Népszerű bibliai igeversek innen: ໂຢຮັນ 13

Megosztás

ບັດນີ້ ເຮົາ​ມອບ​ກົດບັນຍັດ​ຂໍ້​ໃໝ່​ໃຫ້​ພວກເຈົ້າ​ຄື: ຈົ່ງ​ຮັກ​ຊຶ່ງກັນແລະກັນ ເຮົາ​ຮັກ​ພວກເຈົ້າ​ຢ່າງ​ໃດ ພວກເຈົ້າ​ກໍ​ຈົ່ງ​ຮັກ​ຊຶ່ງກັນແລະກັນ​ຢ່າງ​ນັ້ນ. ຖ້າ​ພວກເຈົ້າ​ຮັກ​ຊຶ່ງກັນແລະກັນ ທຸກຄົນ​ກໍ​ຈະ​ຮູ້​ວ່າ​ພວກເຈົ້າ​ເປັນ​ສາວົກ​ຂອງເຮົາ.”

ດັ່ງນັ້ນ ຖ້າ​ເຮົາ​ຜູ້​ເປັນ​ພຣະອົງເຈົ້າ ແລະ​ພຣະອາຈານ​ໄດ້​ລ້າງ​ຕີນ​ໃຫ້​ພວກເຈົ້າ​ສັນໃດ ພວກເຈົ້າ​ກໍ​ຄວນ​ລ້າງ​ຕີນ​ໃຫ້​ກັນແລະກັນ​ສັນນັ້ນ. ດ້ວຍວ່າ, ເຮົາ​ໄດ້​ວາງ​ແບບ​ຢ່າງ​ໄວ້​ໃຫ້​ພວກເຈົ້າ​ແລ້ວ ເພື່ອ​ໃຫ້​ພວກເຈົ້າ​ເຮັດ​ເໝືອນ​ດັ່ງ​ທີ່​ເຮົາ​ໄດ້​ເຮັດ​ແກ່​ພວກເຈົ້າ​ນັ້ນ.

ພຣະເຢຊູເຈົ້າ​ຕອບ​ເພິ່ນ​ວ່າ, “ເຈົ້າ​ບໍ່​ເຂົ້າໃຈ​ໃນ​ສິ່ງ​ທີ່​ເຮົາ​ເຮັດ​ຢູ່​ດຽວ​ນີ້, ແຕ່​ເຈົ້າ​ຈະ​ເຂົ້າໃຈ​ຕາມ​ພາຍຫລັງ.”

ເຮົາ​ບອກ​ເຈົ້າ​ທັງຫລາຍ​ຕາມ​ຄວາມຈິງ​ວ່າ, ຄົນ​ໃຊ້​ບໍ່​ຫ່ອນ​ໃຫຍ່​ກວ່າ​ນາຍ​ຂອງຕົນ ແລະ​ຜູ້​ທີ່​ຖືກ​ໃຊ້​ໄປ​ກໍ​ບໍ່​ຫ່ອນ​ໃຫຍ່​ກວ່າ​ຜູ້​ທີ່​ໄດ້​ໃຊ້​ຕົນ​ໄປ​ນັ້ນ.

ເມື່ອ​ເຈົ້າ​ທັງຫລາຍ​ຮູ້​ຄວາມຈິງ​ນີ້​ແລ້ວ ພວກເຈົ້າ​ເຮັດ​ຕາມ ພວກເຈົ້າ​ກໍ​ເປັນ​ສຸກ.

ດັ່ງນັ້ນ ພຣະອົງ​ຈຶ່ງ​ລຸກຂຶ້ນ​ຈາກ​ພາເຂົ້າ ແລ້ວ​ແກ້​ເສື້ອ​ຊັ້ນນອກ​ອອກ ແລະ​ໃຊ້​ຜ້າ​ມັດ​ແອວ. ແລ້ວ​ພຣະອົງ​ກໍ​ຖອກ​ນໍ້າ​ໃສ່​ຊາມ ແລະ​ເລີ່ມ​ລ້າງ​ຕີນ​ຂອງ​ພວກ​ສາວົກ ແລະ​ເຊັດ​ຕີນ​ຂອງ​ພວກເພິ່ນ​ດ້ວຍ​ຜ້າ​ມັດ​ແອວ​ນັ້ນ.