လုကာ 5
5
အခန်း (၅)
ကိုယ်တော်ယေရှုပထမဆုံး တပည့်ဝဲ့
(မဿဲ ၄.၁၈-၂၂။ မာကု ၁.၁၆-၂၀)
1နှုတ်တောတ်တာ ကိုယ်တော်ယေရှုဝဟော့ ဂင်္နေသရက်တွီးအောင်း#5.1 ဂါလိလဲတွီးအောင်းသိမ်ဟော့မဟောက်။ စိမ်းငါ အရားတွန်းနာ ချောင်အွပ်သဟော့ ဘုရားရှင်နှုတ်ကပတ်တော်တရားဟော့ ယောက်အုံသိမ် ကိုယ်တော်ပတ်ပတ်လည်ယာ ယနိစုအုလူးတို့။ 2ကိုယ်တော်ယေရှုဝဟော့ ကမ်းနားဝါ ခင်လော့အွမ်းဟော့ ငိုးမမ်းဟော့လွှေညှောင်းဟိအမှုတို့။ တံငါတည်လော့ဟော လွှေယာဟော့ ကွမ်းလော့တဲ့ ငိုးမန်းပေါက်ငဟော့ အပွတ်တို့။ 3အနီပိစ ကိုယ်တော်ယဟော့လွှေညှောင်းဟိတ်ဒီတ်ကာဟော့ ရှိမုန်လွှေဒိက်ကာကော်လော့တဲ့ ရှမုန်လွှေငဟော့ ကမ်းနားဝါဟော့ နိုက်စအော်အခွာဝဲတောက်အမိန့်ပိတ်တို့။ အနီပုန်ပိ ကိုယ်တော်ဝဟော့ လွှေယာငုံလော့တဲ့ ချောင်ငဲ့ငါဆက်လော့သဲ့အစုပ်ဟော့တို့။
4ကိုယ်တော်လော့ဟောပြောပုန်ပိစလော့ ရှိမုန်ငါ "လွှေယဟော့ တွီးအထုတ်ပေါတ်တို လှောင်ရှောက်လော့ ငိုးမမ်းနိုင်းတောတ် နောင်းပေါက်ချောက်ကဲ့" သိမ်အဟောက်။
5ရှိမုန်လော့ "ဆရာဝိုး၊ ကနိလော့ ညမ်းနောတ်ဆက် ကြိုးစားအလော့ ငိုးမန်းအိုလော့ဟော ငိုးထိပ်ကောတ်ဟောအုပ်က။ ဆိတ်လော့ဟော ဆရာလော့နဟောက်ကြောင်း ပေါက်ကဟော့ ထောက်ဟူလော့ကချောက်ကိုင်း" သိမ်အဟောက်ဘော်။
6နီပေါင်ပိ ငိုးမမ်းနောက်ဒွန်းပေါက်ကဟော့ အချောက်ပြီးစလော့ ပေါက်ငဟော့ သပ်ဝေါ့အုံ ငိုမနည်းယနိမန်းလတို့။ 7အနီကြောင်းငို ယနိလော့ အရာလွှေယာ မွက်ဟော့ ပေါက်ဆမို့ ပူးဝဲ့ယာ ယနိယာအကူညီခုဝိုင့်တောတ်အချက်ပြအာတို့။ ယနိ ဖိုးလူးအလော့သဲ့ လွှေညှောင်းဟိယာ ငိုးယနိထိုက်ယာ ယနိလွှေအမြုပ်ဝိုင့်လှောက်ကာ အဖြစ်လူးလှိုင်း။
8နီအဖြစ်အပျက်သဲ့ ရှိမုန်ပေတရု#5.8 ရှိမုန်ငဟော့ ကိုယ်တော်လော့ ပေတရု သိမ်ဟော ဘိက်အိပ်လော့သဲ့ ဟေဘရူးပေါလ်ဝို လုံးသောက်သိမ် မလာ့။ ဟောနီအဖြစ်ငဟော့အမှုပုန်ပိလော့ ကိုယ်တော်ယေရှုရှေ့ဝါ ဒူးထောက်လော့သဲ့ "အရှင်၊ ကေ့ယဟော့ အပြစ်မွက်ဟော့ချောင်ကဖြစ်ကြောင်းငို ကေ့ငှာဟော့ အလှို့ဝါစိဘွေ" သိမ်အဟောက်။ 9ဘယ်သိမ်ကြောင်းငိုဝေါနိုးပုဝါ ယလော့ ချောင်တကားဟော ယနိလော့မမ်းလာ့ဝဟော့ ငိုးဝဲ့ကြောင်းငို အံ့ဩအလော့ပွယ့်ငှားအုံ ယနိဖြစ်လှိုင်း။ 10ယနိဒိက်ကာ ရှိမုန်ပုတ်ပွေးဖြစ်ဟော့ ၊ဇေဗေဒဲစိုးပေန်းဟိဖြစ်ဟော့ ယာကုပ်လော့ယောဟန်ဟော ယဟိအံဩတို့။ နီပေါင်ပိ ကိုယ်တော်ယေရှုလော့ ရှိမုန်ငါ "ကေ့ရိုင်တို့၊ ပိုင်ကြောင်းငိုဝေါနပါ တိုဝါဟော့စလော့ နောင်နိလော့ ငိုးမမ်းနိုင်းထောက်ကာ ချောင်ငဲ့ ကေ့တပည့်တော်ဝဲ့ အဖြစ်လူးဝိုင်းတောတ် စုလအယ်" သိမ်အမိန့်တော်မူတို့။ 11အနီပုန်ပိ ယနိလော့ လွှေရဲ့ ကုန်းငါတောင်အလော့သဲ့ အမွက်ဟော့တကား လွှေရဲ့ငဟော့စွန့်အလော့သဲ့ ကိုယ်တော်နူးဝိုယနိစိပိတို့။
