<div class="version vid1125 iso6393cwe" data-vid="1125" data-iso6393="cwe">
   <div class="book bkGEN">
      <div class="chapter ch4" data-usfm="GEN.4">
         <div class="label">4</div><div class="s"><span class="heading">Kaini na Abeli</span></div><div class="p"><span class="content">  </span><span class="verse v1" data-usfm="GEN.4.1"><span class="label">1</span><span class="content">Adamu kambandama Hawa muke wake, na kapata wimo. Kamweleka mwana wa chilume yatangigwe Kaini, nayo kalonga, &#8220;Kwa kutazigwa na Mndewa Mulungu nipata mwana wa chilume.&#8221; </span></span><span class="verse v2" data-usfm="GEN.4.2"><span class="label">2</span><span class="content">Hamwande kamweleka mwana imwenga zina jake Abeli. Abeli kakala mdimi wa ng'hondolo na Kaini kakala mulimi wa isi. </span></span><span class="verse v3" data-usfm="GEN.4.3"><span class="label">3</span><span class="content">Maabaho Kaini kagala mavuno yake yamwenga na kayalava kuwa nhosa kwa Mndewa Mulungu. </span></span><span class="verse v4" data-usfm="GEN.4.4"><span class="label">4</span><span class="content">Abeli nayo kagala nyama inogile na mavuta ya ng'hondolo wake wa mwanduso kwelekigwa kuwa nhosa. Mndewa Mulungu kanogelwa na Abeli na nhosa yake. </span></span><span class="verse v5" data-usfm="GEN.4.5"><span class="label">5</span><span class="content">Mbali Kaini hatogoligwe na Mndewa Mulungu na nhosa yake, ivo Kaini kengilwa na ludoko ng'hani, na kakwesa ng'hombali. </span></span><span class="verse v6" data-usfm="GEN.4.6"><span class="label">6</span><span class="content">Maabaho Mndewa Mulungu kamuuza Kaini, &#8220;Habali kuna ludoko fana ivo? Habali kukwesa ng'hombali? </span></span><span class="verse v7" data-usfm="GEN.4.7"><span class="label">7</span><span class="content">Vino uhatenda yanogile hutogoligwa bule? One uhatenda yehile, uhasanyi wokusepasepa muna ulwivi lwako, wokulonda kukutawala mbali kolondeka uuhume.&#8221;</span></span></div><div class="p"><span class="verse v7" data-usfm="GEN.4.7"><span class="content">  </span></span><span class="verse v8" data-usfm="GEN.4.8"><span class="label">8</span><span class="content">Maabaho Kaini kamulongela mdodo wake Abeli, &#8220;Chihite kumgunda.&#8221; Viwakalile kumgunda, Kaini kamzumhila mdodo wake na kamkoma.</span></span></div><div class="p"><span class="verse v8" data-usfm="GEN.4.8"><span class="content">  </span></span><span class="verse v9" data-usfm="GEN.4.9"><span class="label">9</span><span class="content">Maabaho Mndewa Mulungu kamuuza Kaini, &#8220;Kakulihi mdodo wako Abeli?&#8221;</span></span></div><div class="p"><span class="verse v9" data-usfm="GEN.4.9"><span class="content">Kamwidika, &#8220;Niye sivimanyile bule. Vino niye ndolezi wa mdodo wangu?&#8221;</span></span></div><div class="p"><span class="verse v9" data-usfm="GEN.4.9"><span class="content">  </span></span><span class="verse v10" data-usfm="GEN.4.10"><span class="label">10</span><span class="content">Maabaho Mndewa Mulungu kauza, &#8220;Kutenda choni? Damu ya mdodo wako ilinga fana dizi donililila kulawa muna uulongo. </span></span><span class="verse v11" data-usfm="GEN.4.11"><span class="label">11</span><span class="content">Kwaviya kumkoma mdodo wako na damu yake itika muna isi, weye koduwiligwa kulawa iisi youkala. </span></span><span class="verse v12" data-usfm="GEN.4.12"><span class="label">12</span><span class="content">One uhageza kulima ndiya, ulongo hawizakupatila chinhu chochose. Kwizawegela na kwizakuwa kwabule ukazi muna iisi.&#8221;</span></span></div><div class="p"><span class="verse v12" data-usfm="GEN.4.12"><span class="content">  </span></span><span class="verse v13" data-usfm="GEN.4.13"><span class="label">13</span><span class="content">Kaini kamulongela Mndewa Mulungu, &#8220;Nhaguso yangu iwa ndala na ibasanya siidaha hata kuipapa. </span></span><span class="verse v14" data-usfm="GEN.4.14"><span class="label">14</span><span class="content">Lola diyelo kuniwinga muna iisi inogile na kunisegeza haulongozi hako. Nizakuwa nabule ukazi na nowegela muna iisi yose, na munhu yoyose yondayaniwone kezanikoma.&#8221;</span></span></div><div class="p"><span class="verse v14" data-usfm="GEN.4.14"><span class="content">  </span></span><span class="verse v15" data-usfm="GEN.4.15"><span class="label">15</span><span class="content">Mbali Mndewa Mulungu kamwidika, &#8220;Aka. Munhu yoyose yondayamkome Kaini, kezalihilizigwa miyanza saba.&#8221; Maabaho Mndewa Mulungu kamwika nhale kumzuma yoyose yondayaiting'hane nayo, sekeyamkome. </span></span><span class="verse v16" data-usfm="GEN.4.16"><span class="label">16</span><span class="content">Kaini kahasegela ha Mndewa Mulungu na kakala isi itangigwa &#8220;Nodi&#8221;, niiyo ili ubanzi wa ulawilo wa zua wa Edeni.</span></span></div><div class="s"><span class="heading">Welesi wa Kaini</span></div><div class="p"><span class="verse v16" data-usfm="GEN.4.16"><span class="content">  </span></span><span class="verse v17" data-usfm="GEN.4.17"><span class="label">17</span><span class="content">Kaini kambandama muke wake, nayo kapata wimo na kamweleka Henoko. Maabaho Kaini kazenga bululu na kaditanga Henoko, zina da mwanage. </span></span><span class="verse v18" data-usfm="GEN.4.18"><span class="label">18</span><span class="content">Henoko kapata mwana na kamtanga zina jake Iladi; Iladi nayo kamweleka Mehuyaeli; Mehuyaeli kamweleka Mesusayeli, Mesusayeli kamweleka Lameki. </span></span><span class="verse v19" data-usfm="GEN.4.19"><span class="label">19</span><span class="content">Lameki kakala na wake waidi, imwe katangigwa Ada na imwenga katangigwa Zila. </span></span><span class="verse v20" data-usfm="GEN.4.20"><span class="label">20</span><span class="content">Ada kamweleka Yabali, yakalile tata wa wafugaji wokala muna yamahema. </span></span><span class="verse v21" data-usfm="GEN.4.21"><span class="label">21</span><span class="content">Ndugu yake kakala Yubali, iyo kakala tata wa wose wavina wila na wotowa vimbeta na vingodongodo. </span></span><span class="verse v22" data-usfm="GEN.4.22"><span class="label">22</span><span class="content">Zila nayo kamweleka Tubalikaini, yoyakalile muhunzi wa via vose va shaba na mazuma. Lumbu wa Tubalikaini katangigwa Nama.</span></span></div><div class="p"><span class="verse v22" data-usfm="GEN.4.22"><span class="content">  </span></span><span class="verse v23" data-usfm="GEN.4.23"><span class="label">23</span><span class="content">Lameki kawalongela wake zake,</span></span></div><div class="q"><span class="verse v23" data-usfm="GEN.4.23"><span class="content">&#8220;Ada na Zila nitegelezeni,</span></span></div><div class="q"><span class="verse v23" data-usfm="GEN.4.23"><span class="content">Mweye wake wa Lameki tegelezeni yonimulongelani</span></span></div><div class="q"><span class="verse v23" data-usfm="GEN.4.23"><span class="content">Niye nimkoma munhu kwaviya kaning'ha banha</span></span></div><div class="q"><span class="verse v23" data-usfm="GEN.4.23"><span class="content">Nimkoma imbwanga kwaviya kanilumiza.</span></span></div><div class="q"><span class="verse v23" data-usfm="GEN.4.23"><span class="content">  </span></span><span class="verse v24" data-usfm="GEN.4.24"><span class="label">24</span><span class="content">Ihawa Kaini kolihigwa miyanza saba,</span></span></div><div class="q"><span class="verse v24" data-usfm="GEN.4.24"><span class="content">Lameki kezalihigwa miyanza malongo saba na saba.&#8221;</span></span></div><div class="s"><span class="heading">Seti na Enosi</span></div><div class="p"><span class="verse v24" data-usfm="GEN.4.24"><span class="content">  </span></span><span class="verse v25" data-usfm="GEN.4.25"><span class="label">25</span><span class="content">Adamu kambandama kaidi muke wake, nayo keleka mwana wa chilume. Kalonga, &#8220;Mulungu kaning'ha mwana wa chilume badala ya Abeli, yoyakomigwe na Kaini.&#8221; Ivo kamtanga Seti. </span></span><span class="verse v26" data-usfm="GEN.4.26"><span class="label">26</span><span class="content">Seti nayo kapata mwana wa chilume, kamtanga Enosi. Baho wanhu wandusa kumtambikila Mndewa Mulungu.</span></span></div>
      </div>
   </div>
</div>

Adamu kambandama Hawa muke wake, na kapata wimo. Kamweleka mwana wa chilume yatangigwe Kaini, nayo kalonga, “Kwa kutazigwa na Mndewa Mulungu nipata mwana wa chilume.” Hamwande kamweleka mwana imwenga zina jake Abeli. Abeli kakala mdimi wa ng'hondolo na Kaini kakala mulimi wa isi. Maabaho Kaini kagala mavuno yake yamwenga na kayalava kuwa nhosa kwa Mndewa Mulungu. Abeli nayo kagala nyama inogile na mavuta ya ng'hondolo wake wa mwanduso kwelekigwa kuwa nhosa. Mndewa Mulungu kanogelwa na Abeli na nhosa yake. Mbali Kaini hatogoligwe na Mndewa Mulungu na nhosa yake, ivo Kaini kengilwa na ludoko ng'hani, na kakwesa ng'hombali. Maabaho Mndewa Mulungu kamuuza Kaini, “Habali kuna ludoko fana ivo? Habali kukwesa ng'hombali? Vino uhatenda yanogile hutogoligwa bule? One uhatenda yehile, uhasanyi wokusepasepa muna ulwivi lwako, wokulonda kukutawala mbali kolondeka uuhume.”
