. 47Гьез Аллагьасе рецц гьабулеб букӀана, халкъалъе гьелги рокьулел рукӀана. Аллагьас щибаб къоялъ гьезул агьлуялда гьоркьоре лъугьинарулел рукӀана хвасарлъарал гӀадамал.
वर्तमान में चयनित:
Чапарзабазул ишал 2: АварАК
हाइलाइट
शेयर
कॉपी
Want to have your highlights saved across all your devices? Sign up or sign in
© Институт перевода Библии, 2005-2023
Чапарзабазул ишал 2
2
2 бетӀер
Чапарзабазухъе Илагьияб РухӀ рещтӀуна
1КӀикъоялда анцӀабилеб къоялъул байрамалда#2:1 Пасхаялдаса хадуб кӀикъоялда анцӀабилеб къоялъ гьабулеб жугьутӀазул байрам – тӀощел лъилъизе байбихьулеб къо. киналго цо рокъоре данделъун рукӀана. 2Гьале цойидасан зобалазда бахъана гьалагаб гьорол гӀадаб гьаракь, ва гьал жанир рукӀараб рокъоб багъана гьеб.
3Гьезда бихьана цӀадул мацӀал гӀадинаб жо боржанхъулеб, цинги бикь-бикьун ун гьазул щивасда тӀад рещтӀана гьел цӀадул мацӀал. 4Илагьияб РухӀалъ цӀуна гьел киналго ва, РухӀалъ хӀалкӀолъи кьун, цогидал мацӀазда кӀалъазе лъугьана.
5Гьел къоязда Иерусалималде рачӀун рукӀана дуниялалъул ункъабго рахъалда ругел киналго пачалихъаздаса жугьутӀазул вализаби. 6Гьеб гьаракь рагӀун халкъалъул руккелал данделъана гьенире. Жидер щивасул мацӀалда гьел кӀалъалел рагӀидал, гӀажаиблъун хутӀана гӀадамал.
7-8– Гьални Галилеялда рижарал чагӀи ругин, нилъер мацӀ гьазда кинха лъазе кколеб? – ан хӀикмалъун, тамашалъун абулеб букӀана гьез цоцазда. – Нилъер щивасул рахьдал мацӀалда кӀалъалел ругогури гьал! 9Нилъеда гъорлъ руго Парфиялъулги, Мидиялъулги, Эламалъулги гӀадамал, гьединго Месопотамиялда, Ягьудиялда ва Каппадокиялда, Понталда ва Асиялда, 10Фригиялда ва Памфилиялда, Мисриялда ва Киренаялъулаб Ливиялъул улкабазда яшав гьабун чӀарал гӀадамал ва Рималдаса зияраталъе рачӀарал 11(нилъеда гьоркьор руго жугьутӀалги жугьутӀазул дин босаралги), гьединго Криталъул гӀадамал ва гӀарабал. Аллагьасул хӀалкӀолъиялдалъун лъугьарал кӀудиял ишазул хӀакъалъулъ нилъер щивасул рахьдал мацӀалда кӀалъалел ругогури гьал!
12Гьедин гӀажаиблъун-хӀикмалъун, гьелъул магӀна щибдайилан цоцазда гаргадулел хутӀун рукӀана гьел гӀадамал. 13Амма цо-цояз, гьелги гӀад-хочӀ гьарун, абулеб букӀана цӀияб чагъир гӀадалъе бахун бугин гьездаян.
Пётрица халкъалъе хабар бицунеб буго
14Гьебмехалъ Пётрги гьесда цадахъ вукӀарав анцӀила цо чапарги цевегӀан вачӀана. Халкъалда рагӀиледухъ гьаракь борхун Пётрица абуна:
– Я, вацал жугьутӀал ва Иерусалималъул тӀолабго жамагӀат! ГӀенеккея! Гьалъул магӀна щибали бичӀчӀизабизе биччай! ГӀинтӀаме дир рагӀабазухъ!
15Нужеда ракӀалде кковухъе, мехтун гуро гьал ругел. Щайгурелъул жеги сагӀат ичӀго тӀубачӀеб рогьалил гӀуж бугелъул. 16Амма гьаб буго Йоэл аварагасда Аллагьас абураб гьадинаб калима ритӀухълъиялъул гӀаламат: 17«Аллагьас абулеб буго: Ахирзаман тӀаде щведал, гьадин букӀина – Дир РухӀалъул хӀалкӀолъи чвахизабила дица щибаб рижиялда тӀаде. Нужер бихьиназдеги руччабаздеги рещтӀина Аллагьасул рагӀи, нужер гӀолохъабазухъе гьеб илгьамалдалъун щвела, нужер херазухъе гьеб макьилъ бихьун щвела. 18Дир лагъзадерида ва гъаравашазда тӀадеги чвахизабила гьел къоязда Дир РухӀалъул хӀалкӀолъи, ва гьездеги рещтӀина Аллагьасул рагӀи. 19Дица тӀасан зобалаздасан мугӀжизатал рихьизарила, гъоркьан ракьалдасан гӀаламатал рихьизарила. БукӀина биги, цӀаги, кӀкӀуйдул хӀубиги. 20Бакъул гордо бецӀлъила, моцӀ биялде сверила. Гьеб лъугьина БетӀергьанасул кӀудияб ва гвангъараб къо тӀаде щвелалде. 21Ва БетӀергьанасул цӀар рехсаравщинав чи хвасарлъила».