ကိုယ်တော်ယေရှုလော့ ချောင်ပေန်းနောတ်တာ ရောဂါအကျုပ်ရှောက်ကဟော့
(မဿဲ ၈.၁-၄။ မာကု ၁.၄၀-၄၅)
12ကိုယ်တော်ယေရှုငဟော့ မြို့မြို့ဝေါတ်တာအမော့နောက်ဒုန်းနာ ဟောနီမြို့ဝါ ခန္ဒာအုဝေါတ်လုံးဝါအနာလင်းရောဂါသိမ်ဟောက်ဂါမော့ဟော့ ပေါတ်နောတ်အမွက်။ ယလော့ကိုယ်တော်ယေရှု အမှုပိစလော့ ယရှေ့ယာဒူးထောက်လော့တဲ့ ယမော့စံငဟော့ဒိတ်ဝိုထိလော့တဲ့ "အရှင်၊ နောင်းအလိုနမွက်ကနို ကေ့ယဟော့ နကျုပ်ရှောက်ခုကြောင်းငို ကေ့အကူးပိတ်ကဲ့" သိမ်အတောင်းပန်အယ်တို့။
13အနီပုန်ပိ ကိုယ်တော်ယေရှုလော့ အကွက်တိုရှန်းအံလော့တဲ့ အနီးချောင်အကွက်ထိလော့သဲ့ "ကေ့လော့ နောင်းငါ အကုပိတ်ကိုင်း အလိုကမွက်ကြောင်းငို တိုဝါပနောင်းငဟော့ ရောဂါကကျုပ်ရှောက်ဟီ" သိမ်အဟောက်။ ဟောနီချိန်ဝါ ချက်ချင်းပ အနီချောင်ရောဂါဝဟော့ အကျုပ်လှိုင်းတို့။
14ကိုယ်တော်လော့ ယဝါ "နောင်းအကျုပ်ငဟော့နီးဝါဟော့ဟောက်ဝဲ့ သိ ဆိတ်လော့ဟော့ ပုရောဟိတ်ငွါ စိသိလော့တဲ့ ဆက်ဆေးအေးခွန့်ငဟော့ပိတ်ဘွေ။ နီပေါင်ပိ နောင်ရောဂါအကျုပ်ကြောင်းငို အပူဇော်ငဟော့အမှုငဟော့ စိုင်းဘွေ တစ်လောက်ကာနိုပုဝါနိုး ချောင်ငဲ့လော့ နောင်းရောဂါ ကျုပ်ငဟော့ ယနိမှတ်ဝဲ့" သိမ်အမိန့်တော်မူတို့။
15ဆိတ်လော့ဟော ကိုယ်တော်သတင်းနဟော့ ပိုလော့တဲ့ ပျံ့နှံကြောင်းငို ချောင်မနည်းလော့ဟော ကိုယ်တော်လော့ အစုပ်ဟောက်ဝဟော့ တရားဝဲ့ယနိလိုက်နာဝိုင့်တောတ်လော့ အနာရောဂါဝဲ့အကုပိတ်ဝဲကြောင်ဝိုင့် ကိုယ်တော်ငှာယနိဖိုးလူးတို့။ 16ဆိတ်လော့ဟော ကိုယ်တော်ယေရှုဝဟော့ တောကန္တာဒိတ်ကာ ရှုလော့သဲ့ မကြာခန ဆုတောင်းလော့တဲ့အမော့တို့။
ကိုယ်တော်ယေရှုလော့ လေပြတ်ဟော့အကူးပိတ်ငဟော့
(မဿဲ ၉.၁-၈။ မာကု ၂.၁-၁၂)
17နှုတ်တောတ်တာ ကိုယ်တော်ယေရှုလော့ အစုပ်ဟောက်တွန်နာ ဂါလိလဲပြည်၊ ယုဒပြည်ဝါမော့ငဟော့နန်းနဲ့ယာဟော့ လော့ဂျေရုဆလင်မြို့ဝါမွက်ဟော့ လူးဟော့ ဖာရိရှဲ #5.17 ဖာရိရှဲသိမ်ဟောက်ငဟော့ ဂရိဟောက်ခူဝို သီးသန့်ခွဲဟော့ချောင်ငဲ့၊ ဟေဘရုးဘာသာတို ခွဲဟော့ချောင်ငဲ့၊ သီးသန့်အုံးဟော့ သိမ်မလ။ ယေရှုခရစ်တော်ကာလဝါ ထိုချောင်ငဲ့ငဟော့ ဘာသာရေးအာဏာဝို အဖွဲ့အုဝေါတ်လောက်ကာ ရပ်တည်လော့တဲ့ ယလော့ဦးတည်ဟော့နိုးပုဝါ ကွဲလွဲလော့တဲ့ နောက်ပိုင်းဝါ ဘာသာရေး ဟန်ဆောင်အလော့စိုင်းဟော့ချောင်အဖြစ်ရဲ့လော့ကျမ်းဟယ်ဟော့ဆရာဝဲ့လော့ ဟောလူးအူလော့တဲ့ အနီနေရာဝါ ငုံးအလော့ယနိမွက်။ ဘုရားရှင်လော့ ကိုယ်တော်ဝါ ချောင်ငဲ့အနာရောဂါအကျုပ်ကိုင်းတောတ် တန်ခိုးတော်ဝဟော့ ကိုယ်တော်ယေရှုဝါ အပိတ်။ 18ကိုယ်တော်ယေရှုအနီရာမွက်တွန်နာ ချောင်တချို့လော့ စိတ်ဟော့ချောင်ပေန်းနောတ် ကိုယ်တော်ရှေ့ယာ ယနိလူး။ ချောင်တစ်ချို့လော့ ဒေါင်းငါတောင်အလော့သဲ့ အင်းဒိက်ကာ လူအလော့သဲ့ ကိုယ်တော်ရှေ့ယာ ယနိချောက်ကိုင်း ယနိကြိုးစား။ 19ဆိတ်လော့ဟော ယငဟော့ ချောင်ပုရိသတ်သဲ့အများလွတ်ကြောင်း ယငဟော့အင်းဒိတ်ကာ ယနိစီဝဲဟော့လောင်း ခွန်းနအွမ်အဖြစ်တို့။ နိလူးဝိုင်းယဟော့ ယငဟော့ အင်းတေ့ဝါ ကို့လော့တဲ့ အင်းတေ့ရာကွယ်အလော့ ချောင်ပုရိသတ်သဲ့အများ အလယ်ရာအမော့ဟော့ ကိုယ်တော်ယေရှုရှေ့ယာ ဒေါင်းငိုအတွက်တူဝါ ဖိုးအုံယနိချောက်။
20ယနိလော့မ် ရွမ်နောက်ငဟော့ အမှုခိုင်မာအလင်းနဟော့ ကိုယ်တော်လော့အမှုလာ့ပိစ အနီချောင်ငါ "မိတ်ဆွေရော၊ နောင်းအပြစ်ဒုစရိုက်ကဟော့ ကေ့လော့ခွင့်လှို့ပိတ်ဟီ" သိမ်အမိန့်တော်မှုတို့။ 21အနီပိစ ဖာရိရှဲရဲ့လော့ ကျမ်းဟယ်ဟော့ဆရာဝဲ့လော့ "နီလော့ကာ အဲလောက်ကာ စော်ကားလော့အဟောက်ဝိုး၊ ဘုရားရှင်ဝါဟော့လွှဲလော့တဲ့ နီးလော့ဟော့ ပေါငှားငဟော့ အပြစ်ဒုစရိုက်ဝဲ့ခွင့်လှို့ပိတ်ခုဝ" ယနိစိတ်ဒိတ်ကာ ယနိစဉ်းစားတို့။ 22ကိုယ်တော်လော့ ယနိစိတ်ကဟော့ယနိချင်းငဟော့ အမှတ်ကြောင်းငို "နောင်းနိ ပိုင်သိမ်နော နီလှောက်နောင်းနိခင်းလာ့တစ်ဝိုး။ 23နောင်းအပြစ်သာဟော့ 'နောင်းခွင့်လှို့နခွန်းအွမ်လာ့ဟီ' သိမ်ကဟောက်ဝဟော့လော့ 'ထောန်တလော့တဲ့ ကြောင်းအောင်ဝဲ့' သိမ် ကဟောက်ဝိုင်နပါ ဘောင်းငဟော့ ပိုလော့အလွေရိုး။ 24ဆိတ်လော့ ချောင်စိုးနော်#5.24 ယေရှုခရစ်တော်ငဟော့ ယလုံသယ အပိတ်နိုးအဖြစ်။ (ဒန်ရေလ ၇း၁၃၊ ဆာလံကျမ်း ၈း၄) လော့ နီကမ္ဘာပေါ်ဝါအမော့ငဟော့ အပြစ်ဒုစရိုက်ဟော့ ခွင့်လှို့ခုဝဲငဟော့ အဏာမော့နိ နောင်နိမှတ်ကေ့လော့ ပြဝဲ" သိမ်အဟောက်တို့။ နီပေါင်ပိစလော့ ဟောနီစိတ်ဟော့ချောင်ငဟော့ "နောင်းကာကေ့လော့ကဟောက်ဝဲ၊ ထော့ဝဲ့၊ နောင်းလော့ နအိနောက်ဒုန်း အင်နာပြန်ဝဲ့" သိမ်အမိန့်တော်မူတို့။ 25အလှောက်အဟောက်ပုန်ပိစ ချက်ချင်းပ အနီချောင်ငဟော့ ချောင်မနဲ့ရှေ့ယာ ယားလော့သဲ့ ယလော့အရှုန်းနောက်ဒွန်းဒေါင်း အကော့ပုန်ပိစ ဘုရားရှင် ချီးမွမ်းလော့သဲ့ ယအင်းနာအပြန်ဘော်။ 26ချောင်တကားလော့ အံ့ဩလော့တဲ့လို့သဲ့ ဘုရားရှင် ယနိချီးမွမ်းတို့။ ယနိယဟော့ ကေ့အေးအလော့သဲ့ "ကနိယဟော့ တနှုတ် ထူးဆန်းလော့မအံ့ဩလာ့ ဝဟော့အကြောင်းအရာ ကနိမှုလာ့ဟီ" သိမ်ယနိဟောက်။
ကိုယ်တော်ယေရှုလော့ လေဝိသိမ်အဘိတ်ငဟော့ အခွန်ခေါက်ဟော့ချောင်ငဟော့ ယတပည့်တော်အဖြစ်အဟယ့်ငဟော့
(မဿဲ ၉.၉-၁၃။ မာကု ၂.၁၃-၁၇)
27အနီအရာဝဲ့ ကိုယ်တော်ယေရှုဝဟော့ အနီနေရာဝဟော့ ရှုလော့သဲ့ လေဝိအမိန်မွက်ဟော့ အခွန်ကုတ်ဟော့ချောင်ပေန်းနောတ် အခွန်ကုတ်နောက်ဒွန်းသိုင်ရာ အငုံးငဟော့ အခွန်းပြီးစလော့။ ကိုယ်တော်လော့ဟော "ကေ့နှိုးဝိုအတွန်းအွမ်နဲ့" သိမ်အဟောက်။ 28အနီကြောင်းငို လေဝိငဟော့ ယအခွန်ကောက်ပဘဝငဟော့ စွန့်လှို့လော့ ကိုယ်တော်နှိုးဝို အတွန်းအွမ်တို့။ 29လေဝိငဟော့ ယအင်းနာ ကိုယ်တော်ယေရှုတောက် အေးအုပ်ဗုန်း ကြီးကယ်အလင်းငဟော့ စိုင်းပိတ်လော့တဲ့ အခွန်ကောက်အမနည်းလော့ အခြားအံကန်တုဝဲ့ဟော့ ယဝိုတွက်တူတူဝါ အအေးတို့။ 30ဖာရိရှဲရဲ့လော့ ကျမ်းဟယ်ဟော့ဆရာဝဲ့လော့ ကိုယ်တော် တပည့်တော်ဝဲ့ရာ "နောင်နိယဟော့ အခွန်ကုတ်ဟော့ချောင်ငဲ့၊ အရာအပြစ်မွက်ဟော့ချောင်ငဲ့ငိုဟော ပိုင်ကြောင်းငိုအတွက်တူဝါ နောင်နိအေးတဝိုး" သိမ်ကဲရက်လော့တဲ့ အပြစ်ဟောက်တို့။ 31ကိုယ်တော်လော့ ယနိယာနီလှောက်ကာအဖြေဘော် "ကာန်းဟော့ချောင်ငဲ့လော့ တလှိုင်ဆရာ အလိုဝိုင်ဆိတ်လာ့၊ ဆိတ်လော့ဟော ကာန်းငှားဟော့ချောင်ငဲ့လော့နော တလှိုင်ဆရာအလို။ 32ယလုံသဖြောင့်မတ်မှန်ကန်သိမ်ခင်းဟော့ချောင်တောက် ကေ့ကလူးဆိတ်က။ ဆိတ်လော့ဟော အပြစ်ဒုစရိုက်သားဝဲ့အတောတ် နောင်တယနိလာ့ဝိုင့်တောတ်နော ကေ့ကလူးနိုးအဖြစ်" သိမ်အမိန့်တော်မူတို့။
မောင်းဟောအေငှားတစ်အုံ ပတ်သက်လော့တဲံ့ကိုယ်တော်ယေရှုဝါ မေးခွန်းအစက်ငဟော့
(မဿဲ ၉.၁၄-၁၇။ မာကု ၂.၁၈-၂၂)
33နီပေါင်ပိ ချောင်တစ်ချို့လော့ ကိုယ်တော်ဝါ "ယောဟန်လော့ ယနှိုးဝိုတွန်းအွမ်ဟော့ချောင်ငဲ့ယဟော့ အေအုပ်တအုံဥပုသ် မကြာခဏ ယနိဆုတောင်းအောင်။ ဖာရိရှဲဝဲ့တပည့်ရဲ့ဟော အနလှောက်ကာနော၊ ဆိတ်လော့ဟော နောင်းတပည့်တော် ဝဲ့သဲ့ ပိုင်ကြောင်းငိုနောအေးအုပ်အလော့သဲ့ ယနိအွမ်းတဝိုး" သိမ်ယနိစက်။ 34ကိုယ်တော်ယေရှုလော့ "မင်္ဂလာဆောင်ပွေးဝါ မို့ဆို့ဝဲ့ရာ သတို့သားဝိုအတွက်တူဝါအမွက်တွန်နာ နောင်းနိလော့ မောင်းဟောအေးငှားတစ်အုံ စိုင်းခုဝဲမိုး။ တစ်လောက်ကာ ပသာဟောအစိုင်းဝဲ့ဆိတ်က။ 35ဆိတ်လော့ဟော သတို့သားဝဟော့ ယနိငှာဟော့ အဘိက်အိပ်ချိန်ငါ ယနိယဟော့အေအုပ်တအုံယနိအွမ်းနိုင်း" သိမ်အမိန့်တော်မူတို့။ 36အနီပုန်ပိ ကိုယ်တော်ယေရှုဝဟော့ ယနိယာပုံဥပမာအုဝတ်အထုံးပိတ် "နီလော့ဟော အောင်းကျီဆေးအဖာဝဲ့တောက် အောင်းကျီရှာအထာငဟော့ ထပ်ဝအွမ်။ တစ်လောက်ကာ အစိုင်းကနို အောင်းကျီထားငဟော့ အထပ်လအယ်ပါတောင်န အဖာငဟော့ အောင်းကျီးအထာငဟော့ဟော အောင်းကျီဆေးဝို အလိုက်ဖက်ဝဲ့ဆိတ်။ 37စပျစ်ဝိုင်အထာဟော့ ရောဘာပူး အဖိုင်ဒုတ်ကာ နီလော့ဟောထိုက်ရအို့။ အလှောက်ကာအထိုက်ကနို စပျစ်ဝိုင်အထာလော့ သားရေအိတ်အဖင်နဟော့ အပေါက်နောက်ခုကြောင်းငို စပျစ်ဝိုင်ဟော့ ဘူးမာက်လော့သဲ့ သားရေဘူးဟော အပျက်စီးမာက်ကိုင်း။ 38စပျစ်ဝိုင်အထာဟော့ ရေသန်းဘူးအထာဝိုနိုး မထိုက်လာ့ဝိုင့်။ 39စပျစ်ဝိုင်အဖင်နဟော့ အုတ်ဟော့ချောင်ငဟော့ 'စပျစ်ဝိုင်အဖင်နဟော့ပိုလော့ အအက်သိမ်' ဟောက်လော့ စပျစ်ဝိုင်အထာဝဟော့ အအုပ်ဒူဝိုင့်ဆိတ်လာ့" သိမ်အမိန့်တော်မူတို့။
वर्तमान में चयनित:
လုကာ 5: CEY
हाइलाइट
शेयर
कॉपी
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.
