Matiyew 24
24
Yezu a ɓada ma da mbəzley ma 'Ay me key Kuley
(Mk 13.1-4; Lk 21.5-7)
1Yezu ma bawa da 'Ay me key Kuley, andza a daw aha təŋga na, gawla ŋga hay ma gurafama, ma ɓafəmara har ka mezley ma 'Ay me key Kuley ana. 2Ŋga ma mbəɗafatara kava, ma ləvatar: «Ka nəkadama tek a neney hay tabiyaha kakay ɗaw? I ɓadakwar dərka na, ndaw a da nəkada ha ŋgwa ma tsarzla ha ka 'ar ma ŋgwa ka sləna na, dakay, tabiyaha a da mbəzley ba hele hele.» 3Andza ma ndza ha da mamba ma Tetəɗez na, gawla ŋga hay ma gurafama, ma zəlama gədzah, ma ləvamar: «Äadandar ɗagay, tek a neney hay a da kam andza neney na, varay? Zeheɗ ma ma da mawa ɗek, ta ma da ndəvey ma bəla na na, varay?.»
Yezu a ɓada vərom ta tsetseh ma da sawa na
(Mk 13.5-13; Lk 21.8-19)
4Yezu ma mbəɗatar kava: «Wam daw ka vaw, hayna ndaw ka da zləgadakwar zlay. 5Hərway ndaw hay a da səmawa haɗadzidzay, da mezəley ɗaw, a da ləvəmakwar: ‹Yah na, Ndaw Bay'ərlam ma vahara 'ar ana›, a da zləgaɗəmata ndaw hay haɗadzidzay. 6Ka da tsənadama a tsəma ha ka vərom, dakay na a ləvam waya a kam aha vərom. Wam daw ka vaw! Ka da wasam zlay, hərway hayna tek ana ka key andza ha təŋga, amana ŋga na na, har ma me ndəvey tsaray kakay. 7Hərway ndaw ma dala naŋgar ta ndaw ma dala naŋgar a da vəzam ka vaw. Slala ta slala naŋgar a da vəzam ka vaw. Da slam sa na hay na, may a da key, dala a da dederey. 8Na ŋga na tabiyaha na, kal kal andza ma ŋgwas ma zlar ma ndelemey da zləbeŋ ana. 9Arka na a da mbəkafəmakwar har a viya, a da kəɗəmakwar vagay ahiya. Ndaw Zuif ahiya kakay ana hay tabiyaha, a da ŋgəladəmakwar aha dey kakay kavəday ma mezəley ɗaw; 10arka tok na, ndaw hay haɗadzidzay a da mam ta dəba. A da haɗəkam vaw ka 'ar vaw ta na hay, a da ŋgəlam aha dey a vaw ka 'ar vaw ta na hay, kakay. 11Ndaw sek maləwaɗay ana hay haɗadzidzay a da bəmawa, a da zləgaɗəmata ndaw hay haɗadzidzay. 12Hərway ma tek haya kakay ana me səkey adiya adiya ana na na, ma wuɗa vaw ma ndaw hay haɗadzidzay a da mətsey 'ar. 13Ama ndaw me key matandəroŋ ha ka me ndəvey na, ndaw ana ŋga na na, a da buwama. 14Mey a neney Hayna Wayna ma Slala ma 'ərlam ana na, a da tələkadama mey ka bəla tabiyaha; ndaw Zuif ahiya kakay ana hay tabiyaha a da ndzafam seydewe ŋga na. Arka tok na, ma da sawa na me ndəvey ŋga na.
