Popularni biblijski stihovi od Mateo 3

Podijeli

Ku laus ha mighinulsul kaw en hu mga salà nuy ipaahà haena pinaagi hu maayad ha buhat.

Amin lageng ha napuun diyà ta langit ha tagyanaen, “Iyan en haini pinalanggà ku ha Batà ha tigkabayà-bayà ku.”

Su mabautismuwan en si Jesus guminaun haena. Dayun sagunà napuwaan sa langit daw naahà din sa Balaan ha Ispiritu ha sinugù hu Dios ha agkailing hu salapati ha migbulus diyà ta kandin.

“Diyà a ta wahig agpamautismu inyu ha iyan timaan ha nahinulsulan nuy en sa mga salà nuy. Ba amin pa makadini ha labaw dì kanak ta bisan sa pag-uwit hu sapatus din kenà a gayed angayan duun. Sa kandin ha igbautismu iyan sa paulinan kaw kandin hu Balaan ha Ispiritu daw masunug sa madaet diyan ta inyu.

Sa tagpamilay andam en hu pagpilay hu mga kayu. Sa kayu ha madaet sa bunga din agpilayen daw bigsuli.

Si Juan iyan su tagsubayen hi Isaias sa prupita ha tagyanaen, “Amin etaw ha magkulahiay duun hu pinakabulung-bulung ha lugar ha magyanaen, ‘Andama sa ag-agiyan hu Ginuu daw tul-ida sa dalan.’”