22Я, вацал жугьутӀал! ГӀенекке гьал дир рагӀабазухъ. Назареталдаса ГӀиса вукӀана жинца гьев нужехъе витӀун вукӀин Аллагьас чӀахӀиял ишаздалъунги, гӀаламатаздалъунги, мугӀжизатаздалъунги нужеда лъазабурав чи. ГӀисадалъун тӀубазабуна гьеб кинабго нужеда гьоркьоб Аллагьас. Гьеб нужедаги лъала. 23Аллагьасул хӀукмуги къадарги гьединаб букӀиндал, мунапикъазул квераз хъанчида ван, магӀал кьабун, чӀвазавуна нужеца. 24РухӀ бахъиялъул гӀазабалдаса хвасар гьавун, Аллагьас гьев хваралъуса вахъинавуна, хвалил рахсазда кквезе кӀвечӀелъул. 25Гьесул хӀакъалъулъ Давудица гьадин абун бугелъулха: «БетӀергьан кидаго дир берзукь вуго. Дун тарунгутӀизе, хъущтӀунгутӀизе дир кваранаб рахъалда чӀун вуго гьев. 26Гьелъ дир ракӀ аваданлъизабуна. Дир кӀалдисан унеб рагӀиги рохалилаб буго. ХӀатта дир напсгицин гьанже хьулазда букӀина. 27Щайгурелъул дуца дир рухӀ хабалъ теларо, дурго ракӀбацӀцӀадав лагъ ракьул гвандинив туризавиларо. 28Дуца дида гӀумруялъул Нух бихьизабуна. Мун дида аскӀов вугеб мехалъ рохалил цӀела дир ракӀ».
29Я, вацал! Нилъер цо кьолбол кӀудияв эмен Давудил хӀакъалъулъ гьадин абунилан гӀайиб гьабуге: гьев хвана, хабалъ букъана гьесул черх, гьесул хоб бугеб бакӀги лъала нилъеда жакъа къоялдаги. 30Гьев авараг вукӀиндал, гьесда лъалаан Аллагьас гьесие гьедун къотӀи гьабун букӀин гьесул кьибилалда вижарав цояв жиндир тахида гӀодов чӀезавилилан. 31Цебеккунго Давудида лъалеб букӀана МасихӀ хваралъуса вахъинавизе вукӀин: гьев хабалъ толарилан ва гьесул черх туруларинги абун букӀана. 32Гьев ГӀиса Аллагьас хваралъуса вахъинавуна, гьале ниж киналго руго гьелъие нугӀзаллъун. 33Аллагьасул кваранаб рахъалде вахиндал, гьес гӀадамазде чвахизабуна, рагӀи кьун букӀиндал Инсудасан щвараб Илагьияб РухӀ. Гьеб нужеда бихьулебги рагӀулебги буго. 34-35Живго Давуд Аллагьас зобалазде восун ун гьечӀониги, гьес абурал гьадинал рагӀаби руго: «ТӀадегӀанав Аллагьас дир БетӀергьанасда абуна: „Дир кваранаб рахъалда гӀодов вукӀа, дица дур тушбаби дур хӀатӀал лъураб бакӀалда цере чӀезаризегӀан“». 36ХӀасил, Исраилил тӀолабго халкъалда лъан букӀа гьев нужеца хъанчида варав ГӀиса Аллагьас ТӀадегӀанавлъунги ва МасихӀлъунги гьавуравлъи.
37Гьел рагӀаби гӀадамазул рекӀел мащабазулъе ана. Нижеца щибха, вацал, гьанже гьабизе кколебилан гьикъана гьез Пётридаги цогидал чапарзабаздаги. 38Пётрица гьезда абуна:
– Нуж кантӀе ва нужерго мунагьал чуризе, МасихӀ ГӀисал цӀар рехсон, щивав чи лъадалъ ччун вахъизаве, ва сайигъатлъун Илагьияб РухӀ рещтӀина нужехъе. 39Нужееги, нужер лъималазеги, нилъер ТӀадегӀанав Аллагьас жиндаго аскӀоре ахӀанщинал рикӀкӀада ругезеги, гьединаб рагӀи кьун бугелъул БетӀергьанас.
40Гьединалги цогидалги гӀемерал рагӀабаздалъун МасихӀил хӀакъалъулъ бицунеб букӀана гьес. Гьаб пасатаб умматалдаса цӀунейилан малъулеб букӀана. 41Гьесул рагӀаби къабул гьабурал гӀадамал лъадалъ ччун рахъана. Гьеб къоялъ лъабазаргогӀанасев чияс цӀикӀкӀана гьезул агьлу.
42Гьелдаса хадуб гьел гӀадамал тӀадчӀун гӀенеккулаан чапарзабазул малъа-хъваязухъ, цоцазулгун хурхен-рухьен гьабулаан, жидедаго гьоркьоб бекун чед бикьулаан ва какал ралаан.
Иман лъуразул гӀумру-яшав
43Киналго гӀадамазул рекӀелъе лъугьана Аллагьасдаса хӀинкъи: чапарзабаздалъун Аллагьас рихьизаруна гӀемерал хӀикматал ишалги мугӀжизаталги. 44Киналго муъминзабаз магӀишат дандбана. 45Хур-мулк бичулаан, гьелъухъ щвараб гӀарацги бикьулаан гьелде хӀажалъи кканщиназе. 46Щибаб къоялъ цоцазулгун ракълида Мукъадасаб Рокъоре хьвадиялда тӀадчӀана гьел. Жидерго рокъоб бекун чед бикьулаан, ракӀ разиго ва ракӀ бащадго цадахъ кваналаан. 47Гьез Аллагьасе рецц гьабулеб букӀана, халкъалъе гьелги рокьулел рукӀана. Аллагьас щибаб къоялъ гьезул агьлуялда гьоркьоре лъугьинарулел рукӀана хвасарлъарал гӀадамал.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© Институт перевода Библии, 2005-2023