Tek me gegətsey ’ar
(Mk 13.14-23; Lk 21.20-24)
15Andza kendzey kuray ka nəkadama tek Haya kakay ana me gegətsey ndaw ana ba da ’Ay me Kuley kokwaɗ ana andza ma ndaw sek Daniyel me tsey kava zlezley na na, - hayna ndaw ma dzaŋgey ana na, ka tsənada!-, 16arka ndaw na taya da Zudey ana hay na, hayna ka hwam a mamba hay. 17Haɗaw ndaw ana ma ndza ha ka mapar na, ka da hərɗawa ma da zəgawa tek aŋga da 'ay zlay. 18Haɗaw ndaw ana ŋga da ley na, ka da mawa a mbaw, ma da zəgaɓa zana ma memeɗ aŋga zlay. 19Da har ana ŋga na na, ŋgwas ta bəzey da hwoɗ ana hay, dakay na, ta bəzey ka har ana hay na, ka tuwam vaw ta! 20Ɗulam mey na, ma ha da hwam ta har ma memeɗ kusey, dakay na ta pas ma mesley zlay. 21Tsetseh ana a da key na kambəlaɓa. Tsetseh ana ŋga na na, ɗaɗa ka kawa andza ha daha tsaray kakay, zla da mezley ma bəla, ha kasl ekəɗey. Yaw, a da key aha andza ha dasakay. 22Hana na ka takətsafama meney ana hay zlay na, ndaw ma da ləhada mendzey ŋga na dakay. Ama a da takətsafama meney ana hay ba na, hərway ma ndaw ma gaɗəma na hay. 23Arka tok na, kendzey ndaw a ləvakwar: ‹Ndaw Bay'ərlam ma vahara 'ar ana, ŋga kəɗey!› dakay na: ‹Ŋga tay na›, ka da təɓama zlay! 24Akwa na ndaw ma vaha ’ar maləwaɗay ana hay, ta ndaw sek maləwaɗay ana hay, a da lətsəmawa, a da kam zeheɗ me gegətsey ndaw ana hay ta ɗeɗew hay, ma ka zləgaɗəmata ndaw hay. Kendzey hana a key vaw na, ta ndaw ma gaɗəmata na hay dzay. 25Nəkafama, i ka ɓadakwar ba ka vaw.
Ma da sawa ma Bəzey ma Ndaw
(Mk 13.24-31; Lk 17.23-24; 21.25-31)
26Kendzey andza a ləvəmakwar: ‹ŋga tay da palah na, ka da dam zlay›, kendzey a ləvəmakwar: ‹ŋga da bəzay 'ay na›, ka da təɓama ka mevel a kwar zlay. 27Akwa a da key na, andza ma yam meweteɗey ma zlərawa da bəzay me wezley dey, kasl a mey ŋgwa na na, ma da sawa ma Bəzey ma Ndaw na, a da key na andza ha tok. 28Kendzey vagay ka slam ana daha tsana, magwadok hay a tsəham 'ar kava. 29Nekəɗey a dəba ma viya ma pas ana ŋga na hay na, pas a da ndermeɗey, kiya a da wuɗey sakay. Wurzla hay a da kuyəmawa ba da 'ərlam. Maram ma tek ma 'ərlam hay a da dadaram. 30Arka tok na, zeheɗ ma Bəzey ma Ndaw a da ɓawa vaw da 'ərlam. Arka mendzey ma ndaw ma səkway ma dala hay tabiyaha, a da pam har dzoŋ a 'ar. A da nəkadama Bəzey ma Ndaw a sawa ha da dey ma pazlay da ’ərlam, da ma slafa ŋga tabiya ha, ta maram aŋga tabiyaha na. 31A da sləradata madurlam aŋga hay, ta mezezeŋ ɗuhwa hiya, da tsakay lam hay faɗ ata hiya ka halay ma həzlay ma ’ərlam zla da tsakay naŋgar kasl a naŋgar na, a da tsəhadəmata 'ar ta ndaw aŋga ma gaɗəma na hay. 32Tsənadama bəzay ma guma neney ma maladama ta vəɗe tek ana ɗagay: ka nəkadama andza mey ma hawal ŋga na hay ləɓaw ahiya, ɓaslah ana hay a ɗaɗam ahiya na, ka səradama gwadavay a gurawa ha. 33Kuray ana tiyatsa na andza aha tsa, andza kuray ka nəkadəmata tek a neney hay ba tabiyaha na, a kam aha andza neney na, sərafama har ma Bəzey ma Ndaw ka slawa tsoy, ŋga bəse ka mey ma mbaw kwar. 34I ɓadakwar dərka na, ndaw ma bəla neney hay a da ndəvam aha, mandzara tek a neney hay ka husəmawa kakay. 35Dala ta ndasl ma 'ərlam na, a da davasam, ama guma ɗaw hay na, ɗaɗa a da davasam aha tikay.