လုကာ 5
5
အခန်း (၅)
ကိုယ်တော်ယေရှုပထမဆုံး တပည့်ဝဲ့
(မဿဲ ၄.၁၈-၂၂။ မာကု ၁.၁၆-၂၀)
1နှုတ်တောတ်တာ ကိုယ်တော်ယေရှုဝဟော့ ဂင်္နေသရက်တွီးအောင်း#5.1 ဂါလိလဲတွီးအောင်းသိမ်ဟော့မဟောက်။ စိမ်းငါ အရားတွန်းနာ ချောင်အွပ်သဟော့ ဘုရားရှင်နှုတ်ကပတ်တော်တရားဟော့ ယောက်အုံသိမ် ကိုယ်တော်ပတ်ပတ်လည်ယာ ယနိစုအုလူးတို့။ 2ကိုယ်တော်ယေရှုဝဟော့ ကမ်းနားဝါ ခင်လော့အွမ်းဟော့ ငိုးမမ်းဟော့လွှေညှောင်းဟိအမှုတို့။ တံငါတည်လော့ဟော လွှေယာဟော့ ကွမ်းလော့တဲ့ ငိုးမန်းပေါက်ငဟော့ အပွတ်တို့။ 3အနီပိစ ကိုယ်တော်ယဟော့လွှေညှောင်းဟိတ်ဒီတ်ကာဟော့ ရှိမုန်လွှေဒိက်ကာကော်လော့တဲ့ ရှမုန်လွှေငဟော့ ကမ်းနားဝါဟော့ နိုက်စအော်အခွာဝဲတောက်အမိန့်ပိတ်တို့။ အနီပုန်ပိ ကိုယ်တော်ဝဟော့ လွှေယာငုံလော့တဲ့ ချောင်ငဲ့ငါဆက်လော့သဲ့အစုပ်ဟော့တို့။
4ကိုယ်တော်လော့ဟောပြောပုန်ပိစလော့ ရှိမုန်ငါ "လွှေယဟော့ တွီးအထုတ်ပေါတ်တို လှောင်ရှောက်လော့ ငိုးမမ်းနိုင်းတောတ် နောင်းပေါက်ချောက်ကဲ့" သိမ်အဟောက်။
5ရှိမုန်လော့ "ဆရာဝိုး၊ ကနိလော့ ညမ်းနောတ်ဆက် ကြိုးစားအလော့ ငိုးမန်းအိုလော့ဟော ငိုးထိပ်ကောတ်ဟောအုပ်က။ ဆိတ်လော့ဟော ဆရာလော့နဟောက်ကြောင်း ပေါက်ကဟော့ ထောက်ဟူလော့ကချောက်ကိုင်း" သိမ်အဟောက်ဘော်။
6နီပေါင်ပိ ငိုးမမ်းနောက်ဒွန်းပေါက်ကဟော့ အချောက်ပြီးစလော့ ပေါက်ငဟော့ သပ်ဝေါ့အုံ ငိုမနည်းယနိမန်းလတို့။ 7အနီကြောင်းငို ယနိလော့ အရာလွှေယာ မွက်ဟော့ ပေါက်ဆမို့ ပူးဝဲ့ယာ ယနိယာအကူညီခုဝိုင့်တောတ်အချက်ပြအာတို့။ ယနိ ဖိုးလူးအလော့သဲ့ လွှေညှောင်းဟိယာ ငိုးယနိထိုက်ယာ ယနိလွှေအမြုပ်ဝိုင့်လှောက်ကာ အဖြစ်လူးလှိုင်း။
8နီအဖြစ်အပျက်သဲ့ ရှိမုန်ပေတရု#5.8 ရှိမုန်ငဟော့ ကိုယ်တော်လော့ ပေတရု သိမ်ဟော ဘိက်အိပ်လော့သဲ့ ဟေဘရူးပေါလ်ဝို လုံးသောက်သိမ် မလာ့။ ဟောနီအဖြစ်ငဟော့အမှုပုန်ပိလော့ ကိုယ်တော်ယေရှုရှေ့ဝါ ဒူးထောက်လော့သဲ့ "အရှင်၊ ကေ့ယဟော့ အပြစ်မွက်ဟော့ချောင်ကဖြစ်ကြောင်းငို ကေ့ငှာဟော့ အလှို့ဝါစိဘွေ" သိမ်အဟောက်။ 9ဘယ်သိမ်ကြောင်းငိုဝေါနိုးပုဝါ ယလော့ ချောင်တကားဟော ယနိလော့မမ်းလာ့ဝဟော့ ငိုးဝဲ့ကြောင်းငို အံ့ဩအလော့ပွယ့်ငှားအုံ ယနိဖြစ်လှိုင်း။ 10ယနိဒိက်ကာ ရှိမုန်ပုတ်ပွေးဖြစ်ဟော့ ၊ဇေဗေဒဲစိုးပေန်းဟိဖြစ်ဟော့ ယာကုပ်လော့ယောဟန်ဟော ယဟိအံဩတို့။ နီပေါင်ပိ ကိုယ်တော်ယေရှုလော့ ရှိမုန်ငါ "ကေ့ရိုင်တို့၊ ပိုင်ကြောင်းငိုဝေါနပါ တိုဝါဟော့စလော့ နောင်နိလော့ ငိုးမမ်းနိုင်းထောက်ကာ ချောင်ငဲ့ ကေ့တပည့်တော်ဝဲ့ အဖြစ်လူးဝိုင်းတောတ် စုလအယ်" သိမ်အမိန့်တော်မူတို့။ 11အနီပုန်ပိ ယနိလော့ လွှေရဲ့ ကုန်းငါတောင်အလော့သဲ့ အမွက်ဟော့တကား လွှေရဲ့ငဟော့စွန့်အလော့သဲ့ ကိုယ်တော်နူးဝိုယနိစိပိတို့။
