Népszerű bibliai igeversek innen: Shwèʼ 1

Megosztás

Ghə̀ŋ kɨ tò la, ghə̀ŋ na kiʼi kədyòʼ a zhʉ a kəzhwì kə ŋwoʼəkə vi li à ghə̀ŋ ə nshə̀ʼtə̀ dyʉ̀ nə̀ ntɨm jùŋ ghòm a Jelusalèm nə̀ a Judiyà no tsèm nə̀ Samalìyà bènə̀ a təshyə tə mbi tèn no tətsèm.”

Yesò bwènsə̀ gàʼ à vəwenə la, “A ko diʼ kəshi kəŋkə̀ ə ghə̀ŋ kɨ kətsi kì ko zhʉ yi a Tìʼ ghom tə ghʉ̀ nə̀ kədyòʼ kə wen kə.

Ando Yesò mbu wenə̀ vəwenə, kətsi kətsenkə vəwenə sə nzhɨ, ghə̀ chòsə̀ soʼ a vəwenə la, “Kə ghə̀ŋ à lù fa Jelusalèm luwèn. Ghə̀ŋ nkəʼtə̀ kəku kì a mà nshə̀ʼtə̀ à ghə̀ŋ la Tìʼ ghom nghʉ li la ghə̀ a ku à ghə̀ŋ. Joyn tə nku mu à viʼi tò nə̀ nkàntə̀ à mù alì luwèn à sə̀ diʼ mu, à fàŋ tò mətsì nshə̀ʼ alə̀ və nku mu à ghə̀ŋ nə̀ kəzhwì kə ŋwoʼəkə.”

Andìʼ ando Yesò yènə ngəʼ ghoʼo ə̀ pfʉ bè bwènsə̀ lù fa pfʉ, ghə̀ dìʼ wenə wen à viʼi ntɨm wen la yì lu li fa pfʉ nəmwèʼè. Ghə̀ ne a lì tò a jisə a jisə no aghayn à ghoʼoghə a tì mətsi məwum nkàʼ bè gàʼ à vəwenə kùmə soʼ fòyn Nyìngòŋ.

Ando ghə̀ ngaʼà nyʉ̀ a venə ə mwètə̀, Nyìngòŋ lyɨ̀ wen ə̀ kuʼsə a kàŋ vəwenə yenə ando ghə̀ kuʼu. Ghə̀ kuʼ alə̀ ə̀ lè a tì mbòʼsə.

Ando vəwenə mbu ki ando ghə̀ kuʼu dyʉ̀, à sətsèn lyʉmə vətsenvə tɨmə à vəwenə a mbyɨ̀ la vəbò mu və mòʼò ndisə sə fəfə la bʉ, ə̀ bèm à viʼi ntɨm Yesò vi la, “viʼi Galìlì, byìʼì ghò a ghə̀ŋ tɨmə̀ sə ki kuʼsə̀ nə̀ kaŋə alə̀ a? Yesò ghèn a və lyɨ̀ fà ghə̀ŋ a ntìntìn ghə̀ nkuʼ a kàŋ lə̀ lu be bwènə̀ vì tò a ji a ghə̀ŋ yì yen ghə̀ ndyʉ̀ fa tsu.”