Yezu a wunata ndaw hay ka ndzam tsekerkerre
(Mk 13.32, 35; Lk 17.26-27, 34-35; 12.39-40)
36Ama pas ana ta har ana na ndaw ma sərada na dakay, kwa madurlam ma 'ərlam hay, kwa Bəzey ana, kwa ndaw ma sərada na dakay, sey Baba na asləta dada. 37Tek ma kawa da har ma Noey ana na, ma da sawa ma Bəzey ma Ndaw na, a da key na andza ha atsa. 38Andza papəlay ka sawa tsaray kakay na, ndaw hay a zəmam tek, a sam zom, a zəgam kokwa, a vəlam dem hay 'ay zel, ha kasl ka pas ma Noey me fuləkwey a kombiwal, 39taya ka səram ka vaw kakay, ha kasl ka pas ma yam ma sawa ma vadata ba tabiyaha: ma da sawa ma Bəzey ma Ndaw na, a da key na, andza ha tiyatsa. 40Arka mawal hay tsew da ley na, a zəgam asləta a mbəkadama naŋgar. 41Ŋgwas hay tsew a kəram aha ka ver na, a zəgam asləta a mbəkadama naŋgar. 42Ndzam tsekerkerre zləna, hərway ka səradama ha pas ma Bay’ərlam a kwar ma da sawa na kakay seŋgey. 43Ka səradama ha seŋgey, kendzey bay ma 'ay a sərada ha mahal a da sawa 'ay ŋga ma lam kəɗey kəɗey ma dəvaɗ na, sey a ndzey ta dey, a tsukura zləna, a mbəkar tsəveɗ a mahal, ka sləla 'ay ŋga kakay seŋgey. 44Nəkafama ka vəday a mey na, kuray tiyatsa na, ndzam tsekerkerre zləna, hərway pas ma ma da sawa ma Bəzey ma Ndaw na, ka har aŋga na kuray ka səradama kakay ana.
Gawla ma 'ay hayna ta na hayakakay ana
(Lk 12.42-46)
45Ɗagay gawla ma 'ay hayna na na waray? Na hayna ma sərada tek ana, kendzey andza bay ma 'ay ŋga ka pada ba, me nəkey dey ka sa ma gawla sana hay, ka vəladatara tek me zəmey kassla ka har ana. 46Gawla ma ’ay ana hana na ŋga da wuiya, kendzey bay ma 'ay ana a sawa, a ndzafa a key aha mber ana na. 47I ɓadakwar dərka na, a da pada me nəkey dey ka zleley ŋga hay tabiyaha. 48Ama, haɗaw gawla ma 'ay hayakakay ana tey na, a ləvey da mevel aŋga: ‹Bay ma 'ay ɗaw ana a rawa ha ləma sana›, 49a zlatar ma mbatsata me kəɗey a sa ma gawla na ma kam mber dzaya na hay, a zəmey tek, a sey zom aŋga hay andza ndaw ma 'ay zom hay, 50bay ma 'ay ma gawla na hana na a da sawa na ta pas aŋga na a huta ha kakay ana, da har aŋga na a sərada kakay ana. 51A da hara ba, a da həta na andza ma ndaw ta ’erneh da mey tsew ana hay, da huɗa na, ma tuway, ta me pəɗey sler.