ကိုယ်တော်ယေရှုလော့ ချောင်ပေန်းနောတ်တာ ရောဂါအကျုပ်ရှောက်ကဟော့
(မဿဲ ၈.၁-၄။ မာကု ၁.၄၀-၄၅)
12ကိုယ်တော်ယေရှုငဟော့ မြို့မြို့ဝေါတ်တာအမော့နောက်ဒုန်းနာ ဟောနီမြို့ဝါ ခန္ဒာအုဝေါတ်လုံးဝါအနာလင်းရောဂါသိမ်ဟောက်ဂါမော့ဟော့ ပေါတ်နောတ်အမွက်။ ယလော့ကိုယ်တော်ယေရှု အမှုပိစလော့ ယရှေ့ယာဒူးထောက်လော့တဲ့ ယမော့စံငဟော့ဒိတ်ဝိုထိလော့တဲ့ "အရှင်၊ နောင်းအလိုနမွက်ကနို ကေ့ယဟော့ နကျုပ်ရှောက်ခုကြောင်းငို ကေ့အကူးပိတ်ကဲ့" သိမ်အတောင်းပန်အယ်တို့။
13အနီပုန်ပိ ကိုယ်တော်ယေရှုလော့ အကွက်တိုရှန်းအံလော့တဲ့ အနီးချောင်အကွက်ထိလော့သဲ့ "ကေ့လော့ နောင်းငါ အကုပိတ်ကိုင်း အလိုကမွက်ကြောင်းငို တိုဝါပနောင်းငဟော့ ရောဂါကကျုပ်ရှောက်ဟီ" သိမ်အဟောက်။ ဟောနီချိန်ဝါ ချက်ချင်းပ အနီချောင်ရောဂါဝဟော့ အကျုပ်လှိုင်းတို့။
14ကိုယ်တော်လော့ ယဝါ "နောင်းအကျုပ်ငဟော့နီးဝါဟော့ဟောက်ဝဲ့ သိ ဆိတ်လော့ဟော့ ပုရောဟိတ်ငွါ စိသိလော့တဲ့ ဆက်ဆေးအေးခွန့်ငဟော့ပိတ်ဘွေ။ နီပေါင်ပိ နောင်ရောဂါအကျုပ်ကြောင်းငို အပူဇော်ငဟော့အမှုငဟော့ စိုင်းဘွေ တစ်လောက်ကာနိုပုဝါနိုး ချောင်ငဲ့လော့ နောင်းရောဂါ ကျုပ်ငဟော့ ယနိမှတ်ဝဲ့" သိမ်အမိန့်တော်မူတို့။
15ဆိတ်လော့ဟော ကိုယ်တော်သတင်းနဟော့ ပိုလော့တဲ့ ပျံ့နှံကြောင်းငို ချောင်မနည်းလော့ဟော ကိုယ်တော်လော့ အစုပ်ဟောက်ဝဟော့ တရားဝဲ့ယနိလိုက်နာဝိုင့်တောတ်လော့ အနာရောဂါဝဲ့အကုပိတ်ဝဲကြောင်ဝိုင့် ကိုယ်တော်ငှာယနိဖိုးလူးတို့။ 16ဆိတ်လော့ဟော ကိုယ်တော်ယေရှုဝဟော့ တောကန္တာဒိတ်ကာ ရှုလော့သဲ့ မကြာခန ဆုတောင်းလော့တဲ့အမော့တို့။
ကိုယ်တော်ယေရှုလော့ လေပြတ်ဟော့အကူးပိတ်ငဟော့
(မဿဲ ၉.၁-၈။ မာကု ၂.၁-၁၂)
17နှုတ်တောတ်တာ ကိုယ်တော်ယေရှုလော့ အစုပ်ဟောက်တွန်နာ ဂါလိလဲပြည်၊ ယုဒပြည်ဝါမော့ငဟော့နန်းနဲ့ယာဟော့ လော့ဂျေရုဆလင်မြို့ဝါမွက်ဟော့ လူးဟော့ ဖာရိရှဲ #5.17 ဖာရိရှဲသိမ်ဟောက်ငဟော့ ဂရိဟောက်ခူဝို သီးသန့်ခွဲဟော့ချောင်ငဲ့၊ ဟေဘရုးဘာသာတို ခွဲဟော့ချောင်ငဲ့၊ သီးသန့်အုံးဟော့ သိမ်မလ။ ယေရှုခရစ်တော်ကာလဝါ ထိုချောင်ငဲ့ငဟော့ ဘာသာရေးအာဏာဝို အဖွဲ့အုဝေါတ်လောက်ကာ ရပ်တည်လော့တဲ့ ယလော့ဦးတည်ဟော့နိုးပုဝါ ကွဲလွဲလော့တဲ့ နောက်ပိုင်းဝါ ဘာသာရေး ဟန်ဆောင်အလော့စိုင်းဟော့ချောင်အဖြစ်ရဲ့လော့ကျမ်းဟယ်ဟော့ဆရာဝဲ့လော့ ဟောလူးအူလော့တဲ့ အနီနေရာဝါ ငုံးအလော့ယနိမွက်။ ဘုရားရှင်လော့ ကိုယ်တော်ဝါ ချောင်ငဲ့အနာရောဂါအကျုပ်ကိုင်းတောတ် တန်ခိုးတော်ဝဟော့ ကိုယ်တော်ယေရှုဝါ အပိတ်။ 18ကိုယ်တော်ယေရှုအနီရာမွက်တွန်နာ ချောင်တချို့လော့ စိတ်ဟော့ချောင်ပေန်းနောတ် ကိုယ်တော်ရှေ့ယာ ယနိလူး။ ချောင်တစ်ချို့လော့ ဒေါင်းငါတောင်အလော့သဲ့ အင်းဒိက်ကာ လူအလော့သဲ့ ကိုယ်တော်ရှေ့ယာ ယနိချောက်ကိုင်း ယနိကြိုးစား။ 19ဆိတ်လော့ဟော ယငဟော့ ချောင်ပုရိသတ်သဲ့အများလွတ်ကြောင်း ယငဟော့အင်းဒိတ်ကာ ယနိစီဝဲဟော့လောင်း ခွန်းနအွမ်အဖြစ်တို့။ နိလူးဝိုင်းယဟော့ ယငဟော့ အင်းတေ့ဝါ ကို့လော့တဲ့ အင်းတေ့ရာကွယ်အလော့ ချောင်ပုရိသတ်သဲ့အများ အလယ်ရာအမော့ဟော့ ကိုယ်တော်ယေရှုရှေ့ယာ ဒေါင်းငိုအတွက်တူဝါ ဖိုးအုံယနိချောက်။
