Popularni biblijski stihovi od GIING'EETA 3

Podijeli

Iidu nea ghwadaah gatmooda gideaba geetida aamiy aba agita, ea gideaba aamiy aba gheanyanga, ea gideaba geeta iissa ghwaseach fih ak gwanyagu bareaynata uhuuda gageanu haghweagaaschi ak ghwaak; amang'ata ghoadaw mwaatkwa siyeadaanyi, ak ghwaak.

Asi abeeda ichibooda ea milmil ea ghang'al diyeanga sean mida dareabeeta ghayi sin NG'UTAMIIDA was ASEETA. Gwayeesha gatmooda, “Heapi ASEETA gwayi, ‘Adoayaaji geeta wassean mida jeeda boostaani’?”

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

Ng'ata gwayeesha gatmooda, “Gaydaahaat lajoadaang'u damanda jea jiilana, aba sawanadeeda gayjiila diibiga, nea seechmeadaang'u gaygagal siyeadaang'u, ak gaygoombalnyi.”

Aba gheawoocheanda gheamamdaang'u gajaga hamita ea eaghus ea nibiikti jeeda sigeeda, aba gideaba heeda ghayi ileabu; guwoosi sigeeda, ak gaybiikta jeeda sigeeda.”

Ng'ata gwayeesha ASEETA Adamu, “Asi ghamneawa iiniileeysiit ghuuta gatmoadaang'u, ak giyaagi haghweega geeta eayeeshiineey, ‘Adiyaagi,’ simwaashta ng'eanyiida aba badaydaang'u; gaygadiyeena aba uurda ak giyeagiischi aba jeeda eaweagaagu sean

Ak gwayeesha ASEETA niny, “Gwayeeshiineey ng'eaha gideaba guwoosi dawiish? Neada ea noayaaji haghweegeaba geetida eayeeshiineegwa adoayaagiin?”

Hean ghahoan siida; ak ghwayiin gayeewda boostaaneeda Edeeni geeruubajeega, ea ng'uta beasta yamwa geaw aba meadajeega sean, nea gafur naweeda gal geeta eaweega.

Gang'asa ng'eedeeda gatmoadaanyi gheawunga siguura Efa, aba gideaba niny gheamata buuneesean mida ng'eanyiida.