वर्तमान में चयनित:
Matiyew 24: MOF
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun
Matiyew 24
24
Yezu a ɓada ma da mbəzley ma 'Ay me key Kuley
(Mk 13.1-4; Lk 21.5-7)
1Yezu ma bawa da 'Ay me key Kuley, andza a daw aha təŋga na, gawla ŋga hay ma gurafama, ma ɓafəmara har ka mezley ma 'Ay me key Kuley ana. 2Ŋga ma mbəɗafatara kava, ma ləvatar: «Ka nəkadama tek a neney hay tabiyaha kakay ɗaw? I ɓadakwar dərka na, ndaw a da nəkada ha ŋgwa ma tsarzla ha ka 'ar ma ŋgwa ka sləna na, dakay, tabiyaha a da mbəzley ba hele hele.» 3Andza ma ndza ha da mamba ma Tetəɗez na, gawla ŋga hay ma gurafama, ma zəlama gədzah, ma ləvamar: «Äadandar ɗagay, tek a neney hay a da kam andza neney na, varay? Zeheɗ ma ma da mawa ɗek, ta ma da ndəvey ma bəla na na, varay?.»
Yezu a ɓada vərom ta tsetseh ma da sawa na
(Mk 13.5-13; Lk 21.8-19)
4Yezu ma mbəɗatar kava: «Wam daw ka vaw, hayna ndaw ka da zləgadakwar zlay. 5Hərway ndaw hay a da səmawa haɗadzidzay, da mezəley ɗaw, a da ləvəmakwar: ‹Yah na, Ndaw Bay'ərlam ma vahara 'ar ana›, a da zləgaɗəmata ndaw hay haɗadzidzay. 6Ka da tsənadama a tsəma ha ka vərom, dakay na a ləvam waya a kam aha vərom. Wam daw ka vaw! Ka da wasam zlay, hərway hayna tek ana ka key andza ha təŋga, amana ŋga na na, har ma me ndəvey tsaray kakay. 7Hərway ndaw ma dala naŋgar ta ndaw ma dala naŋgar a da vəzam ka vaw. Slala ta slala naŋgar a da vəzam ka vaw. Da slam sa na hay na, may a da key, dala a da dederey. 8Na ŋga na tabiyaha na, kal kal andza ma ŋgwas ma zlar ma ndelemey da zləbeŋ ana. 9Arka na a da mbəkafəmakwar har a viya, a da kəɗəmakwar vagay ahiya. Ndaw Zuif ahiya kakay ana hay tabiyaha, a da ŋgəladəmakwar aha dey kakay kavəday ma mezəley ɗaw; 10arka tok na, ndaw hay haɗadzidzay a da mam ta dəba. A da haɗəkam vaw ka 'ar vaw ta na hay, a da ŋgəlam aha dey a vaw ka 'ar vaw ta na hay, kakay. 11Ndaw sek maləwaɗay ana hay haɗadzidzay a da bəmawa, a da zləgaɗəmata ndaw hay haɗadzidzay. 12Hərway ma tek haya kakay ana me səkey adiya adiya ana na na, ma wuɗa vaw ma ndaw hay haɗadzidzay a da mətsey 'ar. 13Ama ndaw me key matandəroŋ ha ka me ndəvey na, ndaw ana ŋga na na, a da buwama. 14Mey a neney Hayna Wayna ma Slala ma 'ərlam ana na, a da tələkadama mey ka bəla tabiyaha; ndaw Zuif ahiya kakay ana hay tabiyaha a da ndzafam seydewe ŋga na. Arka tok na, ma da sawa na me ndəvey ŋga na.