Maabaho Kaini kamulongela mdodo wake Abeli, “Chihite kumgunda.” Viwakalile kumgunda, Kaini kamzumhila mdodo wake na kamkoma.
Maabaho Mndewa Mulungu kamuuza Kaini, “Kakulihi mdodo wako Abeli?”
Kamwidika, “Niye sivimanyile bule. Vino niye ndolezi wa mdodo wangu?”
Maabaho Mndewa Mulungu kauza, “Kutenda choni? Damu ya mdodo wako ilinga fana dizi donililila kulawa muna uulongo. Kwaviya kumkoma mdodo wako na damu yake itika muna isi, weye koduwiligwa kulawa iisi youkala. One uhageza kulima ndiya, ulongo hawizakupatila chinhu chochose. Kwizawegela na kwizakuwa kwabule ukazi muna iisi.”
Kaini kamulongela Mndewa Mulungu, “Nhaguso yangu iwa ndala na ibasanya siidaha hata kuipapa. Lola diyelo kuniwinga muna iisi inogile na kunisegeza haulongozi hako. Nizakuwa nabule ukazi na nowegela muna iisi yose, na munhu yoyose yondayaniwone kezanikoma.”
Mbali Mndewa Mulungu kamwidika, “Aka. Munhu yoyose yondayamkome Kaini, kezalihilizigwa miyanza saba.” Maabaho Mndewa Mulungu kamwika nhale kumzuma yoyose yondayaiting'hane nayo, sekeyamkome. Kaini kahasegela ha Mndewa Mulungu na kakala isi itangigwa “Nodi”, niiyo ili ubanzi wa ulawilo wa zua wa Edeni.

Kaini kambandama muke wake, nayo kapata wimo na kamweleka Henoko. Maabaho Kaini kazenga bululu na kaditanga Henoko, zina da mwanage. Henoko kapata mwana na kamtanga zina jake Iladi; Iladi nayo kamweleka Mehuyaeli; Mehuyaeli kamweleka Mesusayeli, Mesusayeli kamweleka Lameki. Lameki kakala na wake waidi, imwe katangigwa Ada na imwenga katangigwa Zila. Ada kamweleka Yabali, yakalile tata wa wafugaji wokala muna yamahema. Ndugu yake kakala Yubali, iyo kakala tata wa wose wavina wila na wotowa vimbeta na vingodongodo. Zila nayo kamweleka Tubalikaini, yoyakalile muhunzi wa via vose va shaba na mazuma. Lumbu wa Tubalikaini katangigwa Nama.
Lameki kawalongela wake zake,
“Ada na Zila nitegelezeni,
Mweye wake wa Lameki tegelezeni yonimulongelani
Niye nimkoma munhu kwaviya kaning'ha banha
Nimkoma imbwanga kwaviya kanilumiza.
Ihawa Kaini kolihigwa miyanza saba,
Lameki kezalihigwa miyanza malongo saba na saba.”

Adamu kambandama kaidi muke wake, nayo keleka mwana wa chilume. Kalonga, “Mulungu kaning'ha mwana wa chilume badala ya Abeli, yoyakomigwe na Kaini.” Ivo kamtanga Seti. Seti nayo kapata mwana wa chilume, kamtanga Enosi. Baho wanhu wandusa kumtambikila Mndewa Mulungu.

Hallgasd meg Mwanduso 4