Gimpuunan 15
15
Ti Kasunduan Diyus ag ni Abram
1Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.” 2Dapat magkun si Abram, “Panginuun Diyus, hintay kay pulus kanmu pirimyu sa kangku nu tugka taynguna unman aku may anak. Kang manugmana lang si Iliyisir taga Damasku. 3Dahil unman niyu aku pinakan-an anak, ti usa sa manga suruguun niku magtal-anakan ti manmana manga kasiyunan niku.”
4Magkun sa kanya ti Panginuun, “Balaw si Iliyisir ti manmana kanmu manga kasiyunan nu unman kanmu sadili di pag anak.” 5Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”
6Nagsarig sa Panginuun si Abram. Ag dahil sa kay pagsarig, ibinilang siya matadlung.
7Magkun waya siya tag sa kan Abram, “Aku ti Panginuun, ti nagsugu sa kanmu kuntay pag-ighit ginan sa Ur sakup manga Kaldiyu#15:7 Kaldiyu: Manga tawu mag-uli sa salatan (south) Babilunya. Sa uryan pag panahun, Kaldiyu yi kay mag-ingaran sa manga taga Babilunya. hampay ipakaun sa kanmu inda pag daga kanmu maapu.”
8Dapat magkun si Abram, “Panginuun Diyus, kabitay niku maalaman kuntay maapu niku inda?” 9Sinmagut ti Panginuun, “Darahi aku sitaay usa ka dumaraga baka, usa ka babayi kambing, ag usa ka lalaki karanidu, ti kada usa may idad tulu ka timpu. Bag-u pagdara diman kawu usa ka kurkuru ag kalampati.” 10Nakan dinara ngani inda tanan ni Abram sa Panginuun. Bag-u linapa niya ti kada usa ag ipinabugtang, magturupadan ti kada linapa. Ti kurkuru lang ag ti kalampati ti balaw niya linapa. 11Inmapun sa linapa manga hayup ti manga manuk magkaun namatay, dapat binugaw inda ni Abram.
12Pagka mag-isalup yi ti init, naturugan hamuuk si Abram ag dinurnan gid siya dala. 13Bag-u magkun sa kanya ti Panginuun, “Kanmu manga linahi pihu gid bumaliw day-uhan sa iba ka nasyun. Bumaliw suruguun sida ati ag payhin-payhinun sa sulud upat ka gatus ka timpu. 14Dapat parusahan niku ti sirbihan nida pag nasyun. Bag-u mighit sida sa tunda ginan pag nasyun dara ti mayamu pag kayamanan. 15Kawu waydi Abram, palawigun niku kanmu buhi ag mamatay kawu gurangun yi gid ag may kahusayan. 16Lumawuy dap ti upat ka sinulput bag-u di makabalik sitay kanmu manga linahi, dahil udwaya kang-ud ti kasalanan manga Amuriyu para parusahan sida ag palayasun sa inda pag daga.”
17Pagka nisalup yi ti init ag madlum yi, rargu may nakitan si Abram anglit mag-anus ag may sulu maglakaw sa karaw-an manga linapa hayup. 18Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis. 19Inda pag daga ti pag-ulian taynguna manga Kiniyu, Kinisiyu, Kadmuniyu, 20Hitiyu, Pirisiyu, Ripaimiyu, 21Amuriyu, Kananiyu, Girgisiyu, ag manga Hibusiyu.”
Chwazi Kounye ya:
Gimpuunan 15: HNN
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2023 by OMF International, Philippines
Gimpuunan 15
15
Ti Kasunduan Diyus ag ni Abram
1Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.” 2Dapat magkun si Abram, “Panginuun Diyus, hintay kay pulus kanmu pirimyu sa kangku nu tugka taynguna unman aku may anak. Kang manugmana lang si Iliyisir taga Damasku. 3Dahil unman niyu aku pinakan-an anak, ti usa sa manga suruguun niku magtal-anakan ti manmana manga kasiyunan niku.”
4Magkun sa kanya ti Panginuun, “Balaw si Iliyisir ti manmana kanmu manga kasiyunan nu unman kanmu sadili di pag anak.” 5Bag-u dinara siya Panginuun sa luwas ag magkun, “Bantayi nimu ti manga pamgasan sa langit; bilanga nu kaya nimu. Katunda diman kay kayamu kanmu linahi.”
6Nagsarig sa Panginuun si Abram. Ag dahil sa kay pagsarig, ibinilang siya matadlung.
7Magkun waya siya tag sa kan Abram, “Aku ti Panginuun, ti nagsugu sa kanmu kuntay pag-ighit ginan sa Ur sakup manga Kaldiyu#15:7 Kaldiyu: Manga tawu mag-uli sa salatan (south) Babilunya. Sa uryan pag panahun, Kaldiyu yi kay mag-ingaran sa manga taga Babilunya. hampay ipakaun sa kanmu inda pag daga kanmu maapu.”
8Dapat magkun si Abram, “Panginuun Diyus, kabitay niku maalaman kuntay maapu niku inda?” 9Sinmagut ti Panginuun, “Darahi aku sitaay usa ka dumaraga baka, usa ka babayi kambing, ag usa ka lalaki karanidu, ti kada usa may idad tulu ka timpu. Bag-u pagdara diman kawu usa ka kurkuru ag kalampati.” 10Nakan dinara ngani inda tanan ni Abram sa Panginuun. Bag-u linapa niya ti kada usa ag ipinabugtang, magturupadan ti kada linapa. Ti kurkuru lang ag ti kalampati ti balaw niya linapa. 11Inmapun sa linapa manga hayup ti manga manuk magkaun namatay, dapat binugaw inda ni Abram.
12Pagka mag-isalup yi ti init, naturugan hamuuk si Abram ag dinurnan gid siya dala. 13Bag-u magkun sa kanya ti Panginuun, “Kanmu manga linahi pihu gid bumaliw day-uhan sa iba ka nasyun. Bumaliw suruguun sida ati ag payhin-payhinun sa sulud upat ka gatus ka timpu. 14Dapat parusahan niku ti sirbihan nida pag nasyun. Bag-u mighit sida sa tunda ginan pag nasyun dara ti mayamu pag kayamanan. 15Kawu waydi Abram, palawigun niku kanmu buhi ag mamatay kawu gurangun yi gid ag may kahusayan. 16Lumawuy dap ti upat ka sinulput bag-u di makabalik sitay kanmu manga linahi, dahil udwaya kang-ud ti kasalanan manga Amuriyu para parusahan sida ag palayasun sa inda pag daga.”
17Pagka nisalup yi ti init ag madlum yi, rargu may nakitan si Abram anglit mag-anus ag may sulu maglakaw sa karaw-an manga linapa hayup. 18Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis. 19Inda pag daga ti pag-ulian taynguna manga Kiniyu, Kinisiyu, Kadmuniyu, 20Hitiyu, Pirisiyu, Ripaimiyu, 21Amuriyu, Kananiyu, Girgisiyu, ag manga Hibusiyu.”
Chwazi Kounye ya:
:
Pati Souliye
Pataje
Kopye
Ou vle gen souliye ou yo sere sou tout aparèy ou yo? Enskri oswa konekte
Copyright © 2023 by OMF International, Philippines