Иоанн 20
20
20 бетӀер
Муридазда хоб чӀобого батула
1Анкьил тӀоцебесеб къоялъ хъахӀлъи балалдего яхъун Магдалаялдаса Марям ГӀисал хабаде щвана. Хабал нохъодул кӀалтӀаса гамачӀ нахъе гиризабун батана гьелда. 2Екерун ун гьелъ Симон Пётридаги ва ГӀисае вокьулев вукӀарав дов муридасдаги бицана ТӀадегӀанав ГӀиса хабалъ гьечӀин, гьениса восун кив гьев лъуравалиги лъаларин нижеда. 3ГьебсагӀат рахъун Пётрги дов муридги ГӀисал хабаде ана. 4КӀиялго цадахъ рекерулел рукӀана гьел, амма дов мурид тулакав вукӀун, Пётридаса цеве щвана гьениве. 5Жаниве къулун валагьидал, мусрал рихьана гьесда гьенир, амма нохъоде гьев лъугьинчӀо. 6ТӀаде щун хабал нохъоде лъугьарав Пётридаги рихьана гьенир мусралги 7ГӀисал бетӀер бухьун букӀараб квербацӀцӀги. Гьеб квербацӀцӀ мусраздаса батӀаго гура-сурун лъун бугоан. 8ТӀоцеве гьениве щварав дов муридги лъугьана жаниве. ГӀисал хоб чӀобого бихьидал, божана гьев. 9ГӀиса хваралъуса вахъинилан ТӀухьдузда бихьизабун букӀаралъул магӀна жеги бичӀчӀун букӀинчӀо гьезда. 10Цинги гьел муридал рокъоре ана.
Магдалаялдаса Марямида вихьула ГӀиса
11Дой Марям хутӀана къватӀиехун яхъун чӀун гӀодулей. Цинги гӀодулаго гьейги къулана хабалъе. 12ГӀисал жаназа букӀараб бакӀалда къаданив гӀодов чӀун цояв, хӀатӀаахада гӀодов чӀун цогияв – хъахӀаб гӀабаги ретӀарав кӀиго малаик вихьана гьелда. 13Гьез Марямида гьикъана:
– Йо, чӀужугӀадан, щай мун гӀодулей йигей?
Гьелъ абуна:
– Дир ТӀадегӀанав гьаниса нахъе восун ун вуго, кив гьев лъуравалиги лъалеб гьечӀо дида.
14Гьединги абун нахъехун юссиндал, ГӀиса ватана нахъа чӀун. Амма гьелда лъачӀо гьев ГӀиса вукӀин. 15ГӀисаца гьикъана:
– Йо, чӀужугӀадан, щай мун гӀодулей йигей? Щив дуца гьанив валагьулев вугев?
Ахихъан ватилин гьевилан ккун, Марямица абуна:
– Я, бетӀерчӀахъад, дуца гьасул жаназа хабалъа бахъараб батани, киб гьеб лъурабали бице. Дица нахъе босила гьеб.
16– Марям! – абун, цӀар ахӀун, кӀалъана гьелда ГӀиса.
– Я, Раббуни! – ян ахӀана Марямица кьурун гьесдехун юссун (МугӀалим абураб магӀна буго жугьутӀ мацӀалда гьеб рагӀул.)
17ГӀисаца гьелда абуна:
– Воре, дуца дун ккун чӀезавуге, жеги дун дирго Инсухъе щун гьечӀин. Гьанже дир вацазухъе ун, дуца гьезда бице ГӀисаца абунин, дирги нужерги Инсухъе, дирги нужерги Аллагьасухъе тӀадвуссун унев вугин дун.
18Инеги ун Магдалаялдаса Марямица муридазда бицана жиндаго ТӀадегӀанав вихьиялъулги ва гьес жинда бицаралъулги хӀакъалъулъ.
ГӀиса муридаздаги вихьула
19Анкьил тӀоцебесеб гьебго къоялъул маркӀачӀумехалъ ягьудияз жидеего зарал гьабилилан хӀинкъун, нахъасан нуцӀаги рахан муридал ругеб мехалъ, жаниве лъугьун, ракълида хутӀагийилан саламги кьун, рукъ бакьулъ вахъун чӀана ГӀиса.
20Цинги гьес жиндирго квералги хьибилги рихьизаруна гьезда. ТӀадегӀанав ГӀиса вихьиялдаса рохана муридал.
21– Ракълида хутӀаги! – ян такрарги гьабун, ГӀисаца гьезда абуна:
– Дир Инсуца дун витӀарав гӀадин, дица нужги ритӀулел руго.
