Vèsè popilè nan Bib la ki soti nan Matius 5

Pataje

Atawa somporengu lampu. Amun oko dulun co montin lampu, are aroh nutup eh ma kantang. Sobalik eh, are mandak lampu cioh nyan ika co sompolongah ina ngompandau kokon dulun nyan ponah lopo. Alogawi me co pio somporengu kopandau. Jadi, ikan sobulih nguan aang co pio nyan tohimo dulun ina iroh lian kitoeh hintang nara Mohotara co Tamam me nyan sorga.”

Ikan iyohco kopandau nyan dunia, samah isan kota nyan tungkui lungkuh co aroko lian tocuhuk.

Sanangboh dulun co atoieh bujur harus, awi are angar kito Mohotara daai.

Sanangboh dulun co daras bolingu bolum bujur nyan tohimo Mohotara. Are Sanang awi are angar tonyumpu daai.

Tapi Akuh mihi porentah cotuh indam me: Hopasiboh musuh me. Bodoaboh indan dulun co monganiaya iko.

“Sanangboh dulun co monggantung kobolum eh ma Mohotara, awi are iyohco anggota koluarga Korojaan Sorga!

Sanangboh dulun co mehen kolandah, Awi Mohotara angar nisi iroh sobagai kawan anak-Eh.

Sanang dulun co daras kojorung, awi are angar tomohibur daai.

Sanangboh dulun co tonganiaya tului bolum bujur nyan tohimo Mohotara. Are Sanang awi are iyohco anggota koluarga Korojaan Sorga!

Sanangboh dulun co pomasi ma dongai, awi Mohotara angar porahan komasi ma are.

Sanangboh ikan co tomohina, tonganiaya, tonondah jahat tului ikan umba Akuh. Hiah jaman sinan, kawan nabi Mohotara mahi tongompian isan iyoh. Jadi, jorih jerahboh awi ikan angar haba tombah bahai nyan sorga!”

Sanangboh dulun co morandah atoieh, Awi are angar empun bumi.

“Ikan iyohco kahing dunia. Tapi amun kahing jarin boleh, aroh mungkin tonguan mohoit kole. Kahing cioh aroh boguna bat. Maka, kahing cioh tomende leh paluh tonicak dulun.

Poko tului iyoh, jarin somporaka bat awi Tamam me nyan sorga somporaka ka.”

Antunmu sobulih pompaluh bujur. Amun atoimu mantun iyoh, mantunboh iyoh. Amun atoimu mantun aroh, iko mantun aroh. Aroh mantun labih hangki onon awi uras onon borasar ingkan Lacan Setan.”

“Ikan ocop ngoneh porentah Mohotara cotuh: mata kanti mata, kosing kanti kosing. Tapi Akuh mihi porentah cotuh indam me: Aroh maleh dulun umpi co jahat ma iko. Misal eh, amun dulun nampar sobian kontoummu nyoro ka sobian komuloimu.

Amun matan kontoum mu umpi iko bodosa, ngoluet eh luang mata cioh hintang mende eh! Awi, keleh iko niho ico ingkan anggota betimmu hangki kokon betimmu tomende hia ponah noraka daai. Amun silun kontoum umpi iko bodosa, notok hintang mende eh silu cioh! Keleh niho silum mu silai hangki kokon betimu muntam ponah noraka.”