20ယနိလော့မ် ရွမ်နောက်ငဟော့ အမှုခိုင်မာအလင်းနဟော့ ကိုယ်တော်လော့အမှုလာ့ပိစ အနီချောင်ငါ "မိတ်ဆွေရော၊ နောင်းအပြစ်ဒုစရိုက်ကဟော့ ကေ့လော့ခွင့်လှို့ပိတ်ဟီ" သိမ်အမိန့်တော်မှုတို့။ 21အနီပိစ ဖာရိရှဲရဲ့လော့ ကျမ်းဟယ်ဟော့ဆရာဝဲ့လော့ "နီလော့ကာ အဲလောက်ကာ စော်ကားလော့အဟောက်ဝိုး၊ ဘုရားရှင်ဝါဟော့လွှဲလော့တဲ့ နီးလော့ဟော့ ပေါငှားငဟော့ အပြစ်ဒုစရိုက်ဝဲ့ခွင့်လှို့ပိတ်ခုဝ" ယနိစိတ်ဒိတ်ကာ ယနိစဉ်းစားတို့။ 22ကိုယ်တော်လော့ ယနိစိတ်ကဟော့ယနိချင်းငဟော့ အမှတ်ကြောင်းငို "နောင်းနိ ပိုင်သိမ်နော နီလှောက်နောင်းနိခင်းလာ့တစ်ဝိုး။ 23နောင်းအပြစ်သာဟော့ 'နောင်းခွင့်လှို့နခွန်းအွမ်လာ့ဟီ' သိမ်ကဟောက်ဝဟော့လော့ 'ထောန်တလော့တဲ့ ကြောင်းအောင်ဝဲ့' သိမ် ကဟောက်ဝိုင်နပါ ဘောင်းငဟော့ ပိုလော့အလွေရိုး။ 24ဆိတ်လော့ ချောင်စိုးနော်#5.24 ယေရှုခရစ်တော်ငဟော့ ယလုံသယ အပိတ်နိုးအဖြစ်။ (ဒန်ရေလ ၇း၁၃၊ ဆာလံကျမ်း ၈း၄) လော့ နီကမ္ဘာပေါ်ဝါအမော့ငဟော့ အပြစ်ဒုစရိုက်ဟော့ ခွင့်လှို့ခုဝဲငဟော့ အဏာမော့နိ နောင်နိမှတ်ကေ့လော့ ပြဝဲ" သိမ်အဟောက်တို့။ နီပေါင်ပိစလော့ ဟောနီစိတ်ဟော့ချောင်ငဟော့ "နောင်းကာကေ့လော့ကဟောက်ဝဲ၊ ထော့ဝဲ့၊ နောင်းလော့ နအိနောက်ဒုန်း အင်နာပြန်ဝဲ့" သိမ်အမိန့်တော်မူတို့။ 25အလှောက်အဟောက်ပုန်ပိစ ချက်ချင်းပ အနီချောင်ငဟော့ ချောင်မနဲ့ရှေ့ယာ ယားလော့သဲ့ ယလော့အရှုန်းနောက်ဒွန်းဒေါင်း အကော့ပုန်ပိစ ဘုရားရှင် ချီးမွမ်းလော့သဲ့ ယအင်းနာအပြန်ဘော်။ 26ချောင်တကားလော့ အံ့ဩလော့တဲ့လို့သဲ့ ဘုရားရှင် ယနိချီးမွမ်းတို့။ ယနိယဟော့ ကေ့အေးအလော့သဲ့ "ကနိယဟော့ တနှုတ် ထူးဆန်းလော့မအံ့ဩလာ့ ဝဟော့အကြောင်းအရာ ကနိမှုလာ့ဟီ" သိမ်ယနိဟောက်။
ကိုယ်တော်ယေရှုလော့ လေဝိသိမ်အဘိတ်ငဟော့ အခွန်ခေါက်ဟော့ချောင်ငဟော့ ယတပည့်တော်အဖြစ်အဟယ့်ငဟော့
(မဿဲ ၉.၉-၁၃။ မာကု ၂.၁၃-၁၇)
27အနီအရာဝဲ့ ကိုယ်တော်ယေရှုဝဟော့ အနီနေရာဝဟော့ ရှုလော့သဲ့ လေဝိအမိန်မွက်ဟော့ အခွန်ကုတ်ဟော့ချောင်ပေန်းနောတ် အခွန်ကုတ်နောက်ဒွန်းသိုင်ရာ အငုံးငဟော့ အခွန်းပြီးစလော့။ ကိုယ်တော်လော့ဟော "ကေ့နှိုးဝိုအတွန်းအွမ်နဲ့" သိမ်အဟောက်။ 28အနီကြောင်းငို လေဝိငဟော့ ယအခွန်ကောက်ပဘဝငဟော့ စွန့်လှို့လော့ ကိုယ်တော်နှိုးဝို အတွန်းအွမ်တို့။ 29လေဝိငဟော့ ယအင်းနာ ကိုယ်တော်ယေရှုတောက် အေးအုပ်ဗုန်း