Tek me gegətsey ’ar
(Mk 13.14-23; Lk 21.20-24)
15Andza kendzey kuray ka nəkadama tek Haya kakay ana me gegətsey ndaw ana ba da ’Ay me Kuley kokwaɗ ana andza ma ndaw sek Daniyel me tsey kava zlezley na na, - hayna ndaw ma dzaŋgey ana na, ka tsənada!-, 16arka ndaw na taya da Zudey ana hay na, hayna ka hwam a mamba hay. 17Haɗaw ndaw ana ma ndza ha ka mapar na, ka da hərɗawa ma da zəgawa tek aŋga da 'ay zlay. 18Haɗaw ndaw ana ŋga da ley na, ka da mawa a mbaw, ma da zəgaɓa zana ma memeɗ aŋga zlay. 19Da har ana ŋga na na, ŋgwas ta bəzey da hwoɗ ana hay, dakay na, ta bəzey ka har ana hay na, ka tuwam vaw ta! 20Ɗulam mey na, ma ha da hwam ta har ma memeɗ kusey, dakay na ta pas ma mesley zlay. 21Tsetseh ana a da key na kambəlaɓa. Tsetseh ana ŋga na na, ɗaɗa ka kawa andza ha daha tsaray kakay, zla da mezley ma bəla, ha kasl ekəɗey. Yaw, a da key aha andza ha dasakay. 22Hana na ka takətsafama meney ana hay zlay na, ndaw ma da ləhada mendzey ŋga na dakay. Ama a da takətsafama meney ana hay ba na, hərway ma ndaw ma gaɗəma na hay. 23Arka tok na, kendzey ndaw a ləvakwar: ‹Ndaw Bay'ərlam ma vahara 'ar ana, ŋga kəɗey!› dakay na: ‹Ŋga tay na›, ka da təɓama zlay! 24Akwa na ndaw ma vaha ’ar maləwaɗay ana hay, ta ndaw sek maləwaɗay ana hay, a da lətsəmawa, a da kam zeheɗ me gegətsey ndaw ana hay ta ɗeɗew hay, ma ka zləgaɗəmata ndaw hay. Kendzey hana a key vaw na, ta ndaw ma gaɗəmata na hay dzay. 25Nəkafama, i ka ɓadakwar ba ka vaw.
Ma da sawa ma Bəzey ma Ndaw
(Mk 13.24-31; Lk 17.23-24; 21.25-31)
26Kendzey andza a ləvəmakwar: ‹ŋga tay da palah na, ka da dam zlay›, kendzey a ləvəmakwar: ‹ŋga da bəzay 'ay na›, ka da təɓama ka mevel a kwar zlay. 27Akwa a da key na, andza ma yam meweteɗey ma zlərawa da bəzay me wezley dey, kasl a mey ŋgwa na na, ma da sawa ma Bəzey ma Ndaw na, a da key na andza ha tok. 28Kendzey vagay ka slam ana daha tsana, magwadok hay a tsəham 'ar kava. 29Nekəɗey a dəba ma viya ma pas ana ŋga na hay na, pas a da ndermeɗey, kiya a da wuɗey sakay. Wurzla hay a da kuyəmawa ba da 'ərlam. Maram ma tek ma 'ərlam hay a da dadaram. 30Arka tok na, zeheɗ ma Bəzey ma Ndaw a da ɓawa vaw da 'ərlam. Arka mendzey ma ndaw ma səkway ma dala hay tabiyaha, a da pam har dzoŋ a 'ar. A da nəkadama Bəzey ma Ndaw a sawa ha da dey ma pazlay da ’ərlam, da ma slafa ŋga tabiya ha, ta maram aŋga tabiyaha na. 31A da sləradata madurlam aŋga hay, ta mezezeŋ ɗuhwa hiya, da tsakay lam hay faɗ ata hiya ka halay ma həzlay ma ’ərlam zla da tsakay naŋgar kasl a naŋgar na, a da tsəhadəmata 'ar ta ndaw aŋga ma gaɗəma na hay. 32Tsənadama bəzay ma guma neney ma maladama ta vəɗe tek ana ɗagay: ka nəkadama andza mey ma hawal ŋga na hay ləɓaw ahiya, ɓaslah ana hay a ɗaɗam ahiya na, ka səradama gwadavay a gurawa ha. 33Kuray ana tiyatsa na andza aha tsa, andza kuray ka nəkadəmata tek a neney hay ba tabiyaha na, a kam aha andza neney na, sərafama har ma Bəzey ma Ndaw ka slawa tsoy, ŋga bəse ka mey ma mbaw kwar. 34I ɓadakwar dərka na, ndaw ma bəla neney hay a da ndəvam aha, mandzara tek a neney hay ka husəmawa kakay. 35Dala ta ndasl ma 'ərlam na, a da davasam, ama guma ɗaw hay na, ɗaɗa a da davasam aha tikay.
