Népszerű bibliai igeversek innen: Lucas 5

Megosztás

Y yescotria que carjibó de araquerar, penó á Simon: Chala butér andré, ta chibela jires relíchis pa machorar.

Y rudelando Simon, le penó: Docurdo, sari la rachi abelamos sinado machorando, ta na abelamos lillado chichi: tama en tiri carema chibaré la relíchi. Y pur tereláron querdi ocolo, lilláron tan baro cocole de maches, que se asparababa la relíchi de ondolen.

Tama ó se chaló al torbergeli á manguelar á Un‐debél.

Na he abillado á acarar á os laches á aberuco, sino á os chores.

Y pur dicó Simon Pedro ocolo, se chibó á os pindrés de Jesus, penando: Erañó, chatueue de mangue, que sinelo manu choro.

Y Jesus les rudeló, y penó: A ocolas sos sinelan mistos, salamito no les sinela perfiné, sinó á ocolas sos sinelan nasalés.

Y lliguerando os berdes á chiquen, mequeláron o saro, ta le plastañáron.

Y anacó, que sinando andré yeque de ocolas fores, abilló manu perelalo de zarapia, y pur dicó á Jesus, se chibó mui por chiquen, y le mangó, penando: Erañó, si camelas, astisarelas chibarme lacho. Y ó bucharando la baste le pajabó, penando: Camelo: sinele ne‐prachindo. Y yescotria chaló de leste a zarapia.

Y trincho butér se balogó desquero chimusolano: y abillaba en berribuias a sueti pa junarle, y pa que protobolase ondoles de desqueres nasalipenes.