ကြီးကယ်အလင်းငဟော့ စိုင်းပိတ်လော့တဲ့ အခွန်ကောက်အမနည်းလော့ အခြားအံကန်တုဝဲ့ဟော့ ယဝိုတွက်တူတူဝါ အအေးတို့။ 30ဖာရိရှဲရဲ့လော့ ကျမ်းဟယ်ဟော့ဆရာဝဲ့လော့ ကိုယ်တော် တပည့်တော်ဝဲ့ရာ "နောင်နိယဟော့ အခွန်ကုတ်ဟော့ချောင်ငဲ့၊ အရာအပြစ်မွက်ဟော့ချောင်ငဲ့ငိုဟော ပိုင်ကြောင်းငိုအတွက်တူဝါ နောင်နိအေးတဝိုး" သိမ်ကဲရက်လော့တဲ့ အပြစ်ဟောက်တို့။ 31ကိုယ်တော်လော့ ယနိယာနီလှောက်ကာအဖြေဘော် "ကာန်းဟော့ချောင်ငဲ့လော့ တလှိုင်ဆရာ အလိုဝိုင်ဆိတ်လာ့၊ ဆိတ်လော့ဟော ကာန်းငှားဟော့ချောင်ငဲ့လော့နော တလှိုင်ဆရာအလို။ 32ယလုံသဖြောင့်မတ်မှန်ကန်သိမ်ခင်းဟော့ချောင်တောက် ကေ့ကလူးဆိတ်က။ ဆိတ်လော့ဟော အပြစ်ဒုစရိုက်သားဝဲ့အတောတ် နောင်တယနိလာ့ဝိုင့်တောတ်နော ကေ့ကလူးနိုးအဖြစ်" သိမ်အမိန့်တော်မူတို့။
မောင်းဟောအေငှားတစ်အုံ ပတ်သက်လော့တဲံ့ကိုယ်တော်ယေရှုဝါ မေးခွန်းအစက်ငဟော့
(မဿဲ ၉.၁၄-၁၇။ မာကု ၂.၁၈-၂၂)
33နီပေါင်ပိ ချောင်တစ်ချို့လော့ ကိုယ်တော်ဝါ "ယောဟန်လော့ ယနှိုးဝိုတွန်းအွမ်ဟော့ချောင်ငဲ့ယဟော့ အေအုပ်တအုံဥပုသ် မကြာခဏ ယနိဆုတောင်းအောင်။ ဖာရိရှဲဝဲ့တပည့်ရဲ့ဟော အနလှောက်ကာနော၊ ဆိတ်လော့ဟော နောင်းတပည့်တော် ဝဲ့သဲ့ ပိုင်ကြောင်းငိုနောအေးအုပ်အလော့သဲ့ ယနိအွမ်းတဝိုး" သိမ်ယနိစက်။ 34ကိုယ်တော်ယေရှုလော့ "မင်္ဂလာဆောင်ပွေးဝါ မို့ဆို့ဝဲ့ရာ သတို့သားဝိုအတွက်တူဝါအမွက်တွန်နာ နောင်းနိလော့ မောင်းဟောအေးငှားတစ်အုံ စိုင်းခုဝဲမိုး။ တစ်လောက်ကာ ပသာဟောအစိုင်းဝဲ့ဆိတ်က။ 35ဆိတ်လော့ဟော သတို့သားဝဟော့ ယနိငှာဟော့ အဘိက်အိပ်ချိန်ငါ ယနိယဟော့အေအုပ်တအုံယနိအွမ်းနိုင်း" သိမ်အမိန့်တော်မူတို့။ 36အနီပုန်ပိ ကိုယ်တော်ယေရှုဝဟော့ ယနိယာပုံဥပမာအုဝတ်အထုံးပိတ် "နီလော့ဟော အောင်းကျီဆေးအဖာဝဲ့တောက် အောင်းကျီရှာအထာငဟော့ ထပ်ဝအွမ်။ တစ်လောက်ကာ အစိုင်းကနို အောင်းကျီထားငဟော့ အထပ်လအယ်ပါတောင်န အဖာငဟော့ အောင်းကျီးအထာငဟော့ဟော အောင်းကျီဆေးဝို အလိုက်ဖက်ဝဲ့ဆိတ်။ 37စပျစ်ဝိုင်အထာဟော့ ရောဘာပူး အဖိုင်ဒုတ်ကာ နီလော့ဟောထိုက်ရအို့။ အလှောက်ကာအထိုက်ကနို စပျစ်ဝိုင်အထာလော့ သားရေအိတ်အဖင်နဟော့ အပေါက်နောက်ခုကြောင်းငို စပျစ်ဝိုင်ဟော့ ဘူးမာက်လော့သဲ့ သားရေဘူးဟော အပျက်စီးမာက်ကိုင်း။ 38စပျစ်ဝိုင်အထာဟော့ ရေသန်းဘူးအထာဝိုနိုး မထိုက်လာ့ဝိုင့်။ 39စပျစ်ဝိုင်အဖင်နဟော့ အုတ်ဟော့ချောင်ငဟော့ 'စပျစ်ဝိုင်အဖင်နဟော့ပိုလော့ အအက်သိမ်' ဟောက်လော့ စပျစ်ဝိုင်အထာဝဟော့ အအုပ်ဒူဝိုင့်ဆိတ်လာ့" သိမ်အမိန့်တော်မူတို့။
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Chin, Ekai (အီကိုင်(လ်) Bible by Beyond Translation is licensed under Creative Commons Attribution-ShareAlike 4.0 License.