Yezu a wunata ndaw hay ka ndzam tsekerkerre
(Mk 13.32, 35; Lk 17.26-27, 34-35; 12.39-40)
36Ama pas ana ta har ana na ndaw ma sərada na dakay, kwa madurlam ma 'ərlam hay, kwa Bəzey ana, kwa ndaw ma sərada na dakay, sey Baba na asləta dada. 37Tek ma kawa da har ma Noey ana na, ma da sawa ma Bəzey ma Ndaw na, a da key na andza ha atsa. 38Andza papəlay ka sawa tsaray kakay na, ndaw hay a zəmam tek, a sam zom, a zəgam kokwa, a vəlam dem hay 'ay zel, ha kasl ka pas ma Noey me fuləkwey a kombiwal, 39taya ka səram ka vaw kakay, ha kasl ka pas ma yam ma sawa ma vadata ba tabiyaha: ma da sawa ma Bəzey ma Ndaw na, a da key na, andza ha tiyatsa. 40Arka mawal hay tsew da ley na, a zəgam asləta a mbəkadama naŋgar. 41Ŋgwas hay tsew a kəram aha ka ver na, a zəgam asləta a mbəkadama naŋgar. 42Ndzam tsekerkerre zləna, hərway ka səradama ha pas ma Bay’ərlam a kwar ma da sawa na kakay seŋgey. 43Ka səradama ha seŋgey, kendzey bay ma 'ay a sərada ha mahal a da sawa 'ay ŋga ma lam kəɗey kəɗey ma dəvaɗ na, sey a ndzey ta dey, a tsukura zləna, a mbəkar tsəveɗ a mahal, ka sləla 'ay ŋga kakay seŋgey. 44Nəkafama ka vəday a mey na, kuray tiyatsa na, ndzam tsekerkerre zləna, hərway pas ma ma da sawa ma Bəzey ma Ndaw na, ka har aŋga na kuray ka səradama kakay ana.
Gawla ma 'ay hayna ta na hayakakay ana
(Lk 12.42-46)
45Ɗagay gawla ma 'ay hayna na na waray? Na hayna ma sərada tek ana, kendzey andza bay ma 'ay ŋga ka pada ba, me nəkey dey ka sa ma gawla sana hay, ka vəladatara tek me zəmey kassla ka har ana. 46Gawla ma ’ay ana hana na ŋga da wuiya, kendzey bay ma 'ay ana a sawa, a ndzafa a key aha mber ana na. 47I ɓadakwar dərka na, a da pada me nəkey dey ka zleley ŋga hay tabiyaha. 48Ama, haɗaw gawla ma 'ay hayakakay ana tey na, a ləvey da mevel aŋga: ‹Bay ma 'ay ɗaw ana a rawa ha ləma sana›, 49a zlatar ma mbatsata me kəɗey a sa ma gawla na ma kam mber dzaya na hay, a zəmey tek, a sey zom aŋga hay andza ndaw ma 'ay zom hay, 50bay ma 'ay ma gawla na hana na a da sawa na ta pas aŋga na a huta ha kakay ana, da har aŋga na a sərada kakay ana. 51A da hara ba, a da həta na andza ma ndaw ta ’erneh da mey tsew ana hay, da huɗa na, ma tuway, ta me pəɗey sler.
वर्तमान में चयनित:
:
हाइलाइट
शेयर
कॉपी
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun