Népszerű bibliai igeversek innen: JOHAN 15

Megosztás

“Kei agrepgui ka hi a, nou ahiangte na hi uh. Kuapeuh keimah a om gige a, kei leng amah a ka om gigena, huai mah tampi in agah hi; keimah lou in bangmah na hihthei kei uhi.

Keimah ah om gige un, kei leng noumau ah ka om gige ding. Hiang, grepgui a a-om gige keileh amah in agah thei kei bang in, nou leng keimah a na om gige kei uleh, na gah thei kei ding uhi.

Nou keimah a na om gige ua, ka thu leng noumau a a-om gigeleh na ut peuh uh ngen un, nou a ding in hih in a-om ding hi.

Nou na hon tel kei ua, ke'n ka hon tel zaw hi, va gah ding leh na gah uh om gige ding in ka hon sep ahi; ka min a Pa kiang a na nget peuhmah uh ahon piakna ding in.

Mihing in alawm a dia ahinna apiak sang a itna thupizaw kuama'n anei kei.

Kei a hiang gah lou peuhmah alamang a; agah peuhmah tamsem agahna ding in ahahsiang hi.

Hiai ka thupiak ahi, ke'n nou ka hon it bang in, noumau leng ki-ittuah un.

Hiai ziak in tampi a na gah chiang un ka Pa pahtawi in a-om hi, huchi in ka nungzuite na hi ding uhi.

“Kei grepgui dik ka hi, ka Pa akempa ahi.

Mi kei a a-om gige keileh hiang bang a paihkhiak in a-om a, avuai hi; huan atawm ua mei ah apai ua, akang hi.

“Ka kipah noumau a a-om gige theihna ding in leh na kipah uh akimna ding in hiai thu na kiang uah ka gen ahi.

Nou ka thupiakte na zuih uleh ka itna ah na om gige ding uhi, ke'n ka Pa thupiakte ka zui a, a-itna a ka om gige mah bang in.

Hiaite ka hon thupiak ahi, ki-ittuah chiat un.

Nou khovel a hi le uchin, khovel in amah a a-it ding; khovel a kipan ka hon telkhiak zawk ziak in, khovel in nou ahon hua hi.