22– Гьаб Илагьияб РухӀ къабул гьабе, – янги абун, цинги пуна ГӀисаца гьезда тӀаде:
– 23Нужеца чурараб мунагь Аллагьасги чурила гӀадамазул. Нужеца чуричӀеб гьесги чуриларо.
ГӀисаца Фома божизавула
24АнцӀила кӀигоязда гьоркьоса «КӀилъилав» абун тӀокӀцӀар бугев мурид Фома вукӀинчӀо ГӀиса вачӀараб мехалъ гьезда аскӀов. 25ТӀадегӀанав ГӀиса вихьанин жидедаян бицана цогидал муридаз Фомада. Амма гьес абуна, гьесул кверазда магӀазул ругънал жиндаго рихьизегӀан, магӀаз лъурал ругъназда килищги хъвазегӀан, хочоца лъураб ругънада кверги хъвазегӀан, жив божиларилан.
26Микьго къоялдасан, нуцӀаги нахъасан рахан, гьенирго данделъун рукӀана муридал. Фомаги вукӀана гьенив. Рукъ бакьулъ вахъун чӀун, ракълида хутӀагийилан салам кьуна ГӀисаца гьезие. 27Цинги гьес Фомада абуна:
– Бихьея, дур килищ кье дир кверазда ругел ругъназда хъвазе, дур кверги кье дихъе дир хьолбода бугеб ругънада лъезе. Дун чӀаго вукӀиналда щаклъуге, божа мун гьелда.
28– Я, дир БетӀергьан! Я, дир Аллагь! – ан абуна гьесда Фомаца.
29ГӀисаца гьесда абуна:
– Дун вихьун, божана мун дида. Гьардарал гурищха дун вихьичӀониги божулел гӀадамал!
Гьаб тӀехь хъваялъул мурад
30Гьаб тӀехьалда хъвачӀел цогидалги гӀемерал хӀикматал ишал гьаруна ГӀисаца, жиндирго муридазда цадахъ гьев вукӀараб заманаялда. 31Амма гьаб хъвана гьев ГӀиса Аллагьасул Вас МасихӀ вукӀиналде нужеца иман лъезе бокьун ва гьелдалъун нужее абадияб гӀумру насиблъизеги бокьун.
वर्तमान में चयनित:
Иоанн 20: АварАК
हाइलाइट
शेयर
कॉपी
Want to have your highlights saved across all your devices? Sign up or sign in
© Институт перевода Библии, 2005-2023
Иоанн 20
20
20 бетӀер
Муридазда хоб чӀобого батула
1Анкьил тӀоцебесеб къоялъ хъахӀлъи балалдего яхъун Магдалаялдаса Марям ГӀисал хабаде щвана. Хабал нохъодул кӀалтӀаса гамачӀ нахъе гиризабун батана гьелда. 2Екерун ун гьелъ Симон Пётридаги ва ГӀисае вокьулев вукӀарав дов муридасдаги бицана ТӀадегӀанав ГӀиса хабалъ гьечӀин, гьениса восун кив гьев лъуравалиги лъаларин нижеда. 3ГьебсагӀат рахъун Пётрги дов муридги ГӀисал хабаде ана. 4КӀиялго цадахъ рекерулел рукӀана гьел, амма дов мурид тулакав вукӀун, Пётридаса цеве щвана гьениве. 5Жаниве къулун валагьидал, мусрал рихьана гьесда гьенир, амма нохъоде гьев лъугьинчӀо. 6ТӀаде щун хабал нохъоде лъугьарав Пётридаги рихьана гьенир мусралги 7ГӀисал бетӀер бухьун букӀараб квербацӀцӀги. Гьеб квербацӀцӀ мусраздаса батӀаго гура-сурун лъун бугоан. 8ТӀоцеве гьениве щварав дов муридги лъугьана жаниве. ГӀисал хоб чӀобого бихьидал, божана гьев. 9ГӀиса хваралъуса вахъинилан ТӀухьдузда бихьизабун букӀаралъул магӀна жеги бичӀчӀун букӀинчӀо гьезда. 10Цинги гьел муридал рокъоре ана.
Магдалаялдаса Марямида вихьула ГӀиса
11Дой Марям хутӀана къватӀиехун яхъун чӀун гӀодулей. Цинги гӀодулаго гьейги къулана хабалъе. 12ГӀисал жаназа букӀараб бакӀалда къаданив гӀодов чӀун цояв, хӀатӀаахада гӀодов чӀун цогияв – хъахӀаб гӀабаги ретӀарав кӀиго малаик вихьана гьелда. 13Гьез Марямида гьикъана:
– Йо, чӀужугӀадан, щай мун гӀодулей йигей?
