Népszerű bibliai igeversek innen: Zãa 15

Megosztás

Mamɛ má vɛ̃ɛ lida ũ, ámɛ á a gɔ̃naɔ ũ. Gbɛ̃́ pɔ naaa mɛ́ má naawà, ade a kãfĩakɛ maamaaɛ, asa á fɔ̃ pɔe kɛ ma saio.

Àɔ naa mapiwa lá má naawáwa. Ligɔ̃na lí fɔ̃ nɛ'ì ń azĩaoo, sema àɔ pɛa lidawa. Màaɛ apiɔ á fɔ̃ kãfĩakɛo, sema àɔ naaa baasio.

Tó á naaa mɛ́ ma yã ku á sɔ̃u, à pɔ pɔ á yei wabikɛ, í e.

Ámɛ i ma sɛo, mamɛ ma á sɛ́, mɛ́ ma á zĩ́ à gɛ́ kãfĩakɛi, kãfĩa pɔ aɔ ku, Mae Lua i á gba pɔ pɔ a a wabikɛ̀wa ń ma tɔ́o.

Tó gbɛ̃́ a wɛ̃ni kpà a gbɛ̃naɔ yãi, gbɛ̃e aɔ ye gbɛ̃́i dɛ beelao.

Ì gɔ̃na pɔ pɛaa nɛ'isai pii zɔ̃zɔ̃ɛ, ɔ̃ ì a nɛ'ina pii mibo, kɛ́ a nɛ'ia e kãfĩ yãi.

Yã pɔ má dìlɛɛ́n kɛ: Àɔ yekɔ̃i lá má yeáziwa.

Tó a kãfĩakɛ̀ maamaa, áɔ dɛ ma iwaɔ ũ sĩana, ma Mae i tɔbɔ.

Mamɛ má vɛ̃ɛ lí sĩande ũ, ma Mae mɛ́ vɛ̃ɛbude ũ.

Tó gbɛ̃́ naaao, wa aà vũaa, lá wì ligɔ̃na zɔ̃ wà vũaa à giigaga, wà sɛlɛ wà katɛu à tɛkũwaɛ.

Ma yãpiɔ òɛ́, kɛ́ á pɔ àɔ na lá ma pɔ nawa, á pɔna i kɛ zai.

Tó á ma yãdilɛaɔ kũa, á zɛa ń ma yeaázion we, lá má a Mae yãdilɛaɔ kũa mɛ́ má zɛa ń aà yeamaziowa.

Yã pɔ má dìlɛɛ́n kɛ: Àɔ yekɔ̃i.

Tó dũnia gbɛ̃ɔn á ũ, dɔ̃ dũnia yeázi. Lá ma á sɛ́ ma á bɔlɛ dũniau, á dɛ a gbɛ̃́ɔ ũo. Bee yãi dũnia zaiágu.