Гьелъ абуна:
– Дир ТӀадегӀанав гьаниса нахъе восун ун вуго, кив гьев лъуравалиги лъалеб гьечӀо дида.
14Гьединги абун нахъехун юссиндал, ГӀиса ватана нахъа чӀун. Амма гьелда лъачӀо гьев ГӀиса вукӀин. 15ГӀисаца гьикъана:
– Йо, чӀужугӀадан, щай мун гӀодулей йигей? Щив дуца гьанив валагьулев вугев?
Ахихъан ватилин гьевилан ккун, Марямица абуна:
– Я, бетӀерчӀахъад, дуца гьасул жаназа хабалъа бахъараб батани, киб гьеб лъурабали бице. Дица нахъе босила гьеб.
16– Марям! – абун, цӀар ахӀун, кӀалъана гьелда ГӀиса.
– Я, Раббуни! – ян ахӀана Марямица кьурун гьесдехун юссун (МугӀалим абураб магӀна буго жугьутӀ мацӀалда гьеб рагӀул.)
17ГӀисаца гьелда абуна:
– Воре, дуца дун ккун чӀезавуге, жеги дун дирго Инсухъе щун гьечӀин. Гьанже дир вацазухъе ун, дуца гьезда бице ГӀисаца абунин, дирги нужерги Инсухъе, дирги нужерги Аллагьасухъе тӀадвуссун унев вугин дун.
18Инеги ун Магдалаялдаса Марямица муридазда бицана жиндаго ТӀадегӀанав вихьиялъулги ва гьес жинда бицаралъулги хӀакъалъулъ.
ГӀиса муридаздаги вихьула
19Анкьил тӀоцебесеб гьебго къоялъул маркӀачӀумехалъ ягьудияз жидеего зарал гьабилилан хӀинкъун, нахъасан нуцӀаги рахан муридал ругеб мехалъ, жаниве лъугьун, ракълида хутӀагийилан саламги кьун, рукъ бакьулъ вахъун чӀана ГӀиса.
20Цинги гьес жиндирго квералги хьибилги рихьизаруна гьезда. ТӀадегӀанав ГӀиса вихьиялдаса рохана муридал.
21– Ракълида хутӀаги! – ян такрарги гьабун, ГӀисаца гьезда абуна:
– Дир Инсуца дун витӀарав гӀадин, дица нужги ритӀулел руго.
22– Гьаб Илагьияб РухӀ къабул гьабе, – янги абун, цинги пуна ГӀисаца гьезда тӀаде:
– 23Нужеца чурараб мунагь Аллагьасги чурила гӀадамазул. Нужеца чуричӀеб гьесги чуриларо.
ГӀисаца Фома божизавула
24АнцӀила кӀигоязда гьоркьоса «КӀилъилав» абун тӀокӀцӀар бугев мурид Фома вукӀинчӀо ГӀиса вачӀараб мехалъ гьезда аскӀов. 25ТӀадегӀанав ГӀиса вихьанин жидедаян бицана цогидал муридаз Фомада. Амма гьес абуна, гьесул кверазда магӀазул ругънал жиндаго рихьизегӀан, магӀаз лъурал ругъназда килищги хъвазегӀан, хочоца лъураб ругънада кверги хъвазегӀан, жив божиларилан.
26Микьго къоялдасан, нуцӀаги нахъасан рахан, гьенирго данделъун рукӀана муридал. Фомаги вукӀана гьенив. Рукъ бакьулъ вахъун чӀун, ракълида хутӀагийилан салам кьуна ГӀисаца гьезие. 27Цинги гьес Фомада абуна:
– Бихьея, дур килищ кье дир кверазда ругел ругъназда хъвазе, дур кверги кье дихъе дир хьолбода бугеб ругънада лъезе. Дун чӀаго вукӀиналда щаклъуге, божа мун гьелда.
28– Я, дир БетӀергьан! Я, дир Аллагь! – ан абуна гьесда Фомаца.
29ГӀисаца гьесда абуна:
– Дун вихьун, божана мун дида. Гьардарал гурищха дун вихьичӀониги божулел гӀадамал!
Гьаб тӀехь хъваялъул мурад
30Гьаб тӀехьалда хъвачӀел цогидалги гӀемерал хӀикматал ишал гьаруна ГӀисаца, жиндирго муридазда цадахъ гьев вукӀараб заманаялда. 31Амма гьаб хъвана гьев ГӀиса Аллагьасул Вас МасихӀ вукӀиналде нужеца иман лъезе бокьун ва гьелдалъун нужее абадияб гӀумру насиблъизеги бокьун.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
© Институт перевода Библии, 2005-2023